29/09/2008

يعني مسوّين لوبي؟


أول شي موضوع كره التحالف وتعليقاتكم برايي الخاص مفيدة جدا واشكركم عليها وراح اعلق عليها بعد العيد

ثاني شي نما إلى علمنا ما يلي

ان ناصر الصانع وعلي الخليفة متهاوشين بعزا الغربللي بنص الشهر اللي طاف

يعني يا علي انت ريّال عود عيب أنا أقول لك إستح على ويهك

والمصيبة ان تاخذ ولدك وياك وتتهاوش بعزا

من عذر ولدك يستخف ويلبس تاج






مدونة جنوب السرة كاتبه تفاصيل عن الهوشة

خنشوف رئيس مجل الأمة الموقر جاسم الخرافي

يقول البارح حق خدمة كويت نيوز

فكرت جديا بإعتزال العمل السياسي

شدعوه جاسم يعقوب الحين

انت ما تقول لي شنو انجازات المجلس من صرت رئيس؟؟؟

خلف طق الراشد و القلاف تهاوش مع المسلم

وعقلة الإصبع سب السعدون والصقر تناجر مع الصانع وغير كل هالهوشات وغيرهم وايد طبعا

منعت اهل الكويت من الدخول لقاعة المجلس

يعني بنقول لا لا تعتزل ؟؟؟

روح والقلب داعيلك

خنشوف الحين التصريحات الثلاث اللي دزوهم كويت نيوز امس

اي صج ليش كويت نيوز ما يصير عندهم موقع يحط في كل اخبارهم وبالتاريخ الفلاني

يصير خوش مرجع

المهم التصريحات الثلاث اهيا كالتالي و
سرحان حاطهم بعد

هايف: سنعد إستجوابا للوزير الغنيم ما لم يقم بإجراءات إصلاحية تجاه قضايا الإنترنت

العميري: على وزارة المواصلات التحرك السريع لأيقاف موقع اليوتيوب

الطبطبائي: على وزارة المواصلات تطوير وترشيد الرقابة على الإنترنت

يعني انتوا جذيه مسوين لوبي (لوبي يعني جماعة ضغط)وبتأثرون عالشارع؟؟

شخباري نصرح كلنا بنفس اليوم يعني وايد

يعني صج قديمة الحركة مو ناقص الا تروحون صالة التزلج وتلبسون سديري مبكر بعد

انزين سؤال

الحين ثلاث ملتحين طالبوا بمنع اليوتيوب

على الرغم من ان اليوتيوب يعرض امور طيبة عن المسلمين واناشيد العفاسي وتلاوة عبدالباسط والحذيفي

واذا تمت المقارنة بين اللي بمصلحة الاسلام واللي ضد الاسلام باليوتيوب

راح نلاقي ان اللي بمصلحة لااسلام اكثر بوايد

وهذيل النواب الثلاث اللي تكتكوا وقرروا يصرحون بنفس اليوم يبون يمنع اليوتيوب

يعني يبون يمنع شي يبث أمور في صالح الاسلام

يعني هالملتحين يحاربون نشر الاسلام

ولذا لازم نحجبهم من الكويت

قلبت السالفة عليهم

شرايكم ؟؟
؟

ترى والله ما يصير نمنع شي لمجرد ان ما نعرف نروح وندوس على شي اسمه

FLAG

اذا الجريدة بياخذون شي من هالبوست خل ياخذون اللي باللون البرتقالي

انزين قبل الختام عندي سؤال

احنا بالكويت مو عندنا قانون يمنع تشبه الرجال بالنساء والنساء بالرجال

انزين بالنسبة للأخ وهو ماخذ ستايل ام عليوي شلون؟؟


عيدكم مبارك من الحين ولنا عودة بعد العيد

ونخليكم مع شوية طرب اصيل وأي شي في العيد أهديك يا ملاكي

21 comments:

Mohammad Al-Yousifi said...

عيدكم مبارك مقدما

سيدة التنبيب said...

و الله ملينا من تصريحاتهم و من كثرها و سخافتها صرت ما أتابعهم و لا يهمني شيقولون

بس اللي يحز بالقلب تدخلهم كنواب في عمل الحكومة
و المفروض إنهم سلطة تشريعية مو تنفيذية
صار مجلس الأمة ماله طعم
و الحكومة كل يوم ترجع ورا


ساحبين الديرة كلها معاهم للعصور الحجرية

أقول بس الله يستر على الديرة و أهلها

عموما شكرا على البوست و عيدكم مبارك

Anonymous said...

3edich embarak :)


روح والقلب داعيلك

9ara7aa men ba3ad hal kelma gemt ashek enich bent ;p

hathi el kelma ma asma3ha ela men shabab salwa lama ekoonon eb 5a6 el wafra, gabil la eshafii6 el
wa7ed egoolon lah rooo7 wel galb
da3eelek ;p

yam3awda khal yethawshoon 7e6
7aiilhum baiinhum :)

3asach 3ala el guwa :)

Bad-Ran said...

