26/10/2008

باقر صاج



تحديث
::::::::::::::::
تم إلغاء ندوة التحالف بسبب الأوضاع المحلية
وما زال تحفظي قائم
:::::::::::::::


أندية التكتل بقيادة أبناء الشهيد الوحيد تسبب في وقف النشاط الكروي بالكويت


كانت حجتهم بمعارضة قوانين الدولة ان ما يبون يتوقف النشاط الرياضي بالكويت؟؟

الحين توقف النشاط يعني خاربه خاربه، شرايكم تلتزمون بقوانين الدوله ونشوف الفيفا ترد نشاطنا ولا لأ

عالعموم باجر الأثنين في ندوة الساعة سبع ونص بالنزهة بمقر التحالف بعنوان من المسؤول تتكلم عن الايقاف الكروي

يحاضر فيها الصقر والراشد والعبدالجادر و الصرعاوي وجهاد الغربللي وعبدالله الطريجي

وأنا أسجل تحفظي على عدم دعوة أي عضو من أعضاء لجنة الشباب والرياضة غير مرزوق الغانم اللي اعتذر مثل ما قريت بأم صدّه

وأقصد تحديدا صالح الملا وأتمنى أن ما يكون السبب تبادل التصريحات بين صالح والتحالف مؤخرا

أتمنى تدارك الخطأ ودعوة صالح للندوة بحكم ان شخص مختص بهالشأن وهم ولدنا ومنّا وفينا

أبي سؤال الحين صار لي جم شهر احلم اصير دانة مليونيرة الدانة

الحين في سحب من بنك الخليج على الدانة ولا بنمشي على الدانة؟؟
بس الظاهر رصيدي راح يكون حب الناس
شرايكم بكلام المشاهير

باقر وكل لحية كويتية هاليومين تقول ان سبب المصائب الملية بالعالم و بالكويت تحديدا اللعنة الإلهية
انزين

عندنا 1207 مسيد وطبعا هذا غير الحسينيات

وعندنا بكل منطقة أكثر من جمعية خيرية ودار تحفيظ قرآن

وعندنا 30 نائب ملتحي

وعندنا 3 وزراء ملتحين

وعندنا مدرسة اسمها المعهد الديني تدرس الراغبين من المتوسطة

وعندنا كلية شريعة

وعندنا مقرر الزامي من اولى ابتدائي ليما آخر سنة ثانوي اسمها تربية اسلامية

وعندنا مقرر شبه الزامي بالجامعة والتطبيقي اسمه ثقافة اسلامية

وعندنا لجنة عليا لإستكمال احكام الشريعة

وعندنا لجنة ظواهر دخيلة

وعندنا ثوابت الامة وحدس والوفاق والعدالة والسلام والسلف والسلف العلمي وجمعية الثقافة وغيرهم

وعندنا قناة العفاسي والأنوار

وعندنا بيت التمويل بنك اسلامي والبنك الدولي وأظن بوبيان بعد

وعندنا شورت اسلامي وعندنا مايوه اسلامي وعندنا مليون حملة حج وعمرة وعتبات مقدسة

وعندنا باربي اسلامية اظن اسمها فلّه

وعندنا شارع مكتبات اسلامية بحولي وشارع ثاني ببنيد القار

وعندنا مسابقة تحفيظ قرآن سنوية

وعندنا اتحاد طلبة بالجامعة ماسكينه ملتحين

وعندنا اتحاد طلبة تطبيقي هم ماسكينه ملتحين

وعندنا كلية العلوم والآداب والعلوم الاجتماعية والشريعة والحقوق والتربية ماسكينها ملتحين

وعندنا جمعية معلمين هم مالت ملتحين

وعندنا شارع باسم حسن البنا مؤسس الاخوان

وشوارع باسم قادة المسلمين على مر التاريخ

وشارع المسجد الاقصى بعد

وعندنا كل الجمعيات التعاونية تسوي رحلات عمرة وحج

وعندنا كتاب بالجرايد نصهم اذا مو اكثر ملتحين

وعندنا جريدة سلفية وثانية مالت الاخوان

وعندنا بهلا فبراير مهرجان انشادي

وعندنا فصل اختلاط
وقانون لباس مناسب

ومحلات العبي تارسه المهلب والمنشر وسوق الكويت

وعندنا مشاري العفاسي اشهر من ناصر المحمد

وينزل اشرطته بالنظائر بعد
وعندنا باسم الكربلائي اشهر من بدر الدويلة

وفوق كل هذا عندنا ناس مثل المهري وهايف

وعندنا فراس الخطيب بعد يلبس هليهوب ويلعب كرة

كل هذا ويقولون لعنة الهية؟؟

ابي لو كنا زنادقة جان شصار فينا؟؟

21 comments:

Anonymous said...

