20/05/2010

منو يقدر عليه؟؟




المقطع مفروض قال كل كلامي

والمصيبة الكل ساكت حتى القبس والجريدة والراي

بعد هالمقطع ممكن افهم ليش محمد الجاسم محبوس؟؟

23 comments:

جبريت said...

ابطال الرياضه الصرعاوي الغانم الراشد الملا وينهم هني السؤال

Faisal said...

من زمان مو كاتبه شي عن الرياضة، فعلشان جذيه أنا ما أرد هني، بس الحمد لله اليوم كتبتي وسويتي فيديو علشان أرد :)

السؤال اللي يطرح نفسه، شنو أقوى بطولة في العالم بالنسبة للدول في كرة القدم ؟ في إنجلترا أكو الدوري الإنجليزي في إسبانيا أكو الدوري الإسباني في إيطاليا أكو الدوري الإيطالي.

شنو الضرر اللي راح يسويه اسم (دوري الشهيد فهد الأحمد) ؟ وبنفس الوقت شنو الفايدة اللي راح يكسبها طلال وأخوانه من هالأسم ؟

اللي صار ذيج السنة في قوانين الخراب اللي محد قاعد يطبقها وأولهم الإصلاحيين المزعومين إنهم يبون يضربون طلال الفهد ويبون يضربون اسم فهد الأحمد معاه.

من موسمين والإتحاد الكويتي يطرح مناقصه لتمويل الدوري الكويتي، قبل سنتين البنك الوطني بغى يرعى الدوري، بس عقبها ما شاف أكو فايده من رعاية هالدوري، وهالسنة الإتحاد نزل إعلان في الجرايد لطرح مناقصة الدوري الكويتي بقيمة 150 ألف دينار وانتهى موعد تقديم العروض "ولم يتقدم أحد"، فقام الإتحاد الكويتي بتقليل قيمة المناقصة إلى 100 ألف وهم بعد ما تقدم أحد.

إذا كانت كلمة طلال الفهد جرحتج وجرحت غيرج، فحتى كلام علي البغلي لما يتكلم عن القوانين "البطالية" قاعد يجرح السلف والإخوان، وحتى كلام عبد اللطيف الدعيج قاعد يجرح المتزمتين، فهل ستطالبين بردعهم ؟ إذا في كلام طلال الفهد شي غلط ليش ما نرد عليه ؟

الشيخ عبد الله السالم وبعد إجراء انتخابات مجلس الأمة ييوله أعضاء الحكومة الشيوخ، وقالوله ما نبي المجلس ولازم تشيله، قال لهم ليش ؟ قالوا النواب قاعدين يتكلمون عنه إحنا، جان يقول لهم وانتو ما عندكم لسان؟ اللي يتكلم عنكم ردوا عليه، واللي ما يبي يرد عليه خل يستقيل من الوزارة.

كلنا نطالب بحرية التعبير، بس إذا محمد عبد القادر الجاسم إنسجن نوقف معاه لأنه عبر عن رايه (اللي مو شرط نتفق معاه) بس محمد جويهل لما يتكلم عن المزدوجين نقول هذا قاعد يفرق بين أبناء الشعب !!

أكثر من مرة قلت لج وقلت حق غيرج، إحنا مشلكتنا ننظر للأمور من جهة واحدة، ونشوف بس اللي يناسبنا ونخلي الباجي، لي متى جذيه ؟

هل اسم دوري الشهيد يستحق قانون علشان أمنعه ؟ تدرين إن هالقانون خرب السلة والطائرة ؟ تدرون جم بطولة إنلغت والسبه هالقانون الفاشل ؟ طبعا ما تدرون لأن الرياضة عبارة عن "طمباخية" بالنسبة للأغلبية، وشوية يهال يطقطقون بالكره والسلام، أو نتمشى شهر في السنة في ممشى مشرف والسلام !! يا جماعة الرياضة صارت تمثيل للدول في العالم، شوفوا الصين شلون تفوقت على أمريكا بالأولمبياد، وشوفوا إسبانيا وتطورها في عدد من الألعاب، أنا أراهن إن الصين ما عندهم قوانين حق الرياضة نفس قوانينا، ويا خوفي بعد جم سنة يسوون قوانين بمقاسات الجواتي "تكرمون" أو بمقاسات الفنايل !!

