05/12/2007

تنتشها يا وليدان


تحديث
الساعة 23:00
****************

صدر حكم قضائي لصالح النائب محمد الصقر ضد جريدة الوطن الزم الجريدة والكاتب فؤاد الهاشم بتعويض مؤقت مقداره 5001د.ك

لا طبعا ما خلصت


صدر حكم قضائي لصالح النائب محمد الصقر يقرر الزام جريدة الوطن وفؤاد الهاشم (يقال ان الحكم كان بيطلع تحت اسم البيلر لكن هونوا بآخر لحظة) بمبلغ ثلاثة الاف دينار


لا لا ما خلصت
صدر حكم قضائي لصالح النائب محمد الصقر يقرر الزام جريدة الوطن والكاتب فؤاد الهاشم (يقال ان الحكم كان بيطلع تحت اسم رفيج بوش لكن بوش رفض) بمبلغ ثلاثة الاف دينار أيضاً كل هذا تعويضاً عن مانشراه ضد السيد محمد الصقر واعتبرته الاحكام خروجاً عن رسالة الصحافة وانحرافاً بسلوكيات المهنة


ليش متوقعين اني خلصت ترى قاعد نتعامل مع جريدة الوطن
صدر حكم لصالح النائب محمد الصقر ضد جريدة الوطن ورسامها محمد ثلاب والمحامي نواف سليمان الفزيع والزمتهم متضامنين بتعويض مؤقت مقداره5001د.ك

بس حلاو اهوا المحكمة ما وراها الا الوطن يعني؟؟

والله خوش فكرة يفتحون لهم محكمة خاصة لهم
واذا يبوني مستشاره ما اقول لأ
:)

طبعا الحكم بالتعويض المؤقت لايمس بحقوق السيد محمد الصقر في المطالبه بالتعويض النهائي الجابر للاضرار المادية والادبية التي لحقت به

منو يعرف شنو يعني مثل صلاة الرويلي؟؟؟
مشكور اللي شرح لي معناها
:)
::::::::::::::::::::::::::::::::::::::::::::::::::

أمس تفاجات بعدد التعليقات اللي موجودة بموضوع لو إنتوا

واعتقد إنكم لاحظتوا قلة الأدب الموجودة بوايد من التعليقات

وطبعا تعمدت اني ما اشيلهم والسبب ان على مر ال 6 اشهر اللي كتبت فيها بهالمدونة

ماشفت قلة ادب بهالكثافة

شمعنى لما قلنا نبي نتحرك وما نكتفي بالكلام صار السب؟؟؟

والممتع صج ان الكل كان حاقرهم بالردود

بس انا مضطرة اني اخلي التعليقات حق المدونين بس

خوفا من التمادي

بس الملفت بالموضوع ان عندنا ناس يعارضون بالسب بهالمستوى من قلة الادب

يحسسوني انهم ما تربوا عدل

او ان اهلهم كانوا لاهين بالبوق بدال لا يربونهم

الله يشفيهم

اي على فكرة

ترى ممكن ارد واحرجكم

واضحك عليكم الناس

حزتها شتسوى عليكم ان بنت هزأتكم؟؟؟

المهم

اليوم شفت 7 او 8 سيارات شابين ليتاتهم

اللهم زد وبارك

وايد ناس قالوا إن ملوت اسقاط القروض راحوا وناموا بساحة الارادة ليلة الاثنين

وهذي
جملة من جريدة الوطن مالت يوم الثلاثا

حملات اعلامية وندوات حاشدة.. ومواطنون احتشدوا في ساحة الارادة وسهروا ليكونوا اول الداخلين الى قاعة عبدالله السالم


وهذي صور دزوا لي ياها ليلة الاثنين الساعة وحده ونص بالليل

عن التشلخ مرة ثانية



ماكو ولا قطو



مواقف ساحة الارادة

انزين عندهم كاتب اسمه أحمد الفهد

سلفي

شوفوا المستوى بس

اكثر ما اعجبني في المذكرات التي تنشرها »الوطن« عن زوجة الملك فاروق.. صور الملك فاروق في ملابس السباحة! فالملك فاروق رغم كرشه و»ديوده«.. الا انه »يتبطح« ويركب القوارب، ويلتقط الصور بكل ثقة وجرأة