طنش تعش

: )

سرحان said...

صاحبة الجلالة

لو كنا زنادقة جان محقنا و سحقنا

Anonymous said...

تقيم رابطة طلبة كلية العلوم الادارية

ندوة بعنوان:
"الكره الكويتيه .. هل انتهت؟"

وسيتحدث فيها كل من:
عماد الغربللي - عبدالله المعيوف - وائل سليمان - محمد المسند

والتي تسقام يوم الاربعاء الساعه 12.30 في قاعة A1 بكلية العلوم الادارية

Fashionista said...

لول

ما خليتي شي :P

abu eldestor said...

شصار فينا
غزو ثاني
:)

Noor said...

والله يادوينه حاسبتهم عدل:)

ما كو منصب ومكان مو محتلينه بالبلد وماشفنه منهم اله الخراب
وابسط مبرر لهم اللعنه

احنا عندنا اكبر لعنه فى الكويت لعنه غياب العقل والمنطق


لو يشغلونه اشوى بس

ويمشون على منهج قرانى غاب عن عقولهم
"ان الله لا يغير ما بقوم حتى يغيروا ما بأنفسهم"

تنشال اللعنه علطول

al-nokhitha said...

testahlaiin malayeen mo malyoon afa 3alaich bas :)

Agool Dam 9aydalani wazeer tejaratna 3ayal '3ebthaaay men debash :)

حياتي هدف مو عبث said...

امممم

راح يكون نفس الشي

عشان بالاخير

نكفر ولا نصبر

!

JiBLa CiTY said...

عن ‏ ‏جابر بن عبد الله ‏ ‏قال ‏
‏رأيت رسول الله ‏ ‏صلى الله عليه وسلم ‏ ‏في حجته يوم ‏ ‏عرفة ‏ ‏وهو على ناقته القصواء يخطب فسمعته يقول يا أيها الناس إني قد ‏ ‏تركت فيكم ما إن أخذتم به لن تضلوا كتاب الله وعترتي أهل بيتي ‏


صدق رسول الله صلى الله عليه وسلم

سنن الترمذي

Anonymous said...

تحفظك في محله..بس ما على الأحمق شرهة..و هذا كلام لم اتخيل في يوم-و يحزنني ان اقولة كوني عضو مؤسس و نشيط (الى مهازل المكتب التنفيذي المعروفة في الانتخابات)

اما اسباب التأجيل..فهي غير مقنعة على الإطلاق

سؤال: ليش الشركات الاسلامية خسرانة؟

Anonymous said...

اخر سطر ضحكني

Anonymous said...

اخذي نفس عميييق

ALI said...

اصراحه بدعتي يبتي اليمين واليسار :)

lle said...

الحين في سحب من بنك الخليج على الدانة ولا بنمشي على الدانة؟؟

تصحيح

في الاغنية الشهيره للكبير شادي الخليج يقول المقطع

يمشي على "إردانه" القبقب

و ليس الدانه

و هذا خطأ شائع يقع فبه اغلب الكويتيين

عدا ذلك اوافقك الرأي

احمد سالم said...

بوست رياضي على مدونتي أتمنى إتشوفينه

سيدة التنبيب said...

لأن كل ما ذكرتيه ليس دينا حقيقيا بل تشويه و استغلال للدين الحقيقي .. فاللعنة و الغضب الإلهي لا يصيبان الزنادقة و العاصين فقط بل حتى من يتستر بالدين ( و لهم نقول من فمك ندينك)

Anonymous said...

maleeqa

Anonymous said...

تكنسلت الندوة عشان بنك الخليج؟؟

لوووول!

و الله صالح الملا أكبر من هالمسخرة. لو داعينه و قابل كان طاح من عيني

Anonymous said...

اذا ما عجبتج ردود البوست الاولي، حطي بوست جديد عشان ما يقرون ردود البوست الاولي

Anonymous said...

انتوا مو تطالبون بالحرية ؟؟؟ كيفهم يا اخي خل يسوون اللي يبونه ليش تعيب عليهم؟؟؟
وين الحرية اللي تتكلمون فيها؟؟؟؟
وإلا بس اللي يخالفكم تطبون فيه ؟

Spur said...

أبي سؤال الحين صار لي جم شهر احلم اصير دانة مليونيرة الدانة

جنج انا
شفينا تقبسنا! ملاحظه الصكه توها صايره بالبنك والاعلانات زايده مالت سحب الدانه يعني اشكره قاصين علينا