مو مفروض أكتب

ما كان لي نية أكتب اليوم كلش

من باب إني آخذ استراحة شويه

لكن مطقوق وولد فيصل القناعي إستفزوني

إي سألتوني شلون

انا أقول لكم

بس قبل لا اقول

ترى لاعت جبدي من سالفة إستجواب الصبيح عنصري

وإن اللي وقفوا معاها حضر واللي ضدها بدو وهالكلام اللي ماكو أفضى منه

الحين معسكر رفض إستمرار نورية يقول إن التحالف الوطني عنصري ولأنها حضرية واقف معاها وهالكلام الفاضي

انزين سؤال وجيه

شسم الامين العام للتحالف الوطني الديمقراطي

بس خلصت ولا تكثرون بهالموضوع

المهم ولد فيصل

طبعا مو اهوا المهم

بس دقرته مهمه

حقيقة ومن دون مجاملة فالنجم الحقيقي في استجواب الاسبوع الماضي ما قام به النائب سعد الشريع مقدم الاستجواب.. فهذا النائب كان بإمكانه ان يعفس «الديرة» يومها بعرض الصور والأفلام التي يمتلكها.ولكنه فعل ما لم يفعل غيره في استجوابات سابقة ووضع مصلحة الوطن وخصوصية شعبه فوق كل اعتبار وأعلن ذلك صراحة بانه لن يفعلها مع انه كان بإمكانه ذلك.. وهذا هو الانتصار الحقيقي للديموقراطية الكويتية ولمقدم الاستجواب الدكتور سعد الشريع

الحين صار نجم لان ما حط الصور ها

طبعا لانكم فلستوا من طرح الثقة

فلمعوه بأي شي

ويعفس الديرة بعد

عفستها عليكم نورية

وعلى المحرض وانتوا تعرفونه

انزين كاتب ولد فيصل عن الطوق وإعتذار الصرعاوي

فقام بعدها الصرعاوي من مكانه متجها إلى شريع «وقدم اعتذاره» وقبله الشريع بكل أخوة

يا سلام

يعني اللي يعتذر مو بكل رجولة بس اللي يقبل الاعتذار بكل اخوة

كل هذا عشان الصرعاوي يتكلم عن مجمع اولمبيا و كاس الخليج وبوقات هاليبرتون وغيرهم

يعني الأبو مطبل حق بوفهد والولد بعد

أما موضوع تلميع شعار المجلس فهذا قوي وايد
حقيقة شكرا لهذا البنجلادشي او الهندي او الإيراني الجنسية الذي قام بتلميعه لأنه بذلك خدم الكويت أكثر بكثير من نواب أو وزراء أصبح عطاؤهم بالمجلس أوبالحكومات أقل بكثير حتى من عملية تلميع شعار الدولة حتى لو بـ" ابتيزاب

شنو يعني ب إبتيزاب مادري

بس الهندي او البنغلاديشي او الإيراني اللي لمع الشعار يستاهل جنسية

واللي يطعن الدولة ويبوقها يستاهل سحب جنسية على بند الوقاحة
ولا شرايك مبيريك؟

فؤاد الهاشم يا صديق بوش قرّت عينك

مادري قرّت تاء مربوطه أو مفتوحه

بس يالله المهم المعنى

يقول

أبلغتني مصادر أمريكية موثوقة بتفاصيل حكاية وقعت أحداثها قبيل موسم الحج بأيام، وخلاله

كالعادة امريكا ما وراها الا فؤاد الهاشم

وخنشوف الخبر السري اللي بينقله لنا

حزب الله طلبوا من السعودية ان عدد 120 واحد منهم يروحون الحج عشان يحمون ويطوقون النساء بسبب الزحمة
وطبعا ليش زحمة
لأن حج
والحج في 3 ملايين مسلم

فاهمين

يقول هذيل لما كانوا يطوقون النساء وكبار السن خوفا من التدافع صارت دائرة كبيرة
في نصف الدائرة الكبيرة التي تشكلت تحول المكان الى ما يشبه «سوق الصراريف» اذ كانت الاموال تخرج من تحت ملابس احرام الكويتيين والايرانيين لتتجمع في اكياس وحقائب يدوية صغيرة - لكنها كثيرة جدا

