07/09/2008

إيجابياته 99% بس


أبي البورصة ليش ما تطلع لسانها حق الناس بدال لا تطيح هالكثر

شنو شصاير؟؟

دام البورصة دايما طايحه برمضان خلوها بعد الفطور

ولا هالبلى اللي مينن الناس

بس كله أجر صوم وحر وتفليسه مرة وحده



عوروا راسنا صار لهم يومين البنك الدولي قال اللي قاله عن المصفاة الرابعة

وإذا حجى البنك الدولي لازم نقول سمعا وطاعة

شوفوا أنا ما قريت شيقول البنك الدولي عن المصفاة ولا قريت رد البترول الوطنية على كلام البنك الدولي ليما ألحين

لكن أنا بتكلم عن دعم الوطن لتقرير البنك الدولي بحكم إنها جهة مختصة ودولية

وأنا أقول أحلى شي لما تنفضحون

الوطن تقول البنك الدولي جهة خارجية ومختصة ولازم نسمع كلامها

وهذا الكلام مافيه أي مشكلة ووجهة نظر منطقية لما تصدر من أوادم

إنزين عندنا رئيس جهة دولية ومختصة شيقول

كلام واضح وصريح من رئيس الإتحاد الآسيوي لكرة القدم وهذا يوفر فيه شروط الخبرة والإختصاص

يقول عيال الصباح أهما اللي يحاربون حل أزمة الكرة

الوطن طبعا ما نشروا هالكلام لأن عيال الأسرة المقصودين أهما بو مشعل وربعه

وإحنا نقول لهم إذا حجى الإتحاد الآسيوي

لكن أهما شسووا

مو بس ما نشروا

لأ


هاجموا بن همام

وكلامهم عن جهة خارجية ومحايدة ومنطق وعقل تلاشى أول ما يت سيرة أبناء الشهيد الوحيد

أهم شي المانشيت

هل يتجرأ بن همام على إنتقاد بقية أبناء الأسرة الحاكمة في الخليج

لا طبعا ما يجرؤ لسبب

إن ماكو عيال أسرة بالخليج يخالفون توقيع ملك أو أمير او رئيس أو سلطان الدولة إلا بالكويت

أنا بفهم هاللوحات الإلكترونية اللي بالشوارع بس عشان تقول لا تطوف الإشارة وركّز بالشارع

ركّز بالشارع ومخلين لنا هالسوالف تلفت إنتباهنا

ممكن أفهم شنو فايدة هاللوحات بالضبط

يعني ليش لوحات إلكترونية وقصة

بس تنفيع يعني ولا في لها مهام أخرى؟؟

نختم مع الكاتب والشاعر متعب السعيد أخو الإمبراطورة فجر السعيد

كاتب مقاله بتاريخ 30-8-بالوطن طبعا

شخصية الشيخ أحمد الفهد الأحمد الجابر الصباح شخصية خاصة وجذابة

شدعوه مهند؟؟

فهو شيخ بمعنى الكلمة

شلون شيخ بمعنى الكلمة يعني؟؟؟

فالشيخ أحمد الفهد شخصية خلقت للحكم فهو حاكم وابن حكام

بس بعد ما عقب كلام متعب كلام

خلاص أحمد الفهد مبروك إنت خلقت للحكم

فالشيخ أحمد لديه من الايجابيات والمزايا التي تؤهله للحكم وتجعل منه حاكم المستقبل اطال الله في عمره فالايجابيات في حيات الشيخ أحمد الفهد أكثر من %99 فإن كان هناك سلبيات فهي لا تتجاوز %1 فمثل هذا الرجل الكبير في اعماله يجب ان نشجعه ونؤيده لما لديه من مقومات الحاكم القادم والحكم للاغلبية وليس لشخص واحد ان يفرض رأيه على الآخرين

حياة تنكتب جذيه

بس يعني كل هالعيوب اللي نشوفها ببوفهد عبارة عن 1% بس؟؟ هذا لو عيوبه أكثر من 1% شيصير بالديرة؟؟

متعب أنا أقول جابل سكوب وإمبراطورتكم أحسن من لا تهذي

لا وكاتب فيه شعر بنهاية المقال يقول ببيت منه

حنا لفضلك لا حشا ما نسينا
علمتنا كيف التعامل مع الناس

يعني متعب تعلم التعامل مع الناس من بوفهد

يذكر إن متعب أكبر من بوفهد يمكن ب15 سنة

يعني قبل لا يكبر بوفهد ويصير إنسان فاهم شلون كان يتعامل متعب مع الناس ؟؟

الحمدلله والشكر

إحنا لو الله يفكنا من هالمطبلين إحنا بخير

25 comments:

Anonymous said...

