أول ما بغيت أكتب كان عندي موضوعين ببالي
موضوع المدونات والوزير الغنيم وحجبها وخرابيطه المعتاده
لقيت موضوع بالأمة أكثر من روعه بهالخصوص
فلقيت الموضوع الثاني اللي شايفته من الخميس بس قلت خل اريح بعطلة العيد وبعدها اكتب
الموضوع اهوا
حق اللي ما يعرف نشرح شوي
انتخابات اتحاد الطلبة اللي يحددها قيادة الاتحاد
يعني اهما اللي يحددون الموعد على هواهم
وبعدين يقولون انتخابات حيادية والله خوش
واللي مو فاهم شنو الفكرة من تحديد الانتخابات باول اسبوع
اشرح له ببساطة
الاتحاد اهوا المشرف من قبل عمادة الطلبة على تسجيل المستجدين قبل الدوام
معناته ان الاتحاد اهو اللي يساعدهم
وبعدين باول اسبوع يسوي انتخاباته
عشان ما يعطي المستجدين فرصة يسمعون من القوائم الثانية
وطبعا الفوز يكون حليفهم
لا وغير جذيه بعد
ازيدكم من الشعر بيت
قيادة الاتحاد اهيا الجهة نفسها اللي تشرف على انتخابات الاتحاد
يعني اهيا تعلن الفايز واهيا اللي تاخذ صناديق التصويت
وطبعا قيادة الاتحاد بيد الاخوان من سنين
والذمة عندهم انتوا عارفين بعد ماله داعي اشرح
و سئلوهم عن تزوير سنة 2000 لما المستقلة فازت بخمس كليات ومع هذا الاخوان فازوا بالاتحاد
قبل سنة بالضبط قلت ودعيت القوائم المو دينية ان يتبنون تأجيل انتخابات الاتحاد الى الفصل الدراسي الثاني
وتحديدا بمايو
عشان المستجدين واهما العنصر الرئيسي باصوات الاخوان ياخذون فرصتهم في التعرف على القوائم
لكن طبعا قيادتنا الطلابية كل واحد يقول انا بطل الكوكب
ويبي يفوز وينتصر ويتسجل الانجاز باسمه
فلا يطولون لا عنب بغداد ولا بلح القاهرة
يوم 12 اكتوبر راح نشوف انتصار جديد للاتحاد بقيادة الاخوان والسلف ونشوف قوائم مثل المستقلة والوسط تتوعد بالفوز بالموسم الياي
ولا طبنا ولا غدا الشر
ما اقول الا مبروك للاتحاد بقيادة الخونة
وهاردلك لمدعي حب الوطن فوق المصالح
سؤال عن خاطري بس يا ليت القوائم تسئله للاتحاد بقيادة الخونة
شنو موقفهم من المصفاة الرابعة؟؟؟؟
اتحداهم يردون على هالسؤال
شفت موضوع الوطن اليوم بعنوان عندما غرّز الصقر
وطبعا حاطين صور بطل خمر وكرتون خمر يم موقع التغريزة في ايحاء واضح ان حسينو يشرب تتن
بعدين فكرت ارد على هالسالفة ولا لأ
لكن يتني فكرة اقنعتني بعدم الرد على هالسخافات
والفكرة اللي يتني تقول
رئيس تحريرهم لحد الآن مو معروف الجنس يعني ريّال ويلبس تاج ويقول هو يا حافظ
واشهر كتابهم واحد ما يطوف عيد ميلاد حق دينا وكتاباته عن مبيعات فيكتوريا سيكريت
وثاني اشهر كتابهم عنده شقة مشبوهة ببنيدالقار
وقناتهم تعرض عذاب القبر مع الشيخ المسلم نبيل العوضي وبالليل تحط مريام فارس ترقص بتو الليل
شينرد عليهم هذولي؟؟
يالله الى اللقاء
واكررها للقوائم خلكم على عماكم
انتخابات اتحاد الطلبة اللي يحددها قيادة الاتحاد
يعني اهما اللي يحددون الموعد على هواهم
وبعدين يقولون انتخابات حيادية والله خوش
واللي مو فاهم شنو الفكرة من تحديد الانتخابات باول اسبوع
اشرح له ببساطة
الاتحاد اهوا المشرف من قبل عمادة الطلبة على تسجيل المستجدين قبل الدوام
معناته ان الاتحاد اهو اللي يساعدهم
