05/06/2009

شوية ركادة

ثلاث مواضيع

أولهم

تلفوني ما سكت البارح من المسجات اللي تقول تابعوا تلفزيون الوطن

والتالي شنو

واحد شايل ويهه بليزر ومطول شعره توافقا مع سياسة القناة والجريدة مقابل وحده اتوقع انها مو صاحية

ويسئلها بشنو حلمتي؟؟؟

شنو القضية يعني خل أفهم؟
ليش كل هالمسجات عشان أشوف وحده تسولف عن حلومها؟؟

الشرهة مو على بو ليزر

الشرهة على اللي ينشرون هالبرامج ويحثون الناس على ان يشوفونها؟؟

والله يشافي البنيه بس

ثاني المواضيع

كاميرا ساحة الارادة اللي يمكن تصير استجواب؟؟

كل من شارك بفعالية من فعاليات ساحة الارادة من نبيها خمسة ليما اليوم يدري وشايف سيارة النقل والتسجيل مالت الداخلية سافطة عند مجلس الامة تنقل الاحداث

وهذا شي كان جدا طبيعي حتى للنواب اللي تواجدوا بساحة الارادة من قبل

اذا تسجيل الداخلية للاحداث مو شي وليد الكاميرا هذي؟

اذا كان في رفض على تسجيل الأحداث مو مفروض يكون مع وجود الكاميرا

مفروض يكون من اول ما تشوفون سيارة النقل مالت الداخلية

وعلى فكرة ترى كاميرات المراقبة التابعة للداخلية مو موجوده بس بساحة الارادة

موجودة على طول خط البحر

مو كاميرات السرعة لا كاميرات المراقبة

فإما الرفض الكامل للمراقبة او عدم الرفض

هذا رايي المتواضع

آخر المواضيع

العراق والكويت

خل نقول مجموعة حقائق

الكويت لها حق بالتعويضات المادية على خسائرها بالغزو اللي ما تعوضها المادة فقط

هذا حق وما ينزعل منه

العراق ما يقدر يعتدي على الكويت لا حاليا ولا بعد سنوات حتى لو بغى هالشي

بحكم وجود اتفاقية امنية كويتية امريكية فرنسية بريطانية قاعدين ندفع لهم الملايين

كل ديرة فيها أشخاص مطافيق وهذا لاهو شي يديد لا بالعراق ولا بالكويت يهذون بكلام أهبل

المطلوب شوية ركادة بالتصريحات

عشان لا نزيد الوضع سوء

خلونا نقعد نفكر شلون نطلع بتعويضات ذكية للكويت والعراق
وعلى ما أذكر صالح الملا كان عنده حل ذكي للتعويضات بس ما أذكر شنو اهوا اللي يعرف صالح او يعرف حله البديل خل يقوله

خل يكون في مفاوضات بوجود دولي يحل المشكلة

مو على طول نقول مستعدين للحرب؟؟؟

وين قاعدين ؟؟

تهدى الأمور بأهل الرأي ما صلحت فإن تولت فبالأشرار تنقاد

10 comments:

al-nokhitha said...

7al 9ale7 el mulla : tabdeeel el
ta3weeethaat eb gaz 6abee3i :)

bs ana agool ma nabi menhum shay kafii ele shefnaah menhum bas nabii floosna wala entinazal 3an fils 7amar :)

wala khaled el abduljleel barad chabdi ams bel kowawlaa :)

mabroook el fooz el bar7a :)

aaaaaa said...

كلام صحيح

بس الي خله المشكله اتوسع مالت العراق بالبداية الوساطة البريطانية الامريكية

بعدين شالو ايدهم بعد ما وساطتهم خلت الموضوع ياخذ تصعيد

مـغـاتيــــــــــــر said...

كلامج عين العقل

بس عندنا ناس ما عندهم عقل :-)

راعي تنكر said...

طفاقة ولقافة وخبال
مصيبة عندما يعتلي المنابر غوغائيين الكويت والعراق

Mohammad Al-Yousifi said...

اما ان هالمطفوق ضحكني

احنا عندنا اسلحة مو موجودة عند احد

يا ليتك ساكت

عباله اولمرت

Anonymous said...

اشدراج انه شايل ويهه ب ليزر ؟؟ (:

الدســتور said...

القادم من الايام سأثبت معنى كاميرا ساحه الارادة

Icarus said...

راح نظل نعاني في المستقبل من الخطر العراقي فالمعلومة الغايبة عند الناس ان شكل الخطر تغير لكن مصدر الخطر راح يظل دائما واحد

بوناصر said...

أولا :

قناة الراي العراقية هي التي بدأت بالشتائم

اللي يبي يسكت بكيفه

واللي يبي يروح السفاره الأيرانية يحيي ذكرى آية الله العظمى ويحضر مع نائب في مجلس الأمة من غيرأن يصرّح عن موضوع هجوم قناة عراقية تبث من سوريا مع العلم بالتحالف السوري الأيراني ضد أمريكا .. هم كيفه

http://www.aldaronline.com/AlDar/AlDarPortal/UI/Article.aspx?ArticleID=56714

السؤال : لماذا المهري غير رأيه عن تعويضات العراق ؟

http://www.alwatan.com.kw/Default.aspx?tabid=57&article_id=512151

علعموم تاريخ المهري معروف شلون طلع من الكويت وشلون رد .. لكن سكوت الشيعة عن تصرفاته بصراحه شي يقزز

الحمدلله الله لطف وعطانا شخص مثل محمد أبوالحسن يغطي خمال بعض الناس

http://www.alraimedia.com/Alrai/Article.aspx?id=135142

مادري ليش صارت أمريكا عزيزه الحين .. هم عند نفس بعض الناس!

أتمنه توصلون صوتي

:)

جبريت said...

انا ما تطلعت او شفت المشكله الي بين الكويت والعراق في الاونه الخيره بس يعني كانت هناك حلول كثيره طرحت بدل التعويض المادي ومنها تقدم فيها النائب السابق محمد الكندري باخذ اراضي من العراق واستثمارها هناك

اما الي طالعه بقناة الفتن بالنفنوف الحمر وحجاب احمر تقولين ديرمه عوده منثبره

هذي كانت مرشحه بالدائره الخامسه في انتخابات 2009-2008-2006

وتبي زوج من الاسره الحاكمه حتى يعينها في الانتخابات القادمه