قوة دانه
قبل لا اقرا موضوعج كنت ميت من اليوع وبس قريت اسم متعب السعيد لاعت جبدي وقلبت وياني عثيان وشكلي بكمل صومي اليين باجر
عندي استفسار الحين متعب مسوي نفسه بدوي وراعي فزعات وحميه وعادات وتقاليد ليش مايقول لاخته تسوي مسلسل بدوي بدال خرابيطها والبدون الي تيمعهم بمسلسلاتها
......
مرات افكر بيني وبين نفسي واقول ماكو ريال يحمل معنى كلمه ريال بهالديره غير احمد الفهد مع كثرة عيوبه وبوقاته لكن اعتقد مافي بهالبلد الا احمد الفهد شنسوي ماكو رياييل اسرة حاكمه يعتمد عليهم واذا يت على البوق خليه يبوق بس يعدل هالديره ويمسكها ويرد هيبتها شوي

........
معلومه لج دانه ماتحلمين فيها من احد
لاعبين القادسيه :)
يقول لاتشوفون طلال الفهد شلون يمصخرنا ويسبنا ويشتم اهلنا بين الشوطين او في نهاية مباراة ما كان ادائنا فيها زين او خسرانين و محد يقدر يبطل حلجه اذا عصب يقول معيشنا برعب
......
الكويتاوي :)
عبدالله الهاجري
كيفان

Bad-Ran said...

المشكلة إن أخوه صالح السعيد طاب بأحمد الفهد طب مافيه حلى !

bader said...

الوطن نصابين ودهم يطلعون سالفة اكبر من الناقلات موعارفين وشركة من شركاتهم متضررة من الموضوع من جذي مسوين سالفة. وينهم من قبل ايام طرح المناقصة؟ فجأة كتلة الشعبي صاروا زينين عند جريدة الوطن وكل تصاريحهم ينشرونها

فريج سعود said...

متعب كان عمره ثلاثين سنة يوم كان عبر احمد الفهد خمستعش

مما يعني بالميت ان متعب ما كان يعرف يتعامل مع الناس الى سن الثلاثين

او بمعنى اخر انه صار آدمي لما بوفهد علمه من علومه الدنيوية

Sowhat said...

الديرة متروسة امراض نفسية والله

والجرايد بالكويت لا تصدق .. الأفضل ان نقرى اخبارنا من برة

Dalal_eng said...

اللوحات الاكترونية من الحين مخليه الناس بريكات وتدعم علشان يقرون test
باجر يعني يبون يسون مثل امريكا على الخطوط السريعة تحذيرات من الحوادث

او اذا في زحمة جدام راح تشوفين

بلاوي تشفط ولعنة خير والله يعين الديرة

اي عاد هناك عادي تشوفين صور اطفال وتحتهم خرج ولم يعد

تهقين بطبوقنها

اهما بالشارع ياحذون اليسن من 16
سنة بس اغلبهم اوادم ومصدرين التطور للعالم

واحنا على هالاشكال بالشوارع شنو راح نسوي
الي للحين مو مستوعبين شنو وظيفة اشارات اليمين واليسار الي على السيارة

وبعض الشباب على باله حق المغازل

:)

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

lwatan-ajmal said...

يعني اذا ما تبين متعب وربعه يطبلون حق احمد الفهد من تبين يطبل يعني ؟؟؟
لما مسك وزاره النفط والأعلام شوفي منو تعين هنااااك ؟؟ منو كدس من موظفين مالهم داعي؟؟

mantovani said...

و الله مشكلة

الحين انا و الله ما عندي مشكلة على التطبيل و الترفيع , نقول يمكن المسكين محتاج جم بيزة ... و ماله خلق يحط اعلان بجريدة الوطن و يكتب شعر و يحط رقم موبايلة

لكن مسألة ان الاخ المطبل المحترم
يتكلم عن الحكم و حاكم ابن حاكم

احنا ما نسمح له

و اقولها و بالفم المليان

مو شغلك بالحكم يا متعب السعيد

اقول روح اقضب اخوانك


مانتوفاني

ma6goog said...