انزين يا بيلر

اهما 120 عنصر من حزب الله

وكل واحد عنده كيس او حقيبة يدوية صغيرة

يعني 120 كيس وحقيبة يدوية

انزين لنفرض اقل فرضية وأبسط فرضية

إن كل كيس او حقيبة يدوية من ال 120

خذت فلوس من 3 اشخاص لأن الكيس صغير على كلام البيلر

و 3 ضرب 120

يعطينا 360 شخص

هني ينقسم الموضوع ليما قسمين

وعشان لا تتشتتون

نقول القسم الأول

اللي اهوا إن 360 شخص على الأقل يدرون بالسالفة هذي غير ال 120 ملوت حزب الله

هذيل 480

انزين شسووا بالفلوس؟؟

عطوها حق حجاج فلسطينين من قطاع غزة

يقول البيلر إن عددهم 2200 حاج

يعني الإجمالي 2680 شخص

هال 2680 شخص يدرون بالسالفة السرية اللي قالوها الامريكان حق فؤاد الهاشم

والله خوش سر تعرفه

دام جذيه هم أنا بقول لك سر

ترى الحج بمكة

ومصدري موثوق

هذا قسم من السالفة

إنزين القسم الثاني

الحين لنفرض إن ال 360 شخص اللي حطوا فلوس حق ملوت حزب الله

كل واحد حط فيهم 1000 ريال سعودي

مع ان المبلغ مبالغ فيه ان يشيله حجي واهوا لابس الاحرام وسئلوا فريج سعود

راح يعطينا اجمالي 360000 ريال سعودي

ال 100000 ريال سعودي تساوي

ثمانية آلاف دينار كويتي تقريبا يعني نقول ونتفاءل ان إجمالي اللي حصلوه يساوي 32 ألف دينار

طيب احنا لو فرضنا ان حملات الحج الكويتية تاخذ ما لا يقل عن 500 دينار ولو فرضنا بعد إن الكويتين اللي تبرعوا حق جنود حزب الله اهما 180 واحد من 360

يعني النص

يعني 500 دينار ضرب 180 شخص يعطينا 90000 ألف دينار

ونقول الحاج الايراني تكلفة وصوله ارخص من الكويتي بالحج فتكلفه رحلة الحج 100 دينار بس مع ان ما اتوقع يصير بس خنمشيها

وهذا معناته 100 دينار ضرب 180 شخص يعطينا 18000 دينار

انزين وال 120 عنصر ملوت حزب الله تكفلة الواحد منهم هم 100 دينار تجاوزا

هذيل 12000 دينار

وال 2200 حاج فلسطيني اللي استلموا الفلوس نقول كل واحد دفع 10 دنانير بس عشان يروح الحج

معناته تكلف 22000 دينار

يعني يا بيلر يا حبيب

الكويتيين والايرانيين والفلسطينيين واللبنانيين دفعوا 144 الف دينار كويتي

عشان يتبرعون ب 32 الف دينار كويتي

اي يدزها حوالة ولا هالطوالة

بس صج صج أثبت لكم إني فاضيه بالحسابات مو؟؟

وابيه بسالفة بعد

دق علي شافيز أمس

وقال يا دانه انا متضايق من علاقة بوش بالبيلر
قاعد يخرب شغلي

وابي شي عشان أزلغ وايرات

قلت أدبر له شسوي بعد

وبالصدفة أشوف ولا مطقوق حاط هالمقالة الرائعة اللي حطيتها آخر شي لمستر بيلر بسنة 1983

قلت يالله هم شافيز يزلغ واير وانا اقول حق كوندليزا دام موجوده هني

اي بوش ليش ما ياخذ نوريه بدال كوندليزا؟؟

ورجاءا مو على ابو ان بوش موجود يسكرون الشوارع

تمتعوا مع وجه آخر للبيلر

باي