03/09/2008

فلوسنا وفلوسهم


حياة الفهد حزينة

سعاد عبدالله هم ياهل و حزينة

حتى العيدروسي حزين

سعاد علي اللي ما تعرف تمثل الا كوميدي حزينه

حتى اسطورة الكوميديا بو عدنان هم راحت فلوسه بالمسلسل وحزين

شنطالع يعني

مو كافي نهار طويل وحر ورطوبة

هم كدر؟؟

اللي عنده شي يونّس ينشاف

خل يبلغني قبل لا يخلص الشهر

بيان أو وثيقة خالد الأحمد الجابر

موجوده عند الأمه والآن شوفوها

متحلطم أكثر من نوّاف الفزيع

أبي شنو اللي زعلّه فجأة؟؟

المتابعه أمواج

دازه ايميل تقول رايها الساخر بالانجليزي

انا مو مترجمته كله بس اقول لكم الزبده

تقول أمواج

صحيح إن أكو وايد حريات مسلوبه بالبلد

لكن بالمقابل في حريات موجوده على سبيل المثال

حرية هروب الفاسد من العقاب

وحرية تعدي بعض الأزواج على زوجاتهم

حرية بعض ربّات المنازل في التعدي وإهانة الخدم

حرية بعض الإعلاميين في بث اسخف الاشياء

وأشياء وايد ما نقلتها

تقول من الطريف ان عندنا حريات مو عند أحد ثاني

:)


خندش بالزبده

شوفوا معاي هالخبر


خنشوفها بشكل بسيط جدا

شراء شركة إماراتية لنادي انجليزي عريق صار له اكثر من 120 سنة

طبعا هدف الشركة ان هالنادي يصير اقوى فريق بانجلترا خلال سنوات

والمردود شنو

طبعا غير الانتشار الاعلامي لاسم الشركة الاماراتية بشكل خاص واسم الامارات بشكل عام

وهذا الشي طبعا مهم

الرياضة الاماراتية راح تستفيد بشكل كبير

سواء عن طريق احتراف لاعبينهم هناك او الدورات والأكاديميات الرياضية اللي تنشر الرياضة في الامارات وتقوّيها

ولا تستغربون خلال 20 سنة ان الامارات تاخذ كاس العالم او تستضيفه

ناس تدري وين تودي فلوسها

تعرف شتسوي

ما راح تخسر شي

بحكم ان الفلوس شغالة على طول

وكسبت اعلام ورياضة ونفوذ قوي في انجلترا

اما بالنسبة لأصحاب الفلوس عندنا

فإنجازاتهم

عدم تسليم ستاد جابر بعد سنتين بالتمام والكمال من انتهاء العقد

سن القوانين المفيده لهم لجمع اموال الكويت دون مردود لأهل الكويت

لا لا ونسيت بعد عشان لا أظلمهم


هذي الصورة ماخذتها من أم صدّه

الحبايب اللي من أغنى أغنياء العالم راعين مسلسل

والله انجاز

ومسلسل عن جمال عبدالناصر

والله لو ناصر موجود الحين

راح يقول بالمصري خلاص لاعت جبدي من كثر ما سويتوا عني مسلسلات وافلام

انا كرهتني


باختصار فلوس الامارات واي تجّار في أي دولة عاقلة يبون يردون الجميل لدولهم ويستفيدون بنفس الوقت

وفلوسنا نقطها لرعاية مسلسلات وافلام

بالله هذي سالفة؟؟

اي صج الرفاعي قرّبت مفاجأته

ركّب شاشه وبروجكتر بعد بس ما بلّش العرض ليما الحين

ختاما اللي صايم لا يشوف الصورة اللي تحت لأن وزير الحسبة ما يرضى

21 comments:

سيفوه said...

الدانة

يعني شارين الجنة؟ كله نادي طايح حظه (واحد محتر لا أكثر ولا أقل).

