14/06/2009

لهذا السبب

محكمة الجنايات تغرم قناة الوطن 20 ألف دينار لإساءتها للذات الإلهية في برنامج بوقتادة وبونبيل الرمضاني

ها يا نبيل العوضي

يا شيخ الدين يا مسلم يا مؤمن

ياللي تطلع لنا بدعايتك كل يوم عن عبدة الشيطان واهانة الله

ويعبدون بببببقرة

أكيد بتكمل وياهم وتذم المحكمة

بس هذا شي طارئ على موضوعي

دولة دينية وثورة إسلامية على قولتهم

وديمقراطية واذا فاز اللي ما يبونه

شالوه مثل خاتمي

والثاني موسوي توه خسر ويشك بالنتيجة يحطونه بإقامة جبرية؟؟؟

عطوني دولة تتبنى النظام الإسلامي حاليا وماشية صح؟؟

وطبعا العيب مو بالدين

لكن بالاستفراد بالسلطة باسم الدين

وإستغلال الدين أبشع استغلال

هذي ايران

رئيس جمهورية والف تقسيمة ومنصب

وبالنهاية كل شي بيد شخص واحد

يعني اذكر بسنة من السنين الخامنئي

اللي يسمونه ولي امر المسلمين عندهم

مادري ليش

صار عندهم انتخابات برلمانية او شي جذيه

الحبيب منع كل اللي اسمهم تيار اصلاحي من الترشيح

والحجة انهم ما يطابقون الشروط

وطبعا الشروط اهوا اللي يحطها

الحين نجاد فاز على قولتهم

مع اني اشك في ذلك حسب اللي كنت اتابعه بالاعلام

لكن لأن نجاد تبع ولي امر المسلمين ففاز غصب

بس السؤال المهم الحين نجاد يايب 65 % مثل ما يقولون ومع هذا ما شفنا الا مظاهرات اعتراضية على النتايج

وما شفنا مظاهرات الفرح مالت نجاد؟؟
ذكروني بالفريق الازرق ايام نبيها خمس

اللي ابي اوصل له

ان من كل أمثلة الدول الدينية المعاصرة

ما شفت دولة صاحية او غير قمعية

وايران اقرب دليل بحكم انها بلد المذهب الواحد الطاغي

يعني ما عندهم خلافات مذهبية ومع هذا قمع ودكتاتورية هبله

لذلك الحل شنو يا بدران وحمودي؟؟

ومذهله


23 comments:

عنيف said...

على موضوع الشيخ المزيف نبيل العوضي

خل نشوف يهاجم ببرنامجه بكل صراحه المساس بالذات الالهيه؟؟هذا اذا كان صريح

ثانيا

لما هاجم اللبراليين بكلماته المعهوده لا تعلمونهم الدين لا تخلونهم يتحجبون لا يتعقدون وينهيها بتبا لهم ما اعتقد انه هاجمهم الا بتزامن معين مع قضايا اللبراليين في ذاك الوقت ايام المطالبه بالاختلاط

اما انتخابات ايران والتحكم الديني

لا تنسين ايضا باكستان الي يحكمونها ربع طالبان وبس

وعسى ما واحد قال شي فجرو فيه وبجماعته كاملين مكملين

ولا تنسين افغانستان سابقا ومادري عنها حاليا ايام الخيمه الزرقاء الي تغطي المرأه بأسم الدين رغم انه الدين ما يفرض تغطية الوجه

الدين واللعب فيه بكل الدول حتى بمصر الي سلفي والي اخونجي بس بينهم شي مشترك كل التيارات الدينيه يوردون الحشيش والمخدرات لخدمة قضاياهم حتى بمصر

Bad-Ran said...

