26/06/2007

الوطن ما تبي تروح المدرسة

اول شي مبروك فوز القادسية بكاس الأمير على السالمية 5 صفر

خمسة بعين الحسود

:)

المهم

إخوي الصغير عرباوي

ودايما لما يخسرون العرباوية وهذا شي يونسني أشوفه قاعد متضايق ومايبي يروح المدرسة اليوم الثاني عشان لا يعايرونه القدساوية

وكله اذا يبي يبرر الخسارة يقول الحكم مو شي وما حسب لنا بلنتي وهالأشياء

الوطن الظاهر عاجبهم إخوي اليوم وما يبون يروحون المدرسة بعد الإستجواب

لأن علي الخليفة تعرى أكبر تعرية بتاريخه بالإستجواب

طبعا حاولوا كثر ما يقدرون يطلعون الجراح فايز

بس ماكو فايدة كل الجرايد كاشفتهم ومو مخليتهم يتهنون بأكاذيبهم


لأن علي الجراح أمس كان أضعف من ضعيف وما يفيدهم أي ترقيع

أنا مابي أقول أشياء وايد لأن الجرايد وفت وكفت بتغطية الإستجواب

بس شوفوا هالشي بالصفحة الأولى وفهموني

صدق دعيج الشمري

هذا عنوان عالصفحة الأولى تكفون إقروا الموضوع وقولوا لي بس شلون صدق الجذاب

كاتبين عن صورة الخنزير تكرمون اللي حطها مسلم البراك

مسلم البراك: الخنزير مو في عهد علي الجراح
عرض النائب مسلم البراك صورة لمسؤول نفطي يدعو للمائدة وعليها خنزير ضمن استجوابه لوزير النفط، وسأله هنا النائب دعيج الشمري «أي سنه هذا».. وهنا قال البراك انها لم تقع في عهد الوزير علي الجراح

صح كلامهم بس اللي قاله البراك بعد إن الصورة بعهد علي الخليفة
:)

بوسخافة وبوسخيف
ناقدين على الصور اللي حطها البراك
عشان يفضح المهازل اللي تصير بمؤسسة البترول والوزير مو مسوي شي

طبعا ليش لانها ضدهم

وضد تلميذهم اللي متدرب عدل على قولة البراك

وفؤاد الهاشم لأول مرة بعد إنقطاع وبعد دفع تعويضات مالية كبيرة حق الصقر كاتب عن الصقر مرة ثانية

وهذا دليل إن الطراق معورهم وااااااااااااااااااااااااااااااايد

وواصلني خبر إن علي الخليفة راح يتكفل بأي غرامة تطلع على أي كاتب من كتاب الوطن إذا سب اللي يفضحون الحرامي علي الخليفة
أنا صج عاجبني وفاء الوطن حق الجراح
تهقون من وين ماخذين صفة الوفا ؟


هذا اللي عندي اليوم والبقية إقروها بالجرايد

:)

4 comments:

Mohammad Al-Yousifi said...

اما ان دعيج امس كان فلم

وايد افلام شفت امس احتاج فترة على ما احللها فلم فلم

Unknown said...

انا للاسف الجلسه مادشيت كان فل بس اشوه شفتها تيفي اما عن الوطن فاليوم ادائها ظعيف خلاص ماتقدر عيني عينك تجذب ولو انه جذبها كان واظح بس يعني بتحفظ ويها جدام هالجم مسكين والي على نياته والي غبي من الي يصدقونها - يعطيج الييف عافيه عيني

ButterFlier said...

هاهاهااه

بيت القرين said...

ma6goog

allah y3eenek :)

7ammoody

allah y3afeek 2a'3aty :p

butterflier

shaklek ent ma kent troo7 el madresa ba3ad :)