14/03/2010

الشرهه على اللي معطيك ويه

الطبطبائي: لازم ترسل كشوف المغادرين والقادمين يوميا إلى لجنة الظواهر السلبية للتدقيق
نريد كشوفات بالكويتيين الذين يغادرون إلى تايلند وبيروت والقاهرة ودبي والبحرين في عطلة نهاية الإسبوع

للتدقيق يعني كل واحد بينسدح على بطنه ويشوف الموجود والماموجود
انزين دققتوا وبعدين؟؟

ثاني شي يبي كشوفات الويك اند على بعض المدن والعواصم مادري ليش ما حط المكسيك؟؟؟

بس الشرهة والله مو عليك انت من اول ما دشيت المجلس وانت فاهم السلطة التشريعية غلط

الشرهة على اللي معطيك ويه ويقول لك صعبه بس نحاول
لا وبعدين يقطها على وزير الخارجية

ودامنا بهالطاري فلاي دبي راح تفتح رحلتين يوميا من نهاية هالشهر بين الكويت ودبي
على المسافرين بالف عافيه

17 comments:

Faisal said...

ترا هذي صفحة ترويحية !!

الكلام اللي فيها يمكن يكون صج، بس هي صفحة فكاهية

بو ذياب said...

اشفيك على الطبطبائي الناس رشحوا خليفة رسول الله مو عضو بمجلس الامة لازم كل شي على كيفه واذا ماسمعتوا كلامه استعد للاتهامات بالكفر والضلال وسوء العاقبة ..
اقول الشرهة على اللي صوتولك ومايشوفون الا اللحية ومايشوفون الفكر

جبريت said...

لو طارحين فيه الثقه مو احسن؟؟؟

al-nokhitha said...

Etha 9ej hal kalam khal yakeel qaleelon men el tebin a7san lah :)

أبو الدســتور said...

مثل ماقال فيصل

صفحة ترويحية
لاتصدق يا الحبيب

Sami said...

منو الي معطيه ويه غير صحافتنا

IbnRushd said...

يبا مو صج

محادثة خيالية

الغريب أنكم تصدقون أي شي لا صار المعني عضو إسلامي

شخليتوا حق اللي يصدقون أي قصة خرافية بس لأن ذكر فيها ما يثبت حقيقة من حقائق الدين؟

Anonymous said...

اهو من سالفة كنكون مو مترقع

Anonymous said...

يبا غشمرة يا لصبيك

Anonymous said...

لأ لأ ما اصدق !!!
صج عاد ؟؟؟

DiLLi O MiLLi said...

*
*


الخـــبر / الطبطبائي : ما نشرتة جريدة القبس أمس من حوار مفترض بيني
وبين وزير الداخلية كان دُعــــابة من الجريدة وليس له حقيقة أطلاقاً في الواقع ، لأنه بأختصار لم يجــر أبداً




الخبر هذا مجرد دُعــــــابه ثقيييييلة دم
نزلتها القبس ،، الجريدة كل مالها أتخبط أكثر
!!!!!!



.

haifa said...

زين والي يروحون كانكون؟
ماتبي بعد كشوف باسمائهم؟

وسلملي على شواطيء العراة الي باخصه جنابك هناك

واحد حقاني said...

المقال للضحك فقط لا غير .. شفيك على الطبطبائي

الظاهر انك من الجماعة الي انت خابرهم

فريج سعود said...

غشمرة بس من كثر ما الناس تحب الطبطبائي صدقت الموضوع

NasSeR said...

الطبطبائي : ما نشرتة جريدة القبس أمس من حوار مفترض بيني
وبين وزير الداخلية كان دُعــــابة من الجريدة وليس له حقيقة أطلاقاً في الواقع ، لأنه بأختصار لم يجــر أبداً

-----

طلع الخبر خرطي

Anonymous said...

جريدة القبس نست تحط بدعابتها البصره لانه في ناس بدت تروح اهناك

ana-o-amreka said...

كتبت مدونة عن لجنة الظواهر السلبية أتمنى انك تقراها