09/01/2008

الهدية

مجرد إقتراح ورسالة إعجاب للست نوريه
ومادري إن كنتوا تتقبلونها أو لأ

بس بقترح وإعتبروني أفكر بصوت عالي

تجمع لساعه وحده فقط في أحدى الأماكن المتعلقة بالتعليم (جامعة الكويت - مدرسة أو غيرهم) يوم اليمعه الياي

مجرد توصيل راي للكل تقديرنا لدور نورية الصبيح وكل من يجتهد بإخلاص حق الكويت

الباب مفتوح للتنظيمات الطلابية بالمشاركة وأتوقع منهم هالشي خصوصا الجامعات الخاصة

سمعوني رايكم

32 comments:

Anonymous said...

عاد مالقيتي الا يوم اليمعة

صج نحاسة

al-nokhitha said...

Yaah 5osh Fekra .. Ana Agool Law Enadii el Jarayid Wil Rai Tv 3ashan yo9al il mawtho3 .. o enshala ma3a ta7arok il shabab ra7 eta'3ayar wayed 7sabat :)

3asach 3ala il Guwa :)

Anonymous said...

ما عندج سالفه !!

Anonymous said...

فكرة جميلة بس الجمعة الناس بالشاليهات

السبت عقب الحدرة

Anonymous said...

و شوفي مدى تقبل الروابط الطلابية

wa6an-alnhar said...

انا مؤيدة للفكرة
فعلاً تستحق الشكر على اسلوبها الراقي و القوي

يالله نبدي

فريج سعود said...

انا مؤيد للاستجواب يصير ايي ؟

kila ma6goog said...

رأيي الصريح هو ان ماله داعي

أوكي

نحتفل فيها لو كان تم طرح الثقة و طلعوها من الوزارة فنجبر بخاطرها و نكرمها

لكن الآن واضح انها نجحت في الاستجواب و أكبر تكريم لها الحشد اللي ياها و التفاعل الشعبي العود معاها

عاجل said...

الحشد المؤيد سيقابله حشد مضاد
والجو اصلا مشحون حضر وبدو انا اقول بلاها

kuwaitawy said...

انا وياكم



لكن اخوووي ( عاجل) مايصير

انا ضد ملاحظتك مع كل احترامي لك :)

تشكراتي

Eng_Q8 said...

مو وقته

Bashar said...

أفضل تكريم للوزيرة الصبيح .. حضور جلست طرج الثقة .. فقط كونوا هناك .. والجمعة برد موووووت!

ذكر في جريدة السياسة عن مسيرة نسائية في يوم جلسة طرح الثقة من المجلس الى السيف .. أي معلومات؟

تحياتي

As YoU LiKE said...

انا مع ماقاله عاجل.

حضور جلسة طرح الثقة يكفي مع لون معين لدعهمها.

bo9ali7 said...

الحلو بالفكرة ان راح نوصل رسالة للحكومة ان الوزير الناجح الشعب راح يدعمه اذا ما ادعمه البرلمان

Anonymous said...

تحتفلون من صجكم

اقووول مالت عليكم ياحظي

اهي من صار فيها عشرة أعضاء تقدموا بطلب طرح الثقة
تعتبر الوزيرة مطروحة الثقة فيها

بس باجي التصويت على الإقالة

وأعتقد انها ماراح تنتظر هالشيء وراح تقدم الإستقالة

Anonymous said...

من الغباء السياسي بعد ما يطلب طرح الثقة الاعتقاد ان الوزيرة سوت شى زين

يخرب بيت غباءكم المستفحل

بس تعرفون تستغلون الوضع

Anonymous said...

لمن صار تصفيق في نهايه الجلسه تاييد للوزيره تم الرد بتصفيق اكثر تاييدا للشريع
فاذا صار اي شي في هالجو المشحون اعتقد ان راح تصير لويه

Anonymous said...

الله يستر من اللي قاعد يصير
شرخ في مجتمعنا انقلبت حضر وبدو والغريب ان العيم اغلبهم ويا البدو خلونا نستعرض الاعداد
الي ضد الوزيره نواب معارضين لوزيرة التربية
1- سعد الشريع - نيو اسلامية
2- عبدالله عكاش - نيو اسلامية
3- حسين مزيد - نيو اسلامية
4- خالد العدوة - نيو اسلامية
5- جابر المحليبي - نيو اسلامية
6- ضيف الله بورمية - نيو اسلامية
7- مسلم البراك - شعبي
8- محمد الخليفة - شعبي
9- حسن جوهر - شعبي
10 - مرزوق الحبيني - شعبي
11 - علي الدقباسي - مستقل
12- حسين الحريتي - مستقل
13- عبدالله مهدي العجمي - مستقل
14 - احمد الشحومي - مستقل
15- صالح عاشور - مستقل
16- عبدالله راعي الفحماء - مستقل
17 - غانم اللميع - مستقل
18 - مزعل النمران - مستقل
19 - جمال العمر - مستقل