حل المصفاة الرابعة عندي

انشاء مصفاة خامسة و ترسية المناقصة على الل خسروا بالرابعة

و أقص ايدي اذا في جريدة انتقدت المشروع

صلاح الأنصاري said...

أما البورصة فآه وآه وآه وهم آه ...وبس

أما بن همام : فقد أصاب كبد الحقيقة باختصار ، ومادري وين شجاعة الشجعان اللي موقادرين على الناس اللي حتى مرسوم أميري ما يمشي عليهم

وأما المطبلين فيكفي وصف رب العالمين جل وعلا لهم ....
والشُّعراءُ يَتَّبِعُهُمُ الغَاوُونَ . ألَمْ تَرَ أَنَّهُمْ فِي كُلِّ وَادٍ يَهِيمُونَ . وأَنَّهُمْ يَقولُونَ مَا لَا يَفْعَلُونَ .إِلّا الذِينَ آَمَنُوا وعَمِلُوا الصّالِحاتِ وذَكَرُوا اللهَ كَثِيرًا وانْتَصَرُوا مِنْ بَعْدِ مَا ظُلِمُوا وسَيَعْلَمُ الذِين ظَلَمُوا أَيَّ مُنْقَلَبٍ يَنْقَلِبونَ.

والله حرام اللي قاعد يصير في كويتنا بسبة كم "نفر" والحل سهل وبيده لو يأشر ...لو ...لو .."لو" تفتح عمل الشيطان... وبس.

Anonymous said...

لا بد ان العصابة التي واجهتها علي الخليفة متضررة من الصفقة

بالمقابل، محمد الصقر و المدعج تكشفوا

حسافة مليون على صوتي اللي راح له، لو معطيه المحارب أشرف لي ألف مرة

الفنان said...

قوي قوي
مقال متعب صخر

تهقى جم معطينه على شان يكتب هالكلام

ولا مثل ماقلتي
انا اقووول
خل يسولف عن الامبراطورة وايد احسن له
ولا يحشر نفسة بهالمواضيع

ولا الله يسلط عليه مثل بيت القرين يسنعه


وبالنسبا حق المصفاة الرابعه

وانا والله مااشوق الا جريدة الوطن الي تتكلم عن الموضوع
ما عندهم خبر الا هذا
اشكرة السالفه تقصد

يسلمو على البوست الرائع

Anonymous said...

ممممم.. اللهم اني صايمه مابي احش و مابي اسب! ماقول غير حسبي الله و نعم الوكيل!
دانه! و اللي يرحم البطن اللي طلعتي منه! خفي علينا هم! ادري الديره خربت! بس عفيه والله لا من التلفزيون ولا من البلوقات! حرام عليكم! بسنا نكد!

al-nokhitha said...

tabeen el 9ej el mafrouth monaqa9a methil hathi etkoun khath3a 7ag raqabat dewan el mo7asaba o lazim etmir 3ala lajnat el monaqa9at el markaziya hathii floos mo 6a3am :)

bo 3azeez met3ib el s3eed kan wedi enii adafi3 3ana le2ani wayed
a7iiba o ehwa 9adeeq qadeem lel waled lakin lel asaf kelish ma agdar aragi3 lah le2ana 7achya kelish ma yetraga3 allah ehadee ;p

3asach 3ala el guwa :)

أمل الكويت said...

وي بس واللي يعافيني
احنا يالله نجابل المشاكل اللي عندنا واللي تخصنا (اقصد مشاكل الديرة اللي تخص كل مواطن كويتي "شريف")بعد تبيني اجابل البورصة واخبارها واحرق قلبي عليها؟؟ خلي الهوامير يحترق قلبهم شوي .. طول السنة واحنا محترقة قلوبنا من مشاكلنا اللي على قدنا
--
وعلى رايج انا بقوم اصلي صلاة شكر الحين ان عيوب احمد الفهد ماتعدت الـ1% ولا جان الحين انا حتى صلاة ماقدر اصلي لان سيادتي وثوبي بينباقون

secret said...

باجر قصيدته تصير اغنية وطنية

مو اكيد .. احتمال 99% بس

بيت القرين said...

