09/10/2009

عمّك وأميرنا


هذي دعوة طلبت أم العيال إن ننشرها وإهيا طبعا تستاهل

أعتذر إني ما قدرت أكمل توقف عن الكتابة لحين القبض على المعتدي على زايد الزيد

بس اللي شفته اليوم إستفزني لدرجة أظن فيها إن الكتابة إهيا أمر أهم من التوقف

الدستور يقول في مادته رقم 55 إن الأمير يتولى سلطاته بواسطة وزرائه

والأمير في كلمته الأخيرة برمضان قال
ماراح يسمح لأحد بالعبث بنسيجنا الوطني

ونسيجنا الوطني يتكون من سنة وشيعة وبدو وحضر ونساء ورجال

وهم قال إنه يتألم من التصنيفات

وهم قال إن الاعلام مو لازم يكون وسيلة لبث الفتن

وبما إن الأمير يمارس صلاحياته من خلال وزراءه ورئيس وزراءه إهوا ناصر المحمد

إذا لازم ناصر المحمد يستخدم وسائله القانونية لوقف العبث بالنسيج الوطني

ومحاربة التصنيفات الطائفية ووأد وسائل الفتنة الإعلامية




خبر مثل هذا بالصفحة الأولى

خنفكر فيه شوي

مع عدم إعترافي بحزب الله كتيار محترم لأني ما أؤمن أساسا بتيارات الإسلام المسيسة

شنو يفيد المتلقي

رضينا او ما رضينا حزب الله يعتبر حزب شيعي يكسب تعاطف الشيعة قبل السنة في شتى انحاء العالم الاسلامي

انزين

انا الحين شفت الخبر وسنية المذهب شنو مفروض اسوي

ماني جهة عسكرية أو أمنية اقدر احارب مد حزب الله في الكويت

كل اللي راح يصير للمتلقي العادي من المذهب الآخر اهوا إستعداء الشيعة لإعتقاده إن حزب الله شيعي اذا كل الشيعة يحبونه

وهذا راح يعبث بنسيجنا الوطني ويؤلم الأمير اللي يتولى سلطاته من خلال وزرائه ويثبت إن بعض الوسائل الإعلامية تبث الفتن

الحين نكلم رئيس الوزراء

يا شيخ ناصر عمّك الأمير قالها صراحة وإنت مسؤول عن سلطات الأمير

شبتسوي الحين؟

بتمشي مثل عيال عمك المندقرين حاليا بالرياضة ومعارضين قوانين موقع عليها الأمير أشكره؟

أو إنك بتشممنا ريحة أمل وتتصرف وفق المسالك القانونية لإيقاف مهزلة عيال عمك الثانين خليف وإبوه؟؟
أو بتوقع لنا إتفاقية تعاون مع سيشل؟

دورنا وسويناه وقاعدين نبين لك اللي حاصل

وبقى دورك

20 comments:

هالحـــــزة said...

انت لو تبطل تكتب كلمة شيعي وسني وبدوي وحضري ومرا وريال .. الامور تمشي بس بطل كتابتك الخرطي ..

Anonymous said...

مسجل بالبروفايل انثى

شلون ام العيال طلبت ؟

هل كيف يصير ؟؟

شلون يعني .. ابي افهم ؟؟

الدســتور said...

ماراح يقدر يسوي شي
سلطتها اكبر من سلطته كرئيس الوزراء

خالف تعرف said...

ماراح يسوي شي

لانه
ماتحرك في التابين
وما تحرك في موضوع جويهل

عين بغزي said...

الطعن بالميت حرام

بيت القرين said...

هالحزة
إنت لو تبطل تعليقاتك على المدونات اللي ما تعجبك صدقني ترتاح

انو
ام العيال إهيا وحده من المدونات مو بمعنى زوجه
عسى فهمت
:)

ابوالدستور
انا بروحها مياديفي متكسره وخالصه لا تزيد المواجع

خالف
اللهم حركه

عين
يعني كفرت؟

Mohammad Al-Yousifi said...

