16/12/2007

مرزوق رووووح

**********
تحديث
**********

تم إغلاق التعليق و للأسف إن في ناس بالكويت جذي
وتم مسح تعليقات بعض الشرذمه وذلك لحترام مدونة بيت القرين
روادها و قراءها الإعزاء و لاعزاء دام هالنماين موجوده
يا أمة ضحكت من جهلها الأمم
*************************


يكيكي اليوم كاتب مقالة يسقط فيها حال فؤاد السنيورة على حال الكويت

يعني يكون كاتب محنك

وفاهم اللعبة

بيحسسنا ان من اعضاء المجلس التأسيسي

المهم شوفوا شيقول

خ
رجت عليه مظاهرة من مليون شخص تطالب باسقاطه وثبت، دك العدوان الاسرائيلي عاصمته بيروت دكا وثبت

تصدقون ان قاعد يمدح السنيورة بهالكلام

بالذمة هذا ينرد عليه؟؟؟؟

جذيه يمدحون؟؟

دام جذيه انا خل اعلمك المدح

علي بابا تم حل مجلس الامة بالثمانينينات وسرقت

احتلت الكويت واستشهد من استشهد

وهم سرقت

خلص الغزو وبغوا يحاسبونك

وما خضعت

طلع حكم ضدك وادانوك

مسحت التاريخ

علقونا سنين بمحكمة الوزراء

ننطر الحكم

وانحفظت القضية

لا وعطوك اجازة تقعد بمصح بامريكا بعد

فتحت جريدة من فلوس البوق

فتحت قناة من فلوس البوق

شريت الشباب الكويتي بفلوس البوق

هذا اللص القوي

ترى قاعد امدح بس على طريقة يكيكي

بلبل يقول

توجيه اتهام للشيخ مبارك الدعيج فيما يخص إعلان الأهرام غير الشهير، سوى في مجلس الأمة، له أسباب سياسية لا نحترمها، تسعى ومنذ أمد لتصوير أبناء الأسرة الحاكمة بأنهم غير قادرين على تحمل مسؤولية مناصبهم، في حين حتى »الهيلق« والمتردية والنطيحة تعيث فساداً في المناصب دون صوت نيابي معترض

طبعا ابناء الاسرة مثل اي عايلة ثانية فيهم الزين وفيهم الشين

بس السؤال

عليك الله يا نبيل

جم واحد متولي منصب قيادي بالبلد من الاسرة الحاكمة

والمنصب مو وزاري وناجح

يالله عطنا اسامي

خنشوف

وليش وايد مخترعين من اعلان الاهرام

عادي يعني بتحفظ القضية ماكو شي ثاني

معروفة

انزين

مرزق الغانم

وصلني خبر ان سمو الشيخ المبجل طلال الفهد الاحمد الصباح حفظه الله ورعاه

وافق على مناظرة بعد ما شالوا الاوامر العليا

بس على شرط تكون من تلفزيون الحرامية

شوف يا مرزوق يا ولد علي الغانم

اول شي ونستني بكلامك عن مال نادي الفحيحيل وانت تقول له تبي تناظر معزبه مو اهوا

مسكين ما عرف يرد

جان يقول معزبي ومعزبك الامير
اهوا وهق روحه الحين واهوا ما يدري
لأن ممكن الامير يقول طبقوا القانون ويتوهق ويوهق غصبا عليه اهوا وتكتله


المهم

مرزوق سمو الشيخ طلال حفظه الله

يحاول يحرجك ويخليك ما توافق على المناظرة

بس شوف وانا اختك

الله لو صج اختك خالي رئيس مجلس امة ما مدحت خاله لا تسوونها قصة وابوي عنده وكالة بي ام

واخوي عضو مجلس ورئيس نادي
وامي مديرة جامعة
ويدي رئيس المجلس التاسيسي
وخالي من اغنى اغنياء العالم
اللهم لا حسد

المهم

شوف يا مرزوق

انت وافق

ولا تخاف من عدم حياديتهم

مايقدرون

في ناس تتابع

وتعرف شلون تسنعهم

بس قول له على شرط يوافق على مناظرتك بالراي

وطبعا اهوا ما راح يوافق وبيخاف

فانت وافق واشرط

وهم اذا ما وافق

هم روح تلفزيون الحرامية

ودامك على حق

حتى لو ما تعرف تتكلم بتفوز ما عليك
لان بالمباريات ما تقدر تفوز على القادسية والسبب اني قدساوية
:p

بس اذا وافق قول له اول شي بالراي

لأن اهما طلبوا قبل

صدقني راح يتوهق

روح والقلب داعيلك

بناء على ردودكم اللي شفتها بالموضوع اللي طاف فهمت شي اساسي منكم

ان نحتاج الى معرفة على شنو نتحرك

وهذا خوش سؤال يمكن ما سالت عدل اول مرة

ويالله نفتح الموضوع مرة ثانية

ونقول شنو اهم اولوياتنتا؟؟؟

عندنا واحد من المعلقين ينقال له بوراشد

انا بعرض عليك يا بوراشد يا ولد ام راشد

ان لو تسمح من بعد العيد كل يومين تدز لي شعر عشان انشره بمواضيعي اذا ما عليك امر

مدونة محاكم الكويت مدونة مختصة بمواضيع المحاكم الكويتية

روحوا وشوفوا اول قنابلها

وعلى فكرة ترى بوراشد مو ولد ام راشد

مرته ام راشد
:)

اللي طافت عليه خل يقول الصج


23 comments:

ZwaiZ said...