العلمانية هي الحل يبا

al-nokhitha said...

ana 7as ena iran bet6ee7 o eb
yet'3ayar netham el 7okom feeha
3an jreeb eb sebat el enfraad bel
9el6a 7ag el morshid el a3la :)

ya3ni men 9ejiich la etrajaiin shay men nabeel el 3awathi hatha
e7iiib el nooooo6 :)

Khoosh eqniya etha et7been 3abdu tara beyeeni 7afla kha9a 7ayach :)

Anonymous said...

وانا كنت احسبج بنت عاقلة وتفكر قبل لاتكتب، وتتبع المصادر المختلفة وماتعتمد على مصدر واحد,, لكن للاسف طلعتي مع الخيل يا شقرا

اولا، مافي تأكيد على اقالة خامنئي او حبس موسوي وتم نفي الخبر

ثانيا، شوفي قناة العالم الان (الساعه الان 4:30) شوفي الخطاب الجماهيري لنجاد مباشره وشوفي الجماهير المليونيه

بس عيبج انج اذا ابقلبج حقد على احد غمضتي عين وبطلتي عين

ختاما اتمنى ان لا تلغي تعليقي وان تتأكدي من مصادرج ولا تستعلين على رزقج قبل لا تتحققين من كلشي

Ibn-Seena said...

الحين وين غلط الدولة الدينية؟ هل الغلط بالشغب إلي سووه الاصلاحيين إلي يدعون الانفتاح؟ ولا بقمع الشغب وعمل اللازم حياله؟

بـو حـظـيـن said...

الحل هو أن نبدأ الإصلاح الديني و السياسي إبتدءً من فيلجا

Jako said...

نبيل العوضي مشغول وماراح يعلق على الحكم عذروه لاهي قاعد يحضر حق حفلات هلا فبراير 2010

6een W Itrab said...

والله خاتمي وهو اللي يعتبر اصلاحي فاز لدورتين قبل لا يطلع نجاد بالأساس, شلون؟

الصور اللي صار فيها التضاهر, هل كل انصار نجاد مقيمين في هذا الشارع؟

هذا شيء اسمه
critical thinking

ومثل ما قلتي .. تيتي تيتي مثل ما رحتي جيتي

حياج في مطنقتي
http://www.6eenwitrab.blogspot.com

haifa said...

عزيزتي

بالنسبة لفشل الدول الدينية اهديلج هالموضوع

http://mozartation.blogspot.com/2007/01/blog-post_13.html

وهناك فقرة كاملة تتحدث عن إيران

تحياتي

AQ said...

ليس دفاعا عن نظام الحكم في ايران لكن قد يكون ان هذا الشي اللي الاعلام يبينه انشوفه ونعتقده وخصوصا مع المواضيع اللي تخص ايران و اكبر دليل شلون مخلين العالم حسباله ان ايران تبي تصنع اسلحه نوويه مع ان البرادعي كل يوم والثاني يقول ان ماكو اي دليل على هالشي. ووسائل الاعلام مسلمه ان ايران ناويه تصنع هالاسلحه. انا بس حبيت احط وجهة نظر ثانيه فقط لا غير

أبو الدســتور said...

بما إني ثوري
واحب المظاهرات
:))
فتمنيت الموسوي

Anonymous said...

سنة أولى سياسة
"مع اني اشك في ذلك حسب اللي كنت اتابعه بالاعلام"
الاعلام الاعلام الاعلام
اصحوا شوي
مليون في خطبة نجاد اليوم
حرة
والسلام على أهل العصبية
واحد من عبيد خدا

Anonymous said...

الشعب الايراني شبع موت من الحكومة الدينية اللي كلها جذب و نفاق الشباب الايراني شباب مثقف و واعي و يطالب بفصل الدين عن الدولة هذا الشي وايد مبين حتى في مطالباتهم و بصحفهم اللي سكر نصها احمدي نجاد المتخلف ابو الشعارات الواهية بس عجبني حماسهم و دفاعهم عن آرائهم و اتحادهم مع بعض الايرانيين اللي بره بعد سووا مظاهرات محتجين على نتائج الانتخابات يا ليت نقدر ندعمهم والله يكسرون الخاطر ياليت تخصصين لج بوست عنهم و ندعمهم

ساري said...