انزين الدانة، لو تعرض عليج الشركة شراء المدونة توافقين؟ بس عندهم شرط انج تكتبين بالاماراتي وترقصين الليوه؟؟

kila ma6goog said...

تو الناس على محرم

ليش ملبستهم أسود

Bad-Ran said...

باقر فيه عقده من باربي الظاهر

Bo Jaij said...

لو بس يحجبون مدونتج و مدونات بقية المشاغبين و المشاغبات راح إنصير مو بس أحسن من الإمارات..إلا أحسن من الإتحاد الأوروبى بأكمله

ما صار فيه مشاكل بالديرة إلا من بلشت مدوناتكم بنشر الخرابيط و الخرافات و تخريع الناس بشغلات خيالية....فساد...تطرف دينى...بوقات...ديموقراطية

وين قاعدين؟؟؟ جواتى مالا؟ و لا بوركينا فاسو؟


إشتبين يعنى ؟؟ تاجر كويتى يشترى نادى ليفربول مثلا؟؟؟ التجار عندنا لاقين ياكلون؟؟ مناقصات حسرة عليهم.....وكالات ما عندهم....الواسطات مانعينها عنهم..بأسهمهم إمناشبينهم...ليش ما إتسكرون شركاتهم و إتسفرونهم بعد

الخطوة الأولى و المنطقية لإصلاح البلد يكون بإغلاق المدونات و كبح جماح الإنترنت

بعدها الطريق يكون ممهد للقضاء على الفساد عن طريق إبعاد البدون عن الصحافة....و الخطوة الأهم منع محل الطاهر من عرض بضاعته الحريمية بالفترينات

الخطوة النهائية ...بعد ما يبيله...تسفير البنغال

Sowhat said...

كنت راجع على فحيحيل قبل الفطور امس و هو يشيل اليافطة ... كان ودي اسفط بالجابرية وانطر شنو بيجط بس للأسف اليوع كافر ...

قبل كم سنة كانت احدى الجراسد الأمريكية الكبرى للبيع .. و كانت فرضة للعرب ... شرائها و تحسين صورتهم بدل التحلطم ان الأعلام الأمريكي مسيطيرين عليه اليهود ...
اتوقع السبب نفسة الي خلى الكويت ما تتجه لشراء الأندية ... لأننا نحب التحلطم ...

اما على الوثيقة يا ويل قلبي ... اذا الي بيده الشور يتحلط احنا شنسوي

سلامي

Dalal_eng said...

وازيدج من الشعر بيت

روما يمر بضائقة مالية ولازيو الايطاليين وليفربول الانجليزي مثل ماكانو ارسنال ومانشستر سيتي
ارسنال ساهمت فيه موانئ دبي

كنت اتمنى الصندوق السيادي الكويتي يستثمر فيهم علشان احنى نستفيد

الكويت تصرف بالخارج اكثر من الامارات بس كلها قروض بدون فايدة مادية ولامعنوية حقها الايكافي

وهيئة الاستثمار استثمرت بميريل لينش وسيتي جروب الي الحين اسهمهم ماتسوى بيزة
حتى الوليد بن طلال خسر من هالبنكين


وهذا كله من زاوية وحدة من الموضوع

والله كريم

Anonymous said...

قوة دانه
انصحج بمتابعة بوقتاده وبونبيل :)
.....
اقول للاخت امواج مافي بهالوقت ريال يطق مرة الريال الحين اهو المطقوق وعلى افااه بعد والصراحه انا اطالب بانشاء جمعيه لحماية الرجال ولسن قوانين تنصفهم مو تمصخرهم مثل قانون الاحوال الشخصيه
.....
جشع التاجر الكويتي اعتقد وراثه شوفي مذكرات العدساني وراح تعرفين ان الاسامي ماتغيرت بس الزمن اهو الي تغير
والحبه على البذره
....
عبدالله الهاجري
كيفان

mojarad ray said...

a7san 7al 7g mashakel edeeera wel mosalsalaaaat elle etthayeg el5elg enna elwaaaa7ed enaaaaaaam mako ella chethe ???? ethaher mashakel deeratna mosta7eeel et5ale9 ????

mojarad ray said...

a7san 7aal enna elwa7ed enaaam 3ala shan mayshooof mosalsalat etyeeeb elmarath we 7alem enna hayef o rab3a mo bel majles

Chaotic pOsha said...