عبدالله
زين حق الريجيم أحسن

ولأنك كويتاوي ما أصدق كلامك عن القدساوية
وهاردلك فزنا عليكم امس

بدران
اي عادي اهام مثل المراهنات
اي واحد يفوز يضبط اهله

بدر
طبعا، ولكن هم المصفاة بحاجة لتوضيحات مع الايام وعدم السكوت اذا شمينا ريحة تلاعب

فريج
بالضبط

سو
حتى برّه عادي ينزلون شلّة خليف إعلان مثل اعلان الأهرام اللي ما ندري منو صاحبه ليما الحين

دلال
اي طلعي حرتي وحرتج
:)

أنو
شكرا على التبليغ والدعوه

لوطن اجمل
الشرهة على الدولة كلها تسمح بأشكال جذيه يعيشون بيناتنا

مانتوفاني
وانا اشاركك الراي

مطقوق
هذا انت؟؟
اي خوش حل

صلاح
وشدعوه الشيطان مو مبسّط عندنا

أنو
اليايات

الفنان
حياك الله
وأحلى مقال مقال متعب

أنو
شسوي يعني شسوي
قوليلي عن شي يفرح وأكتب عنه ألف مرة

نوخذانا
مو قاعده اناقش الاجراء انا قاعده اناقش استناد الوطن على تقرير البنك الدولي وتناقضهم
مو اكثر

أمل الكويت
لول اي اشوه 1% بس

سيكريت
هذا اذا مو مسويتها فجر حق مسلسلها اليديد

al-nokhitha said...

Laa etha yat 3ala el wa6an e5thay chethib o kalam zayed bs 3ashan
ewa9loon ma3loomathum la barak allah fehum !

Natmana lakum ef6aran shahiyan :)

مــعـــارض said...

آآآه يا وطن!


قد علمنا الآباء درساً لن يزولا
من عاش بحكم الظلم قد عاش ذليلا

وطني ديموقراطي said...

و انا قاعد اقرا الموضوع قمت اسمع سمرة عدنية من زود التطبل اللي قريته !!

اولا : الوطن جريدة مرفوع عنها القلم .. دائما نتكلم و نتكلم عنها و اهي ما تحتاج حتى اضيع عليها نسمة هوا خارجة من الفم ! بس لازم نعترف .. انها تشكل مادة جيدة للانتقاد و التمصخر و التحلطم .. يعني لو نبي نعلم عيالنا كيف يكون الفساد في الجرائد و شراء الذمم ما عليناالا نأشر عالوطن من غير شرح و لا هم يحزنون ؟! يعطيهم العافية على كونهم مثال حي للفساد بالجرائد ..

ثانيا : يؤسفني حقيقة لما يحدث بالرياضة و يؤسفني اكثر ان بلاوينا غير مستورة ! فشلونا جدام الله و خلقه !
على قولة واحد من الربع .. الشيخ الي ما يعرف شيخ .

ثالثا : على طاري شسمه السعيد .. مادري شلون فهمتي كلامه ، لانه كل اللي اسمعه منه اهو : طأ دددم ددم طأ !! و عاش بو سعيد ! و كلمة حيات رائعة جدا و اضافة مهمة للغة العربية .. هذا النوع من الكتاب لا تقبله الا الوطن !!

تقبلي تحلطمي بوافر الحزن لما يحدث هنا بالكويت :)

q8mirror said...

اسمحي لي اقول لك انتي مبدعه
اسلوبك مشوق..ومدونتك مميزة

الله يوفق كل مخلص لهذا البلد،،الى الامـــام

q8mirror said...

حطيت مدونة بيت القرين في المدونات المفضلة عندي.. دعواتي لك يالنجاح

Mozart said...

قلت مليون مره ان احمد الفهد راح يصير حاكم للكويت في يوم من الأيام

يمكن انتو ما تدرون هالشي لكن الناس كانت تنتقد على الشيخ جابر انذاك قبل ان يصبح حاكم الكويت مثل انتو تنقدون على أحمد الفهد الحين و الحين جابر صار أمير القلوب فماذا سيصبح أحمد الفهد في المستقبل

الـبـيـرق said...

الـوطـن جـريـدة مـصـلـحـجـيـة مـالـهـا صـاحـب