18/02/2009

دين أو دينـ..ار

تحديث
::::::::::

أنا آسفه

صدّقت جريدة الآن لما قالوا إن تقرير عن الفحم المكلسن طلع

وراعي الفحماء عضو اللجنة قال ما طلّعنا اي شي الى اليوم

آسفه إني اتهمت الجريدة والقبس بعدم الموضوعية

ما اقول الا افا يا سعد

خليت جريدتك حالها حال الوطن بالتشلخ والانتقام؟؟؟

كل هذا عشان زايد؟؟

أرد واقول آسفه يالنصف وآسفه يا خالد هلال
::::::::::::

هذا مال ميداس مو شكله لاعب برشلونه
:)

الفنان الشاب يقول طاح وانكسرت ريله

وطبعا الخبر بالوطن

انزين بفهم شي اللي تنكسر ليه ليش ينام بالمستشفى؟؟؟

غرفة الجبس وخالصين

انزين لنفرض قاعد يتدلّع ونام بالمستشفى

اللي مكسوره ريله ليش يحطّون له درب "مغذي" بإيده؟؟

خل نفهم من اللي قاعد يقص علينا

بهمن ولاّ الوطن أو الأثنين معا؟؟

إنزين في شي مو فاهمته من جريدة الجريدة وجريدة القبس بعد

طلع تقرير لجنة التحقيق البرلمانية بالفحم المكلسن

لا الجريدة ولا القبس نشروه؟؟؟؟

حتى وإن كان فيه ادانة للصقر

مفروض جرايدنا ما تتشبه بجريدة علي الخليفة

وهذي اعتبرها سقطة بحق موضوعية صحافتنا

واتمنى يتداركونها سريعا

الحين ندش بالسالفة بعد هالصورتين




لحيتين بالمجلس يتكلمون عن نفس العالم الديني

واحد يقول العالم يجيز والثاني يقول ما يجيز

كله عشان جم دينار واحد يبيهم ينصرفون حق شركاته

والثاني حق اصواته

لما نتكلم ونقول لا امكانية لوجود دولة دينية حاليا

ما نتكلم من فراغ

هايف وخالد اثنينهم لحايا

واثنينهم سنّة

واثنينهم سلف

واثنينهم ماخذين فتوى من نفس العالم الديني

ومع هذا اختلفوا بقرار مصيري يكلف الدولة مئات الملايين

بالله ما تقولولي شلون نقدر نمشي بالحكم الديني اللي يطالبون فيه هالاثنين بالذات وداشين المجلس عشانه

واهما الاقرب لبعض مختلفين بقرار مصيري

ما بالكم اذا صار خلاف بالفتاوي بين عالمين مو عالم واحد بالدين

او خلاف بين مذهبين

شوفوا شلون ما صار لهم سنة وشلون اختلفوا

شنو الحل تهقين يا
وطن النهار؟؟

ومثال هايف / خالد

يشهد

شكرا لكم على اثبات فشل الدولة الدينية

ونخليكم مع عايل الأسمر الصجّية مو مالت كاظم

تهقون شروق تعرف هالمغنّي؟؟




20 comments:

أنا كويتي said...

واللي تنكسر ريله يحطون له كيس دم؟؟
.
.
ملاحظة بالصميم على الدولة الدينية. إحنا على ترشيح بن همام منقسمين فريقين, هالنوبة إختلاف على فتوى.. بذمتي يصير رمي من فوق السطوح
.
.
أما الشاب اللطيف الكاولي أبو الدشداشه الشد اللي كنها "جلسة شرقية" . اللي مجنني شلون علَم البعير يهز ذيله مع دقة الموسيقى

Anonymous said...

إنها حرام لأنها تعارض كل مبدأ عقلاني يلامس، حتى ولو من بعيد، مستقبل هذا البلد ومقدراته. إنها حرام لأنها ترى في من يحترم إلتزاماته تجاه الغير عنصراً شاذاً بدرجة ما، ولكنه، وبدرجة أولى، مذنباً في إحترامه هذا. إنها حرام لأنها تُـغلّب رأي من يحاول أن يهدم مستقبل هذا البلد على رأي الخبراء والمختصين والعقلاء وذوي الرؤية المستقبلية ممن يحاولون أن يفعلوا شيئاً ما لوطنهم هذا.

أنها حرام .. أفهموا يا عقلاء

ولكن من يرى نفسه بظلم وقع عليه فالقضاء هو ملاذنا .. ولكم في خالد الزامل أسوه حسنه.

http://www.chakbom.com

الدســتور said...

اختيار موفق
احب الاغاني الطربية
حتى وان كانت عراقية
:)))
اختلاف الفتاوي حسب
المصلحة
الله يرحم بس

Dasmawee said...