بيت القرين said...

جبريت
مادري والله

فيصل
حياك اول شي
القانون مو لازم يعجبنا كلنا
بس اذا لقيت لي واحد بالكويت يكسر القانون ويقول طقوا راسكم بالطوفة ويتحدى احد يواجهه وشفتني ساكته عنه قول لي وانا اوريك شغله
ماراح يفرق معاي اسم البطولة
بس يفرق معاي القانون

Anonymous said...

يصيرلج الصرعاوى بس ملينا ماكو شغل غير عيال الشهيد

بيت القرين said...

انت راضي عاللي يقوله؟

Anonymous said...

انا ماني عارف جهل هالكويتيين وين واصل... يتكلمون عن حريه التعبير عشان يدافعون عن جاهل يسب الناس... يدافعون عن حريه التعبير عشان سفيه يغلط على الناس... في فرق بين حرية التعبير وبين السب والشتيمه والانحدار في لغه الحوار. لكن مالومكم على جهلكم... الوم اللي متحكم بالمدارس وماعلمكم، الوم اللي متحكم بالتلفزيون والروادو وماثقفكم...

Faisal said...

أي قانون بعد اللي اكسره هالمرة !!

مثلا في منطقة اسمها مبارك عبد الله الجابر، بس الناس كلها تسميها غرب مشرف، هل احنا مخالفين للقانون ؟!

اهو سما البطولة دوري الشهيد وبس

والقوانين إذا كانت مفصلة على مقاسات معينة ما راح تعجب أغلب الناس، وبالدستور الكويتي القوانين يجب أن توافق المواثيق الدولية اللي توقعها الكويت :)

Anonymous said...

أذيتونا

طلال الفهد و طلال الفهد

زين راح طلال و صار مرزوق مكانه ..

شدعوى مرزوق رياضي عاد و لا له علاقة بالرياضة ؟

أثنينهم متطفلين ع الرياضة و اللي يدفع ثمن تواجدهم غير المرغوب فيه .. الرياضة و الرياضيين

عسى الله يرحم الكويت برحمته

أهل شرق said...

ياخوي ماعليك من طلال وربعه

يبى هذول اضربت فيوزاتهم

ومايدرون شيقولون من الحرة الي

في قلوبهم

والا شكوا تلفزيون الخرى حشاك يقابله

شنو منصبه الحين بالرياضة

وشنو علاقته بنادي القادسيه

طرق شسمه ... ويتكلم ويهدد ويتوعد

اما جرايد القبس والراي جنهم

اركبوا الباص

just-kuwait said...

اختي من خصائص القانوون انه يكوون مقرون بجزاء يعني تكون هناك عقوبة معينة لمخالف القانون فانا بسألج شنو عقوبة الشخص اللي مازال يطلق اسم الشهيد عالدوري الكويتي ؟ واذا لم تكن هنالك عقوبة عليه يعني الشيخ صباح ما كسر القانون مثل ماتدعين اللي تتكلمين عنه مو قانون شوفي شنو مسماه الثاني لاني ما اعرفه للاسف وبعدين (الشيخ) طلال الفهد رغم اختلافي مع توجهاته الرياضية الا انه يبقى شيييييخ ومن الادب اذا كنا نعرف الادب انا نحترم شيوخنا اللي اهم تاج راسنا وبعدين المذيع قاله في ناس ما يعجبهم اطلاق اسم الشهيد الريال دافع عن ابووه شنو مو عاجبهم اطلاق اسم الشهيد؟؟ بصراحة رده ظحكني صج خل يطقون روسهم بالطوفة ؟؟ واخيرا لا تدخلين اعضاء المجلس و الشيخ صباح بالسالفة لانه رد الشيخ طلال كان واظح "اللي مو عاجبه اسم الشهيد يطق راسه بالطوفة " وما اظن في عضو مجلس امة محترم ما يعجبه اسم الشهيد وما يفتخر فيه واسف على كل هالطوالة

Anonymous said...

if those 3 walls are not enough
you can use Berlin wall too
Just Check this link pls :)
http://www.alwatan.com.kw/articledetails.aspx?id=30530

Anonymous said...