وبعدين باول اسبوع يسوي انتخاباته
عشان ما يعطي المستجدين فرصة يسمعون من القوائم الثانية
وطبعا الفوز يكون حليفهم
لا وغير جذيه بعد
ازيدكم من الشعر بيت
قيادة الاتحاد اهيا الجهة نفسها اللي تشرف على انتخابات الاتحاد
يعني اهيا تعلن الفايز واهيا اللي تاخذ صناديق التصويت
وطبعا قيادة الاتحاد بيد الاخوان من سنين
والذمة عندهم انتوا عارفين بعد ماله داعي اشرح
و سئلوهم عن تزوير سنة 2000 لما المستقلة فازت بخمس كليات ومع هذا الاخوان فازوا بالاتحاد
قبل سنة بالضبط قلت ودعيت القوائم المو دينية ان يتبنون تأجيل انتخابات الاتحاد الى الفصل الدراسي الثاني
وتحديدا بمايو
عشان المستجدين واهما العنصر الرئيسي باصوات الاخوان ياخذون فرصتهم في التعرف على القوائم
لكن طبعا قيادتنا الطلابية كل واحد يقول انا بطل الكوكب
ويبي يفوز وينتصر ويتسجل الانجاز باسمه
فلا يطولون لا عنب بغداد ولا بلح القاهرة
يوم 12 اكتوبر راح نشوف انتصار جديد للاتحاد بقيادة الاخوان والسلف ونشوف قوائم مثل المستقلة والوسط تتوعد بالفوز بالموسم الياي
ولا طبنا ولا غدا الشر
ما اقول الا مبروك للاتحاد بقيادة الخونة
وهاردلك لمدعي حب الوطن فوق المصالح
سؤال عن خاطري بس يا ليت القوائم تسئله للاتحاد بقيادة الخونة
شنو موقفهم من المصفاة الرابعة؟؟؟؟
اتحداهم يردون على هالسؤال
شفت موضوع الوطن اليوم بعنوان عندما غرّز الصقر
وطبعا حاطين صور بطل خمر وكرتون خمر يم موقع التغريزة في ايحاء واضح ان حسينو يشرب تتن
بعدين فكرت ارد على هالسالفة ولا لأ
لكن يتني فكرة اقنعتني بعدم الرد على هالسخافات
والفكرة اللي يتني تقول
رئيس تحريرهم لحد الآن مو معروف الجنس يعني ريّال ويلبس تاج ويقول هو يا حافظ
واشهر كتابهم واحد ما يطوف عيد ميلاد حق دينا وكتاباته عن مبيعات فيكتوريا سيكريت
وثاني اشهر كتابهم عنده شقة مشبوهة ببنيدالقار
وقناتهم تعرض عذاب القبر مع الشيخ المسلم نبيل العوضي وبالليل تحط مريام فارس ترقص بتو الليل
شينرد عليهم هذولي؟؟
يالله الى اللقاء
واكررها للقوائم خلكم على عماكم
28 comments:
بالانتخابات يوجد ممثل عن كل قائمة يشرف على فرز الاصوات لكل صندوق
يعني القوائم موجودة و تشوف بعينها شلون طريقة فرز صندوق صندوق و يأكدون على ان هالصوت للقائمة الفلانية
عيل وين المشكلة ؟؟
اتمنى انكم تكونون حياديين في طرح الموضوع يا بيت القرين و عدم تدليس الحقائق و اذا منتو مصدقين سئلوا منسق كل قايمة و اذا هم مو مصدقين روحوا وقت فرز الاصوات و تشوفون الشاشات و بتشوفون اعضاء القوائم الثانية موجودين عند كل صندوق و عند كل فرز :)
يا منطلقة بطموحج
أنا أستغرب إن هذا اسمج وتتبنين راي قائمة تحد من طموح المرأة
وتمنعها من تولي مناصب كفلها دستورج
ولا تقوليلي راي شرعي لأن اتحاد الطلبة مو ولاية عامة
أما بالنسبة لموضوعج
على وجود القوائم انا ما نكرت هالشي
لكن ممكن اعرف من خلالج منو المشرف العام على انتخابات الاتحاد؟
وهل من المنطقي ان تحدد جهة منافسة على الانتخابات موعد الانتخابات؟؟
هل هذي الحيادية والموضوعية
