28/08/2010

يودوا طفلكم

تاريخ أسود ومظلم من جذب وفتن ومهازل على مر السنين من بداية شراء علي الخليفة لمؤسسة الوطن الاعلامية

ولما تولى خليف رئاسة التحرير بعد ما طرد محمد الجاسم

زادت البلاوي والفتن

كانت الجريدة الوحيدة اللي تنشر او تدور على اي موضوع فتنة بين السنة والشيعه ومشى بنفس الخط بعدهم ولد الدار الحاج مهمود

الجريدة الوحيدة اللي تشيش أبناء القبائل وتوصل لهم رسايل إن ترى باجي الكويتيين ما يبونكم

خلت كل الكويت حرامية لأنهم يبون يكونون سواسية

كل هذا موجود وموثق بالمواضيع القديمة بهالمدونة وغيرها من المدونات ردوا ليما ارشيف 2007 وراح تشوفون بعينكم كمية الجذب والفتن اللي قدمته هالجريدة من ذاك الوقت وطبعا من قبله بعد

عقب ما زرعوا الفتنة داخل الكويت

وخلوا الناس تشييش وتفرق ووصلت لي مرحلة التفاهة حتى على مسلسل كريمو اللي صار هاجس عند بعض المغفلين

وبعد ما نصروا الجويهل واشكاله لدرجة ان المواد اللي يعرضها بقناته او برنامجه اهيا نفس المواد اللي تنشر بنفس اليوم على صفحة الوطن الاولى

عقب ما خلصوا من كل هذا

دشوا على خط يديد اهوا العلاقات الخارجية للكويت

أول بلاويهم الواضحة كانت على المغرب وتصويرهم انهم أهل سحر ومسخرة

والنتيجة كانت شتم الكويتيين على موقع الديوان الأميري الكويتي!!؟؟

ولما الطفل خليف بغى يعتذر قال أن المغربيين خذوا الموضوع بحساسية يعنى البلى فيهم مو فينا

وطال عمره وزير الخارجية يعتذر للمغرب على خماجير خليف!!؟؟

طبعا بدون اي عقاب لهم لأن ما يقدر لا على خليف ولا على ابوه

خلصنا من المغرب دشينا على قطر في حلقتهم رقم 15 من برنامجهم التافه بوسخافة وبوسخيف

اهانة لرأس الدولة أمير قطر، وإهانة لرئيس الوزراء

لأنهم يسبونه بجريدتهم ويرفع عليهم قضايا ويكسبها

فمحترين طبعا

مع العلم ان قطر هذي اهيا نفسها اللي كان موقفها بالغزو صلب وقوي مع الحق الكويتي بنفس الوقت اللي كانت أموالنا تسرق من الكويتيين نفسهم وكان وزير الاموال المسروقة بذاك الوقت اهوا صاحب جريدة الوطن علي الخليفة

طبعا ما كفت الادلة لادانة علي الخليفة بأنه حرامي

لكن محد يقدر يغير واقع ان علي الخليفة اهوا الوزير المسؤول السياسي على الاقل عن السرقات اللي حصلت

تسمية أمير قطر بالشيخ محّد في إشارة واضحة للشيخ حمد

اهانة رأس الدولة تولد مصايب على الكويت وعلاقاتها

وعمرنا ما راح نرضى ان ياهل مثل خليف او غير خليف يتسبب بتوتر علاقتنا مع اي دولة

واذا كانت الحجة قناة الجزيرة ووقاحتها واللي تسويه بالكويت

فتربيتنا ما تسمح لنا يا خليف ان نرد بإهانة لأميرهم ودولتهم بكبرها

مثل ما احنا ما راح نرضى الحين ابد ان ينغلط على سمو الامير وعلى الدولة من القطريين بسبب بوسخافة وبوسخيف

أنا أعذرك يا خليف لأن أبوك ما مداه يعلمك السنع لأنه كان لاهي بالوزارة وشؤونها المسكين

لكن اشره على كل كويتي وتحديدا أبناء الاسرة إن يكون واحد مثل خليف بالواجهة الاعلامية للدولة

سنعوا طفلكم ويودوه وكفانا بلاوي

اي على فكرة خليف

مو معناته انك رئيس مؤسسة الوطن انك تطلع بفص كلاص على ابو انها من انتاجكم



9 comments:

well_serviceman said...

