26/08/2009

والله يخاف

ما أتابع سكوب

ولا أعتقد إنها وسيلة إعلامية محترمه من الاساس

ومستحيل ان تكون فجر السعيد مصدر الهام سياسي او حتى اجتماعي بالنسبة لي

ولا شفت الا شوية لقطات من مسلسل صوتك وصل

تقليد واضح لشخصيات عامة

اعضاء مجلس امة ووزراء

واقصد بالتقليد اهوا الاشارة لهم بتصوير اشكالهم واسلوب كلامهم وغيره

وطبعا هذا مافيه اي شي

ولا جان داود حسين انمنع من ايام فقرة عيدكم مبارك اللي قبل الغزو وبعدين فضائيات وغنائيات وداوديات وقرقيعان

خلصنا من سالفة التقليد وانها اكيد مافيها شي ولا تسوى توقف مسلسل

وارد واقول اني ما شفته

بس يمكن صار في اساءة للشخصيات العامة اللي قلدوها

وهني هم نرجع حق البلام اللي قلّد جواد العلي و عبدالناصر اللي قلد منيرة عاشور

وجواد ومنيرة شافوا ان في اساءة لهم

لكن على الرغم من هذا

وعلى الرغم من ان منيرة بنت وزارة الاعلام وتمت الاساءة لها لكن وزارة الاعلام ما تجرأت ووقفت عرض ذاك البرنامج اللي تعرض لها

انزين يعني لا التقليد يسوى يتوقف البرنامج ولا الاساءة ينفع ان تروح بمنحى الايقاف كبديل عن القضاء

انزين ليش صدر مثل هالقرار اللي يفشل عيل

باختصار لأنه يخاف وما يبي احد من النواب ما عجبه التقليد يهدده باستجواب

لا قانون لا حريات لا عماة عين

كل شي ينداس لأنه يخاف

15 comments:

Mohammad Al-Yousifi said...

انا ماني فاهم شالفرق بين النقد المكتوب و النقد في البرامج الحوارية و النقد بالتمثيل؟

الكلام اللي بالمسلسل مطروح و متداول من زمان بالكتابة و المقابلات

مسخرة

Anonymous said...

اي والله هذا الصج , ولا انا شفت البرنامج وعجبني وماشفت الا نقل صورة حقيقية لواقع موجود بصورة كوميدية مافيها شي وبعدين اعضاء المجلس ماخلوا احد ما انتقدوه اشمعنا الحين لما قلدوهم هددوا الوزير الخواف واستجاب لهم عن اي ديمقراطية يحجون شوفوا شسووا في بوش وبلير لا وبالملكة وولدها ببريطانيا, مشكورة يابنت القرين وكل يوم تثبتين رقي طرحج

بوناصر said...

انا شفته

أعتقد اللي بثته سكوب مو برنامج كوميدي .. هو برنامج بصريح العبارة يوضح من وجهة نضرهم من نواب يعتقدون أنهم نواب غير وطنيين

شي طبيعي أنه يوقف .. الطرح المفروض يكون على مستوى مسرحية حامي الديار في مشهد المجلس .. بس وين سكوب و وين سعد الفرج و خالد النفيسي

جبريت said...

الطنازه دخلت في شخوصهم


اي نقد هذا؟؟؟


لو كان نقد ساخر فقط ما كان سوى كل هالبلبله

Anonymous said...

من خاف ...... سلم !!!!

صوت الكويت said...

طلال السعيد مهدد وزير الإعلام بنشر مقابلة تمت معاه قبل سنة يعني قبل لا يصير وزير وإنه بينشر المقابلة بدون مونتاج

الدســتور said...

النواب مالهم شعل
شوفي ماحصل من تقليد لمجلس الوزراء

فريج سعود said...

بالضبط

وسيلة حماية من الاستجوابات

ابوالوليد said...

مااتوقع القرار هذا خوف من النواب
كثر ماهو خوف من وزير الدفاع اللي قلدوه ان ماعنده شخصية ولارأي

وتدرون اشسوى وزير الدفاع بابورمية ايام الانتخابات عشان تصريح واحد

White Wings said...

كل عام وأنت بخير

راح يتوفر المسلسل عبر "ممرات" أخرى بالتأكيد

وهذا احنا، نلعب غميضة مع الحكومة المغمضة

أهل شرق said...

لا قانون ولا حريات

هذي زبدة الحجي

يدعون بالحريات

وهم أول من يحاربها

حَافِـيَةُ الَقَدمَيّـنْ ولِبَاسِي المَطـرْ said...

يا عمي واحد اردى من الثاني
دايسين عالقوانين
واللي يهمهم مصلحتهم وبس
يخافون لا يستجوبونهم من قبل احد النواب
وين عايشين احنا ؟

SaLeM said...

اقول ليش الاتهام موجه للنواب انهم ضفطو على الاعلام لوقف البرنامج؟ مع اني ماشفت ولا تصريح من اي نائب ضده كل الي صرحو مع البرامج.. ليش مو الحكومه الي ماعجبه البرنامج والحريه ووقفت البرامج؟ ولا نسيتو انهم قلدو مجلس الوزارء؟ ليش مايكون الوزراء محتجين عليه !!!

بيت القرين said...

مطقوق
تعرف سابق ولاحق
المقالات والكتابات النقدية في حق النواب سابقه لوجود الخواف
اما النقد المرئي للنواب بشكل تهكمي لاحق لوجود الخواف
وهنا الفرق

انو
مو بس الوزير خواف

بوناصر
يوقف عن طريق القضاء مو عن طريق الخوف يا بوناصر

عنيف
اذا انا تطنزت على شخصك لازم تقاضيني مو تسكر مدونتي عدل؟

انو
هذا اللي صاير ليما الحين

صوت الكويت
يهدد ويقول
بس كلام في كلام

ابو الدستور
انا ما قلت لهم شغل قلت انه خاف من النواب حتى لو ما تكلموا يخاف
:)

فريج سعود
هم ما يفيد

ابوالوليد
كل شي تيمع عادي

وايت
هذا اذا ما توفر بعده
ونورتينا

اهل شرق
يخافون صدقني

حافية القدمين
عايشين في ارض الخوف

سالم
اللي اقوله ان الحكومة وقفت البرنامج لانها خافت ان النواب مو عاجبهم البرنامج ويستجوبونها

حتى لو ما تكلموا النواب اهوا يخاف جذيه عادي

well_serviceman said...

انا ماشفته للأمانه ولكن من اللي قريته بالمدونات والصحف اكتشفت انها لعبه قديمه تكررها قناة سكوب من زمان!

إثارة قضايا مالها داعي واستفزاز عشان ينشغل المواطن والصحف وغيرها بذكر تلك القناة الفاشله ويرتفع عدد مشاهدينها!