07/06/2009

وضعهم مزري.. بس من يسمع؟؟


هالثلاثي البشوش وكتلتهم

بلشوا تحركاتهم بطلب رفع مكافأة الطلبة 100 دينار زيادة

طبعا اللي يقرى الخبر دون ما يعرف خلفياته ممكن يقول

مو شي يديد نموذج من نماذج الهدر اللي يتحفنا فيها المجلس دايما

وأنا أقول صحيح

بس هالهدر هالمرة حق ناس (طلبة الجامعة والتطبيقي) معظمهم مالهم أصوات إنتخابية يعني بالنسبة للتطبيقي ممكن الطالب يدش ويتخرج وبعده ما كمل السن القانوني

أما الجامعة فالطالب ما يكمل السن القانوني الا بعد سنة ثالثة

عيل ليش هالهدر يا ترى؟؟

الثلاثي البشوش خنقسمهم

جمعان الحربش عضو حدس الوحيد

وهذا اكبر مؤشر خطر على ان كيان حدس مهزوز جدا والدليل وجود عضو واحد فقط

والخوف بالنسبة له كل الخوف ان مكينة التفريخ "الإئتلافية" تتزعزع مكانتها داخل الجامعة

وذيك الساعة حتى كرسي اخضر واحد ما يحوش الحدسيين

فماكو الا اقتراح مثل هذا ويصاحبه شوية بوسترات ائتلافية بالجامعة يكسبون منها شوية اصوات

انزين نروح حق فيصل المسلم

كبير المعاونين عنده اهوا احد اعضاء المكتب التنفيذي باتحاد الطلبة من 500 سنة

وطبعا المكتب التنفيذي بقيادة الائتلافية وبالتالي هاجس جمعان يؤرقه اهوا بعد

اما د. وليد فالعلم عند الله بس يمكن يمكن واقف وياهم وبس

طيب شنو ممكن نستنتج من هالاقتراح اللي يعتبر من اول اقتراحات هالكتلة اللي توها متكونة؟

وليش تقديم اقتراح مثل هذا قبل ثاني جلسات المجلس اليديد

وقبل 3 شهور من انتخابات الجامعة

السبب المنطقي الوحيد بناء على هوية مقدمي الاقتراح

إن في قلق عندهم من نتايج صغار الاخوان بعد 3 شهور من اليوم

على الرغم من الفرق الكبير بالاصوات بين الائتلافية واصحاب المركز الثاني السنة اللي طافت

وضعهم جدا مهزوز خارجيا وحتى داخليا بحكم كمية الانشقاقات اللي حصلت داخل الائتلافية بالاشهر الأخيرة

انا بس حبيت ابين هالشي

وادري ماكو اذن تسمع كالعادة

داخل الجامعة

آخر شي عن خاطري

الكاتب المليق اليوم كاتب مقال يقول ان واحد بينتقد الوشيحي داز حق المليق رسالة

سبحان الله انا دايما لما ابي انتقد عبداللطيف الدعيج ادز حق سعد العجمي
:)

وشلون خيره بعد فرقاه

22 comments:

عاقد النونه said...

هذا الكاتب يستحق أن يضاف إلى موضوع فريج سعود بتاريخ 3 يونيو.....بعدين في أحد يقرا مقالاته غيرك؟؟

بو عبدالملك said...

تصدق ياخي مشكله اللي يسوون نفسهم فاهمين
وثاني شي مو عضو عضوين
حبيت اصحح

al-nokhitha said...

el fala96eniya el khaysa malat qanat el ray ( el kawleeya ) etgool el shai5 ahmad el fahad metkalem 3an el 3erag o 6ala3 el maleeq ehwa ele metkalim mo el shaikh ahmad :)

Youba hathol nas emyanan bekhasroon el deera 3ala el fathi mo lazim el kil e9eer qani o 3enda floos ele yeshtiqel yestahal lakin ele ga3ed eb mokana o yabi el dera ta36ii la wala ehaba ma y9eer yahal na36eehum 200 3ashan yadriison weli edrisaw gabil shloon bala wala 7aram !

Allah khoosh eqniya laha thekrayat wayed 7elwa :)

بوناصر said...

بسيطة ..

أخذوا ال200 ولا تصوتون للإئتلافية

ولكن بنفس الوقت اذاانجحوا علينا تقبل الديموقراطية

مش هيك أخ الرّيس؟

:)

Q8yUK said...

الخسارة جعلتهم مشتتين

يشكون بكل من حولهم

والخوف من الضربة القاضية هي الهاجس الأكبر حاليا

والله يعينهم

Mohammad Al-Yousifi said...