ويا ليت مرة وحدة تشوفين لنا موقف قائمتج من المصفاة الرابعة
قلة أدب اليوم لا تحتمل
وليعذروني الاخوان بموقع الامة
لاني كتبت ايضا عن موضوع الغنيم
:)
الوطن ما عليهم شرهة
الشرهة على اللي يقرالهم
تابلويد حشا مو جريدة
الوضع سابقا كان ان تكون الانتخابات بالفصل الثاني و لكن غير بسبب هر رمضان و دائما تكون الممسك بالاتحاد او الجمعية العلمية هو من يحدد التاريخ للجمعية العمومية و الانتخابات
الاخوان لديهم خزان اصوات في التربيه و الشريعه بدون منافس حقيقي مقابل وجود قوي في كل من الحقوق العلوم و الهندسه
اما قصه التزوير رغم كرهي للاخوان لكن من الصعوبه الاقرار او التلميح بالتزوير خاصه بوجود ممثل لكل قائمة عند الانتخاب او الفرز رغم اشراف الهيئه التنفيذيه للاتحاد
الوسط الديمقراطي بعد حقق اكبر رقم في 97 بدء ينحدر بسبب خلافات المنبر و الربعي حينها و الان التيار الوطني ليس هو التيار المستقطب للعدد الاكبر من الشباب ناهياك عن تطور المستقله وحركة الانتخابية بالجامعه تحديدا
تأجيل موعد الانتخابات قرار للهيئة التنفيذية للاتحاد و هي بيد الاخوان لذا لا تغير
و التغير ان حدث سيقرب الارقام ليس الا بعد تحالف الاخوان و السلف
اعتقد من المهم البحث في اسباب عدم استقطاب الوسط للقيادات المرموقه منذ امد و انخفاض ارقامه و انتشار الخلافات بداخله قبل الحديث عن الاخوان
مرحبا
اولا من قال ان الاتحاد الوطني لطلبة الكويت فرع جامعة الكويت معترف ليه وممثل شرعي للطلبة؟!
ثانيا منو يقول ان انتخابات طلبة جامعة الكويت فيها نزاهة وحيادية؟
ثالثا منو يقول ان اتحاد الطلبة "وطني" رجعو لتعريف اتحاد الطلبة في دستور الاتحاد وتكتشفون الحقيقة!!
منو يقول ان عقد معظم الجمعيات العمومية للاتحاد وغيره من الجمعيات والروابط صحيح وبالتالي بطلان العديد من الانتخابات اللي جرت منذ سنوات طويلة
خالصين منها
Wala 3ad sharab ma sharab ma7ad lah sheqil eb 7ayata el 5a9a Kafii Mawqfa el moshariifa bel majalis ele 6afat kafii ena ga3ed yakshef bogat akbar 7aramii bel kuwait men ayam ma kan ra2ees ta7reer el qabas o lai al7een fa ma
tetwaqi3oun ena ra7 efabrik lah
5abar methil hatha 7eta law 9ej tara allah amar bel setiir 3aiib el fethaye7 hathi mo men a6ba3 ahal lekuwait hathii sowaliif kowawla , tewakal 3ala allah ya bo 3abdulla o kelna ma3ak el '3afela tamshii wel chlaab tenba7 !
Dana ana asef 3ala esloobi bas wala e7tarait men 5laiif o salmiili 3ala el mostaqela o el
wa9a6 :)
3asach 3al guwa :)
سوري بس برد على منطلقه بطموحي
لما كنت بالجامعه 5 سنين اشتغل بالعمل النقابي و ادري شنو اهوا الاتحاد و ندري شيسون و كلنا ندري ان الصلاة خير من النوم
يعني ندري شتسون مالا داعي هالكلام
و في سنه من السنين دشيت مندوبه للقائمتي بنتخابات الاتحاد عقب ماسكرو الصندوق دش عامل من الاتحاد و اخذ الصندوق و حطه بدبت سيارته وراح بروحه بالسياره محد معاه عشان يوديه لمكان الفرز
اذا كل الصناديق يودونها جذي عيل السنه اليايه فرقكم 7000 بعد
تحياتي...
