13/07/2007

خليف


هذي الشخصية اللي تولت إدارة جريدة الوطن من 1-5-2005 إلى اليوم

وما يندرى لي متى

خليف هذا ولد المتهم الخامس بقضية الناقلات واللي مازالت منظورة بالقضاء من سنة الطواعين ليما اليوم

بس قبل جم يوم طلع أمر ضبط وإحضار

اللي اعرفه إن خليف صغير بالسن يعني يمكن بالثلاثينيات أو نهاية العشرينيات بعد

وهذا معناه إن من اهوا بسن المراهقة ومعروف عن إبوه إن حرامي

وهذا اللي ولّد عنده عقدة كبيرة كبيرة وايد خلته متعقد من كلمة بوق- لص- حرامي- ناقلات- نفط أو اي شي يرادفهم

حتى كلمة بنزين تضايقه

كل هذا بسبة إبوه

لما مسك جريدة الوطن بعد محمد الجاسم اللي طبعا كان بوق حق علي الخليفة والحين صار وطني لأن إنقطع عنه مصدر الرزق

نوى إن يدافع عن إبوه بشكل أقوى

طبعا لأن ما يقدر يقول أبوي ما باق

لأن واضحة

فصار يتهم كل الناس إنهم حرامية

السعدون -الصقر- الراشد -العنجري- الرومي -البراك -الصرعاوي

وصار يتهم غيرهم إنهم ما يبون الكويت

عدنان -لاري- جوهر وغيرهم

ويسوق حق التالية أسماؤهم

جمال العمر- طلال العيار- سعدون حماد -وليد نينجا وغيرهم

أول ما مسك كان في معمعة حقوق المرأة

والوطن ايام محمد الجاسم كانوا مسوين حملة معا في 2007

وكانت الوطن تحط هالشعار يوميا في الصفحة الأولى بالزاوية فوق أول ما مسك خليفة وقفوا هالحملة لمدة 16 يوم وطبعا السبب ما يبون توسيع المشاركة الشعبية لأنها تطير رقاب نوابهم

بس أول ما حصلت المراة على حقوقها

سووا روحهم أصحاب الحملة وإنهم ما وقفوها كلش

ولإن الذاكرة بالكويت قصيرة فمرت السالفة على خير ونسوا الناس

أبي أفهم شلون محمد المطير يفوز بالضاحية وإهوا مصوت ضد المرأة؟؟

طبعا الجملة مالها شغل بس بعدي محترة

المهم بعدين الحبيب قام يزرع الفتن بين عيال الكويت


مرة يتكلمون عن تشيع المصريين ويسويها قضية دولة

ومرة يكتبون عن صيام 6 من شوال ويسوي فتنة بين العلماء والناس

ومرة عن الشيخ بن باز الله يرحمه

ومرة يكتبون عن الرضاع الكبير وهالخرابيط

كل شي يكتبه بس عشان يتفّه المواضيع بالكويت عشان تضيع الصقلة

طبعا الدوائر بالصيف اللي طاف كانت اهيا المصيبة اللي طاحت على راسه

لأن يدري بتقليص الدوائر راح تطير أكثر رقابه وعلى راسهم وليد نينجا وسعدون رامبو

أول شي قام يصور المظاهرات انها من ناس شوية وبعدين قام يصورها على انها رقص وطقطقة

ولما ما فلح سوا الفريق الازرق بو عدالة ان أكثر من حضور حفلة

live earth

وبعدين قام يسوق الدائرة الوحدة لكن لما انقرت الخمس دوائر سكت عن الدائرة الوحدة

اللي عرفته إن تسويقهم حق الدائرة الوحدة كان يبي يوصل من خلاله إن يطرح أزمة دستورية وما يجوز وهالمشاكل عشان يتفركش الموضوع كله

المهم انقرت الخمس غصبا على ويهه

وإنطرد وزير كل شي احمد الفهد والظاهر ان جابر المبارك كان له دور بهالشي

فقام يهاجم جابر المبارك ويسوي إن الوضع بالكويت اسوا من شيكاغو خمر ودعارة واقامات واشياء وايد

اللي يسمع يقول قبل جابر المبارك كانت هالاشياء كلش مو موجودة

والحين قام يشتري الناس بالف طريقة

اسقاط القروض مع الوطن

تلفزيون الوطن ووظايف بمعاشات عالية وايد

وهالايام اشوف اكاديمية الوطن

وطبعا كل هذي الحركات ما تفيد لأن أبوه وصل المرحلة الأخيرة باللعبة وبيخلص الشريط
ع الطاري منو خلص شريط الاميرة بكمبيوتر صخر؟
اللي مخلص خل يقول لي شيصير اخر شي

