من هو محمد الجاسم يا نواف؟

يوم السبت اللي طاف الوطن نزلوا طبعتين
وهذا شي مو يديد عليهم

بحكم ان ساعات خبر يبونه مانشيت او شي جذيه

الغريب بالموضوع ان الطبعتين مافيهم اي اختلاف الا جزء من مقالة فؤاد الهاشم

يقول فيها
وقع خطأ مطبعي في منتصف مقالي يوم الأربعاء حول السيدة العربية التي نشرت حكايتها اذ ورد فيه انها في العقد السادس والصحيح انها في منتصف العقد الثالث!! وشكرا لكل من سأل وقدم المساعدة ونخص بالتحية والتقدير صاحب القلب الكبير الأخ العزيز ناصر محمد الخرافي، جزاه الله كل خير وزاده نعيما على نعيم

أنا مادري ليش شالوا هالفقرة وشنو تأثيرها لدرجة إنهم ينزلون طبعتين عشان 4 أسطر بس اللي عنده تحليل منطقي خل يقول

وطبعا لأن الوطن نزلوا طبعتين عشان يشيلون هالفقرة انا حاطتها

:)

إفتتاحية الوطن بيوم الخميس اللي طاف كتبوا شي طبعا ما طاف علّي

بس اخليهم يستانسون جم يوم
الفقرة تقول

الا ان النائب الكريم مرزوق الغانم افسد ذلك بما قاله في حق بطل من ابطال الكويت، الشيخ عذبي فهد الاحمد، لم يكن ذلك لائقا، فالشيخ عذبي لم يكن حاضرا ليدافع عن نفسه، ومرزوق لم يورد دليلا على ما قاله، وكانت الرواية التي تتناقل ان الشيخ عذبي حاول توجيه النائب الحريتي نحو طرح الثقة بالوزيرة نورية الصبيح، وفي هذا نظرة دونية للنائب الفاضل والقاضي السابق حسين الحريتي، فالحريتي اعلن رأيه واضحا عن قناعة تامة، ولو كان للشيخ عذبي قدرة على التأثير على الحريتي لما صوت مع ايقاف الشيخ محمد العبدالله ولما وقع على طلب طرح الثقة في الشيخ علي الجراح، واخيرا جاء تصريح الحريتي الذي قال فيه انه لم يتعرض لأي ضغوطات للتصويت مع أو ضد الوزيرة ليؤكد ما نظنه في نائبنا الفاضل، فهو نائب حر، له مواقف تمليها عليه قناعاته

إذا اللي وصلّوه من خلال هالإفتتاحية هو وقوف عذبي الفهد بجانب علي الجرّاح ومحمد عبدالله المبارك

بمعنى وقوف عذبي الفهد ضد الإرادة الشعبية

وهذا البطل المغوار أيام الغزو
وطبعا أنا ما أقول إن ما كان مقاومة ممكن جدا إن كان له دور بالمقاومة ودور كبير بعد

لكن ما يعني إنه منزّه عن الخطا هذا واحد

اثنين ان عذبي الفهد يوقف مع واحد مثل علي الجراح قال عن متهم "باق فلوس ديرته أيام ما كان عذبي مقاومة ويدافع عن ديرته" إن إستاذه وحبيب قلبه وتوأم روحه فهذا بحد ذاته كافي إن يبين إن عذبي اللي قاوم غير عذبي اللي الحين

تدرون يا وطن إنكم أول مرة تعلنون موقف عذبي وأبناء الشهيد الوحيد صراحة من علي الجراح ومحمد عبدالله المبارك

طبعا على إبو إنكم صايدين الحركة وبتفحمون مرزوق فضحتوا موقف أبناء الشهيد الوحيد من اللي عليهم مليون علامة استفهام وطنية

مثل علي الجراح و محمد العبدالله

واحد داز لي ايميل يقول صارت اشكره حرامية الوطن شغالين بال
youtube

طبعا وايد يدرون بهالشي بس اليديد انهم مستخدمين شخصيات بوسخافه بو سخيف التلفزيونية

ومسوين حلقات يديدة منها وبنفس الاصوات تنتقد الصرعاوي والصقر والسعدون وغيرهم

وبما ان حقوق الشخصيات حصرية
وبما ان اصوات الشخصيات نفسها مالت المسلسل

اذا محّد ورا هالشغلات الا الوطن
وهذي نمونه من سوالفهم وطبعا ما يخلون احد يعلق المساكين

صج جرؤة

بس على مين تلعبها يا خليف

نروح حق يكيكي ومقالته امس بعنوان من هو عذبي يا مرزوق

طبعا المقال يمجّد عذبي ليما قال بس والنتيجة شراء يكيكي لرنج روفر سبورت من وكالة مرزوق باليومين اللي طافوا

تدرون إن الجزيرة الخضراء دشتها بتذاكر؟؟

انتوا تدرون أصلا ان عندنا جزيرة خضرا؟؟

في جملة عجبتني بمقال يكيكي أمس

لكن من خرج من ظهر فهد الاحمد رجل لا يعرف الخضوع او الهروب

ليش؟ شمعنى؟ على أي أساس؟ من وين يبت هالمعلومة؟

على فكرة ترى طلال الفهد يتهرب من مناظرة مرزوق صار له جم شهر الحين

مع إن خرج من ظهر فهد الأحمد

والله يخليكم لا تحنّون على هالموضوع وايد لاني صرت جنّي يكيكية مرزوق الغانم

ومابي اكون جذيه

انزين عشان لا تحنّون وايد على موضوع إن بما ان كان مقاومة فهذا صك غفران للأبد

يعني موقف الماضي حتى وإن كان بطولي ويعجبكم مو معناته ان موقف الماضي يستمر والبطولة تبقى

ما تقولون لي شرايكم بمحمد عبدالقادر الجاسم رئيس تحرير الوطن قبل خليف؟

كان ماخذ ثقة علي الخليفة ومترأس تحرير جريدته ويدافع عنه

شرايكم فيه الحين؟؟هل بعده زين بالنسبة لكم؟

شرايكم بالإخوان المسلمين؟ اللي وقفوا ضد الكويت بالغزو؟

شرايكم بمقالة فؤاد الهاشم اللي حطيتها ذاك اليوم وتهنئته للي يذبحون الأمريكان؟

شرايكم باللي وقفوا مع صدام بحرب العراق وايران؟

شنو كان موقف الشهيد الوحيد من العراق اللي هم حطيتها بموضوع سابق؟

انت يمكن يا نواف كنت آدمي ايام المدرسة؟ هل معناته إنك ليما الحين خوش ريّال؟

مو مقياس وعن التطبيل وكل شي بحسابه طبعا

نكتفي بهذا القدر