أولا: رغم انه جريدة الوطن فاقدة للمصداقية من زمان ، لكن لو كانت سالفة محمد الصقر صحيحة فما أقول إلا الله يطيح حظه وكان المفروض يحرص على سمعته كونه نائب للأمة وما أعتقد انه الحرية الشخصية تسمح له يسيء لكل من صوت له ودعمه أثناء الانتخابات ومنهم العبد الفقير لله كاتب هالسطور.
ثانيا: عزيزتي بيت القرين ورغم اختلافي الشديد مع "الاخوان" واطروحاتهم لكن اعتقد انه من الظلم والاجحاف تسميتهم بالخونة (وبدون ما نخوض بجدال بيزنطي) لأنهم كانوا حاصلين على ثقةالطلبة ولمدة أكثر من خمسة عشرين سنه وهذا طعن بالألاف اللي صوتت لهم طول هذي الفترة.
وصدقيني ومن دون زعل واسمحيلي أقولج إنه ، لو كانت الائتلافية قائمة فيها ما فيها من العيوب الكثيرة لكن اهي أفضل الموجود على الساحة من القوائم.
شاكر لكم سعة صدوركم ...
م. طارق
كل طالب في جامعة الكويت لازم يعطي صوت حق الائتلافية
انا عطيت وانا مستجدة
:\
اي صاجة الانتخابات فيها لعب اذا الموضوع جذي عيل عمرهم ماراح يشوفون الفوز المستقلة او الوسط
من ايام الجامعه واحنا على عمانا قاصين على المستجدين
ملينا ترا مو كافي انتخابات المجلس لعب بلعب
خيصير شي صح
حتى التحلطم الزايد عالائتلافية ما اييب نتيجة ,, ولا تحالف الوسط و المستقلة و حتى الإسلامية بييب نتيجة
و الهيئة التنفيذية مسؤولة عن انتخابات كل اتحادات الطلبة ,, كا ما اشوفهم سقطوا الوحدة بأمريكا مع انه حتى اتحاد أمريكا كان معقل لهم :)
هلا و الله منطلقة بطموحي :)
ولهت على أيام كنت أناجرج بالمنتديات :)
هل المشكلة بالفرز؟ أم المشكلة بصندوق التربية سنة 2000 لما تم طرد مندوبتي المستقلة و الوسط و بقدرة قادر دخل أكثر من 600 صوت للإئتلافية خلال ساعة بمعدل 10 أصوات كل دقيقة؟ أم أنها تحذيرات الإتحاد أمام صالة التسجيل؟ أم أنها مشكلة بيانات الطلبة التي يستولي عليها الإتحاد "كل عام" و يتصل على المستجدين بإسم الإئتلافية؟ أم أنها مشكلة خداع الطلبة المستجدين بلقب "أنا مرشدك الطلابي".. و بعدها بأسبوع تكفه صوّت إئتلافية؟!
المشكلة بالوسط و المستقلة..
"قوائم النوم بالعسل"... ZzZzZzZz
الأخت بيت القرين
هناك عدد كبير من المغالطات في الموضوع ولابد من توضيحها
أولا : أن الجهة المسؤولة عن تنظيم الانتخابات هي الهيئة التنفيذية والتي تتنخب عن طريق ممثلي جميع فروع الاتحاد وهي فرع الكويا وأمريكا وبريطانيا وفرنسا والأردن ومصر وليس فرع الجامعة الموجود في الكويت هو الذي ينظم انتخاباته وفي هذا فرق واضح
ثانيا : أن تحديد موعد الانتخابات يكون مرتبط بالفرع وبالالتزام ببنود دستور الاتحاد فالموعد يجب أن يكون مرتبط بالدستور (يعني تحديد موعد الانتخابات مو مسألة مطلقة) هذا هو المهم وما يحدث في الكويت يحدث في فرع أمريكا وفرنسا والأردن ومصر وبريطانيا فكل المواعيد مرتبطة بالدستور والذي يحددها خلال شهر من نهاية السنة النقابية (بحسب ما أذكر) أما مسألة هل تقام في أول أسبوع من هذا الشهر أو في آخر أسبوع فهذا من اختصاصات الفرع
