28/05/2010

ين ولدنا

صحيت وشفت الويك إند بدون غبار

او بالاصح فيه شمس

والله خوش ديرة 9 اشهر فيها صيف ونستانس لي شفنا الشمس

هذا اكيد غضب الهي

المهم، فتحت الحاسب الآلي، ولجت إلى الشبكة العنكبوتية، تصفحت بعض المواقع، مررت على أم صدّه

لأجد ولدنا نيو إستخف وقرر إعتزال التدوين وسكّر المدونة

وطبعا الينون مو ان سكر المدونة

لأن الفكرة موجودة عند وايد مدونين وانا منهم

بس الخبال اللي سواه نيو ان مسح كل تدويناته السابقة!!!؟؟؟

طول الاربع سنين تحرق دمك ولهفة ردود الفعل والتنبش للحصول على المعلومات اللي ما تجرؤ الصحف التقليدية على نشرها

والراي المجرّد من المصلحة

كل هذا ييت بيوم اغبر وبكيفك شلته

لا لا يا نيو مو منطقي شغلك ابد

يمكن التوقف عن الكتابة حق مطلق لك

ويمكن وايد وياك

وانا هم على طريف

بس مو معناته تحرق ارشيفك حسبي الله على ابليسك

اعقل ومادري اذا ممكن ترد المواضيع اللي شلتها او لأ

بس اتمنى تقدر

واذا ما تقدر

يا ليت اي واحد يفكر بفكرة ام صده بالمستقبل ما يغلط هالغلطة

9 comments:

BoHSaiN said...

أرشيف المقالات كلها موجودة..

بجم تشترين :)

Anonymous said...

ماكو شي بالانترنت ينمسح. حتى اذا اهو الغى تدويناته فأهي لا تزال موجوده على سيرفرات مزود الخدمه. كل هاللي صار وكل اللي قاعد يصير ماراح ينمسح بسهوله من التاريخ وبيون عيالنا وعيال عيالنا في يوم من الايام وبيقرونه.

مَـــــعْــــمَــــعَـــــه said...

والله ما ينلام ام صده الاحباط وما ادراك ما الاحباط .. الوقت اختلف والحريات ضيقت وصودرت للاسف

MFTELET said...

اشكره انجحوا في تحبيط المدونيين ,, ياجماعه لازم ما نيأس ,, ياجماعه شفيكم ,, مايصير جذي ,, بعد هل المشوار الطويل في عالم التدوين بلحظه تمحونه ؟؟؟؟

انتوا بمدوناتكم تمثلون صوت من لا صوت له , لاحد يفكر يترك هذا , وخلوا الاحباط بعيد عنكم

مباشر said...

أنتي مدونة جريئة والمرحلة الجاية مالك مكان تأكدي رح يأذونك..احنا في المرحلة الأخيرة اللي ينظلم مايمدي الجمهور يتعاطف معاه .. باي باي كويت

بو ذياب said...

ان شاء الله يكون الارشيف عنده بالجهاز

Anonymous said...

والله هالغبار رحمة مو غضب
لان اهو اللي مخفف حرارة الشمس
فالحمدلله
ولا لو السما صافية و تييلل اشعة الشمس بدون عوائق جان علوم
:)

Anonymous said...

ياليت تذلف او تذلفييين وتفكينا من ملاقتك او ملاقتج

nEo said...

ماكو شي

بس الحالة الكسيفة اللي قاعد انمر فيها

الله كريم

مشكورة على التواصل و الثقة

:)