يمسيج الله بالخير
الريال مسك الاتحاد بحكم المحكمة الرياضية
يعني الريال مو صوب احد
المحاكم الكويتية و الاجنبية حكمت لصالحه
الا اذا الفرسان طلعوا قانون يقول ممنوع الحكم لصالح طلال الفهد

(( أبوغرايم )) said...

عجيب أمر بعض المطبلين للشيخ طلال

يعني الرجل أطلق تسمية درع الشهيد على الدوري الكويتي بالرغم من وجود قانون يمنع هالشي

لاا ويتحدى ويقوول اللي مو عاجبه كلامي يطق راسه بالطوفه !! واذا إهو رجل خل يواجهني ,, هاااه ,, من صجه هذااا

الظاهر نسى أن الكويت ديرة قانون والقانون يديرها وينظم الحياة فيها مو ديرة شيوخ وإذا إحنا نحترم الشيوخ ونقدرهم فـ إهي عاده إجتماعيه توارثناها ليس إلا وماكو قانون يلزمنا بإحترام الشيوخ غصبا علينا ولا أكو سلطه لهم على الشعب إلا بقانوون بسس وهالشي مايسمحله يهين الشعب والحكومه علني , بعدين إهو بصفته شنو طالع ويتكلم جذي حتى صفه رسميه ماعنده

كلامه مايترقع كلش لكن بعض الشباب وخصوصا بعض المعلقين هني يبون يرقعون له غصب

أخيتي دانه , بصراحه مالومج بإنتقادج الدائم لـ عيال الشهيد فعلا اللي قاعدين يسوونه بحق البلد شي غريييب عجييب

تدرييين شلووون

الظاهر أني بواجهه

:)

Street 965 said...

القانون يجب ان يحترم والاشياء يجب ان تاخذ مسمياتها , ان كلام طلال الفهد كان قاسي و يدل علي وجود خلاف بين مجموعتين وهذا الخلاف لا يخفى على احد . والخلاف طفيلي نسبة الى كلمة الاطفال
لكن قبل طلال الفهد هناك مخالفات صريحة للقانون مثل بطولة الكويت لتنس الطاولة ( بطولة سلوى ) .. ا
وهي بالتاكيد بطولة تمول ماليا من خزينة الدولة
ان الخلافات طالت مدتها وخذت وقتها الكافي وزيادة
على حساب من ...؟

Anonymous said...

يتكلمون الادب في دفاعهم عن قليل الادب! هالدنيه صج معكوسه، لمجرد ان فلان شيخ، ماتوقع ان ديرتنا واهلها تسمح له انه يغلط على الناس ويتمادا عليهم. عيب عيب والله عيب... امس يقولون عن عبدالكريم كلام، واليوم عن مادري منو كلام، وغير سالفه تكسير البيوت ورفع السلاح والخ الخ الخ

هذي لكويت ولا وين عايشين احنى؟! والله حرام هاللي قاعدين تسوونه

اللي يبي يعلمنا الادب ترى احنى ناس متربين ونعرف الصح والغلط، وما ننطرك لا انت ولا امثالك ايون يعلمونا الادب. اذا انت هذا مستوى عقلك وحدود ذكائك فاعرف ان دايرتك ماقامت على امثالك لكنها قامت على ناس اول شي شرفاء وثاني شي عندهم عقل اللي من خلاله فكروا وافهموا واشتغلوا.

عموما انا الحين استنتجت شغله، مع احترامي لصاحبه هالمدونه وباقي المدونين احنا صايرين نركز عالمواضيع التافهه وننفخ فيها وناسين شنو اللي فعلا المفروض يكون دور اي انسان يسعى للاصلاح، واللي اهو تثقيف الناس بحقوقهم وواجباتهم. متى ما الناس عرفوا هالشغلات ما نحتاج دانه تقولنا فلان غلط ولانحتاج فلان يقولنا فلان باق ولا نحتاج واحد يقولنا عيب وعيب، لان اللي بيغلط وبيبوق ماراح يكون له مكان في مجتمع واعي وعارف يفرق بين الزين والشين والصح والغلط..