ثالثا : أن لكل قائمة من القوائم مندوبيين داخل قاعات التصويت وعند الفرز لهم حق الاعنراض وللقائمة حق الطعن بالانتخابات إذا رأت عدم سلامة الاجراءات وهذا لم يحدث بحسب علمي إلا من قائمة واحدة خلال السنوات الخمس الماضية ( ليست المستقلة ولا الوسط ) إضافة إلى ذلك فرزالانتخابات يشارك فيها بصفة مراقب مختلف جمعيا النفع العام هذا للعلم
أخيرا أختي نستطيع الوصول إلى الحقيقة والنقاش في الأمور دون استخدام كلمة (خونة) فمهما اختلفنا بالفكر والتوجهات نظل أبناء بلد واحد وانتشار مثل هذا الأسلوب في النقاش بيننا لا يساهم إلا في شحن النفوس وانتشار الكراهية والعداء فيما بيننا
الله يعطيج العافية يا دانة
ويعطيج العافية على حماسج بس احب اوضح لج
وبالنسبة للانتخابات انا عاصرتها من ال 96 لين ال 2003
وبال2000 مثل ما قلتي او ما اذكر باي سنة لما المستقله خذت وايد كليات
بس انا كنت كل سنة يا داخل الفرز او عندي الي يكون داخل الفرز
والشهاده انه عمره ما صار تزوير بهالفتره
وانا ترى ما كنت ائتلافي فاتمنى انه شهادتي ما تضايقج
ويا عسا الائتلافية تطيح اليوم قبل باجر خل نشوف غيرهم شنو ممكن يسوون
بس على فكره بعد ائتلافية الحين غير قبل
قبل يخرعون تقولين من قريش الحين صاروا قصات وبنطلونات
الله يرحم :))))
والله مواضيعج المفروض ارد عليها كل واحد ببوست من القهر والله على الحاله الرديئه اللي وصلنالها
الله كريم
أبو الدستور
يعني نجهز روبياتنا من الحين
فاشونيستا
صدقتي
كويتي
اقرا رد سرحان عما حدث في 2000 وتعرف مقصدي
وطبعا تقاعس الخط الوطني داخل الجامعة عليه كل اللوم
كاريكاتير
رسامنا ابيك تحط الفقرة اللي تبين ان الاتحاد مو وطني
هذا وقتنا لو نكشفهم شوي
مطقوق
منو اهيا؟؟
نوخذانا
عطهم اذن من طين ابرك
مارش
اي لا تسكتون قولوا اللي عشتوه وشفتوه منهم
مهندس طارق
اللي يكسر بديرته ويفضل حزبه الخارجي ويسمي الغزو بخامس اسبوع منه خلاف شنو تبيني اسميه؟؟
زووز
تبين ازفج الحين
:P
بوشا
اي والله خل يصير شي صح
دون جوان
عضوية الجمعية العمومية بامريكا يبيلها سفر ومصاريف عالطالب مو وايد يروحون
ومكشوفة النتيجة بدون انتخابات
سرحان
نايمين بالعسل
يعني ما يعرفوش
:p
عبدالعزيز
تكلمت وايد عن دستور الاتحاد وانت معناته شخص مطلع
تدري عيل ان دستور الاتحاد يلزم الاتحاد بعضوية اي طالب كويتي بالجامعات الخاصة
ليش ما تحقق هالشي الى اليوم
راحوا مجموعة طلبة من الجامعات الخاصة يطالبون بحقهم بعضوية الاتحاد
والى اليوم الاتحاد يرفض حتى طرح الموضوع
لا تقول لي التزام بنصوص بالنسبة للخونة
وليش انا قلت خونة
لسبب بسيط
اللي يفضل حزبه على الديرة
الللي يسمي الغزو خلاف
ما اعده كائن يستحق احترام
واهوا خائن لا محالة
بوجاسم
حتى سرحان كان موجود
اقرى رده ويمكن تنتعش الذاكره
لوطن جميل
الله يعين
عيل البيلر ليش ساكتين عنه من زمان؟؟
وللا الحبيب يلك عصير راوخ؟؟
هلا اختي بيت القرين :)
بحط اقتباس من كلامج بين قوسين .. و احط تعليقي تحته ..
(( أنا أستغرب إن هذا اسمج وتتبنين راي قائمة تحد من طموح المرأة
وتمنعها من تولي مناصب كفلها دستورج
ولا تقوليلي راي شرعي لأن اتحاد الطلبة مو ولاية عامة ))
يا اختي ترى الائتلافية تعطي مناصب للمرأة اكثر من القوائم الثانية ..