طبعا يمكن الشي الوحيد اللي استمر معاه ومع ابوه اهما ربع جمعية الاصلاح واللي مو راضين يفجون عنه

خصوصا ان دينهم يقول إن لازم يوقفون مع الحرامي

ولازم يهاجمون النظيف

ولازم يسكتون عن الحق ولازم دعيج الشمري يتكلم

إي صج مو ملاحظين إن دعيج الشمري يشابه كامل الأوصاف اللي يخوف ولا يخاف
:)

ومو بس الكبار من جمعية الإصلاح ماشيين وراه حتى صغارهم ملوت الجامعة

وأنا قاعده ادور بارشيف الوطن لقيت هالرسالة من اتحاد الطلاب مال الجامعة دازينها حق خليف

شوفوا شنو مكتوب
معالي الشيخ خليفة علي الخليفة الصباح حفظه الله ورعاه رئيس تحرير جريدة »الوطن

شدعوة حفظه الله ورعاه

وين قاعدين

صج ولي نعمتكم

بس مو جذي

المهم خليفة الحين مستوعب عدل إن قربت النهاية وراح يحصل رسميا على لقب ولد الحرامي

فقاعد يحاول يخرب كل شي قبل لا يطس

لكن ما عليه يا خليف

ما من أمل إنك تغطي شي والحكم قرب باذن الله

ملاحظة وايد مهمة: الصورة اللي محطوطة أول شي ماهي صورة خليف

صورة ممثل اسمه فواز الوهيب مثل دور جنس ثالث بالمسلسل المليق الشريب بزه

ومثل دور بن دردور اللي كان بيشتري الفريج بأي شكل من الأشكال بفريج صويلح

صج تشابه سبحان الله

26 comments:

حلم جميل بوطن أفضل said...

و آنا أقول ليش الصورة كأنها دعاية للساعة

:)

لو دامت لغيرك ما اتصلت اليك said...

الي عايشه فيه جريدة الوطن يسمونه مرض
والله يابيت القرين ضلمت الي بالصوره وانت تشبها بهال الاشكال

اي و على طاري الاتحاد ترى يمشون الوطن مثال ما يبون بالكوادر الاخوانيه الي تشتغل بالعدو ((الوطن))بصراحه جذي اسمها احلى :)

Anonymous said...

عندي صوره أجمل بدال صورة فواز , وماعليه إكثرت إقتراحاتي هاليومين

http://www.alwatan.com.kw/Default.aspx?MgDid=521217&pageId=42

البرزنجي

Che Guevra said...

الصراحه موضوعك اليوم خفيف على القلب مثل باجي المواضيع.بس موضوع الوطن وأختلاقها لقضايا مثل تشيع المصريين ولا الخمور وغيره وغيره من هالمواضيع البايخه من ناس بايخه فبدل على انحطاط وسفاله الي يكتبون بالوطن.اما على موضوع الاخوان وعلاقتهم بجريده الوطن فاقول لناصر الصانع الي دايما يفتخر بانه اهو اول واحد كشف موضوع الناقلات ليش انت وربعك ما تكلمتوا عن الموضوع من سنه الطبعه لي يومك هذا.بس قالوها الفلوس تعمي النفوس والشاطر يفهم

Anonymous said...

تساؤل

اللجنة المكلفة بالتحقيق مع المتهم الخامس سمحت له بالسفر الى أمريكا للعلاج بناء على التقارير الطبيه التى قدمها المتهم . وبعد سفره بفترة أصدرت نفس اللجنة أمر القاء القبض عليه لعدم مثوله أمام اللجنة لاستكمال التحقيق ! وقد أفادت وزارة الداخلية بعدم امكانية التنفيذ لأن المتهم يتواجد خارج البلاد وحدود صلاحية الوزارة تنحصر داخل البلاد فقط . وطبعا لا يمكن الطلب من الانتربول القبض عليه وأحضاره للكويت وذلك لعدم وجود حكم قضائي نهائي بحقه

يعني بالعربي فلت من التحقيق

Mohammad Al-Yousifi said...

شنو علاقة الصورة بالوطن؟

Bad-Ran said...

حتى يايام دراسته بامريكا .. ما خلوه الكويتيين هناك .. قاظبين عليه ولد الحرامي .. ولد الحرامي

يعني الصبي مترووس عقد .. الله يشافيه

nEo said...

hahahahahahahahahahaahahhahahahaha


nice post

سعد الدولة said...

