ليش خايفين؟؟

تحديث
*******

قررت إني أستعين بشخص يساعدني في كتابة الموضوعات ببيت القرين

وإن يكون له القدرة على إن يفضح ويسكت جريدة الوطن

وبصراحة من الفترة اللي طافت وأنا ادور على أحد جذيه

لكن اليوم إكتشفت منو يقدر يساعدني ببيت القرين

وأقدم له طلب رسمي بالإنضمام

الشيخ جابر الخالد الصباح أتمنى إنك تنضم معاي بالمدونة

لأنك فشلتهم الصراحة

وراح يكون لي موضوع عنك قريبا

بس اللي قايم يوم اليمعه وما يدري شالسالفة

الوطن اليوم يقولون عندنا وثايق ان هذا ياسر الصبيح عنده جنسية عراقية وبأسامي مختلفة

جابر الخالد يقول اي انا مطلعله الجناسي عشان يساعدنا

ويقولون أخوه بالجيش الشعبي

يقول لهم طلعوا براهينكم وانا عندي براهين

يقول لهم انا صار لي 30 سنة بالداخلية

ومنها 10 بالاستخبارات عيب عليكم تسوون جذي

حق تفاصيل أكثر شوفوا الصفحة الأولى بالراي والعفن اليوم

منو هذا؟؟؟

وايد ناس يقولون ليش ما أعلق على كتابات البيلر أو كما يسميه البعض فؤاد الهاشم

والرد سهل اول شي

واحد، هذا كلامه شينقال له؟؟

ثلث الكويتيين «يلكوّنه» ـ وهو تعبير محلي يعني احتساء الخمر ـ والثلث الثاني «مدمن مخدرات» والثلث الثالث.. «مطاوعة وملالوة

وثاني شي

واحد كل مقالاته ان بوش داق عليه وقايل له سر

او أحمدي نجاد فكر بينه وبين نفسه بموضوع

البيلر يعرف الموضوع

أو سمية الخشاب تحبه

شينرد عليه بالذمة ؟؟

إي على الطاري

سمية الخشاب بالوطن يقولون أمس

وسط انباء قوية بطلاق النجمة سمية الخشاب من رجل اعمال عربي

يعني الوطن طالعين بسبق ومكسرين الدنيا الحين

وبنفس اليوم وبجريدة الجريدة مقابلين سمية الخشاب

هل خبر طلاقك صحيح؟
نعم، وإن كنت مازلت أرغب في الفصل بين حياتي الخاصة والفنية

دايما الجريدة سابقين الوطن

لوول موت قهر يا خليف

بس هم نعلق على البيلر لا تزعلون

أمس كاتب مقالة عن أحمد الكليب اللي سعى حق تجنيس واحد يمني

الكليب يقول ان اليمني أيام الغزو

إن هذا الشخص ليس عاديا، بل اعتبره عمي وأحد أفراد أسرتي، وقد قضى حياته كلها في الكويت وأحبها وأحب أهلها، وإنه كان يوزع المؤن والأموال على الكويتيين خلال الغزو وأخفى بعض رجال المقاومة خشية الوقوع في قبضة جنود الاحتلال ولأفعاله هذه سعيت من أجل أن يحصل على الجنسية الكويتية كحال العديد من الذين قدموا خدمات جليلة للبلد

البيلر يقول
ومع ذلك فإن من حقه ان يكرمه.. لكن.. من جيبه وليس من جيب الحكومة

كما ان منحه الجنسية وهو في هذه السن المتقدمة لن ينفعه في شيء

ويقول اذا بيعطون اليمني لازم يعطون اللي شاركوا بحرب تحرير الكويت جناسي

يعني يتكلم بالمنطق

مو اللي شاركوا بحرب تحرير الكويت هذيل بالجيش ومسؤولية دولهم وهذا اليمني اذا كان كلام الكليب صحيح خدم الكويت من دون مقابل او غصب

بس هم البيلر يرفض تجنيسه لأنه كبير بالسن ومو شرط اللي ساعد الكويت يتجنس

حلوين ركزوا معاي على خبر الوطن اليوم صفحة أولى

حارب الغزو.. ورفض صدام حسين وحزب البعث
الشيخ متعب الهذال رجل لا تنسى الكويت مواقفه

الله يخليكم اقروا الخبر وإنصدموا

وقولوا لي شراي البيلر؟؟

وبخفة دم البيلر المعهودة يختم مقالته أمس

دعاء السنة الجديدة:.. يا رب ارزقني »خيشة.. فحم مكلسن«، و»طابوقة« في.. مدينة إعلامية

يعني ما كفتك فلوس الناقلات يا خفيف؟؟ انزين الاستثمارات؟؟

الاخونجية بجامعة الكويت مستضيفين الرسام العود محمد ثلاب بطل بوسخافة وبوسخيف

ثلاب نوى يتكلم عشان يوصل عبقريته للمساكين طلبة الجامعة لا مو مساكين دام مخلين هالاشكال تفوز بالانتخابات

شوفوا شيقول عن رسوماته

حاثا الطلبة على تنمية هواياتهم وابرازها بشكل جيد مبينا أن رسم الكاريكاتيرات يغني عن المقالات في بعض الأحيان وله قابلية سريعة للفهم أكثر من المقالات بسبب قوة الطرح وجرأته حيث انه يساعد في اختصارات بعض المفاهيم السياسية موضحا أن الكاريكاتيرات سببت مشاكل لدى بعض الدول مثل ما حصل بين قطر والكويت أزمة صحافية أزمة المياه وكاريكاتير أحد الشخصيات الدينية الذي سبب مشاكل في ايران

يقول رسوماتي سببت مشاكل مع بعض الدول مثل اللي بين قطر والكويت ومشكله في ايران

وهذا الكلام منقول من جريدته يعني مو متبلين عليه

واهوا يعني مادح نفسه جذيه

ويبينا بعدين نصدق ان اهوا اللي يكتب الكاريكاتيرات

كلمتين ما يعرف يقول

يكيكي

أمس يقول

كان عندكم اثبات ضده قدموه بدلا من توزيع اتهامات بلا بينة عيب والله عيب

يعني اللي يتكلم بدون دليل عيب عليه

طيب إنت مو طلع حكم ضدك لانك تكلمت عن الصقر بدون دليل

عيب والله عيب

ليش لما احد يسأل شباب الكويت بالشارع وين البيت أو المكان الفلاني أول شي يوصف المكان بعدين يقول تدري شلون إلحقني

إي قولها من اول شي

وليش البنات ما ينسألون هالسؤال؟؟؟

نختم ويا يكيكي اليوم

يقول وبإختصار اذا إنتوا رياييل يا نواب المجلس استجوبوا رئيس الحكومة

يعني بالضبط هالحوار حده حده حده ثانية ثانوي

وثانيا اذا اهما مو رياييل خل نوابك الرياييل يسوونها

وبعدين تعال يقولون عندك ندوة الليلة عن ضرورة استقالة نورية

انزين ليش الكل مستحي وما يعلن عنها ليش خايفين؟؟؟

يبا تبون أعلن عنها قولوا ترى بالشوفة أنا