الائتلافية شغل البنات تخليه على لجان الطالبات و اهمة اللي يكون لهم مناصب يديرون الشغل ..
و بعدين ترى المناصب مو كل شي بالدنيا .. احنا مو عايشين عشان مناصب :) ..
(( أما بالنسبة لموضوعج
على وجود القوائم انا ما نكرت هالشي
لكن ممكن اعرف من خلالج منو المشرف العام على انتخابات الاتحاد؟ ))
الهيئة التنفيذية .. و ليس الاتحاد :)
لكن شالفايدة انج تعرفين المشرف العام و انتي تدرين ان اعضاء كل القوائم موجودين ؟ يعني ماكو غش و لا شي .. كلهم جدامهم الاوراق و ما تطوف منهم ولا ورقة ..
(( وهل من المنطقي ان تحدد جهة منافسة على الانتخابات موعد الانتخابات؟؟
هل هذي الحيادية والموضوعية ))
و الله عاد سئلي ادارة الجامعة يا اختي ..
(( ويا ليت مرة وحدة تشوفين لنا موقف قائمتج من المصفاة الرابعة ))
انا مالي شغل بهالسوالف ..
و بخصوص الأخت مارشميلو
(( لما كنت بالجامعه 5 سنين اشتغل بالعمل النقابي و ادري شنو اهوا الاتحاد و ندري شيسون و كلنا ندري ان الصلاة خير من النوم
يعني ندري شتسون مالا داعي هالكلام ))
لووول يعني يكون طالعة فيها و صايدة حركات :) .. شالحجي ..
(( و في سنه من السنين دشيت مندوبه للقائمتي بنتخابات الاتحاد عقب ماسكرو الصندوق دش عامل من الاتحاد و اخذ الصندوق و حطه بدبت سيارته وراح بروحه بالسياره محد معاه عشان يوديه لمكان الفرز
اذا كل الصناديق يودونها جذي عيل السنه اليايه فرقكم 7000 بعد ))
اي شي .. اي شي .. اي شي ..
شالصواريخ تكفين ؟؟ اصلا مستحيل يسكتون منسقين القوائم لو صاير هالشي .. من صجج بيطوف على المنسقين و يسكتون ؟ ..
و يا اختي عقب ما تنصك الصناديق .. شوفي منو يوديهم .. انصحج هالسنة دام الانتخابات قربت راقبي صندوق منو اللي يوديه :) ..
شنو الدنيا فوضى .. حلوة هذي ياخذ الصندوق و ينحاش فيه :) ..
و بخصوص الأخ سرحان
(( هلا و الله منطلقة بطموحي :)
ولهت على أيام كنت أناجرج بالمنتديات :) ))
هلا فيك ..
(( هل المشكلة بالفرز؟ أم المشكلة بصندوق التربية سنة 2000 لما تم طرد مندوبتي المستقلة و الوسط و بقدرة قادر دخل أكثر من 600 صوت للإئتلافية خلال ساعة بمعدل 10 أصوات كل دقيقة؟ ))
ما يصير طرد لمندوبة إلا اذا اهي مسوية شي .. شوف شمسوية .. لا تقط اغلاطها علينا ..
(( أم أنها تحذيرات الإتحاد أمام صالة التسجيل؟ أم أنها مشكلة بيانات الطلبة التي يستولي عليها الإتحاد "كل عام" و يتصل على المستجدين بإسم الإئتلافية؟ أم أنها مشكلة خداع الطلبة المستجدين بلقب "أنا مرشدك الطلابي".. و بعدها بأسبوع تكفه صوّت إئتلافية؟! ))
اخوي .. اذا انت تتوقع ان بنقص على المستجدين ، عيل الدفعات اللي عقبهم ليش ما يصوتون للمستقلة والوسط ؟؟ يعني خل نفرض ان الائتلافية بتقص على المستجدين .. طيب اكو 4 دفع اكبر من المستجدين ، ليش ما كلهم يصوتون لكم ؟ اكيد بتفوزون .. مو معقولة بس المستجدين يصوتون للائتلافية :) ..
و الأخ عبد العزيز يزاه الله خير و وضح ..