حتى البلوقات صارت نكد بنكد نبي شي يونننننس بس مليييت مو كافي الدوااام لول

يستاهلون الامارات صراحه لان ناس تعرف تشتغل

واحنا نستاهل بعد :( شقول وشخلي

al-nokhitha said...

eb wjhat nathari khaled el a7mad kel kalma galha 9a7 eb 9a7 o hatha el 7achi el mafrouth yengal men zeman
eb '3ath el nathar 3an el dafi3 wara2 el na9ee7a :)

el baroonat 3ala el rai chenha khoosh 7alqa o shar el nefoos 3ala mbc ham khoosh shay :)


amwaj: enshalah eb hemat el shabab eb nestarji3 kel 7oriyatana el maslooba :)

3asach 3ala el guwa :)

Noor said...

ناس قلبها على البلد

وناس قلبها على رصيدها فى البنك


التجار الى عندنا الطمع والبخل عاميهم موفالحين اله بالمجمعات والمطاعم وان يرعون مسلسلات ورفع اسعار السلع الغذائيه
وتعطيل تنميه البلد

صج اثبتوا انهم ايحبون البلد

بسنا افلوس ياسعد
بسنا افلوس

اللهم لا حسد

عمــــــــار يالامارات

وحســـــــافه عليج يالكويت

Eng.f said...

1-يحليلج تشتكين من كل شي انتي وايد حنانه وكل شي مو عاجبج ... ههههه
لي درجه وصلت وياج حتى المسلسلات الرمضانيه ولا خاصه الدايه وفضه قلبها ابيض !!!الظاهر الي يعجبج ..نايف الراشد وقناة سكوب المصخره
لا تطالعين شي اقري قران ياوخيتي
2-شيخ كيفه خل يتحلطم عادي شنو اليديد لان مو معطينه منصب من 1991 ويقولج الكبر شين والحين صار الشيطان اخرس والله حاله
3- النادي الي شروه من اتعس النوادي خذا الكاس على مدى 128 سنه 4 مرات على مستوى كأس انجلترا و2 على الدوري ومابيج ادخلج بالتفاصيل ..رمضان مالي خلق اكتب وايد
وبعدين لا يغركم الأمارات طالعه وخابه نفسها ديرتنا احلى والله والي فيها بس بوق مافيها شي ثاني ..خخخخخ
4- مسكتي على الخرافي على انه اهو السبونسر حق عبدالناصر الريال سوا ديره اسمها بورت غالب ما قلتي زين سوا ..انا قلت لج من قبل للأسف اغلبية المدونات تقولون اي شي ..خرابيط يعني اقولج اكلي بلاليط بالرمضان زين

amwaaj said...

dana! dazayt il email metwaq3a rad basee6 bas faja'2teeny :->
abdullah eygool mako 7areem yen6agown hal ayam...ana agool enek tgool chithy li'2anek 6ayeb oh maq'hoor (oh 3ayesh eb kaifan)? al-nokhitha : esloobek yerfa3 ilma3naweyat- mashkoor!

3ala khair, raj3een l'kwait ilyoum enshala! 7ady walhana 3alayha
:-D

بيت القرين said...