حدس

اي كمل و قولنا منو العضو الثاني ؟

و شلون فاز؟

ثاني شي اذا مكافأة الطلبة صارت 250 , يبا انا ماني متخرج بظل طول عمري طالب

Don Juan said...

الي صار بره الجامعة ما راح يضر الي داخل الجامعة
كل مكان و له تكتيكه يا دانة :)

Anonymous said...

طيب مو مشكله انا معاج بكل اللي قلتيه

ليش ما تشجعين بقيه الاعضاء للاشتراك معاهم بتقديم الاقتراح ؟

ولا هالموضوع فيه هدر للمال العام ؟
انتي شايفه وين قاطين الطلبه ؟
الاعانه او المكافأه تعين الطالب على دراسته
بشراءه للكتب والمستلزمات وتصوير اوراق و مراجعات

و منهم اللي يدفع منها قسط السياره
ومنهم من يصلح سيارته بالاعانه
بسبب البعد والحر والمشوار يوميا

ساعدوا الطلبه شالمشكله ؟
شاركوهم بالاقتراح
اكسبوا اصوات الشباب

كويتي شعبي said...

بإستثناء الثنائي طبطب و جمعان

شهائة الحق يجب أن تقال بحق فيصل المسلم

فأهوا من أوائل المطالبين بإقرار ما يسمى بالإعانة الدراسية و مواقفة و تعاونة مع الفاضلة أم عادل كانت مشهودة

بغض النظر عن الدافع بالتالي لازم يكون في وعي عند الطلبة و لو فعلا أقر هذا الأقتراج راح يعم بالفائدة حق جميع طلبة الجامعة من غير إشتثناء

جبريت said...

انا داش اوضح حق الاخ عدس +تلف =مجبوس دياي ماصخ

اولا صح عندك عضو ثاني بس اهو نص عضو لانه داس الدستور ودخل فرعيه العوازم
وقام بعدين اقسم على احترام الدستور وقوانين الدوله سبحان الله خوش دين

والوضع المتزعزع داخل الجامعه والتطبيقي بعد ما اطبقت عليهم المستقبل الطلابي السلفيه اعتقد انه التحرك بو 200 وهدر الاموال العامه الي ايضا الثلاثي الكوكباني اقسم على حماية الاموال العامه
راح يفيدهم لانه الي موجودين بالجامعه جاهل فكريا نوعا ما ما يعرف يتصرف بالفلوس..

بس قول حق ربعك عدس وتلف المنمين والاصلاح وتنميه هالشغله

وينكم عن الاصلاح والتنميه ايام ما تأزمون الكويت كلها عشان واحد دخل وشركه خسرانه وشيكات الحبيب سامع فيهم وكانيقول انهم عنده؟؟؟؟

حياك الله

واسف على الاطاله بيت القرين انشاء الله اكون كفيت ووفيت فيه

Yousef Khaja said...

La check takmilat il khabar ! yaboon inazloon nisab qobool il jam3a .. yaboonha aqal min 70% 7ag il 3ilmy o aqal min 75% 7ag il adaby .. ba3ad laish ma yaqblinoon il 6alaba elly saq6een mo a7san ?! ya3ny ma yadroon inna 6aqat il jam3a il isti3aabiyya maatti7ammal more ?! willa bas yalla naby aswat izyada ?!
3alam matfaakkir !!

Icarus said...

أهم شي أقتراحهم عن السحر
!!!!

aaaaaa said...

السيطرة على فكر الشباب هدف حدسي بعيد المدى

Q80 Blogger said...

الكتله قدمت 6 اقتراحات قبل هذا الاقتراح .. اشلون تقول اول اقتراح للكتله ؟؟

http://www.alaan.cc/pagedetails.asp?nid=34371&cid=30

هذا لنك




وبعدين

إسأل أي أحد في الجامعه والتطبيقي وخصوصا طلبة الجامعات الخاصه الي اهلهم يصرفون عليهم مو بس مصروفهم اليومي .. لأ فوقه فلوس الجامعه !!

الكل مع الاقتراح

ليش نشوف اشخاص ؟ يعني اذا هالكتله قدمت هالاقتراح لازم ننتقد

يا اخي شوف الاقتراح وعطنا رايك فيه .. لا تقعد تتفلسف وتدخل في النوايا

الله يهي الجميع

بوضاري said...