اختي بيت القرين
لو سمحتي يا ليت تحذفين ردي اللي توني من دقايق نزلته لأن صاير كلام الاقتباس و كلامي مو مرتب و مو مبين ايهو الاقتباس ..
الحين رديت رتبته :)
و شاكرة لج ..
------------------------
هلا اختي بيت القرين :)
بحط اقتباس من كلامج بين قوسين .. و احط تعليقي تحته ..
اقتباس:
(( أنا أستغرب إن هذا اسمج وتتبنين راي قائمة تحد من طموح المرأة
وتمنعها من تولي مناصب كفلها دستورج
ولا تقوليلي راي شرعي لأن اتحاد الطلبة مو ولاية عامة ))
يا اختي ترى الائتلافية تعطي مناصب للمرأة اكثر من القوائم الثانية ..
الائتلافية شغل البنات تخليه على لجان الطالبات و اهمة اللي يكون لهم مناصب يديرون الشغل ..
و بعدين ترى المناصب مو كل شي بالدنيا .. احنا مو عايشين عشان مناصب :) ..
اقتباس:
(( أما بالنسبة لموضوعج
على وجود القوائم انا ما نكرت هالشي
لكن ممكن اعرف من خلالج منو المشرف العام على انتخابات الاتحاد؟ ))
الهيئة التنفيذية .. و ليس الاتحاد :)
لكن شالفايدة انج تعرفين المشرف العام و انتي تدرين ان اعضاء كل القوائم موجودين ؟ يعني ماكو غش و لا شي .. كلهم جدامهم الاوراق و ما تطوف منهم ولا ورقة ..
اقتباس:
(( وهل من المنطقي ان تحدد جهة منافسة على الانتخابات موعد الانتخابات؟؟
هل هذي الحيادية والموضوعية ))
و الله عاد سئلي ادارة الجامعة يا اختي ..
اقتباس:
(( ويا ليت مرة وحدة تشوفين لنا موقف قائمتج من المصفاة الرابعة ))
انا مالي شغل بهالسوالف ..
-----------------------
و بخصوص الأخت مارشميلو
اللي بين القوسين اقتباس من كلام الاخت مارسميلو .. و اللي تحته ردي ..
اقتباس:
(( لما كنت بالجامعه 5 سنين اشتغل بالعمل النقابي و ادري شنو اهوا الاتحاد و ندري شيسون و كلنا ندري ان الصلاة خير من النوم
يعني ندري شتسون مالا داعي هالكلام ))
لووول يعني يكون طالعة فيها و صايدة حركات :) .. شالحجي ..
اقتباس:
(( و في سنه من السنين دشيت مندوبه للقائمتي بنتخابات الاتحاد عقب ماسكرو الصندوق دش عامل من الاتحاد و اخذ الصندوق و حطه بدبت سيارته وراح بروحه بالسياره محد معاه عشان يوديه لمكان الفرز
اذا كل الصناديق يودونها جذي عيل السنه اليايه فرقكم 7000 بعد ))
اي شي .. اي شي .. اي شي ..
ههههههههه
شالصواريخ تكفين ؟؟ اصلا مستحيل يسكتون منسقين القوائم لو صاير هالشي .. من صجج بيطوف على المنسقين و يسكتون ؟ ..
و يا اختي عقب ما تنصك الصناديق .. شوفي منو يوديهم .. انصحج هالسنة دام الانتخابات قربت راقبي صندوق منو اللي يوديه :) ..
شنو الدنيا فوضى .. حلوة هذي ياخذ الصندوق و ينحاش فيه :) ..
-----------------
و بخصوص الأخ سرحان
اللي بين قوسين اقتباس كلام الاخ سرحان .. و اللي تحت كلامي ..
اقتباس:
(( هلا و الله منطلقة بطموحي :)
ولهت على أيام كنت أناجرج بالمنتديات :) ))
هلا فيك ..
اقتباس:
(( هل المشكلة بالفرز؟ أم المشكلة بصندوق التربية سنة 2000 لما تم طرد مندوبتي المستقلة و الوسط و بقدرة قادر دخل أكثر من 600 صوت للإئتلافية خلال ساعة بمعدل 10 أصوات كل دقيقة؟ ))
ما يصير طرد لمندوبة إلا اذا اهي مسوية شي .. شوف شمسوية .. لا تقط اغلاطها علينا ..
