23/07/2007

مع يكيكي

هاليكيكي هذا أذّاني وايد

ما يمل من التشلخ ولاّ شنو سالفته بالضبط مادري

أنا راح أتكلم عن مقالته امس ومقالة اليوم

جليل الحيا أمس يقول بعنوان مقالته

حط حيلهم بينهم

على نجرة المليفي والبراك

يعني فرحان وايد إن النواب يتهاوشون

صج وطني ويحب مصلحة الكويت ما شاء الله عليه

المهم

يتني معلومات كنت أنطرها على علاقة المليفي بيكيكي

وإليكم ما يلي

نواف الفزيع كان مفتاح إنتخابي لأحمد المليفي في مجلس 99 ومجلس 2003

وماكان يخلي ديوانية يعرفها الا وييبلهم المليفي

وإستضاف المليفي بندوة ببيتهم

وقدمه على اساس ان فارس من فرسان المجلس

اي وبعد كان يشتغل بمكتب المليفي للمحاماة

بعد ما فاز المليفي ب 2003 الولد طمع

وقرر ان ينزل الانتخابات

يحسب ان اهوا اللي فوّز المليفي

وطبعا بدون لا يقول شي حق المليفي

وبدون مقدمات طلع من مكتبه وقرر إن يهجر المليفي

ومليفي مسكين ليما الحين يغني

أجر الصوت من جرح براني

إنزين

خلونا ندش بموضوع مقالته مالت أمس

حط حيلهم بينهم

يقول

وانا قاعد اقرأ جريدة »الوطن« عدد يوم الجمعة وماورد في الصفحة الاولى عن كلام احمد المليفي واتهاماته لمسلم البراك، ردا على اتهامات مسلم البراك، سرحت في الكلام وقمت اتذكر ندوة أقمتها في مشرف قبل سنوات جاعلا منها اعلانا مبكرا مني لخوض الانتخابات الاخيرة، كان عنوان الندوة ماذا جرى خلف كواليس استجواب وزير المالية السابق محمود النوري وكنت قد استضفت في هذه الندوة النائبين مسلم البارك وعلي الراشد ليتحدثوا عما جرى في الاستجواب وتبعاته وآثاره على مستقبل علاقة المجلس بالحكومة وكنت ضمن المتحدثين في الندوة، والتي فوجئت فيها بحضور النائب احمد المليفي كمستمع في الندوة

طبعا النقاط المهمة بالفقرة اللي طافت إهيا كالتالي

وأنا قاعد أقرأ
مادري شمعنى كلمة قاعد قالها بالكويتي والباجي بالفصحى؟؟؟؟

الندوة اللي سواها كإعلان مبكر على قولته

الندوة صارت في براحة بين مدرسة مشرف المتوسطة للبنات مادري شسمها ومدرسة مشرف الابتدائية للبنات وهم مادري شسمها

وهالبراحة عبارة عن ملعب كرة

وعنوان الندوة كان الحقيقة

مسوي الندوة ببراحة يعني شعبي

بس الصج إن ماكان أكو ديوانية تستضيفه
:)

الجزء الثاني المهم من الفقرة اللي نقلتها من مقالة يكيكي اهيا

فوجئت فيها بحضور النائب أحمد المليفي

يقول فوجئ

فوجئ
فوجئ

وعلامي احن

المهم فوجئ معناته إن شي غير متوقع

شي غير متوقع معناته إن المليفي ما كان مدعو لحضور الندوة

او ماكان مرغوب في حضوره

قال فوجئ

نطروا شوي بس وانا أكشفه لكم

هذي العبارة بعد العبارة اللي نقلتها بسطرين بس

وبعد انتهاء حديث النائبين وحديثي طلب النائب احمد المليفي التعقيب على كلامنا وقام ليجلس بيننا بالمنصة والتي لم يكن فيها الا ثلاث كراس، فقمت من كرسيّ وقدمته للنائب احمد المليفي ليجلس عليه، طبعا كان موضوع الندوة عن الاستجواب وتبعاته ولم نأت بأي ذكر للنائب احمد المليفي لا من قريب او بعيد، سواء مني او من النواب المشاركين، الا ان ابو انس استهل كلامه في البداية بهجومه على شخصي الضعيف، لانني لم استضفه في الندوة، ليعطي رأيه في الاستجواب كون الندوة اقيمت في منطقته وهو نائب عن هذه المنطقة ورددت عليه بأن الندوة مفتوحة للجميع

