17/11/2008

خل يولون



هذا حل الرياضة من عاشق وطن

بس طبعا ما راح يصير

بس عشان تعرفون الدولة ما تبي تمشي

ولا ماكو اسهل من ان ناصر المحمد وحكومته يلزمون الأندية بالتوقيع على هالعريضة ونلعب بكاس الخليج وغيره

اي صج اذا الحكومة طبقت قوانين الدولة بالرياضة

انا مستعده اراهن راح ناخذ كاس الخليج

المهم

أمس قلت بموضوع بعنوان الفالي

تقدرون تقرونه تحت هالموضوع اذا ما كنتوا قارينه ان المسألة بسيطة

اذا الفالي عليه قيد امني فلازم يطلع حتى لو صارخ القلاف وعاشور وغيرهم

اما اذا ما عليه اي شي فخل يقعد حاله حال اي وافد

والكل من المعلقين اتفق معاي او الغالبية العظمى من المعلقين ان صح التعبير

طيب أمس العقيد محمد الصبر الناطق الرسمي باسم الداخلية شقال

قال الناطق الرسمي باسم وزارة الداخلية العقيد محمد الصبر ان 'السيد باقر سيد احمد راغب زادة لديه اقامة صالحة لغاية عام 2011 وعند دخوله البلاد يوم 13 نوفمبر الجاري ابلغ من السلطات الامنية بانه غير مرغوب باستمراره للاقامة في البلاد'.واضاف الصبر في تصريح لوكالة الانباء الكويتية (كونا) انه 'بعد التحقيق معه حول هذا الامر طلب مهله لانهاء كافة ارتباطاته والتزاماته وقد اعطي مهلة الى يوم الخميس المقبل لمغادرة البلاد

يقول عند الفالي اقامة صالحة ليما 2011 بس غير مرغوب باستمراره للاقامة؟؟؟؟

انزين عيل شالمشكلة

يعني مقيم بصفة قانونية بس لان الطبطبائي وهايف ومحمد المطير ما يبونه يقعد ما يقعد؟؟؟

شهالديرة؟؟؟

لحّد يصوّر لكم إن الصراع الحاصل شيعي سنّي

الصراع ترى سلفي قانوني مو أكثر

أبي الطبطبائي شدعوة منتقل تشيلسي على هالصورة؟؟؟

تذكرون ب 2004 لما ستار اكاديمي سووا حفلة بارض المعارض؟؟

أيام بشار وصوفيا وخلاوي وبرونو يا زينه من ولد برونو كان خوش ربّة بيت

بذيك الايام كان في سلف من طقة وليد وربعه ما يبون ستار اكاديمي يسوون حفلة

او حتى يوطوطون الديرة

يعني كان حالهم حال الفالي غير مرغوب فيهم على قولة الصبر

بالنسبة حق بعض الناس

بس كان في حكومة تحمر العين وقتها

كانت مو مخلية السلف يفرضون رايهم غصب طيب

وعلى فكرة وعلى الرغم من تشابه قضية ستار اكاديمي وقضية الفالي

ستار اكاديمي بالنسبة للسلف دعاة فسق وفجور

والفالي داعي لكره الصحابة

والطبطبائي كان عنصر مشترك بالرفضين

رفض ستار اكاديمي ورفض الفالي

الا ان ورجعوا لأرشيف ذيك السنة ما تجرأ بكلمة استجواب لرئيس الوزرا

بس اليوم يقدم الاستجواب وعالراحة

والسبب شنو

ان هناك شخص يسمى ناصر المحمد معطيهم ويه وايد

وخايف يمارس اختصاصاته

الفالي ما عليه شي على كلام الداخلية اذا الفالي يقعد

مهما تكلم هايف او الطبطبائي او حتى لو وصل الأمر ان المطير يتكلم

ما علينا وباختصار خل يولون

هالبلد بلد قانون

بغى الطبطبائي او ما بغى

لو كان وجود الفالي خرق قانوني كلنا نوقف مع الطبطبائي وهايف بس مو مع المطير

لكن وجوده قانوني اذا يولون وماكو كلمة أذرب منها

طبعا أنا قاعده اقول المفروض

لكن الواقع ان الفالي راح يتسفر لأن ناصر المحمد ما يحب المفروض

وأنا بعدي معارضة

23 comments:

Eng_Q8 said...