فريق طرح الثقة يحتاج 6 من المجموعة الثالثة
1- احمد السعدون - شعبي
2- عدنان عبدالصمد - شعبي
3- احمد لاري - شعبي
4 - وليد العصيمي - مستقل حكومة
5- طلال العيار - مستقل حكومة
6- مبارك الخرينج - مستقل حكومة
7 - سعدون حماد مستقل - احمد الفهد
8- فيصل المسلم - اسلامي
ما اعتقد ان اللي صار شي سهل
انا اتوقع سبب المشاكل كلها الصقر اللي قلبها حضر بدو

ما يندري الديره وين رايحه

العرزاله said...

Bashar
صح وكلامه عين العقل

Meste7i... said...

للأذكياء اللي يقولون إنه تم طلب طرح الثقة...

انتوا من صجكم هالاستجواب عشان تقويم الأخطاء؟؟ ترا بس يبون يشلعون نورية - يمشون بوزهم أحسن- و للعلم وقعوا الطلب قبل لا نورية تخلص تفنيد المحاور... يعني بالضبط اقول استريح ياللي مو راضي تدش بإسم أو user...

و يا ليت انك تكون عرفت الحين منو الغبي! تكفه شوف منو موقع على الطلب!! عشان تعرف "كمية الذكاء"

Anonymous said...

شنو علاقة البدو و الحضر

الدكتور عبدالمحسن المدعج عازمي و بدوي و ضد الاستجواب و بشكل علني

و اللي مقدم الاستجواب نائب عازمي

يعني مافيها لا قبليه و لا بدو ولا حضر

خلوكم من هالسوالف مو من كثرنا عاد


احمد عقاب

maci said...

brayee en klsh malah da3y..
7thorna el estejwab o inshallah b jalsat 6ar7 el thiqa more than enough..

Anonymous said...

خبر عاجل <<<< يوسف الجلاهمه يرآس تحرير جريدة الراي خلفا لجاسم بودي

Anonymous said...

salam .. 7ayakom @ GUST .. We're always ready! .. bas mo al-yem3aa! negdar ensaweeha fee yoom thaNi.

+

enroo7 almajles fe jalsat 6ar7 al-theqa oo nalbes aswaad!!

Anonymous said...

فكرة حلوه خاصة بابناء نورية طلبة المدارس و الجامعات ..

انا مؤيدة للفكرة

دلال المسلم

جلوي said...

احمد عقاب عين العقل

شالكلام بدو و حضر؟ ترا عيب و مو سوالفنا هذي

و لو هذا التقييم بالاستجوابات كان الحضر اول من وقف مع علي الجرّاح

بسكم عاد. و محاولاتكم لقلب القضية الى قضية عنصرية ما تفوت علينا

جلوي said...

و اللي يطرح هذا الطرح لا تردون عليه. و فوتوا عليه الفرصة لجركم الى هذا النقاش الهابط الذي لا اساس له في الواقع. يعني اللي يحاول اثارة النعرات بَوشوه

مجرد رأي said...

Anonymous said...
فكرة جميلة بس الجمعة الناس بالشاليهات

السبت عقب الحدرة

09 January 2008 21:35

=========
هل المعني بالامر اصحاب الشاليهات فقط ؟؟؟شسالفه كلنا كويتيين
عندي سؤال على اي اساس تملكوا الناس هالشاليهات ؟؟عمري ما فكرت يمكن لأنه ما عندي شاليه :) حتى جاخور ماكو ماعلينا....
انا اضم صوتي للاخوه اللي قالو ماله داعي ...والوزيره كفت ووفت

Anonymous said...

انزيين شرايج تغيرين الفكرة تخلينها تأييد و المطالبة بالغاء قانون منع الاختلاط ؟!

و بجذي راح نقول راينا برفض تطبيقه

Anonymous said...

يكيكي صاير حامي الديار

مقدم بلاغ للنائب العام بخصوص انشاء المصفاة الرابعة

منطقة الزور هل كيف تعتبر أرض سعودية وهي داخل الكويت ؟

Anonymous said...

This is OLD but just in case you did'nt see it !

http://www.youtube.com/watch?v=nI1asMqABY0&NR=1

Anonymous said...

good idea ,just change the date .
PLZ keep in mind ,pressure is still essential and it can easily change the (fluctuating) MP's minds .It has happened before and it will always happen as long as there is determination on our side and other elections in sight !
Good luck
P.S.who and why turn this issue into racisim..how stupid could we get ! Do not fall into the trap !!