من أمن العقوبه أساء الأدب
إن لم تستحي فإفعل ماشئت

مقولتين تعيش وتستمر بهما جريدة الوثن ، والحسابه بتحسب

Anonymous said...

هذا رأي كاتب المدونه و هو حر


قناة الوطن متألقه و جميله
و اتمنى لها التقدم و الازدهار

الراية said...

سبي الله عليه خرب علاقاتنا وخلانا ملطشه ومسبه حق كل الدول

Anonymous said...

نعم قناة الوطن متألقة لأنها عندها فلوس وتقط الفلوس قط على الناس اللي تبي تشتغل.

قناة الوطن مثال على كل مستشارين مسؤولين الدولة اللي يتهمون شباب الكويت انهم مالهم خلق يشتغلون ومايطلع منهم شي. الشباب يشتغلون ويبدعون متى ما لقو احد ياعطيهم وية.

مع الاسف الوطن مستقله هالطاقات لتوصيل رسايلها الخاصه واللي مامنها فايده للدوله او للشعب عموما.

Twenty said...

Kuwaitis are always ready to pick a fight. It’s a weird place, our society, the Kuwaiti society. It’s a place where people like Al-Juwaihal can find some publicity and support. Its striking to me, as a 25 year old, how some people cannot see how he’s dividing the society apart. How he’s making those blissful people, God bless them, take notice of the class divisions amongst our society. How these ideas of different class citizens are constantly promoted throughout his actions. Instead he should be constantly questioned and menaced on our version of The Daily Show with John Stewart, as he is doing with Glenn Beck. Glenn Beck is the Al-Juwaihal of the US, having the same principles gushed out through Fox News. And for those who don’t know John Stewart, he’s an American whos show’s purpose is trying to expose the realities of news, trends, and current events, highly recommended.

We ALL are already prideful just for being Arabs. We see our individualism as arrogance and yet we have accomplished little. The only thing the society is missing is the spark that Al-Juwaihal and Al-Watan have been providing. A spark to ignite the " Kibriyaa' " we all have instilled.

YusuF.AsKR said...

:)
رجعت كذا مره لأرشيف المدونه وقرأت الكتابات اللي تناولت جريدة الوطن والحقيقه كانت الادله والتحليل اللي صاحب تلك البوستات هي من أكثر ماغير قناعاتي تجاه جريدة الوطن

إلا أنها والحق يقال , تظل الجريدة الاولى بالكويت والفضائيه الاكثر مشاهده محلياً كما أنها أصبحت سلطه بروحها ولها تأثير قوي على الحكومه والرأي العام وبسبب هذا التأثير فأن اللي يبي يحاسب جريدة الوطن على فعايلها راح يفكر أكثر من مره قبل لايقدم على هذي الخطوه الجريئه

أعتقد أن هذا السبب إهو اللي مخليها تستمر على نهج الفتن والإساءه داخليا وخارجيا

:)

مشاكس said...

مقال جميل جدا

ولو إن لي تحفظ على شطر بسيط من المقال و لكن بالمجمل احييك على هذا الطرح

تقبل مروري الاول يالحبيب

Anonymous said...

النبي علية السلام توفى
جابر الاحمد توفى
شكووووووووو
لوووووووووووووووووول

على هونك said...

اممممممم على كثر الهجوم اللي تتعرض له الوطن الا انها اكثر جريده الناس اتابعها واكثر قناه كويتيه لها مشاهدين