26/10/2009

كوجا مرحبا

عاد للرياضة لمدة ست أشهر

وتحديدا كرة القدم

بهدف اجراء انتخابات بنظام ال 14 عضو

النتيجة النهائية فوز واحد - تعادلين - خسارتين

وعدم إجراء الإنتخابات بنظام ال 14 عضو

وتزوير في أوراق رسمية

وعلى الصعيد القاري

إفتر آسيا كلها عشان يخسّر محمد بن همام

وما ظل وسام الا وقدمه للدول

والنتيجة فوز محمد بن همام طبعا
وبعد كل هالنجاحات

النتيجه هي

أعلن مجلس أمناء جائزة محمد بن راشد آل مكتوم للابداع الرياضي عن اختيار الشيخ أحمد الفهد «شخصية العام الرياضية العربية» في جوائز الدورة الاولى من الجائزة التي تعد الأعلى في العالم من حيث قيمة الجوائز الممنوحة وعدد الفئات المشمولة

جذيه الشيوخ يضبطون بعض

بس هالمهزلة المحطوطة بجريدة الوطن مو مشكلة اللي يحر صج بو الشباب هذا

وهنأ النائب حسين القلاف الشيخ أحمد الفهد بالجائزة قائلاً: يستاهل بوفهد جائزة الشيخ محمد بن راشد آل مكتوم للإبداع الرياضي

مضيفاً: «كنا نتمنى أن يكرم من قياداتنا» وزاد القلاف: «منها للأعلى أبا الفهود فالقافلة تسير ولا يصح إلا الصحيح

القافلة تسير ها؟؟

سيّد علامك

هذي انجازاته خلال عودته للرياضة تتمنى ان يكرم عليها

والله انك تفشل

على فكره

رديت تكتب بالوطن

عسى يعطونك فلوس على المقال

طيب الله انفاسك

إيميلي موجود على اليمين حق اللي يبي يتواصل

17 comments:

جبريت said...

كوجا مرحبتين

شيبي القلاف راز ويهه اشكره على احمد الفهد

لا يكون صار سعدون حماد ثاني الحين ولييييه

باجر يلعوزنا هذا يصير الاصيل الاول والثاني سعدون حماد

انا اقول يا سيد القافله تسير وانت واشكالك تنابحون

Faisal said...

الوطن كانوا ويع وكخه، والحين صاروا حلوين يا القلاف ؟

ma6goog said...

نكتة

مَـــــعْــــمَــــعَـــــه said...

خليها على الله ... والقلاف يبيله نزنطه بعمامته صج صج يفشل طيح الله حظه

MFTELET said...

لووول

مشكوره :)


السيد يبا غير طريقته من زمان , والدليل تذكرون لمن خلى الناس تشلع صتاديق جريده الوطن وراحوا يحذفونها جدام مبنى الجريده , بس السيد من غير توجهه صار كل يوم والثاني يطلع بتلفزيون الوطن والحين يكتب فيها , وللاسف الناس للحين يصدقونه

***

في يوم من الايام كنت مسافر مصر على الكويتيه شهر 12 الي طاف , كان السيد معاي على الرحله , وكان لابس غتره وعقال , صراحه الشي الي انصدمت منه انه كان مسافر على السياحه (كان نائب في المجلس) طبعا مضيفين الكويتيه شافوه قاعد بالدرجه السياحيه قعدوه بالدرجه الاولى

قصه قصيره حبيت اني اذكرها

أبو الدســتور said...

اكيد يستاهل جائزة الابداع
لانه بالفعل أبدع فينا بكل المجالات

الله يصبرنا ويخفف علينا الضغط و السكري

دكتور كويتي said...

كفو و الله السيد القلاف
لازم ترد دين أصوات دسمان ال 1400 اللي صوتوا لك
باقي معصومة المبارك بعد تمدح
لان ربع دسمان صوتوا لها
اذا عرف السبب ... بطل العجب
و سلملي على العمامة

al-nokhitha said...

daam ja2iiiza dowaliiya o ehwa kuwaiiti faa yestahil le2ana bel nehya begoolon kuwaiiti khathaaha o hathii zaina lena ka kuwaiityeen :)

el sayed allah ehdaah wayed gam ekhoora :)

well_serviceman said...

ما اردى من المربوط الا المفتلت!!!

لا تعليق

أبوغرايم said...

ههههه

شي مضحك بصراحه

شنو الإبداع الرياضي اللي قدمه بو فهد بالـ 2009

سواااد وجه (:

على فكره يا أخت دانه

غالبية المهرجانات العربيه مافيها مصداقيه و كلها مجاملات و واسطات و ضحك على الذقووون (:

و إلا كووجاا مرحبااا بو فهد يا جماعه

أما بخصوص القلاف ! فـ حسافه والله

قبل كنت معجب بطرحه و خطه البرلماني !

بس بالفتره الاخيره ,, ماااش قام يخوره

فريج سعود said...

السيد حالف الا ينسي الحكومة خلف دميثير

Anonymous said...

اللي تغلب بو

العب بو

Sami said...

الطيور على اشكالها تقع

Cute But Imperfect said...

دانه
اكو مجاعات بالعالم قاعد يموت يهال عشانها
و اكو حروب قاعد تخلص على بيوت و ناس
و اكو احمد الفهد

:)

كل قوم و له مصيبته!
عادي!

SHOOSH said...

مجاملات

أهل شرق said...

ابداع بالجمبزه

Naddoy said...

مادري ليش تذكرت اغنية :عشان ما نعلى ونعلى ونعلى لازم نطاطي نكاكي نكاكي.