30/11/2008

ناصر المايع + ندوة


كل الدولة مشلولة ليما بعد العيد

يعني هالاسبوع مو محسوب على الكويت

وماعندي شي اكتبه زود

بس عاجبني موضوع الأمة الأخير وهم عاجبني موضوع ساحة الصفاة وفريج سعود عن مهزلة تلفزيون الكويت

واهيا صايره برنامج الله معاهم مال الغزو مادري حياكم الله مادري شسمه

زين ما طلبوا هوسه من الكويتيات حق سمو الرئيس لأن رايح المطار

المهم، أهم موضوع بالنسبة لي اهوا موضوع الحكم الشرعي اللي طلعته مدونة حامي الديار مشكورة من وزارة الأوقاف
عن ناصر الصانع اللي طلع مايع بحكم الشرع

وقام بفعل لا يجوز شرعا

يعني من ينوب عن حدس بالأمة يفعل المحرمات

طبعا مو إسلوب حوارنا هذا لكن عشان اللي يتحاورون بهالمنطق ويحاججونا بهالمنطق هذا كلام وزارة الاوقاف عن ناصر الصانع


في ندوة يقيمها المنبر الديمقراطي اليوم الأحد الساعة 7 بديوان عبدالله النيباري بالضاحية اللي ما يدل ما عندي العنوان عشان ادلّيه

راح يحاضر فيها كل من : النيباري -دكتور محمد الفيلي -عبيد المطيري وعبدالرحمن العنجري

اي عن الأزمة السياسية الدستورية


وهذي مدونة يديدة اسمها فلنفكر زوروها

12 comments:

Bavaud said...

يا حليلهم الليبراليين الكويتيين
صاروا زليون تكتل
و كل اسبوع ندوة عند واحد
و عقب الفلاشات و التصفق
نطلع بعبارتين ولا ثلاث
دستور 62... و الحقوق المدنية و مادري شخرابيطه
طرشولنا هالسوالف مسج و فكونا وايد أبرك

والتيارات الإسلامية الى يوم ما سمعت انهم مسوين ندوة وحده! شغلهم شغل مخيمات غسيل دماغ، ومحاضرات عقب الصلاة

مع احترامي للتيارات الليبرالية، بس اللي قاظبينكم ديناصورات انتهت صلاحيتهم
طلعولنا قيادة شابة
ولكم في حزب المحافظين البريطاني بزعامة ديفيد كاميرون قدوة

الدســتور said...

ناصر المايع

بيصير محور في لجنة الظواهر السلبية

إمـرأة لا تُنسـى said...

الصانع
ياب الحجي حق نفسه.. خل يفجج عمره

Bad-Ran said...

طلع مايع :)

ملاحظة: دخلت موقع وزارة الأوقاف ، و حطيت رقم الفتوى و لقيتها ، بس لما ادخل على الفتوى يطلعلي ان الفتوى مو موجودة .. الظاهر الجماعة شالوها

Anonymous said...

Meno Eshoof Kuwait Tv ?!
Wala Tawni adree ena fee nas laial7een etab3a :)


Shoofay ana Adiil wain mokan el nadwa bas bel wa9f bas ele a3arfa ena el tha7ya block 4 :)

ele bedish men shari3 el 7ub ( bas haa da5lat el eshara )
ya5ith awal foog ta7at o eliif
a5er lafa ymeen o ekamiiil seeeda lain eliif feeeh el shari3 o yelga madrisat yousef bin 3esa 3al yesar yed5al yemeen ra7 elif feeh el shari3 o yelga el dewan 3al yesar :)


o ele bedish men 5a6 el ma6ar
ya5ith awal yemeen o ra7 et9eer yousef bin 3esa 3ala yemeena
ya5ith yesar o ekamil lain elif feeh el sharii3 o yelga el bait
3al yesar :)


o ele bedish men el malik fahad ekamil seeda o ya5ith a5ir foog ta7at o edish yemeen o 3end yousef ben 3esa ya5ith yesar o lain elif feeh el shari3 yelga el bait 3ala el yesar :)

ele bedish men el da2iri el awal
ya5ith yemeen o yamshi lain ye6la3 men '3e63a wa7ed o ya5ith el u turn o edish yemeen o eshoof yousef ben 3esa 3ala yeemeena elif yesar :)

Mohammad Al-Yousifi said...

ندوة عن شنو

Anonymous said...

اخوج الجي خل يهوس
بدل الترقص بالدواوين

فريج سعود said...

ليش كاتبة اسمي بالاخضر ؟

انتي طائفية

Mozart said...

بسكم اعتصامات و ندوات قلدو الاسلاميين و شوفو شلون يوصلون لمبتغاهم من غير هالامور

ديرة بطيخ said...

ديرة بطيخ

المتهـافت said...

جم مايع صار عندنا؟ ناصر الصانع وخليفة علي الخليفة والقائمة في ازدياد...

المشكلة ليست في "الميوعه" اذا جازت التسمية، المشكلة في من يأتي بفعل وينهى عن مثلة وهذا عيب على من يفعله وعار..

اختي دانة هل لديكي تصور عن انفراج الازمة؟ اذا نعم ارجوا ان تشاركينا هذه التوصيات

ودمتي بحرية وبود..

7amee elDyar said...

اشكر بيت القرين للاشارة لمدونتي

بس احب انوه

ان الفتوى ليست عن ناصر الصانع

وانما بشكل عام عن حكم الرجل يرقص العرضه مع نساء سافرات !


اذا كان ناصر الصانع وقع في حكم الفتوى فهذي مشكلته


لا تقاطعينا المدونة

وشكرا