أنا قاعد أسمع الأطلال على روتانا طرب
فاختلط عندي المزاج من الصفاء الى الضحك بدون توقف

من جراءالبوست الجميل ما قدرت و حولت المزاج الى أغنية " أكل العسل حلو بس النحل بيأرص "

للمغني بعرور

أنا أقترح بتسميته خليفة البعرور

ترا وايد جذاب

mtfa2el said...

جريدة الوطن
و الله حسافة على الإسم
بس هذا كله من الوطن دليل على الخسارة و قرب الموت
عاد كان عندي جم مقالة مزهبهم عن الوطن و ميمع خوش لينكات بس غلبتيني
لوول

Anonymous said...

بالنسبة لهوشة الصقر والسعدون الي كان بالمجلس يومها شاف الموقف لايف وهو الي خلا سعدون يهيج مثل الثور بس ماينلام يقول له راح العن والداوالديه عموما اذا استمروا الاعضاء بنفس هالطريقة بالهواش (ترى حتى الهواش له ادب) لا بالله بنسمع صوت طووط بين كل جملة وجملة مثل برنامج سينمائيات على طاري الطووط مالت دعيج المزيون ترى عنده اغنية كلماتها احلى وهي طف الليت شب الليت غير حبك مالقيت ولا يقولون مو هو الي يكتب الكلمات بعد هذي كلمات بيلها واحد يبيعها عليه

Anonymous said...

شريط الاميره نهايته سخيفه

بعد جهود طويله ايام قبل و مانمت ثلاث شهور ورا بعض بس عشان اخلصها

اخر شي جان يطلعلي ثاكيو
وبعدين اسماء الطاقم اللي
برمجو اللعبه مع نغمه ما اذكرها

بس اذكر انها كانت 4 العصر و كنت بدوانية عمي لاني انطردت من البيت و من ديوانيتنا و مالقيت الا دوانية عمي طايح حظها محد فيها

Unknown said...

اول شي انا كنت احب مسلسل الشريب بزه وثاني ماخلصت شريط العروسه انا خلصت البطريق

ثالث شي يعطييييج الف عافيه على التحليل الجميل لشخصيه المعقد ولد الحرامي خليييف :)

ARTFUL said...

entay mnain tyibin haswalef??!!!

;D

y36ich el3afyah :)

ARTFUL

بيت القرين said...

7elm jameel
e hathy 7arakaty :p

law damat
ana a3tether 7ag elly bel 9oora wayed

hatheel maloot el jam3a lehom maw'6oo3 qareeban


ano.. khoosh 9oora :)

che
teslam :)
el ekhwan deen man la deen lah :)

ano...
el mottaham 6alab ta2jeel el ta7qeeq 3shan y3aleg bass entahat el modda elly 6alabha o 3shan chethy 6ala3 el '9ab6 wel e7'9ar

ma6goog
madry yshabeh khleef, ma tshoof chethy?

bad-ran
allah yshafeeh, bass ma a'6en fi amal:p

neo
thanx :)

sa3ad
aby el o'3neya :p

metfa2el
mo mohem meno yef'9a7hom el mohim yenfa'97oon :)

ano...
el nemra '3ala6 ur comment 3al post elly gabla :p
bass aham shay d3eij yakteboon lah o hatha mostawah :)

ano.. 100 mar7ala ba3dein thank u? wallah ma teswa :(

7amoody
allah el ba6reeq kent a7eb el 7ofra malat el gmar :p

artful
madry elly ye6al3 weyyay akteba
thanx :)

Anonymous said...

تعليق للتوضيح

اللجنة المكلفة بالتحقيق مع المتهم الخامس سمحت له بالسفر الى أمريكا للعلاج بناء على التقارير الطبيه التى قدمها المتهم . وبعد سفره بفترة أصدرت نفس اللجنة أمر القاء القبض عليه لعدم مثوله أمام اللجنة لاستكمال التحقيق !

التوضيح

حسب ماورد بالصحف فأن المتهم كان قد أبلغ اللجنة المكلفة بالتحقيق بأنه سيتواجد خارج البلاد للعلاج حتى شهر سبتمبر 2007 وقد وافقت اللجنة على طلبه . لذلك أستغربنا من طلب اللجنة بضبطه وأحضاره بعد فترة قصيرة من سفرة وعموما فأن فؤاد الهاشم متواجد حاليا بأمريكا لكي يسلي سيده الحرامي والاثنين قاعدين يتعالجون بأموال حرام

لو دامت لغيرك ما اتصلت اليك said...