Khamis said...

مأساه هالانحطاط بمستوى الحديث والتهميش .. وشنو يقصد لما يقول خل يجي يواجهني يعني إن كل هالعالم جبناء وهو الريال الوحيد وماكو غيره .... الظاهر هذا زمن مد الايد والتهديد والوعيد .. فإما نواجه بالسلاح الأبيض أو نهرب أو نصبح شعب مثل النعاج نساق بالعصا ومن التعليقات تتضح أغلبية النعاج والهاربين

Khamis said...

شنو يقصد لما يقول اللي موعاجبه خل يواجهني . يعني بيمد ايده.. يعني اللي يختلف معاه بالراي إما يواجهه وبالسلاح الابيض أو يقبل هذه الاهانة أو يترك له الديرة . الظاهر احنا في زمن مدة الايد والتهديد . وواضح من أكثر التعليقات كثرة النعاج اللي بلا كرامة وكثرة الهاربين

Faisal said...

جان زين لو ننتقد طلال الفهد لأنه قال راح يلسب الجزاف، وجان زين ننتقد طلال الفهد لأنه قال اللي مو عاجبه دوري الشهيد يطق راسه بالطوفه، بس في المقابل أتمنى إن ننتقد الصرعاوي ومسلم لما تناجروا في مجلس الأمة.

على الأقل طلال الفهد لما يتكلم، يتكلم بصفته "مواطن" كويتي، أما الصرعاوي ومسلم لما يتكلمون فهم "ممثلين" لشعب بحسب الدستور اللي تطالبون طلال الفهد إنه يحترمه على قولتكم.

لما القانون الرياضي "يخرق" من قبل الإصلاحيين فهو أمر عادي ويطوف بكل سهوله، لأن هذيلا حبايبنا وربعنا :) أما لما طلال الفهد يسمي بطولة الدوري بإسم دوري الشهيد، فهو ارتكب كبيرة من الكبائر الدستورية ويجب شنقه وإعدامه وتعليق جثته في ساحة الصفاة لمدة ثلاث أيام وثلاث ليال متتالية حتى يكون عبرة لمن لا يعتبر.

ماذا عمل فرسان "الخراب الرياضي" منذ شهر 11 عندما حلت الأندية العشرة وحتى يومنا هذا ؟ الجواب راح يكون صفحة بيضة، لأن الفرسان هدفهم هو إبعاد طلال الفهد "ولا شيء غير ذلك" فهم لو كانوا يريدون إصلاح الرياضة لعملوا لرفع الإيقافات عن إتحادات اليد والسلة والكاراتية وغيرها من الألعاب التي توقفت، ولكن لأن الرياضة بالنسبة لتفكيرهم المحدود هي فقط "طمباخية" فجلسوا في بيوتهم ومجالسهم ومجلس الأمة ليربوا الكروش، ويعتبروا أنفسهم رياضيين !!

إن شاء الله الأندية راجعة الأسبوع الياي، وإتحاد القدم راح يكون برئاسة طلال الفهد، وراح تنحل المشكلة عما قريب، إذا لم تتدخل غربان الإصلاح الرياضي المزعوم.

وبعد على الأقل طلال الفهد تكلم بصفت باني فريق نادي القادسية الحالي، شاء من شاء وأبى من أبى، وإذا كنا ننسب إنجازات التأهل إلى كأس العالم والفوز بكأس آسيا إلى الإتحاد الذي أداره السعدون والذي أعد اللاعبين للمنافسة على هذه البطولات، فلابد أن ننسب الإنجازات التي يحققها نادي القادسية إلى طلال الفهد لأنه هو الذي بنى الفريق من الصفر، وهو الذي يقوده في عصره الذهبي الحالي.

نتكلم عن الأدب والأخلاق، وكل من يخالفنا الرأي ننسب له الألقاب البغيضة مثل الفداوية والمطبلين والعبيد !!

Anonymous said...