الحل الرياضي الي حاطته حاطينه جريدة الراي قبل جم يوم

سرحان said...

أنا أبي هايف يتسفّر قندهار... شلون؟

Anonymous said...

حلوة
بين حقيقة موقفك من الموضوع
أول ما لاقتي بيان الداخلية و تعذرت فيه لووول
لا و مسوية نفسها محايدة و منطقية في البوست الي طاف

Maximilian said...

looool @ أبي الطبطبائي شدعوة منتقل تشيلسي على هالصورة؟؟؟

ma6goog said...

لاحظنا في الآونة الأخيرة ادخالكم اسم النائب الفاضل محمد براك المطير في ما يعنيه او لا يعنيه من مواضيع

أيضا لاحظنا استخدامكم للاسلوب المتهكم و الساخر عند ذكره

الرجاء التوقف الفوري عن ذلك حرصا على المصلحة العامة و الوحدة الوطنية

شكرا

بيت القرين said...

سرحان
أكيد إنت طائفي على راي اللي تحتك

انو
والله انت الحلو على كل هالفطن
يالفطين

al-nokhitha said...

LOL laykoon el 7al nazil men el gomar afa 3alaich bas ya dana kel el deera yadroon ena hatha el 7al bas wain ele be6abiq ?!

Anonymous said...

يبا هالاشكال ما نبيها بديرتنا مو غصب

بعدين شهالذكاء الخارق بالربط بين ستار اكاديمي والفالي

اتصدقين انج يبتيها
لانه اثنينهم برامج اثاره وفتن
!!
اقول
لما نبيل العوضي ومشاري العفاسي
يروحون ايران يلقون محاضرات في قم وضواحيها
للاقليه السنيه اللي هناك
بعدين يبا نستقبل الفالي واللي على شاكلته
ممن يسبون ويلعنون الصحابة

Fantasy360 said...

لما نبيل العوضي ومشاري العفاسي
يروحون ايران يلقون محاضرات في قم وضواحيها
للاقليه السنيه اللي هناك
بعدين يبا نستقبل الفالي واللي على شاكلته
ممن يسبون ويلعنون الصحابة
-----------------------------
بعد العناد شلون صاير؟؟
يعني انت ما عندك مشكلة في سب من يسميهم المسلمون صحابة .. مشكلتك بس مع العفاسي ونبيل العوضي يروحون إيران .. وما عندك مانع حتى اتدخل سلمان رشدي وجماعة انتون لافي

خوش منطق .. يبي لنا منك 2 بالديره

Anonymous said...

إبعاد الوافد للمصلحة العامة حق سيادي وقانوني وليس فيه ما يخالف القانون

إعتراض النواب ليس على وجود الفالي بحد ذاته

ولكن على تدخل الحكومة لرفع القيد الأمني الذي وضعته هي ضد دخول الفالي للبلاد

أمن الدولة يقرر أن وجود هذا الأجنبي مثير للفتنة ومضر بالمصلحة الوطنية العليا

يأتي رئيس الحكومة ويرفع الحظر إرضاء لنائب أو أثنين

الفالي شخص مثير للفتنة وحديثه عن صحابة رسول الله يقوله خارج الكويت

بلدنا ما يتشرف بمثل هذه النوعية متدنية المستوى من الخطباء

وبس

Anonymous said...

دانه

المطير خط ............ أحمر


:)

Anonymous said...

دانه

المطير خط ............ أحمر


:)

Anonymous said...

