15/10/2008

ليش تحب التحالف؟؟


على طاري موضوع فريج سعود عن الأخطاء التسويقية

عندنا شركة اتصالات يديدة ثالثة

اسمها

Viva

المشكلة ان اسمها مكتوب بحرف مو موجود باللغة العربية

يعني العبقري اللي اقترح هالاسم والعباقرة اللي وافقوا عليه ما فكر,ا اللي يبي يدز كتاب لهم شنو يسوي

اذا بيكتبها فيفا تغير اسم الجهة تماما

ولا شرايج يا سعيدة يا اخت سعود؟؟

أيام الإنتخابات بالمجلس حط لحية ولما سأله الوشيحي ليش حطيت اللحية في اشارة واضحة ان هل انت حاطها عشان الاصوات

قال لأ أمي قالت لي حلوة عليك فحطيتها وثبت عليها

لكن اليوم



شنو أمك هونت ولا إنت هونت عن الإنتخابات؟؟


الفنانة ام شعر احمر بالخراز واللي بيكسب فيها أجر بوغازي بالتنديل تتفرغ لكتابة نص تلفزيوني عن حياتها الشخصية والفنية

وماكو بحياتها الفنية الا مسلسلين معروفين

عيل حياة الفهد شتسوي بهالحالة؟؟

اللي يضحك ان النص التلفزيوني اللي يتكلم عن حياتها فكرة مراودتها من فترة مو قصيرة

يعني عادي قبل لا تمثل الخرّاز

عن شنو بتتكلم مادري

يعني بتقول شلون صارت كومبارس؟؟؟


وليش محّد قال لي إن الكاميرات بالشوارع قلبوهم وصاروا يصورون السيارة من ورا؟؟

سألت سؤال قبل فترة ليش تكره التحالف

وقريت ردود حلوة وبدون سب

وكان في ملاحظة من بعض المعلقين على كلمة تكره

وقالوا انها كلمة غير مناسبة

وانا اقتنعت بكلامهم

واليوم بسأل سؤال ثاني عشان بعدها اكتب موضوع عن التحالف

ومن باب اني بعاند بستخدم كلمة تحب
:p


27 comments:

Bad-Ran said...

أنا "أحب" التحالف لعدة أسباب:

1- أقرب تيار لي فكريا ، إضافة للمنبر

2- ما يميزه عن المنبر هو أنه حقق إنجازات ما كنا نحلم فيها مثل تعديل الدوائر و حقوق المرأة

3- تغيّر الأمين العام خلص التيار الوطني من عقدة "الديناصور"

4- أشوفه مؤمن فعلاً بقدرة الشباب على تغيير الوضع

Anonymous said...

مرة تكره. مرة تحب. شهالسطحية؟؟

بيت القرين said...

أنو
تعلم من بدران
واذا انا سطحية سو مدونة وعلمني العمق في الطرح
:)

Anonymous said...

بدران. حقوق المرأة إنجاز للتحالف؟؟؟ ما اصدق. قوية شوي. كفاح مستمر ٤٠ سنة جيرته للتحالف؟؟ التحالف شكو؟؟ شوية إنصاف منك بدران. كلنا عيال التحالف، بس ما نهضم حق احد.

عدا ذلك، احب ان استعير جواب بدران لأني اتفق معه على بقية النقاط

Bad-Ran said...

Anonymous
عدل كلامك .. بس قصدي أسلوب النزول للشارع و التحرك الشعبي للقضية يتحمل جزئ كبير منه التحالف .. هذا حسب علمي .. اذا هالكلام مو صحيح عيل نصفى على الدوائر بس :)

zaradacht said...

اختي دانه في عالم السياسه ما فيه حب وكره يعني المره الي طافت قلتي ليش تكره والهمره ليش تحب؟
وهذا بوجه نظري خطأ
لان لو صار موضوع معين فيه مصلحه بين المنبر والتحالف راح تلاقينهم يشتركون بالنتسيق بينهم وبالنسبه لي التحالف وان اختلف معاه لكن يتم قريب او يحقق اجزاء كثيره من الاشياء الي اؤمن فيها
وسلامتج وتعيشين

بيت القرين said...

زار
أدري بس قاعده أعاند
:p

Anonymous said...

بدران

قادة المنبر يابولك الدستور بكبره والتحالف نصه من اعضاء المنبر

ولولا المنبر ما تأسس التحالف

Bad-Ran said...

Anonymous
عدل .. و هالشي ما يغير الواقع إن التحالف أنشط بوايد من المنبر .. لاحظ أنا قلت أنشط .. مو أحسن .. مو أفضل

و النشاط اللي عند التحالف يخليه أنفع للتيار الوطني بشكل أكبر من المنبر

Anonymous said...

انا ما احب التحالف ولا اكره التحالف
والسبب...راح اجاوب في الحلقه الثالثه لما يكون السؤال ليش ماتحب ولا تكره التحالف؟!!
.......
دانه جنه ماكو عندج مواضيع؟؟اساعدج بموضوع حيوي ومسوي ضجه هاليومين ....موضوع الوعلان والعجمي وسقوط العضويه عنهم؟!
......
التكرار في الموضوع ييب الملل وانا ما ابي امل من مدونتج
......
عبدالله الهاجري
كيفان

Anonymous said...

