08/12/2009

خلاص لا ترحل بس لا تقعد

شيك ثاني بعد اليوم؟؟

شنو بتسوي بعد يا بوصباح؟؟

شرايك تطلع إنت وحش حولي مرة وحده؟؟


وأمس قناة الكويتي محمود حيدر الموالية لبوصباح حاطه طلال الفهد وتقول له ياللي تحب الكويت لا تقطع الآمال؟؟

وهذا موقف ناصر طبعا بما أن العدالة تبع محمود الكويتي ومحمود تبعه

على فكرة طلال رفض ان يكون اي احد يدق معارض ورفض يكون اي احد رياضي معارض وياه بالحلقة

وصارت الحلقة تلميع بمجرم بحق القانون الكويتي
اللي يمثله بوصباح مفروض، وما يرضى إن أتباعه يلمعون المجرمين

عموما ساحة الصفاة متلألأه بموضوعها مادري اذا كتبتها صح أو لأ؟

بس عندي سؤال أخير حق كل من عنده إعتقاد إن ناصر المحمد ما يستحق الرحيل

عطوني إجابة ليش يقعد؟

8 comments:

Anonymous said...

عقب مقابلة ناصر الدويله أمس و عقب اعلان الجلسه سريه
أتوقع انه أبيطلع منها مثل الورد.
و شيك قويعان الجديد الكل راح يقول 50 ألف شويه عادي ما تؤدي ولا أتييب.

جبريت said...

اي والله ليش يقعد يا الدانه؟؟؟

ما عندهم جواب صدقيني ما عندهم ولا اكو سبب لبقائه

بس امس المهللات لصاحب السمو رئيس الوزراء نصهم مو حافظين النشيد الوطني وبينهم فلبينيه شقره

والله يخلي موظفين الزمرده الي يقولون بدنا ناصر المحمد وركزي على كلمة بدنا لانه باجر احنا الكواوله مو اهم

well_serviceman said...

يقعد عشان يزيد من شيكات "العمل الخيري" اللي أصبح اليوم غطاء حق كل "شيك" مشبوه

حنطفيس said...

قد يكون اعلام حيدر مؤيد لرئيس الوزراء

ولكن ليس بالضروري تكون معبره عن رأيه

حكومة ناصر المحمد هي من حلت مجالس اندية التكتل

قناة العداله من اشد المطالبين بأسقاط القروض رغم رفض حكومة المحمد

قناة العداله والدار من اشد المعارضين لقانون الاستقرار الاقتصادي اللي تتبناه حكومة المحمد

شرايك ؟

Anonymous said...

اليوم بساحة الارادة قناة الوطن جايبين 3 لبنانيات مادري مصريات ماسكين صور الامير وولي العهد والوطن تقابلهم يقولون احنا مع ناصر المحمد وما "بدنياه" يرحل وشايلين لافته مكتوب عليها لالا للأستجوابات يا نواب التأزيم

Anonymous said...

يا دانة لا تنزلين بالريال وايد وعلى كثر ما الناس صاروا ضده إحنا ياتنا هالعدوه الظاهر.
وانا عندي جواب حق سؤالج وهو منو غيره واحد كفو ومو طماع يقدر يمسك مكانه واذا انتي شايفة احد يستحق نورينا.
عاشت لنا الكويت وعاشت "دندش"

Anonymous said...

يا دانة لا تنزلين بالريال وايد وعلى كثر ما الناس صاروا ضده إحنا ياتنا هالعدوه الظاهر.
وانا عندي جواب حق سؤالج وهو منو غيره واحد كفو ومو طماع يقدر يمسك مكانه واذا انتي شايفة احد يستحق نورينا.
عاشت لنا الكويت وعاشت "دندش"

Q8 said...

يادانه انا بعرف بكيفج انتي تقولين ان طلال الفهد رفض اي احد معارض يتصل او يكون معاه بالحلقه ؟؟

انا صديقي يشتغل ببرنامج اللوبي قالي ان المعارضين اصلا رفضو الحضور ومنهم الي اعتذر واهو حمود فليطح الي قال بالاول انه راح يحضر بعدين قال ان عنده رحلة قنص واهو موجود بالكويت !!

ودامه يكون معارض اشلون يحضر وعايد المناع معارض للتكتل !!
شوفي اللقاء كامل بعدين طلعي كلام على هواج

وشكرا