اقتباس:
(( أم أنها تحذيرات الإتحاد أمام صالة التسجيل؟ أم أنها مشكلة بيانات الطلبة التي يستولي عليها الإتحاد "كل عام" و يتصل على المستجدين بإسم الإئتلافية؟ أم أنها مشكلة خداع الطلبة المستجدين بلقب "أنا مرشدك الطلابي".. و بعدها بأسبوع تكفه صوّت إئتلافية؟! ))
اخوي .. اذا انت تتوقع ان بنقص على المستجدين ، عيل الدفعات اللي عقبهم ليش ما يصوتون للمستقلة والوسط ؟؟ يعني خل نفرض ان الائتلافية بتقص على المستجدين .. طيب اكو 4 دفع اكبر من المستجدين ، ليش ما كلهم يصوتون لكم ؟ اكيد بتفوزون .. مو معقولة بس المستجدين يصوتون للائتلافية :) ..
و الأخ عبد العزيز يزاه الله خير و وضح ..
الوسط و المستقلة ما منهم فوود كل واحد فيهم يكابر على الثاني ،الإتلافية مشلعة فووق واهما مكانك راوح هذا إذا ما نزلو أصواتهم هالسنة بعد.
يعني المستقلة تقولة تعال يبا خنحط أيدنا بإيد بعض ونشهر الإتحاد يقولك لا أنا وظعي قوي وما أحتاج فليش أدخل اب متاهات .
الوسط يقولك إشهار الإتحاد لازم يكون تحت مظلة التعليم العالي ... طيب عندك مشكلة ينشهر تحت الشؤون يقولك :أي
انزين ليش شالمشكلة؟
يرد عليك يقولك هذا موقفنا من قبل 30 سنة و ما أقدر أغيره ؟
هذا كلام قيادات هالقوائم و إتوقع منهم رجا يبا خلها على الله و عليهم بالعافية الخونة اتحاد فرع الكويت
اسلوب دلاله ومبتذله
شـفـتـي نـسـفـة خـلـيـف ولـد عـلـيـوي الـيـديـدة ؟
:D
أنا كويتي
هالعصير بعده موجود؟؟
منطلقة
سؤال واضح وصريح
هل تسمح قائمتج لطالبة برئاسة الإتحاد
واذا لأ ليش؟
انا قلت لج هل من الحيادية ان تحدد جهة مشاركة بالانتخابات موعد الانتخابات
جان تقولين لي سئلي ادارة الجامعة
وجوابج غريب
لأن ادارة الجامعة مالها شغل بالإتحاد
ومو مفروض انا اعلمج هالشي افا عليج؟؟
ومالج شغل بأي سوالف بالضبط
هل مالج شغل بمواقف قائمتج؟
او مالج شغل بالمصفاة الرابعة؟
بس قبل لا تجاوبين علميني انتي عضوة عاملة بالائتلافية؟؟
انو
بالضبط
ما منهم فود
انو
اوكي
:)
البيرق
لا وينها؟
والله تكلمتوا وايد صراحة ... الله يعين ... الواحد من كثر ما يفوز تقل مهامه ونشاطه مثل الاتحاد .. يالله باجر عيالي بطيرهم برا الكويت دراسة .. والله حتى لو ادفع دم قلبي عليهم ولا ينذلون بجامعتنا ... الحمدلله والشكر لوما وجود اتحاد الحين احنا بخير
الله يعين
اختي منطلقه بطموحي
الصراحه ضحكني اسلوبج
ماتغير =)
و عذريني لان كلامج
"لووول يعني يكون طالعة فيها و صايدة حركات :) .. شالحجي ""
كلام سوقي و ينقال بين الشباب بالقهاوي و للاسف انا مومنهم عشان اعرف ارد على هالاسلوب
النيباري ضد المصفاة
والملا كمان
وما أدري عن الراشد
لكن كلهم بيطلعون عيال كلب والصقر اهو الشريف
تكفون يا التحالف حكموا الحقائق والضمائر لا تحكمون العواطف والممول
عذريني اني كتبت التعليق في غير محله بس حدي منقهر وأنا أشوف شباب أعرفهم يبون الخير للكويت واصلاحيين ويدافعون عن المشروع وعن العليم فقط لأن عواطفهم هي التي تتحدث نيابة عنهم
Post a Comment