1. Close to my idiolegy
2. they brought the liberals in kwt together, at a time when the liberal movement was dead (and I mean almanbar here)
3. Worked very hard during women right movement
4. worked very hard on the five district isssue, by giving all the support for the youngs who started the movement
5. They tried to run in the past election as a real party and not as individuals (which I give them credit for that), but they didnt get enough support from their members.
6. They did miss calculate the election, which as I see gives them more experience and which they have to use as advantage to improve their coverage in kwt, and trying to include more people and solves the recent problems between their memebers.

p.s. I am not a memeber in tahalof bc I dont live in kuwait, but I dont like to discount all the hard work, dedication & success they had gave us for many years , just bc they mismanaged the passed election

Anonymous said...

la ma a7ebhom abad
ana atfeq m3ahom fekreyaan w `7elafe m3ahom sh`79yaat t3esa bs eltyaar elwa6nee hatha ehwa tyaree sawa2an emsekaa `7alod elshreer aw 7mood elfar`7 nfs elshay 3ende (qasde mn elfar`7 y3ne far`7 el9ager )
w bs

حمودي said...

يعني اذا ام بوخمسين قالت له السبايكي حلو عليك بيسوي سبايكي ؟

Cute But Imperfect said...

ممم انا اتفق مع ام بو خمسين و اقول له رد اللحيه :p

بالنسبه للتحالف.. صراحه انا معلوماتي عنهم بس اللي اقراهم عندج! يعني انا يديده سياسيا فما عندي اي معلومات عن المنبر

سبب اساسي لاني احبهم لانهم اقرب تيار لي فكريا! و يؤمنون بالديمقراطيه و الدستور! و هالشي يكفيني!

بس اعتقد المفروض انطر عليهم شوي عشان اشوف شنو التغيير اللي ممكن يضيفونه للمجلس بعدين اشوف اذا انا احبهم ولا احب روحي و بس :)

bo 7ami said...

لأنه الاقرب لي فكريا :)

bo 7ami said...

لأنه الاقرب لي فكريا :)

al-nokhitha said...

le2anhum el agraab 7ag tafkeeri lakin ethil el menbar ehwa el
2asas :)


Anonymous : esta7 sheno far5 La tensa enha modawinat bent ;p
shaklik men rowad mezari3
el fen6as sabi'3an ;p

3asach 3ala el gowa :)

سيفوه said...

الدانة

ماكو شي اسمه حب، اكو اقتناع بالمبادئ والأفكار

مادري ليش أحبه .. بس أنا أحبه

مكدوتالد!

Makintosh said...

انا بعلق على بوخمسين
ودي اصيد الناس الي صوتوا له لووول
مقابله مع الوشيحي كانت شي مو صج انسان سطحي مايفهم شي بالسياسه

وملاك : الظاهر تبي تتكلم عن كيفيه دخولها الوسط ككمبارس والظروف السيئه الي مرت فيها ماكو شغل بعد


ليش احب التحالف : لان اهم احسن من غيرهم شوي

الـبـيـرق said...

أرد و أقـول لأنـهـم نـظـااااااااااااااااف :)

أمـا بـوخـمـسـيـن أحـسـنـلـه يـنـزل بـالـدايـرة الـثـانـيـة و يـا زيـن كـراون بـلازا :p

راعي تنكر said...

احب التحالف لان بناته حلوين

abu eldestor said...

ما أحب التحالف أولا
منبري ثانيا
ثالثا وين طحتي على لحيه جواد بوخمسين
قلبج أسود وماتنسين

Anonymous said...

elno5tha loool
ana ma gelt shay `3laa6 ma yst7eq esem 9ager wayed 3leeh far5
el9ager
:P~~~~~~~
w kil wa7ed w neyeta 9ara7a hehehehe
bs ana mn rwad elmo7awelat bs

wa6an-alnhar said...

دانه

انا احبج انتي
:)

JiBLa CiTY said...

فيفا دول

:))

al-nokhitha said...

Anonymous :

LOOOL Allah ewasi3 9adrik walah
tha7aktini wana thayeg khelgii ya
wa7sh el mo7awilat ;p

عبدالرزاق said...

ابي اعلق على موضوع بوخمسين بالاخص

انا ماكنت اصدق انه في احد ممكن يغير بتلون جذي للمصلحة الشخصية

بس اقتنعت بعد ماصادفني هالموقف


رايح مع رفيجي كوفي شوب بفندق مشهور وصادف رفيجي صاحبه بالدوام

انا اول شي شفت الحبيب ملتحي ودشداشه قصيره

شكله يدش القلب بالخجل الي فيه

:)

وبعد السلام والكلام قال حق رفيجي خل نروح

...............نسهر بالبحرين.......

ليما قعدنا سالت رفيجي شسالفت صاحبك

قالي هاذا يسوي اي شئ علشان طمعه والجشع الي عاميه

لانه اساسا مو دين
يربي لحيه يلبس مايوه المهم المصلحه

وقالي اشياء وايد سواها ماقدر اقولها للستر

سوري لاني طولت عليج بس السالفه صايره من ثلاث سنين وانا للحين موقادر انسى السالفه

لاني غرفت معنى السذاجه

جاااو