والله ابتلشنا بعيال الفهد اللي انحسبوا علينا شيوخ لا ثقافة لا اسلوب بالحوار انربي عيالنا ولا انربيهم لا ماما عيب ما يقولون جذي على الهوا كخ و نطقا على ايده
!!!!

لمن فاهم الحرية غلط said...

سؤال : هل تم شراء المحكمة الدولية أيضا
ولماذا تم الحكم لصالح
الشيخ طلال الفهدالاحمد الجابر المبارك الصباح
وليش دايما عندكم عيال الشيوخ غلط ؟
يا جماعة ترا هم كويتيين حالهم حالكم ولهم حق مثل ما لكم حقوق وعليهم واجبات مثل ما عليكم واجبات مادري ليش نظرية المؤامرة
!
وترا عيب انك تكتبين طليل شنو ترا هذا انترنت ومفتوح ولكل العالم وهذه ليست حرية رأي هذا تصغير للطرف الاخر واحداك تكتب اسمك وشوف المحكمة شتسوي على هل تصغير
ترا اسلوبك يبين انه في شي شخصي بينك وبين الشيخ طلال وهذا الاسلوب ان زاد راح يفقد المدونة مصداقيتها
بدايتك حلوة كنت تحارب سراق المال العام امثال الشيخ على الخليفة لكن اليوم قمت تتجه للشخصانية وهذا الشي راح يفقدك المصداقية مع الايام
ومثل ما المحكمة أسقطت جزء من القانون
سيسقط الجزء المتبقى منه ان شاء الله
شكرا

just-kuwait said...

""اللي يبي يعلمنا الادب ترى احنى ناس متربين ونعرف الصح والغلط، وما ننطرك لا انت ولا امثالك ايون يعلمونا الادب. اذا انت هذا مستوى عقلك وحدود ذكائك فاعرف ان دايرتك ماقامت على امثالك لكنها قامت على ناس اول شي شرفاء وثاني شي عندهم عقل اللي من خلاله فكروا وافهموا واشتغلوا""

اول شي انا ماقلت ابي اعلمك الادب بس الظاهر ان مستوى (عقلك وحدود ذكائك) ما استوعب الرد اللي انا كاتبه يا اخي الفاضل صف النية وشوف الفيديو مرة ثانية لانه في ناس ما تحلل هالفيديو بعقولها ولكن تحلله بقلوبها السودة..


"يعني الرجل أطلق تسمية درع" الشهيد على الدوري الكويتي بالرغم من وجود قانون يمنع هالشي""

المشكلة بالموضوع انه المهندس قاعد يتكلم بالقانون والدكتور يتكلم بالميكانيكا والمعيدي بأكل السمج اخوي طلعلي هالقانون وين شايفه وشنو عقوبة اللي يطلق اسم الشهيد او اي اسم اخر غير المسمى الاصلي على الدوري ؟؟؟

mishari said...

انا عندي مداخلة للاخ الي يقول المحكمة الدولية حكمت لطلال
احب اوجهلك سؤال شنو اجراء الحكم الصادر من محكمة خارجية حسب القانون الكويتي؟؟
الاجراء السلسم ان يقدم الى المحكمة الكلية الي تنظر الى القانون و ترى تناسبة مع القوانين الكويتة و امكانية تطبيقة
مو الاخ راح واستلم الاتحاد كانة في ديرة غاب مو ديرة قانون
و فوق هذا يهدد و يقول واجهوني!!!!
لانا عارف ان ماكو من يردعة و يوقفة عند حدة و السبب المادة الوهمية الي تقول هذا شيخ اذا فوق القانون
لاكن لي لقى من يوقفة عند حدة و يوصلة الخبر الحلو انه هو مواطن حالة من حال اي مواطن ثاني تحت راية القانون كان عرف حجمة الحقيقي
لان الموضوع مو هين الموضوع هيبة دولة و قوانيين

Anonymous said...

ماني فداوي ورب الكعبة بس سؤال يمليه علي ضميري قبل لا اصدر حكم على تصرف طلال .. لو احد ثاني عادي من الشعب قايل نفس الكلام.. امانة، هل راح تكون ردة فعلج متساوية؟
الاجابة عندج