24/03/2008

الشاوي والذيب

أهل الكويت قبل لا يكون في محارم ورقية ماركة كلينكس شنو كانوا يسمون المحارم الورقية؟؟؟

يكيكي تكفه إنزل

عشية حل المجلس الأمة »المخلوع«.. زرت ديوانية من الديوانيات، وكان حديث روادها متشعباً وليس متشبعاً باليورانيوم

ويع ويع ويع مليييق والله

هذا أحمد الفهد طبعا

يكيكي تكفه إنزل

ألحين نروح حق حكومتنا الرشيده وخطواتها السديده

اللي يحر بالحكومة الموقرة إنها تعرف قصة الشاوي والذيب مادري الثعلب

بس هم تطبقها

شاوي قعد ينادي بيوم اهل القرية لحقوا علي ياني الذيب

راحوا له اهل القرية وشافوه يضحك ويقول كنت اتغشمر

اليوم الثاني سوّا نفس الشي وهم راحوا له وقال كنت اتغشمر

اليوم الثالث ياله الذيب صج وقعد ينادي اهل القرية بس محد راح له لانهم بس ما قاموا يصدقونه

النتيجة: الذيب أكل كل خرفانه


يكيكي تكفه إنزل

اي على فكرة خليف تجهّز عندي لك شي بينعرض على شاشة بيت القرين يوم الخميس

الحكومة بكل إنتخابات تقول بنراقب وبنحاسب شراء الأصوات والفرعيات

وانا ما اقول انها ما تراقب هالمصايب

تراقب وتدري لكن ما تحاسب ولا تفكر حتى انها تحاسب

يكيكي تكفه إنزل

يعني بالذمة يا حكومة يا رشيده

منو ما يدري ان جمال يشتري اصوات

لا ومتحالف ويا وليد هالسنة يعني شنو المبدأ اللي بيجمعهم مثلا

تطوير العملية التعليمية؟؟
لووول

يكيكي تكفه إنزل

وكلنا ندري إن الدقباسي والميع وغيرهم وايد فازوا بفرعيات

واهما ما يستحون من هالشي ويعلنونه حتى بالوسيط

والحكومة تقول بتراقب وتحاسب؟؟؟

يكيكي تكفه إنزل

اقروا جرايد بس

اقروا مدونات شوي

الطيور طارت بارزاقها

والفرعيات زكوا مرشحينهم وخلصوا وانتوا بتراقبون وتحاسبون على منو هالكلام الماخوذ خيره

نبي فعل نبي شغل مو هالكلام الفاضي اللي ما يودي ولا ييب

يكيكي تكفه إنزل

البيلر كاتب موضوع يعني بيلامس الاحاسيس

ابناء شعبي الكويتي العزيز
قايل هالعبارة 6 مرات بمقالته

شرايك تأمم القناة مرة وحده؟؟

عدل بروحك و بلا نصايح

وصج الصيف دش لازم يطفّونك

الوطن سبّت احمد السعدون فاز بالانتخابات

وسبّت الصقر وهم فاز

وسبّت الرومي وفاز

وسبّت العنجري وفاز

ومدحت علي الجرّاح وطلع من الوزارة

ومدحت أحمد الفهد وإنطرد من الوزارة

ونقلت مباريات منتخب اليد بكاس آسيا وخسروا للأسف

ونقلت مباراة القادسية مع الفريق العراقي بالكويت وتعادلوا القادسية

الاستنتاج ان الوطن قبّسة

وعلى هذا الأساس ولانها هاجمت الصقر من خلال البيلر من يومين

نقول حق الصقر مبروك

يكيكي تكفه إنزل

إي صج نبارك للشعب الكويتي إن جريدة الشاهد ثاني أفضل جريدة بالكويت

ليش تضحكون ترى صج

الشاهد ثاني أفضل جريدة شفيكم

انتوا قبل مقالة آل كابوني عن علي الخليفة تدرون إن في جريدة يومية إسمها الشاهد

بس اعتقد إنها صارت ثاني أفضل جريدة لان جريدة أبراج وقفت

ولا ابراج كانت متجاوزتها بوايد

:)

يكيكي تكفه إنزل

عموما وعلى كل حال

حكومتنا الرشيده

زوري مدونة جرائم الإنتخابات

إي على فكرة يا صاحب المدونة حاطينك اليوم صفحة أولى بالجريدة وانا الوحيده اللي اعلنت عن مدونتك

تهقى قاعده أمن عليك

:p

اختم بسؤال

ما تعتقدون إن نحتاج إن نحدد ثلاث خطوط عريضة حق برنامج المرشح اللي يستحق الفوز

اذا تعتقدون بهالشي

يا ليت تقولون شنو الأولويات

آسفه على البوست القصير بس مشغوله شوي

وخليف تجهز الخميس وعدنا

25 comments:

Q80 Blogger said...

لا مو ناقصين يكيكي
اخاف ينزل بالأولى
ويغثنا

Anonymous said...