يا اخي ليش الفلسفة ؟

نفس الخبر اللي انت قاصه من موقع جريدة الآن الالكترونية حاطين فيه 11 مشروع و مقترح للثلاثي اللي مو تارسين عينك
اشوفك ماعلقت الا على مكافاة الطلبة المساكين ؟
زين ورنا نوابك و حبايبك شقدموا للمجلس ؟

اقول : خلك منصف او لا تكتب

Anonymous said...

حتى الشي الزين مو عاجبكم
دام انه من عضو مو من ربعكم
وين اسيل و الملا و الفلاسفة ؟ نايمين ؟

و الاخ خفيف قصدي عنيف يبيله دروس في ادب الحوار
الشرهة مو عليه ، على المدون اللي خلاه يكتب باسلوب شوارعي و سوقي

عادي .. هذيله كتاكيت الليبراليين 2009

بيت القرين said...

عاقد النونه
اي فيه
إقرا جعفر رجب أمس
:)

حدس
منو العضو الثاني؟

نوخذانا
حتى اسمه يسوي مشاكل

بوناصر
وليش الهدر؟

كويتي
الله يعيننا عليهم

مطقوق
اي ترى وناسه
:)

دون
وشنو تكتيك الجامعة عشان نشيلهم؟
أفدنا
:)

انو
انا ضد الفكرة
وأعتقد إن اللي يقدم للطلبة كافي
هذا رايي الخاص
واي زيادة ممكن تخلي الطلبة يتكاسلون عن التحصيل العلمي الأفضل بحكم ضمان مصروف دائم بمجرد تسجيلهم بالجامعة او التطبيقي

كويتي شعبي
انا اختلف وياك وويا المسلم
اعتقد ان الموضوع فيه هدر للمال العام

عنيف
صج عنيف
:)

يوسف
صدقت

جاكو
شيطلع هذا؟

انور
وناجح من ثلاثين سنة
ومو عارفين نواجهه

كويتي
من اول اقتراحات الكتلة اقرى بركادة قبل لا تدش بعنف

ورايي بالاقتراح ان هدر للأموال
وقلته
علامك الله يهداك؟؟

بوضاري
قلنا من اول الاقتراحات ما قلت الاول والوحيد
شالغلط
وانا اشوف ان هدر للاموال
ومابي اطالب نوابنا على قولتك بهالنوعية من الاقتراحات

انو
اذا بمنع عنيف راح امنعك انت بعد
بس كل واحد يتحمل مسؤلية ما يكتب
والاقتراح فيه هدر للاموال برايي وما اتمنى اسيل او صالح او غيرهم يشاركون فيه

Icarus said...

أي من صجي أحد الإقتراحات المقدمة من الثلاثي يتعلق بالسحر...هاذي التنمية وله بلاش
!!!!

Anonymous said...

عجييييييييييييييييييب


ها الافاضل الثلاثه ما يتحاجون شهادتى و اللى يختلف معاهم لسببين فقط يا انه (تائفى) او ما يعرف كوعه من بوعه
واشوف منافسهم الشرس المطوع ياريت نشوف شى عنه او من الذات المصونه

و العموم تعودنا هذا من المدونه هذى راعى الفاكسات و يتصريحاته و راعى خياش التومان ما انشوف انتقاد لهم و تعرجين بطيريقه مضحكه لغيرهم

جبريت said...

http://www.youtube.com/watch?v=vMcRLQ4wDwY

اهداء يا بيت القرين وللمدونين الي يزورون مدونتج

احب اضيف شغله صج حق بو عدس وبو تلف

اذا اثنينهم اجتمعو يساوون الاصلاح وتطبيق الشريعه ليش بين كندري وكندري بالدائره الاولى قطعو عن بعض وكانو يشيعون الاشاعات حدس نفسها عن السلفي الي من نظرتي كان ارقى منهم بالتعامل مع الاشاعات بل وجه اصوات للرومي وهو لبرالي وللحريتي والعوضي الي يختلفون عن مساره السلفي ؟؟

اعتقد هذا لغز عليك حله وايضا نفس الفلم بالدائره الثالثه والثانيه

بس انا ابي اتكلم عن الاثنين الي من نفس العائله وكان الاقوى الكندري السلفي الي يفصله عن الفوز اقل من 200 صوت

Common_Sense said...

في احد يقرى حق هالمليق؟
وسوري المقال مافيه شي منطقي
الدخول في النيات اهي المشكله

Eng Q8i said...

اقوى كتلة بالمجلس
ناس ثقة ومصداقية وينحطون عالجرح يبره

والائتلافية باقية وتذكرني اصوات الائتلافية باتطوف ال6000