يعني شنقول

يعني هالأدب من وين ماشاءالله عليه

وهذي
بصفحة الرياضة بعد وهم أمس

لا يضر السحاب.. نبح الكلاب

سبحان الله نفس مستوى التعليقات اللي انكتبت بموضوع لو انتوا

تهقون شالصلة؟؟؟

نختم ويّا رجل الدين المبجل الموقر السيد الصجي مثل ما يسمونه بعض كتاب الوطن

اللي سوّا قصة حق أبوالحسن لأن ما حط صورة الكعبة بالآذان مال التلفزيون

يا سيد يا صجي يا كاتب بجريدة الوطن

أهديك هالصورة وورني شبتسوي

طبعا ولاشي

بس هم شوف

يمكن لأنك سيد صجي ما تعرف منو هذا

هذا عبدالله رويشد

بس طبعا ما راح تسوي شي

لانك سيد صجي




24 comments:

سدرة العشـــاق said...

ياما بتشوفين أشكال و أرناق

----------------

شابين ليتاتنا

-----------------

يعطيج العافية

صايرة كلا أول وحدة
:)

Deja vu said...

لا تردين عليهم
الصراحة تحسفت انج كاتبه عنهم,
و على قولة المثل
الحقران يقطع المصران

و لأ

يعطيج العافيه

DiLLi O MiLLi said...
This comment has been removed by the author.
DiLLi O MiLLi said...

هههههههههههههه
:)
ضحكتيني يااا دانة هههههههه
لالالا .. معذور السيد
القفطان اللي لابسة رويشد جنة كسوة الكعبة .. أستغفر الله
فحصل سوء فهم أو سوء نظر
:)

الله يغربل سوالفج .. قاعدة في بلاعيمهم
ههههههههههههههه
:)


ومن قال أن متجمهرين ولا بايتين من أمس
شوفي مدونة "نيو" أهو حاضر الجلسة اليوم
يقول : الجمهور اخف من أمس بكثير

فتى الجبل said...

على الرغم من انهم تطنزوا علي بس ماهزوا شعرة وحدة من راسي
الحمد لله اني متربي

فريج سعود said...

انا متعجب شلون الحكومة ليلحين ما اسقطت القروض
مع انهم كاتبين
"تكفى يا بوناصر"

bo9ali7 said...

الصورة قمة
شكان قاعد يغني رويشد؟

Anonymous said...

اكو صورة واعدتنا فيها من زمان ماطلعت ليلحين تر

Eng_Q8 said...

الشيسمونه تنبح والقافله تسير

هذيل اهم طيور الظلام الي قاعد اتكلم واكتب عنهم الحين

مالج شغل فيهم وانشالله باجر بتشوفين اكثر سيايير تدرين اليو دوامات :))


وبالنسبه حق الحبيبالي مستانس على الكرش هذا مستواهم اذا كبيرهم غرقان بكانكون شتبين من الباجي

Anonymous said...

نسيت اقول اني اكره دغيشم
اف مليييييييييق

بو حامد said...

تصحيح

احمد الفهد مو سلفي وكان سلفي بعدين صار هاشمي نسبة الى فؤاد الهاشم

---

السب وسيله الضعفاء ودائما وبادا مهما اختلافنا يجب ان يكون الاحترام موجود يمكن نتغشمر نعلق نتطنز لكن ايضا بحدود

DiLLi O MiLLi said...

أما سالفة الســـب
ما أقول ألا اللي قاله الإمام الشـافعي

أعـرض عن الجاهـل السفـيه
فكل مـا قـال فهـو فيـه

ما ضـر بحر الفرات يومـاً
إن خـاض بـعض الـكلاب فيه

Mohammad Al-Yousifi said...

هو شخص واحد و مبين عليه متعشي بشلاويط

زين سويتي بشيلة الانونمس

bo rashed said...