أهم ما في الموضوع إن الكلينكس ولد (المصر

Anonymous said...

Daana ! nizlay bil dayra il oola o aana awwal wa7id asawwitlich !

أبــو بنــــدر said...

يكيكي على سكوب الآن لا يطوفك

Anonymous said...

اللة يبرد جبدج مثل ما بردتي جبدي فيهم

Bad-Ran said...

يكيكي تكفه إنزل

ناطر الخميس :))))

الثائر said...

يكيكي بينزل مع الحفيتي

اهم ثلاث شغلات

شغلتين

ولا شي

لان محد يبي يسوي شي

ان كان لبرالي او ديني

او انسان عادي او وطني

او شتراكي

او شيوعي

انكان متدين جدا او

علماني

او كان دميثيري((صايع))..؟؟

انا عندي سؤال اذا تقدرون تجاوبوني علية!!!!!؟؟؟

يكيكي تكفى انزل نبي نضحك

Anonymous said...

tara salfat el far3iiya mo sahla allah ekoon eb 3oon el 7ekouma tara maku daleel 3yaal 3am o
metyam3een esh besawoon lehum
ya3ni,7eta law e3lenaw bel jarayid sheno ya3nii ehma ga3ed yaktiibon tashaweriiya ya3ni nas eb tetshawar o 3ala ma athin el tajreem ya 3ala il entii5abat fa el salfa 5arboo6a hatha 3aib il qanoon kela thaqrat lel asaf :(

9ej 9ej 9ej ahmad il fahad yestahil laqab ahmad nekta :)

yal manaana ;p

allah e3eenich 3ala sheqlich o
3asach 3ala il guwa :)

Mohammad Al-Yousifi said...

فيج شدة تطلعين بالتلفزيون؟

أنا كويتي said...

يكيكي؟؟!!همممم
ليش لأ. إذا نزل بقائمةوحدة مع الفضل نبببيل حررق براتمي
ومع الهاشم فؤاد, إحتمالات نجاحه قد تكون من ضئيلة ألى معدومة. وهي تعتبر كبداية جيدة بالنسبة له. يكيكي......تكككككفه طلبتك إنزل

أنا كويتي said...

والله يصبرنا إلى الخميس
صكيتي على شهرزاد :))

فريج سعود said...

تبين الصج عاد مقالة فؤاد بيه حلوة بس حسافة هو الي كاتبها

Anonymous said...

شابات و شباب

مع تغيير موعد الترشيحات اصبح لدينا وقت للطعن في الكشوف

ارجو ممن لديه علم عن حالات نقل اصوات، و ان كان النقل قديم، ان يتحرك

كما اتمنى من المدونين تبني هذه القضية في هذه المرحلة، و لو حتى سطر ضمن البوست يذكّر القارئ بهذه النقطة

و مشكورة دانة :-)

زهرة الرمان said...

ناطرة الخميس :) صج بضحك
بس أتمنى يكون بمستوى الفيديو كليب الأول
**

أهم المواصفات لمرشحي أنه ما يكون حدسي لأن عندي حساسية منهم :)

چـــنـــدل said...

ليش تترجينه ينزل ؟ ..

و ناطر الخميس ..

تحياتي ..

فتى الجبل said...

بايدنا نوصل المرشح اللي همه على الكويت واهلها

الثائر said...

ee mseeet aqoolkom el so2l ely

bs2la tlaqooona eb mdawanty


thanx

راعي تنكر said...

فقير هاليكيكي
:P
lool

mantovani said...

يكيكي

تكفة انزل

Anonymous said...

نواف الفزيع المحامي الشاطر....آخر مشتريات الوطن تككككككككككفه انزل عشان نعرفك قدرك و على طريجك نزل معاك حبيب الملايين محامي ريس حكومة الاحتلال عشان تكمل ....

Anonymous said...

http://i28.tinypic.com/1zbqbkk.jpg

هذا تعليق على قناة سكوب أثناء مقابلة يكيكي لما كان يتكلم عن الفحم المكلسن :)

omma08 said...

http://omma08.blogspot.com/

Q80 Blogger said...

اقول
لي البشاره

المفروض بوستين عني انا

اول تعليق

وصاحب الخبر القتال

سواها الفزيع

http://www.alraimedia.com/Templates/frNewsPaperArticleDetail.aspx?npaId=34478

Anonymous said...

ناطرين اللي بينعرض على شاشة القرين

بمستوى الأول راح يكون ؟


متى راح ينزل بالضبط ؟؟ الساعه جم .؟

Anonymous said...

بو علي يقول

اول مانزل الكلنكس سموه
مصر قراطيس
هذا الكلام سنة 59
وياليت يكيكي يسمع النداء وينزل راح نشوف حفيتي جديد لأن القديم استملق ولازم تنزل وجوه جديدة للتهريج ويقول المثل ماتعرف الزين ليما تشوف الشين
(هذا من تأليفي)