Gawach allah

Kuwait Karma said...

سلام

أول هام...حمد الله على سلامتك وماتشوفين شر يا قرة أعين البلوجز

وتاني هام...سعيد بأن أكون من أول المعلقين على البوست

قرأت مقدمة الرد الفحاحيلي وماقدرت اكمله من ملاقة صاحبه والمنطق المتوقع.

(عاد اليوم شايف مرزوق في عزا بس مو وقته الواحد يفتح معاه مواضيع الديره..أهي بروحها سودا)
anyway
سبحان الله..الطيور على اشكالها تقع.جماعة الفساد المفسده تلقينهم بالديرة مفتوحين على بعض. يعني نظرية
six degrees of separation
صايره معاهم
two degrees of separation
أو أقل حتى!!
(اللي مو عارف النظرية يزور ويكيبيديا http://en.wikipedia.org/wiki/Six_degrees_of_separation

الحقيقة، بلغ السيل الزبى..وما أدرى الى متى ستظل السلطة التنفيذية صايره زلاطة تنفيذية وبايته :(

يعني ودنا نحس انه في حزم

يعني الله يرضى بعد هالعمر والخدمة اقرى في عدد الثلاثاء المنصرم لجريدة الفتن
"دليهي الهاجري: إذا لم يتسع صدر ناصر المحمد لحرياتنا فليتنح"

عمار يا كويت عمار..

Anonymous said...

الله اكبر!

الحين اصحاب تلفزيون الراي صاروا مو حرامية؟؟؟؟؟؟؟؟؟

و مو وراهم عيال فهد الاحمد؟؟؟؟؟

الوطن و الراي وجهين لعملة واحدة مهما اختلفا ظاهرياً..الجامع بينهما الفساد و مملكة الشهيد: في الشراكة "التجارية" (النصب بالأصح) و التحالف "السياسي" (الفساد بالأصح)٠

و مرزوق صار الحين شريف! و الله حالة!

دانة! اخاف الدكتور عطاج دوا غلط! لووول :-)


اما عن البلبل: انا تجيني حكة لما "الهيلق" يستخدمون كلمة "هيلق"..ما استحمل

Abdul said...

6weel il3omer 6alal ilfahad is in london .. i saw him two days ago here :P

Bad-Ran said...

عبداللطيف الغانم يصير عم مرزوق مو يده

............

وبالنسبه لموضوع معزبي و معزبك الأمير .. فأحب أقول كفوك

Anonymous said...

شوفي رد عبدالعزيز المرزوق على مال نادي الفحيحيل و استمتعي

Anonymous said...

ANONYMOUS : اخوي انت على اي اساس تقول عن اصحاب الراي انهم حرامية اذا انت ما تدري انا اقولك " مرزوق بودي" والد "جاسم بودي" من اكبر تجار الكويت قبل النفط ومن عمر الكويت عائلة بودي تجار خوصوصا اصحاب الراي !


و بيت القرين انا ما عندي اي شي اضيفه غير اني اقول الله يعطيح العافيه والى الامام ان شاء الله ومعاكم اب اي تحرك اصلاحي قادم :)

مجرد رأي said...

الســــلام ...
ونقول شنو اهم اولوياتنتا؟؟؟
مشكلتنا بس نتحلطم وننسى انا اقول اهم شي نسوي حملة تثقيف الشباب عشان لا تكون نظرتنا تحت اقدامنا بس ...ربعنا نسايه لازم نذكرهم بالحراميه ..ونبلش بالاستيكر عشان نعرف التأثير والانتشار بالاول ...واللي ما يعرف لازم يشده الستيكر وشكرا

bo rashed said...

حاضر وهذا اقل شي نقدمه حق اللي نذروا نفسهم للدفاع عن هالبلد

وكل عام وانتو بخير

بوراشد ولد ام راشد

:>

Anonymous said...