لو كان وجود الفالي خرق قانوني كلنا نوقف مع الطبطبائي وهايف بس مو مع المطير


املق من احمد الفهد بالوطن

ZooZ "3grbgr" said...

سرحان
تدري انا معاك رفيقه النضال

مطقوق
لوووووووووول
شالنظام؟؟


تدرين
وانا آكل برميت
مجابله برنامج مانشيت
الطبطبائي مع عاشور
اللي يضحك
نظرة الطبطبائي لما يتكلم عاشور
وده يحذف عليه لابتوب الوشيحي
بس غلطان الوشيحي حده
كان المفروض يقابل عاشور بهايف
جذي البودي لانقوج صج يعبر
هههههههههههه


أفضل ما قرأت
أن الصراع سلفي قانوني
ومنو بيغلب؟
على فكره
وليد كان يطالب بأن السارق تقطع يده
بس خل ياخذ راحته
بتصير ديرتنا قندهار

ام الهيماني said...

فاتيما بنت بروفيت محمد>>> هذي وحدها كافيه لابعاده:)

Yang said...

زرع زرعتيه يالرفلة إكليه


كلهم اعضاء صوتوا لهم ناس وطلعوهم, واذا انحل المجلس هم في ناس بيصوتون لهم ويطلعونهم مرة ثانية.

الحل بتغيير الفكر.

Yang said...

تصحيح حيح حيح

المثل الكويتي يقول:

خبز خبزتيه يالرفله إكليه

مو زرع :)

Anonymous said...

القانون بالكويت عالفقاره والمسكاين. مو على كل الناس. القانون بالكويت يستخدمونه اصحاب النفوذ عشان يمشون مصالحهم عن طريق شرشحة البسيطين اللي نفسي. مع الاسف انا كل يوم اشوف اهلي يتشرشحون بالمحاكم كل هذا عشان شيخة تبي تبين انها اهي الزينة والبلدية مو زينه. الله لا يوفجها لا دنية ولا اخره ويمالها نار وسرطان وامراض الدنية فيها وفي نسلها

Anonymous said...

الفالي و وليد الطبطبائي مو عيال عم؟؟

اش بلا القبايل؟؟

ما زين!..خل يتفاهمون عيال العم

عسا بس رضا احمد الفهد على وليد الطبطائي؟

الطبطبائي: احنا احنا...احنا

(يونس شلبي، مو وليد!)٠

Anonymous said...

طز بكل شخص يبي يثير فتنه
وخاصة هالملعون الفالي
واللي جايبه

كاكاو مالح said...

خوش كلام يالدانه
بس تصدقين ليلحين محد يعرف سالفة دخول الفالي بالضبط
الطبطبائي يقول عليه قيد امني وتوسطله رئيس الوزراء
والصبر يقول غير مرغوب فيه
وطرف ثالث يقول ماعليه قيد امني بس هايف مو مشتهيه
والله ماكو ثلاثه يجمعون على نفس السالفه

بصراحه ان شيوخنا واايد طيبين
والطيبه هالايام تنعاب

والحل برايي ان المجلس يتم والحكومه تتغير

اذا يبتي ورقه وكتبتي مساوئ المجلس ومساوئ الحكومه راح تلقين الحكومه طايفتهم بواايد
بس مو معناته ان المجلس زين بس هم وجوده وااااااايد مهم

الحل بتغيير الحكومه

اتوقع وايد راح يأيدوني

وخفي على الطبطبائي شوي

وتسلمين

Anonymous said...

في نوفمبر 62 ولد الدستور
وفي نوفمبر 2008 نبي نلغي الدستور
في نوفمبر 62 كنا نشكر الله ان عندنا احمد الخطيب
في نوفمبر 2008 نشتم و نلعن احمد الخطيب
في نوفمبر 62 نحتفل بالكويت الدولة
و في نوفمبر 2008 نحتفل على زيادة الخمسين

Common_Sense said...

"أبي الطبطبائي شدعوة منتقل تشيلسي على هالصورة؟؟؟"

قتلتيني لووول