شعره مدهن

deeratna said...

اللي يحز بالخاطر بموضوع هايف وجماعته مو ان هذا رأيهم اللي كلنا عارفينه ولو بيدهم يمنعون كل شي ترفيهي بحجة دينية ، اللي يحـز بالخاطر ان في ناس وايد تأييدهم ، الـ12 الف بس صوتوا حق هايف في غيرهم عشرات الالاف مصوتين حق نوعيته وفي عشرات الالاف اللي ما صوتوا بس يؤيدون الفكر القمعي، واللي ابي اوصله ان في نسبة غير قليلة تؤيد سوالف هايف و احنا على الله وعالدستور :)

الـبـيـرق said...

فـديـتـه عـلـيـوي ولـد ثـنـويـة كـيـفـان :p

http://al-beraq.blogspot.com/2008/09/blog-post_24.html

قـصـة مـؤثـرة :d

و عـيـدج مـبـارج

الدســتور said...

لاحول ولاقوة الا بالله
حتى بالعيد خليف مو سالم

المهم عيدكم مبارك

فــــــرنـــــــاس said...

عيدك مبارك، وكل عام وأنت ومن تحب بخير.

فرناس

JiBLa CiTY said...

السياسة ومجاملات السياسة وما أدراك ما مجاملات السياسة

يظهرون شي ويخفون شي

وماخفي اعظم

والخسران منو ؟

Anonymous said...

كل عام وانتي بخير دانة

وجميع زوار مدونتك

حياتي هدف مو عبث said...

عاجبني ستايلة

والناس أذواق

:p

Yang said...

عيدكم مبارك

Bashar said...

عيد فطر سعيد جميعا :)

تحياتي

bo bader said...

العيد هل هلاله المتبسم
يا سعد من بجماله يتنعم
قد جاء بالفرح الذي أضواؤه
في كل ناحية تجل وتعظم
*****
الشعر من نفائس الصديق العزيز وليد القلاف
" ^ ¤ عيدكم مبارك ¤ ^ "
" ^ ¤ بو بدر ¤ ^ "

Anonymous said...

تقبل الله طاعتكم وكل عام والجميع بخير

ZooZ "3grbgr" said...

كل عام وانتي بخير
وعساج من عواده
سويت هوليدي

Anonymous said...

سخيفة والاسخف موضوع التحالف
سوالف تحب ولا تكره سوالف يهال او مرضى نفسيين مو ناس كبار. الكبار يكونون مع او ضد ولاسباب موضوعية مو يحبون ويكرهون ياغبيومه

MakintoshQ8 said...

الصراحه التاج ماخذ حته صغيره منه
والتسريحه ناقصها خصل برونزيه

هواش بعزاء استغفر الله

aziz said...

يبون يمنعون يوتوب لانه بنات جماعتهم المومتربين طالعين بفلمين او ثلاث يا رقص يا تبوس يا مواعد. فضايح البنات هناك شكثر. مادري ليش مايربون عيالهم ويبون الحكومه اهي اللي تغمض اعيونا عشان مانشوف خياسهم

يبا باراك اوباما الكافر قال... الحكومة ماتقدر اتيي البيت واتقول حق عيالكم صارة حزة النوم.. الاهل اهم اهم شي. الاهم اهم لازم يكونون بالبيت يربون عيالهم.

بس انتو شكلكم بس ركضة ورى الفلوس وناسين انه عندكم بيوت ويهال

طاح حظكم ومالت عليكم وعلى مجلسكم وعلى كل شي عندكم

ShaymoOona said...

في البداي"احنا بالكويت مو عندنا قانون يمنع تشبه الرجال بالنساء والنساء بالرجال

انزين بالنسبة للأخ وهو ماخذ ستايل ام عليوي شلون؟؟"
حدي فطست من الضحك

ثاني شي
بالنسبه حق لخرافي انا مااشوف له دور بس صار معلم من معالم الكويت

ثالث شي اليوتيوب احلمون اشيلونه حامض على بوزهم
اشيبون هالمتخلفين و على قولت محمد الصقر " الديناصورات"
ترا غبااااء والله

Anonymous said...

سالفه يوتيوب واسلام واهالكلام اللي قلته\قلتيه يبين النظره اللي قاعد تنظر لها للمشكله و تتوقع\تتوقعين قايسين المسأله جذي ولا ماسمعتوا بنسبه اللي يدخلون حق الخرابيط حق اللي يدخلون حق العفاسي والاسلام والقرآن وهالسوالف لما تعرف النسبه والفرق راح تعرف ان بعض المرات الشي اللي يكون ظرره اكثر من نفعه امنعه لأن مو فايدك