المهم بهالعبارة إن النائب المليفي تكلم كمعقب بالندوة وهذا شي طبيعي جدا
ويصير بكل الندوات ما عدا ندوات التحالف
:)

وهم المهم بهالعبارة إن يكيكي يقول إن الندوة مفتوحة للجميع

طيب دام الندوة مفتوحة للجميع وكل واحد يقط دلوه بالندوة

ليش فوجئت بحضور المليفي
:)

صادوه

وعلى فكرة المليفي قال إن إهوا حاضر كأحد أبناء الدائرة اللي فيها الندوة

ومن حقه يتكلم مثل ما تكلموا ناس وايد بالندوة نفسها وحتى واحد من المعقبين قال

إن مسلم البراك لازم يكون له حماية لأن معرض للإغتيال

يكيكي

إنطر ما خلصت

واكمل مسلم البراك بالحديث بقوله (اول مرة اشوف شخص يشارك في ندوة هو غير مدعو فيها

مسلم بالندوة يقول إن المليفي مو مدعو

ويكيكي يقول إنها مفتوحة للجميع

يعني يا إنك إنت قاص على البراك وقايله ندوة سرية حالها حال القعدات وهالسوالف وبوحنان راح يكون موجود

إي أعرف بوحنان عندكم مانع؟؟؟

اللي ما يعرفه

شيء أسود اللون له أنف أبيض وصوته على حد تعبيره هو شخصيا "مثل صوت واحد متريق رمل" مو موضوعنا

مثل ما قلت لك

يا إنك كنت قاص على البراك
او إنك ألحين قاعد تقص على القراء وتقولهم مفتوحة للجميع

أو إنك تلعب على الحبلين وهذا الأرجح

في ملاحظة قبل لا انتقل حق مقالة يكيكي اليوم

إن جريدة الحرامية تميل حق المليفي والدليل إنها تفرد له مساحات واسعة حق كل حرف يقوله

وهم بلبل الطبل واقف معاه

إلا يكيكي يميل حق البراك

والسبب طبعا

إن يكيكي بينزل بدائرة المليفي ولازم يحاربه

هم ما راح تفوز

إي صج
والله والله آخر شي قبل لا أنتقل لمقالة اليوم

في ردود محطوطه بمقالة يكيكي امس بسايت الوطن

واحد إسمه بوفواز عجبني

هذا رده

الله اكبر يا نواف الحين صار المليفي كخييييي ؟ شوف انا لاني مع المليفي ولا مع البراك لان عندي ثقه بولا نائب حالياً وهذا الواقع يا الفزيع ولكن اللي يضيق الخلق انك تكتب ضد استاذك وتوقف ضده وتصير انت المنزه ... نواف الفزيع انت احد الاشخاص اللي قامو في حملات ابو انس الانتخابيه وحضورك كان واااااضح وضوح الشمس في دوانيته وكنت تحرص على رفيجك جمال النصار وانت تعرفه عدل وتحرص على حضوره وكنت تتصل عليه عشان يحضر الدوانيه وعقب هذا كله صار المليفي كخييييي يعني انت من صجك انك بتنجخ بمشرف ؟؟؟ انت اول شي صير امين واتقي الله بما تكتب ولا تدعي النزاهه والحنكه السياسيه انت تبي المجلس للماااااااااااااده فقط وهذا ما عرف عن نواف الفزيع ماديته وانا حضرتلك اكثر من موقف ومنها لما شريت اثاث من احد اصدقائك ولي الحين ما اعطيته فلوسه اكتب عدل يا الفزيع ولا قسماً بجلال الله انك ما راح تنجح بحياتك كلها ولا تسحب عقول الناس لصالحك وتنسى مصلحة البلد المجلس انت تدري شنهي خباياه وشنهي الرشاوي اللي تصير للاعضاء هل انت الوحيد اللي راح تكون الشريف فيهم ؟؟؟ ما راح تستفيد إلا من راتب المجلس يعني ؟؟؟؟ يا حجي الشق عووووووود وابعد عن الشر وغنيلوووووو طيعني خلك كاتب ومحامي لشركة تنظيفكو وايد احسن على الاقل تاكل لقمه طيبه وتخلي الناس اللي ما يذكرك بالخير ما يذكرك بالشر تحياتي لك

