جريدة الوطن يوم الأحد 17-6-2007

أنا بفهم شي واحد بس

معقولة بالكويت في ناس فيهم غباء مثل غباء مسؤولين جريدة الوطن

يعني شنو هالجريدة اللي يوميا فيها شي غبي معقولة

الصفحة الأخيرة حاطين موضوع عن مسلم البراك

يعني يكونون مخربين عليه

حاطين إن الح على وزير الإعلام إن يتكلم عن موضوع جريدة الأهرام

يعني شنو تبون توصلون له

مسلم زين

ندري إن زين ما يحتاج شهادتكم

وإذا تبون تقولون مسلم مو زين ما تكتبون جذي مرة ثانية

أما الموضوع العظيم اللي حاطينه بالمحليات

إهوا تصريح شبيه عدي صدام حسين

محمد عبدالله المبارك

الحبيب طالع من لجنة تحقيق عن الإنتخابات النيابية السابقة وهو رئيس جهاز خدمة المواطن ومصرح حق الصحفيين عن الإستجواب

بالذمة إنت شكو

المهم شيقول بالتصريح

وفي رده على سؤال حول عدم صدور تصريحات او بيانات من الوزراء تأييدا للوزير الجراح في حين شهدت الايام القليلة السابقة صدور العديد من بيانات التأييد النيابية للاستجواب ومقدميه قال العبدالله ان «مثل هذا السؤال يوجه لاعضاء الحكومة والحكومة متماسكة ومتضامنة في الدفاع عن وزيرها وصدر بيان من مجلس الوزراء الاحد الماضي بهذا المعني وصدرت تصريحات عدة من نائب رئيس ملجس الوزراء وزير الخارجية الشيخ د.محمد الصباح وكذلك نائب رئيس مجلس الوزراء وزير الدولة لشؤون مجلس الوزراء فيصل الحجي وكانت كلها بالمعنى ذاته ومع ذلك انا لست في مقام الرد على هذا السؤال ويجب ان يوجه لاعضاء الحكومةوزاد ان «بيان مجلس الوزراء الذي صدر الاحد الماضي ذكر ان الحكومة تؤيد بقوة موقف وزير النفط

مجاوب ومخلص ويقول بعدها لست في مقام الرد على السؤال

وعن عدم وجود تحركات حكومية داعمة للوزير قال العبدالله: «مانوع تلك التحركات؟.. مثل هذه التحركات تكون عبارة عن اتصالات هاتفية او لقاءات ثنائية وانا لست مطلعاً على مثل هذه اللقاءات او الاتصالات ولكن اتوقع ومتأكد انها تتم الآن

يقول مو مطلع بس متأكد إن في إتصالات

فهموني شلون صارت هذي بعد؟؟

اما عن دعوات النواب للوزير بتقديم استقالته بعد ان كان بعضهم يدعم موقف الحكومة قال العبدالله: «هذا السؤال يقدم للنواب انفسهم

وعما اذا كان له دور شخصي بحكم منصبه او شخصه في اجراء اتصالات لحشد التأييد للوزير الجراح قال العبدالله: «لا، ودوري في هذا الموضوع ينبع من قطاع التقييم التابع لجهاز خدمة المواطن الخاص بتقييم اداء الجهات الحكومية وسبق لنا ان قيمنا بعض اعمال وزارة النفط كون الاستجواب موجها لاعمال المؤسسة وليس للوزارة وليس لي دور في هذا الموضوع» وتابع: «لكن اشرت الى الوزير الجراح ببعض المشورات بحكم «الميانة» وليس بحكم المسؤولية فليس لي اي دور رسمي بهذه القضية

دام ما عندك إجابات وكله قاعد تقول هذا مو شغلي سئلوا النواب والوزراء اهما يردون

شكو مصرح؟

أحلى شي يقول إن قدم المشورات حق الجرّاح بحكم الميانة

وأخيرا عرفنا شاللي مودر الجراح

:)

ماشي أروح حق نبيل ويكيكي

صج عالطاري أبي لقب حق نبيل ما لقيت ليما الحين

لا لحظة شوفوا هالخبر

بالمحليات

استقبل مدير مكتب سمو أمير البلاد أحمد فهد الفهد أمس سفير المملكة العربية السعودية الشقيقة لدى الكويت الدكتور عبدالعزيز بن ابراهيم الفايز

هذا الخبر

بس صورة الإستقبال فيها احمد فهد الأحمد الصباح ممكن بس أفهم ليش؟

يالله نروح حق نبيل

نبيل اليوم كاتب مقالة عن أحمد الخطيب معلق فيها على مذكراته

يقول إن رواية احمد الخطيب عن هوشة الخطيب مع فهد السالم مو حقيقية

أحمد الخطيب قال إن فهد السالم كان راح يطقه بالنعال تكرمون لكن الله عطاه القوة وحط العقال برقبة فهد السالم وبطحه على الأرض

طبعا نبيل يقول إن هذا ما يصير لأن فهد السالم حوالينه فداوية ما راح يخلون الخطيب يطقه واذا ما كانوا موجودين فإن الشخصين اللي كانوا موجودين ماكانوا راح يخلونه

وحتى لو كان الخطيب مع فهد السالم بروحهم فما كان راح يقدر الخطيب على فهد السالم لأن على تعبير نبيل إن فهد السالم أرجل من الخطيب "شدراك يا بلبل"

المهم الزبدة اللي يبي يوصلها إن السالفة مو صج وان يمكن فهد السالم طق الخطيب بالنعال

يعني يا زكية الذكية على قولة مجلة ماجد

:)

اذا كانت السالفة مو صج

والشهود ميتين

ليش يذكرها الخطيب

تكفه نبيل لا تصير أهبل من جذي

ننتقل إلى يكيكي

مكمل على صفقة أمس اللي يتكلم عنها واللي يقول إنها صارت 2002 وتوه يتذكرها

طبعا جذبني شي واحد بالمقالة أكثر من أي شي ثاني

يقول

هل تتجرأون وتسألون عن شركة طيب ادخلو في جوجل وابحثوا عن اسم هذه الشركة ستجدون ان لا وجود لها

طبعا الإسم اللي يقول عنه

U.T.C

ولأني اعرف ان الوطن وكتابها مجموعة جذابين دشيت على
google .com
وكتبت
utc

وطلع لي مليون شي

بس أحلى شي إن طلعت لي الشركة اللي يقول عنها وهمية

وهذي نبذة عنهم

For over 50 years, UTC has assisted members world wide who own, manage or provide critical telecommunications and IT systems in support of their core business. This global trade association's purpose is to create a business, regulatory and technological environment in which members will succeed.

الزبدة حق اللي ما يعرفون إنجليزي إن الشركة صارلها 50 سنة يعني مو وهمية مثل ما يقول الخبل

مادري عن تفاصيل الموضوع اللي يقوله بس اللي أعرفه إن أكيد جذاب لأن معلومة بسيطة مثل هذي ممكن نكتشف جذبته بسهوله

بس أنا أشرح حق يكيكي ليش ما طلع لك شي لما دورت

لأنك أكيد كتبت

يو تي سي

حطها بالإنجليزي يا يكيكي

:)