عنوان مطفوق لا يؤثر الا بالمطافيق

نمووول said...

لووو الله يفكنا من الاعلام السربوتي
الي يثير الفتن جان احنا بخير

شكراً

UmmEl3yal said...

مشكورة حبي على النشر :*

Anonymous said...

جريدة النظام

مرفوع عنها القلم

تحياتي

well_serviceman said...

لاحول ولا قوة إلا بالله

لاتعليق على الخبر بالصفحه الأولى ، وناصر المحمد ماقدر يواجه نائب واحد ، تبونه يواجه وسائل اعلاميه تبث الفتن؟ ماتوقع!

تحياتي

Nasser said...

انا ما اقول الا

الله يستر من تصريحات النواب بخصوص هالمانشيت ..

صوت الكويت said...

بما أن الكلام عن السلطات أو السلطات
قريبا
مبروك عليكم ثابت المهنا محافظ جديد بدلا من عبدالحميد الحجي

وأشجاني أشجاني

يوسف said...

ماني عارف هذي الحساسية الزايدة اللي اشوفها عند الشيعة

حزب الله حزب ارهابي .. كحال تنظيم القاعده

وكلام الوطن صحيح بخصوص الخلايا النائمة الإيرانية و العراقية .. وحزب الله واحد منهم كونه يمتلك المال الطاهر على قولتهم


بسكم تناقض .. برنامج صوتك وصل لمن منع كل الكتاب وخصوصا الشيعه منهم طالبوا بعدم تدخل الحكومة بحريات الناس بس مسلسل للخظايا ثمن قومتوا الدنيا عليه قبل لا يعرض

والله عيب .. يا تكونون صادقين وتتكلمون بشفافية يا انه الكل ماله شغل بالثاني .. كأنه الديره مالها والي

Unknown said...

آآآآآآآآآآآآآآآآآآه يااا وطن

Anonymous said...

وداوود حسين الباكستانى يطلع على قناة العداله ويقول ديرتنا فيها بعثيين هدا لو متجنس قبل الغزو شيقول والجويهل ماطريتيه او ماطريته ليش بس يمكن الوطن اهى اللى عورتج والطار ماتقربين صوبها كلش اشم ريحة عنصريه بالمدونه

أهل شرق said...

مافي رياييل يوقفون هالمساخر

بيت القرين said...

مطقوق
ومطافيقنا وايد

نموول
و الله يبينا نكون وسيلة

ام العيال
ولو انتي تامرين

انو
لا مو مرفوع
القلم ينحط بعيونهم

ويل
وهذي البلوة

ناصر
اي عند ويهك شوفهم اليوم بالفتن

صوت الكويت
مبروك عليك انت
;p

يوسف
رايك

جي
آه وألف آه

أنو
غير خشمك

أهل شرق
ايييه

جبريت said...

الي اشوفه بالافق يلوح ويدور ويفتر وشكله راح يصير

حل غير دستوري واللعب الاول جريدة الفتن يا بيت القرين

الي اشوفه يا بيت القرين وحسب الموجود الله شنو طق بناكله بتجمعنا بساحة الاراده الله ياهو كل يوم تالين لهم من شبابنا امن دوله لا يقل عن العشرين شخص

سياسة قمع واللعبه فرق تسد القديمة المنهج بس خل يسري توني بلير مستشار الحكومه ويرد ديرته معاه 30 مليون ثمن الاستشارات

Anonymous said...

الى مدون "مدونة" بيت القرين انا شخصيا من أشد الناس التي تقف ضد جريدة الوطن و سياساتها و لكن هذا مو معناته اننا ما ننتقد حزب الله و الكل عارف بان هذا حزب ارهابي حاله حال حزب القاعدة أشوف لما الجرايد تكتب عن القاعدة ماتكالمت و قلت اننا الجرايد قاعدة اتثير فتنة طائفيه ولا لانك شيعي قمت و فزعت حق ربعك