سيفوه
أنا رصيدي حب الناس ما تهمني الفلوس
تهقى قاعده اشلخ

مطقوق
لا هذيل حزنا على وجود باقر بالوزارة

بدران
ممكن جدا
لا يغير اسمها بس

بو جيج
انت دايما تعرف مكامن الخلل
الصراحة لازم على عقليتك تدش حكومتنا الموقرة

سو
اي والله اللي بيده الشور يتحلطم

دلال
خوش معلومات
والله كريم

عبدالله
لا ترقع حق الرياييل
انا مع امواج قلبا وقالبا

مجرد راي
خو ما يصير ننام على طول

بوشا
بعد ما خلو لنا شي يونسنا ويضحكنا
نكتب بسخرية وهذا اللي بيديننا

نواخذانا
اقول شي يونّس تقول لي شر النفوس
اسمه ما ينبغى

نور
يا حسافة

مهندس
على الرغم من اسلوبك اللي يشعرني بالآسى
بس خنرد عليك أكيد صايم ومستعسر
الخرافي بورت غالب خل يسويها بالكويت مو بمصر
شسوي فيها بمصر
بشنو قاعد يفيد الكويت
والامارات بتغير شكل هالنادي ويصير من الأوائل هذي الفكرة
عيل يشترون نادي بطل وما يتغير الحال
علامك الله يهداك
ونايف الراشد او سكوب أو غيرهم مالي شغل فيهم
هذا كل ردي عليك لأني صايمه

Anonymous said...

تبين تضحكين ؟ تابعي المسلسل الكرتوني سوبر هنيدي على قناة دبي



أبي شنو اللي زعلّه فجأة؟؟

السبب تأخر صرف ال 50 دينار

: )

Eng.f said...

ضحكتيني يعني انا الي مو صايم
المشكله اذا عطوه ارض اهنيه قلتوا عنه حكومي وبواق وهالكلام
والريال وده يشتغل اهني بس ماراح يخلونه الريال مدام فيه هالمرتزقه بالمجلس ما راح نرتاح
والنادي اذا يبي يرجع للأوائل مو بالنادي يعتمد على اللاعبين والمدرب وبقولج ليش ما يعدلون نواديهم هالأمارتيين والله غارتكم دبي بمبانيها على فكره ترى انا مهندس واعرف شنو فيها واهما هبة حص ولا يغركم المباني ولا عندهم استثمارات والكويت تلعب صح ترى قاعده تستثمر مو بس تسوي مباني وهالشغلات وخل يكون بعلمج اغلبيه الأبراج والعمارات والشوارع يرد فضلها على الكويت والأمارات متى صارت غير بعد التحرير.. اقولج شي شوفي من عنده الغطايه وسمعي جاجاوو ولمن يقول هااااا!!!
وتقبل الله صيامج

Al-nokhitha said...

Maku shay ewanis bel t.v sheno ya3ni awal mara etshoofen 7alqat ermothan kel ele te7al6emat mena amwaj telgaina eb 7alqatna balah sheno ele ewanis ? =p

el shay el wa7eed ele ewanis etroo7en avenues o teg3deen eb lorenzino o 6emsha 3ala ele raye7 o ele rad =p

amwaj : 7ayach allah el 3afu o
bel salama enshalah :)

ساحبة سايد said...

تبين شي يضحك ؟ عندج جامعة أي شي على فنون :p

احنا واقعيين وما طلبنا نكون مثل الامارات واصلا ما نبي نكون مثلها..

بس بايدنا نرد الزمن الجميل للكويت ونرجع الكويت صج كويت..

اما على شركة أبوظبي الاستثمارية الصراحة صفقة قوية جداً.. ومن بعدها حتى روبينهو شروه ومستعدين يدفعون لكريستيانو رونالدو أكثر من مبلغ عقدة مع مان يونايتد علشان اييبونه

وشفيهم الفترينات اللي جذي ؟
شدعوه يعني يخدشون الحياء !!
طول عمرهم جذي ولا عمرهم صاروا همنا

الحين خلصت القضايا يا باقر يت عالفترينات ؟

lwatan-ajmal said...

والله الواحد يقول هم يبكي وهم يضحك بس المشكله الهموم اللي عندنه بالديره كلها تبكي

صامدة أيام الغزو said...

الله يهداكم مطيحين حظ الكويت
كله ذم فيها
الكويت الحمدالله بخير مقارنه بدول ثانية