20/10/2009

وحده عن وحده تفرق


الدائرة الوحده طبعا أفضل من الخمس

بس ها تعالوا عشان لا تاخذنا الغبطة ونقول خلاص راح نقضي على آفة الفرعية اللي فوزت نص اعضاء المجلس

ونقضي على ما تبقى من شراء الأصوات والطائفية

لازم نتفق ونعرف الآلية

أوكي دائرة وحدة بس جم صوت للناخب؟؟

وهل راح تكون قوائم أو أفراد

كل هالأمور تفرق

لا نروح وهيه وحده وحده وحده

خل نحسم الموضوع من بدري لا تتكرر مهزلة الحكومة بالخمس دوائر

المطلوب لقاء واتفاق من الحين

قبل لا تفوتنا الأحداث

وبالأخير هالبشارة من هالموقع الحلو


16 comments:

جبريت said...

انا مؤيد لإقتراح احمد السعدون للقوائم الانتخابيه وعدد اصوات يكون 5 اصوات

ma6goog said...

همم مو جنه تو الناس عالتغيير؟

حل الفرعيات في تطبيق القانون!

al-nokhitha said...

masaach allah bel khaiir :)

ana ashoof ena el khams afthaal shay o bas yetiim taf3eel el qawaneen 3ala shera2 el a9wat wel far3iiya balaa da2era wa7da balaa neela :)

et9adgeen tawni adrii ena el mara ma et6ali3 jawaz ela eb mowafaqat rayiilha wala 3aiiib !

أبو الدســتور said...

بالضبط
الصبر زين

وبالنسبة لموضوع الحكم
فهذا الحكم يعيب الحكومات المتعاقبة بأكملها

هالحـــــزة said...

والله حرام قبل 3 سنين أنلطعت بشمس والحر والأرف والحين يبونها وحده ...

حتي المخافر دليتها والسبب الخمس والحين يبونها وحده !!

ديررة بطيخ

well_serviceman said...

خوش بشارة الله يبشركم بالخير ، وعقبال ما تطيح القوانين الاخرى اللي اذبحونا فيها!

بالنسبة للوحده اتفق وياك ، لازم ننتظر ونشوف الامور الاخرى الاهم من عدد الدائره ، ما نبي كل يوم نزيد ونقلل وبالآخر ماسوينا شي!

تحياتي

علي جابر العلي said...

الدائرة الواحدة لن ينتج منها الا تكريس اكثر للطائفية و القبلية. و ليشهد الزمن

صوت الكويت said...

عسى ماشر
دائره وحده شناويه عليه

أبوغرايم said...

إلى حين تطبيق الأقتراح

يحلها ألف حلاااال

مع أني مقتنع أن المعضله الاساسيه مو عن طريق تقليص الدوائر ! بس خل نشوف الدائره الوحده تنفع مع هيييك شعب و إلا لاااا

المتفائل said...

حسب ما سمعت من السيد احمد السعدون
ان راح يكون فيها قوائم
ويكون التصويت ل٤ او ٥ مرشحين
بس ما ادري اهم وافقوا على هالاقتراح والا خلوها دايره وحده
والتصويت لعشر مرشحين
اعتقد ان موافقة اللجنه للمبدا واقرار القانون بعد الاتفاق على تفاصيله

Anonymous said...

تبون ديموقراطيه ؟ من غير أحزاب و تكتلات و قبليه... تبون المواطن يصوت للكويت

دائره واحده و صوت واحد...

MFTELET said...

could u plz send me ur email

سرقالي said...

يا شباب الله يهديكم
شنو وحده شنو هل الخرابيط
انتوا ما تعلمون؟!!
يبا الوحده راح اتزيد الطائفية و القبلية
إذا قوائم راح تنزل قوائم طائفية و قبلية
و إذا مفرق عيال كل فخذ راح يصوتون حق فخذهم
أنا ما دري احنا ليش ما نتعلم؟!!
يبا احنا ما جربنا الخمس إلا مره
ما مدانه نقيم التجربة
والله قص عليكم السعدون و ربعه
هناك امور اهم من هل الموضوع
و بلاش عبث سياسي
يعني الواب معندهم شغل غير الدوائر!!
والله عيب

سرقالي said...

يا شباب الله يهديكم
شنو وحده شنو هل الخرابيط
انتوا ما تعلمون؟!!
يبا الوحده راح اتزيد الطائفية و القبلية
إذا قوائم راح تنزل قوائم طائفية و قبلية
و إذا مفرق عيال كل فخذ راح يصوتون حق فخذهم
أنا ما دري احنا ليش ما نتعلم؟!!
يبا احنا ما جربنا الخمس إلا مره
ما مدانه نقيم التجربة
والله قص عليكم السعدون و ربعه
هناك امور اهم من هل الموضوع
و بلاش عبث سياسي
يعني النواب معندهم شغل غير الدوائر!!
والله عيب

Anonymous said...

محد لاحظ انه في اردنيين\سوريين يلبسون زي الشرطه الكويتي ويشتغلون مع الشرطه في مطار الكويت؟

احد عنده معلومات عنهم؟

Anonymous said...

مطقوق.. حل الفرعيات يكون بتوعية الناس. وهالشي الحكومه ماتبيه.