اتمنى تصير مناظره بين كل واحد صاحب راي والراي المعارض له بس تكون المناظره مفتوحه يعني مالها وقت محدد لين تنتهي جميع نقاط الخلاف بين الرايين يعني ممكن نرفع المناظره في يوم ونكمل في يوم مثل جلسات مجلس الامه

وياريت لما تتم هالمناظرات تكون بعقلانيه يعني محد يسفه راي الاخر او اسفاف


يمكن من خلالها نوصل لشي ينفع هالبلد


هذا تعليقي على هالموضوع وموضوع يوم 13 ديسمبر

مع تحياتي

بوعبدالله

Anonymous said...

صج فداوي واطي ابن واطي, دانه, سكري الأنونيموس, تو الناس على الديمقراطيه بهالبلد للأسف

Z.

Anonymous said...

شباب ترى والله ملينا من القز بشارع الحب والمرينا

Anonymous said...

انا لازم استجوب نورية الحديدية

ما اكون عكاش فتى الزغل لو ماخليتها حديدية مصدية

الله يخلي لنا مجلس الامة

نموت نموت وتحيا الكويت

فتى الجبل said...

مناظرة مع حرامي كاس الخليج تهقين راح تنفع
حرامي كاس الخليج يبيله العين الحمرا وتطبيق القانون غصبا عليه

Anonymous said...

الشرهة الله الحكومة الى خلت العراقيين


والكواولة يعيشون ويقيمون عندنا ولا



قاموا يعرفون يكتبون بالبلوجز والله دنيا

..أستمرى يادانة وقواج الله

Anonymous said...

الشرهة على الحكومة الى خلت العراقيين


والكواولة يعيشون ويقيمون عندنا ولا



قاموا يعرفون يكتبون بالبلوجز والله دنيا

..أستمرى يادانة وقواج الله

Eng_Q8 said...

بصراحه لا مرزوق ولا طلال الفهد يهمهم مصلحة الرياضه

الله يرجم ايام المخلد والفارس

واتوقع اذا صارت المناظره ماراح نطلع بشي يفيد الرياضه

الله يستر على الديره

بيت القرين said...

حسافه عليج يا كويت !!

bo rashed said...

القافلة تسير والفداوي ينبح

بيت القرين لا يهمك كلامن مانزلك علاك

معروف من انته ومعروف من صفف العلات

انته اللي بالقلم تجوي يامداوي العاهات

خل اللي يقول يقول وخل الكلام يدور

زينه تراها لك تفهم من عليك يدور

واللي رماك بشين شينه عليه يدور

انته معدنك طيب وطيبك بالسما علاك

طوفي ولا تحطين في بالج ومثل ما قلوا لا ترمى الا الشجرة المثمرة

العرزالــــــه said...

انا أأيد عمل هالمناظره وبشده

خل الناس بالكويت تعرف الزين من الشين

شاطر بس يقول اوامر عليا وجهات عليا

كرهنا نادي القادسيه بسبته

العرزالــــــه said...

من أية الطرق يأتي نحوك الكرم
أين المحاجم يا كافور والجلم
جاز الألى ملكت كفاك قدرهم
فعرفوا بك أن الكلب فوقهم
لا شيء أقبح من فحل له ذكر
تقوده أمة ليست لها رحم
سادات كل أناس من نفوسهم
وسادة المسلمين الأعبد القزم
أغاية الدين أن تحفوا شواربكم
يا أمة ضحكت من جهلها الأمم
ألا فتى يورد الهندي هامته
كيما تزول شكوك الناس والتهم
فإنه حجة يؤذي القلوب بها
من دينه الدهر والتعطيل والقدم
ما أقدر الله أن يخزي خليقته
ولا يصدق قوما في الذي زعموا

nEo said...

مرزوق عنده القدرة على ان يخكر عشرة من طلال الفهد


يقول اوامر عليا


ما ادري الاخ رئيس السي آي ايه مو هيئة الشباب و الرياضة

طلال الفهد كلمتين على بعض ما يعرف يقول اتمنى انه يطلع بالمناظرة مع مرزوق



الله راح تكون فضيحة و نكتة لمدة 10 سنوات جدام

kuwaitawy said...

السلام

اول شي يا دانة احب اقولج قواج الله
بخصوص المناظرة ..... بدون تعليق

وبخصوص التعليقات .... بصراحة انا ما قريتها
بس انا ملاحظ انهم ناس واطييبن (اسف عالكلمة بس هذي الحقيقة) وانا ملاحظ انهم مجموعة يعرفون بعضهم ومتعمدين انهم يعلقوا بهالطريقة الواطية بمدونة بيت القرين بالذات
واعتقد انها صارت كذا مرة من قبل وكان ردي واضح بالنسبة للتعليقات

صدقيني اذا دل على شي فانه يدل على شجاعة وقة الطرح بهذه المدونة لأن ماعندهم كلام غير الاساءة بطريقة غير حضارية (مع العلم انا عندي ملاحظة على المدونة بخصوص البوست اللي طاف بس ما قدرت اعلق عليه لأن في شغلة ماعجبتني حيل ) بس ماعلينا

الله يوفقج ومشكورة