يوم البلد كانت فقر اعطيت من مالي
وبعد الغنى صار البلد يبخل علي مالي
البيلر وعمه غني وكويت انا مالي

يحجي بوراشد يشتكي سبعين انا عمري
شايب وعودي حدب كله تعب عمري
نصه قضيته بحر نصه سفر عمري
انا بنيت البلد وبيت انا مالي
اهداء لبيت القرين

bo9ali7 said...

bo rashed
صح السانك

خوش اخبار
ومزيد من الاحكام انشالله

EXzombie said...

ديود و كرش و تبطح صار كلام قليل ادب.....!!!؟

عيل شحقة انخبينا على الرقابة و منع الكتب ......!!!؟

محمد العوضي كان يستخدم كلمات من السر و نازل بعناوينه علشان يخلى الناس تقرأ له، هذا و اهو متدين و يخاف الله محد نط عليه لما قال متعينا يا حقة......!!!؟

المفروض نسوي كاريكاتيرات عن ثلاب و رسومه الثورجية

و شصار على موضوع الستكر....؟!؟

qbnd said...

انا وام خالد وبناتى شابين الليتات

qbnd said...

الله يكثر من امثالك

بيت القرين said...

سدرة العشاق
بالمدرسة كانوا يحطون نجمة ويطبعون نجمعة على ايد الشطار
وانتي تستاهلين الف نجمه
:)

ديجا
لا بس اعلمهم ترى اقدر ارد واحرجكم
والله يعافيك

دللي
دوم تضحكين يا رب
وأنا لهم

فتى الجبل
كفو عليك

فريج سعود
اي صرنا ديرة تكفى
:)

بوصالح
أشكره اعتذرلي

حمودي
اي وحده ؟؟؟

مهندس
صدقت

حمودي
دام جذيه
هلاهلاهلاهلاهلاهلاهلا
:p

بوحامد
بالضبط

دللي
صح لسانه ولسانج
:)

مطقوق
والله مو مطاوعني قلبي اشيلهم
بس اجبروني مؤقتا اشيل تعليقاتهم

بوراشد
صح لسانك وتسلم على الاهداء

بوصالح
ان شاء الله

اكزومبي
بسميك الراي الصريح بعنف
الكلام اقل من مستوى ان ينشر بجريدة
وانا ما طالبت بحبسه او منعه من الكتابه
بس المستوى مادري اشوفه سوقي
سواء كان هالكاتب او غيره
شدعوه بدافع عن العوضي يعني؟؟

واذا عندك احد يرسم عشان يرد على ثلاب على ايدك ما نقول لأ
وبالنسبة للستيكر ان شاء الله السبت او الاحد بيطلع شي

qbnd
الله يكثر من امثالك ويخلي لك أم خالد وخالد وبناتك يا رب

مو عاجبني !! said...

مالكم شغل فيهم يالربع
هذي الكويت صل على البني
الوطن حطوها حق الضفادع قصدي الضعفاء عشان احدقون براسهم
:)

العرزالــــــه said...

تدرون شالمشكله؟

ان الوطن شطار اذا احد رفع عليهم قضيه وخسرها ان يحطون الخبر بالخط بالعريض وبالصور واغلب الاحيان بالصفحه الاولى

وأيضا..جواد بوخمسين يخسر قضيته ضد الوطن

لكن اذا احد شق ويههم وطشرهم بقضيه خاصه محمد الصقر اللي مايواطنونه بعيشة الله

لا ارى لا اسمع لا اتكلم

العرزالــــــه said...

على فكره حبيت ابارك لكم ان المدونه صارت مشهوره لي درجة ان الجيش الشعبي قام يدشها :)

kuwaitawy said...

bsra7a i wish to be in kuwait just this weekent to switch on my light at moorning & afternoon

i think that is agood start and nice step to show the govenment what we need?

for those people who flood the comments last post
you done well for them you skipt them & thats mean you are cute and nice
and that mean you can duel with them propely

thank you kuwait people

(i am sorry for writting in englesh cause my keyboard in english not arabic )

I hope to see you next weekend with lights on cause i will be there with you .... that is promise

Anonymous said...

محد قال معنى صلاة الرويلي؟؟