مقالة اليوم وطبعا إهوا هم كاتب موضوع بالصفحة الأولى لكن مو حاط إسمه

شكله مستحي يكون محرر

مقالته عنوانها

فلور وأصحابها

طبعا ما يندرى صجهم من جذبهم لكن الارجح انها جذبة يديدة من الوطن

يقول بمقالته

بداية الموضوع كان على شكل مناقصة ارادت الدولة منها دعوة القطاع الخاص لتنفيذ المشروع وبأقل التكاليف على الحكومة، تقدمت 3 شركات لتنفيذ المشروع، الا ان اللجنة المختصة ألغت المناقصة تحت دعوى ان الاسعار المتقدمة فيها من قبل الشركات غالية ولا يمكن المضي بالمشروع بهذه الصورة، ومن الافضل البحث عن بدائل، فخرجت في اللجنة فكرة الـ COAST PLUS وهي تعني ان الدولة حتى تخفض من تكلفة المشروع على المنفذين فستقوم بتوفير المواد الاولية لبناء المشروع حتى لا يتذرع المنفذين بالتكلفة العالية لتنفيذ المشروع بسبب ارتفاع المواد الاولية، كل هذا في مقابل ألا تكون هناك مناقصة ويعطي النسبة الاكبر من تنفيذ المشروع للشركة الاستشارية والتي هي من اقترحت شفهيا هذا الاقتراح للجنة! وتعمل مناقصة بالباقي من تنفيذ المشروع

هالخطوات اللي ذاكرها لانها تصير بالكويت تاخذ أقل شي 6 أشهر

ونقص على روحنا ونقول خذت بس
ثلاث اشهر
يعني هم تلميذ علي الخليفة كان وزير

ليش ما تكلمت وقتها ولا ما يرضى خليف
!!!

ما أعرف بالنفط والاقتصاد وايد فخنشوف متى تنكشف جذبتهم اليديدة

المهم بنفس المقالة يقول
حتى الطرف الحكومي المعني والشريك الخفي لصاحب الشركة الاستشارية والذي سنعلن عنه بغض النظر عن اي تهديدات »مو شبعنا تهديدات من ربع محمد+ أحمد وشبعنا سب من ربعهم وما فاد راسنا يابس بس والله حر«، تري محنا صبيان لأي معزب عشان تسكتونا ولا أحنا نبي جاه أو كرسي أو مال عشان تقبضونا مهما حاول البعض تزييف الحقائق علينا وقافلتنا في محاربة الفساد ماشية ماشية رغم سباب وتهديدات البعض

الحين نبي نفهم هذي نكتة ولا صج

البطل المغوار يكيكي شجاع وقوي وكل شي انا بس عندي سؤال واحد

حق يكيكي

كل الكويت حرامية الا إنت

كل الكويت صبيان الا إنت

إنت الوطني الحر الشجاع المغوار البطل المقدام

ليش ما تتكلم عن الناقلات

قول حرمنة ولا لأ

بس قول مانبي شي

عطني تفاصيلها واللي يرحم والديك
وخاصة رقم 7730

قول خنصدق إنك مهتم بديرتك

أخر مقالته يقول

كل ما قاله مسلم البراك في رده على أحمد المليفي صحيح »بحكم معلوماتي كمحام

يعني شنو الحين المليفي راح يدش السجن لما انت تقول هالكلام؟؟؟

دام كل هالكلام صج
والبراك متكلم عن تجاوزات على المليفي ب99 و2000 وهالسنين إنت كنت تشتغل مع المليفي

فإنت قاعد تدين نفسك يا خبل لأنك إشتغلت مع واحد مطأطئ الرأس

وسوقت له ودافعت عنه ويبته بيتك وسويتله ندوة

وهذا يبين إنك إذا إشتغلت مع احد ما تكشفه الا لما تطلع منه

وهذا معناته إن وضعك مع جريدة الحرامية نفس الشي

عفيه عليك

مو قلنالك مو كل أهل عبدالحسين يضحكون
والله فيني حجي اليوم بس نوفر لها
:)

16 comments:

nEo said...

انتي ما تدرين ان علوقته الياهل في مشرف ؟


بعدين وايد وايد ضحكت على سالفة معلوماته كمحام


آل محامي آل


سبحان الله

من كتب بالوطن و كل شهرين يغير سيارته !


خلها مستورة يكيكي

Anonymous said...