الظاهر بيت تبي تكوش على الوطن و الاخوان و الجامعه ....واحنا الفقاره المساكين ماكو شي نتكلم فيه ....:) اتغشمر

بس انا قاعد اسوي موضوع عن الي بالجامعه اذا ما بديتت ابموضوعك لا تعب نفسك انا ايام واخلصة واتمنا انى يعجبكم

اسمحلي بيت قاعد اسوي دعاية حق نفسي :p
thanx

q8y_saint said...

ابداع
شكرا

Anonymous said...

علي الخليفة هدوه
خبر هام : قررت اللجنة الدائمة لمحكمة الوزراء اليوم ومراعاة للظروف الصحية للهارب علي الخليفة إلغاء أمر الضبط والإحضار الصادر بحقه

Anonymous said...

وبسا ماكو الا التعيب

ترا المفروض تسوين بوست حق نفسيتج

ليش تعيبين على خلق الله

لووووووول

elzain said...

1-
لجنة التحقيق مع الوزراء ترفع ضبط وإحضار علي الخليفة

أصدرت لجنة التحقيق الدائمة الخاصة بمحاكمة الوزراء قراراً عدلت به عن قرارها الصادر في 7 يوليو 2007 وإلغاء ضبط وإحضار وزير النفط الأسبق الشيخ علي الخليفة الصباح وتحديد جلسة الخامس والعشرين من أغسطس لحضوره ومواصلة التحقيق معه.
وجاء هذا بعدما قدم محامو الشيخ علي الخليفة تقريراً طبيا يوضح حالته الصحية وضرورة استمرار علاجه بالخارج.
وأرفقوا مع التقرير الطبي مذكرة شارحة قدمت امام اللجنة وثُبتت في محضر الجلسة.

شنو اصله اللي قاعد يصير؟ هاللجنه صارت لجنه امتحانات متوسطه اللي كل شوي قابلين عذر طبي!


2-
مو راضيه تخلص هالاميرة! كله اوصل مرحله اضيع فيها و امووت! و الخريطه بيني و بينج سكه

Anonymous said...

يالمرض ..... انا انصحج اتراجعين دكتور نفسي يشوف الحقد اللي فيج و العقد شنو سببها

Kwaitiyya said...

hehehe 3ajeeeb il POST !
a7la shay Gaam yekharrib kelshay Gabel Lay6iss ! LOOL!

il ameera ana khallasta athkir nehayta sakheefa o lo3a

il wa6an ehya jareedat il Fetna o elly yegraha wesaddeg'ha hatha ma 3enda salfa ..

il wa6an athkir awal jareeda ektebat 3an tajammo3 il Burtoqaleyeen .. o ektebaw maqalat o 3ayyebaw o sabbaw o sawwoona hnood o bangaleya o mo kwaiteyeen !

now mohammat'hum bas il Fetna o ethay3oon il sagla o ethay3on il nas weyyaahum eb ta7qeeqat malha lazma

eshtaraw nas wayed eb TV il wa6an

wayed ewathfoon shabab tawhum khalseen jam3a o 7etta part time yakhthoon eb ma3ash wayed moghri

yabon yaksebon il nas eb hal yomain 3ogob ma enteshar ekhyas'hum bain il nas o fa7at ree7at'hum

il M6aair ANA METHLICH MENBA66A CHABDI ! Aham shay saakit saakit o ma tekallam ella 3ala salfat 3e6lat Youm il sabT (tashabboh bel yahood) PLZZZ Ya3ni ESket mo illa tasree7 Efashil :s

wallah khosh post ebarreg il galb
Ta7eyati 3azeezti :D

بيت القرين said...

ano...
thanx 3al taw'9ee7 :)

law damat
ra7 an6er maw'9oo3ek o saw da3aya kether ma taby :)

saint
thanx :)

ano..
9ar ma3loom

ano...
ent saw post 7ag nafseity ma yamdeeny el wa6an mo mkhaleen ly wagt :)
o tara ma y9eer tgool nekta etha kant nekta o broo7ek te'97ak 3aleiha ;)

el zain
lajna o lazem ne7teremha
o shaklek lema el yoom ga3ed tel3ab el ameera :)

ano...
3endek 6abeeb zain?

بيت القرين said...

kwaitiyya
shaklech wayed me7tarra o e7na 3aleihom
teslemeen 7abeebty :)

متلف الروح said...

منو اللي بالصورة ؟؟

هذا مو خليفة على الخليفه