٠(العيب مو في الدين) اسطوانة مشروخة

و يا ريت نعرف المقطع الذي اعتبوه مساس بالذات الإلهية

Anonymous said...

النظام فى ايران لا يمثل الدين بل يمثل الثوره فقط و يريد تصديرها الى الخليج و العالم الاسلامى

المتهـافت said...

حتى التاريخ الاسلامي لا يذكر اي عهد بانه حكم بالعدل الا عهد الخلفاء الراشدين الذي استمر 30 سنة وعهد عمر بن عبدالعزيز الذي استمر سنتين ونصف

طوال ال 1400 سنة لم تأتي دولة تحكم بالشرع اثبتت بأنها عادلة غير الفترات التي ذكرت والتي لا تتجاوز ال
32 سنة

هذا من شواهد التاريخ اما من شواهد الحاضر فأستحي حتى ان اشير الى تلك الدول القمعية بأنها دول اسلامية لكن شانا ام امبينا هي كذلك

بوناصر said...

1 ) ممكن مقطع حلقة بوقتاده؟


2 ) بنسبة للإيران .. فأنصح بقراءة هذا الموضوع

http://free-moi.blogspot.com/2009/06/me-and-iran-presidential-election.html


الى هيفاء

مقال مو طبيعي


:)

السواء said...

بالعلمانية :) !

الجهازمغلق said...

الحرامي ما يقول أنا حرامي

حتي لوصدر حكم

الجواب عمك أصمخ


ولا هذا يقدر يرفع راسه جدام خليفه

haifa said...

بوناصر

شكرا لك :)

Pangion said...

نبيل العوضي كلامه مايدخل مخ واحد عاقل ، يستغفل ويقص على هالمساكين اللي مايعرفون شي بدينهم ، وماشين وراه اهو و شيوخ الغفلة مثل القطيع.

شنو تتوقع من ناس وارثة دينها مثل ماتارث الامراض من اهلها؟

وبالنسبة للدولة الاسلامية اللي يسعون لها
نبي مثال ممكن نقتدي فيه ونتطمّن لمسقبلنا ومستقبل عيالنا

السودان ، ايران ، السعودية ، افغانسان بحكم طالبان

اختار اللي يناسب

Anonymous said...

اختنا العالية لا تعتمدين على الاعلام وايد ....خصوصا في المسألة الايرانية ....
بشرفج ما ودج يكون عندنا فلاتر قبل كل انتخابات ....عشان نمنع اللي ما يؤمن بالدستور على الاقل ....هذه ما يسمونها ديكتاتورية هذي حماية و وقاية للنظام ممن يبي يهدمه من
الداخل
على الاقل عشان ما يوصل المجلس الا من يؤمن بالدستور مو مثل بعض اعضاءنا الحلوين اللي ايمانهم بالدستور يشع من ويوههم و من تصرفاتهم اللادستورية ...
يايبه كل نظام له الحق بحماية نفسه ...هالكلام موجود في اعرق الديمقراطيات من معازيب العالم القبليين و الحاليين و فرنسا و باقي اوروبا
الا احنا ان طالبنا بهالشي صرنا مو خوش ناس ...
لا زم نعيش الايدز و الغباء و الديمقراطية المخدية اللي تودرنا عشان نكون خوش ناس بعيون بعض الناس ...
نا بابا نميشا بابا

SiLENT HiLL said...

والله لو ان العوضي راعي دين وشيخ جان قبل لا يفتي بأن الجنوس والبويات كفار وحاربوهم جنا طالعلهم المسيح الدجال فرق بين البويات المرضا والبويات الخنثى عن المتشبهين لكن شعرفه بالدين مع الهبه الاخ جمعهم كلهم نفس بعض وتعال اسمع الحجي === شخباري موضوع نبيل مع البويات والجنوس بس للحين محتر
:(