انسان تافه يكتب بجريده اتفه منه
جذاب... يكتب كل يوم و بكل شي
و يفتى بكل الامور و يعرف بكل الخفايا

لا وماعرف يرد على (ابوفواز) اللي
علق على مقالته كتب باسم ابو
راكان على بو اخلي معجبيني يردون
عليك

ولما علقت و كتبت له عيب هالسوالف
اذا بترد رد بمقالاتك مو تكتب باسم
معجبين (مصدق نفسه عنده معجبين)
عالعموم ردي مانشروه لي اليوم

يكيكي
الطبل
صاحب بوسخيف و سخافه

ماعتقد في احد بالكويت كلها يحب
يشوف اشكالكم بدوانيه او حتى
بمكان عام لانكم سفله, تنابحون
وين مايوجهونكم!

الله يعز قانون الصحافه اللي راح
يخلي جريدتكم نصف شهريه
اذا مو نصف سنويه بعد ... اقول
قلبوها مجله احسن لكم الله يلوع
جبودكم !!!

تحياتي مع ان لاعت جبدي!!
احمد عقاب

حنطفيس said...

والله انتي قاعده تعطين هالسفلة أكبر من حجمه

اقصاه ياهل ومايسوى فتحة صبعج العود بالشحّاطه.

فكينه منه ومن سيرته الله يقطعه ويقطع سيرته

Unknown said...

شاري اثاث ومو دافع فلوسه ؟؟؟؟ ويتفلسف بعد ؟؟ يعني هالجريده مافيها احد سنع من كبيرهم لين اسفل شخص فيهم وهو يكيكي بواوقه ؟ مع العلم ان كلهم اسفل اصلا


شعرفج في بوحنان تر بديت اخاف منج انا :))

Anonymous said...

التعليقات إلي على المقالة في الصبح .. شالوها إلحين ..

خوش جريدة والله

Anonymous said...

العود حرامي ناقلات و هالطبل حرامي أثاث

سواد ويه

يعطيج العافيه :)

bo9ali7 said...

wallah met mn althi7k 3la wa9f 9ot bo 7anan

gwaach allah

Fouzan said...

:)

KQ8 said...

الظاهر يكيكي...يكتب راس المقال وفي صدر المقال ينسى شكاتب براس المقال ومايراجع...ياخوفي باجر يحطولنه برنامج بقناة خلف خلاف اسمه استشارة قانونية ويطلعلنا بالصوت والصورة ..حق المغثة الزايده

ARTFUL said...

يعطيج العافيه .. والله صح نتفتيه فقيّر بس يقول آآآ قلتليه ولوا ..

بس تعريف بو حنان قوي

لوووول

حافظج الله

saad

Anonymous said...

مساء الخير جميعا .. فخوره فيكم كلكم وعسانا نشهد يارب وقريبا يوم الانفراجة العالمية لكل قوى الفساد واولها منشورةالوطن .. قولوا آميين

بيت القرين said...

neo
el moshkela enna kel yoom nekteshef shay ydeed 3an yakyaki :)

ano..
b nakshef tfahatah ehwa o '3eirah ensha2allh

7an6afees
lazem noogaf lehom 3shan la yetmadoon

7amoody
e a3aref bo 7anan o a3aref '3eirah ba3ad :p

ano..
e o ygooloon 7orreyya :)

freekuwait
allah y3afeek :)

bo9ali7
ehwa gayel chethy 3an 9ootah ana maly sho'3el :P

fouzan
o enta ba3ad
:)

krakatoa
ashkara ra7 y7e6oonlah barnamaj :(

artful
3ashan la ychatheb marra thanya :)

ano...
2ameen :)

Mohammad Al-Yousifi said...

انا اتوقع يكيكي ما يكتب المقالة , يكيكي يسولف المقالة على التلفون حق واحد بالجريدة و ذاك يكتبها

ثاني ملاحظة

ترى شقنا يكيكي بسالفة ترى والله التهديد ما يفيد فينا و احنا ما نوطي الراس و هالخرابيط

تهديد و تهديد

ممكن يقولنا منو البطالي العطالي اللي ما عنده شغل و ياي يهدده؟ و يهدده شيقوله؟

باباتي لا تخاف من التهديد , وحش حولي صادوه تقدر تطلع الحين و تتفسح على راحتك

ButterFlier said...

up date

بو حامد said...

جيكي ايميلج :)

Mohammad Al-Yousifi said...

الاعلام 'تحيل مقالة نواف الفزيع في الوطن للنيابه العامه :
أتهم ضلع حكومي مهم بالتواطوء لتمرير مشروع لشريك


الآن