اي السالفة صار فيها فلوس
( المال و البنون زينة الحياة الدنيا)
انا ما اقول الا يا نار شبي بحطب

:تذكرت شعر المأمون

ما من أحد طالت له لحية
فزادت في لحيته
إلا و ما ينقص من عقله
أكثر مما زاد في لحيته

Anonymous said...

الاختلاف رحمة ومن كانت حجته أقوى منطقا أخذناها ، وعندما يختلف الاقتصاديون أنفسهم في حل الأزمة الاقتصادية لا يعني أن علم الاقتصاد به خلل بل الخلل في الفهم

Anonymous said...

يبا ما صارت بين بوست والثاني حاشره شروق غصب !!! يبا وحده كاشته فيج والسلام !خلاص خليها بحالها

Mohammad Al-Yousifi said...

انا شخصيا أحبذ لو انهم يدخلون النائب الفاضل محمد المطير ليحسم هذا الخلاف بما فيه لصالح الامة الاسلامية

سيدة التنبيب said...

أجيب عن قصة الكسر و دخول المستشفى و كيس الدم :

الكسور أنواع و إذا كان الكسر مضاعفا فيتم إصلاحه بعملية و تثبيت العظام بمسامير و ألواح معدنية ..

فليس كل كسر يتم تجبيره من الخارج ..

و الخضوع للعملية يتطلب دخول المستشفى و أحيانا كثيرة نقل دم بسبب النزيف أثناء العملية

دمتم جميعا بخير:)

Anonymous said...

athnaiihuim 9a7 .. bas khaled el
9el6an qayar kalama tadreen laish ?

la2ana el 7abeeb a5ath el sha6er el awal men el fatwa o 7ethaf el baji methil ele yestenid 3ala la taqrabo el 9alat oo ya7thif wa antum sokara .. mathmoon el fatwa egool ena mayjooz shera2 el dain bel dain ela etha kanat men
7ekoma fa ya khaled el sul6an
3alaik 1 le9ali7 hayef :)

Anonymous said...

الدانة

طاح وانكسرت ريله وحاشه هبوط من الخرعة وركبوله درب! جذي تمشي

بالنسبة لتقرير الفحم المكلسن، طلع فالصوووو! ونفاه راعي الحرشا

انهقين الوطن وعالم اليوم يحطون النفي على الصفحة الأولى؟

ساره النومس said...

انا لمن انكسرت دخلوني غرفة شصغرها جبس وخلاص كان الله غفور رحيم

بيت القرين said...

انا كويتي
مادري عنه؟؟

يبي يعلمون اللي ما يتعلم اهل الطرب
:)

بوناصر
كلام طيب جدا

ابوالدستور
الاغاني العراقية خصوصا القديمة رائعة

دسماوي
خوش شعر

انو
والقانون دولة
وليست الفتاوي يا عزيزي

انو
وانت ليش متنرفز؟؟
مو عاجبك لا تدش

مطقوق
هذا وقته ما يحلها الا المطير

سيدة التنبيب
الوطن رافقت الفنان الشاب
يعني هل الوطن قعدت وياه لين سووا له العملية
وثانيا بالخبر داعم طاولة
تهقين توصل ليما البراغي
احسني الظن بكل الناس
الا الوطن
صدقيني من واقع تجربة طويلة ومتابعة حثيثة
:)

نوخذانا
اخذ
يعني يدّعي الدين ومزور للمعلومات
بس السالفة
ليش نمشي على الفتاوى وعندنا قوانين

سيفوه
اي والله طلع فالصو
وانا اعتذر للجريدة والقبس

اما بالنسبة لتحليلك لفنانا المشهور
الدرب وعرفنا سالفته
انزين كيس الدم؟؟


طموحة
انتي مو فنانه
:)

Anonymous said...

الطفاقه شينه
;Pp

White Wings said...

هللو
أول شي من وين لك معلومات عن يوم عيد ميلادي؟
هو أحد أسرار الدولة وحضرتك أفشيتها
تقعين تحت طائلة قانون الانترنت
:)
وما حصلت شي لا في عيد ميلادي ولا في الفالنتين لأني شريت هداياي خلال السفرة
بس مو وناسة، حلات الهدايا نفس اليوم
:)

المصيبة عزيزتي، ليس فقط أنهم، مثل ما قلت، من نفس الطائفة ومختلفين على تفسير فتوى
بعد الفتوى يبيلها تفسير؟؟؟
المصيبة انهم يستفتون سعودي في مسألة كويتية بحتة

عاشت الوطنية

Shurouq said...

ما اعرف المدعو ابراهيم عبدالله واعتقد الاغنية أقدم منه لأني اعرفها بصوت ثاني وبتسجيل اقدم.. سعد الحلّي يمكن

كاظم الساهر اذا ترك عنه القصائد الفصحى وغنى كلمات وألحان عراقية، ذيك الساعة يمكن اسمع له

wa6an-alnhar said...

ظفري انكسر
ابي يسوون لي لجنة علاج بالخارج
;p


ا
ل
ع
ل
م
ا
ن
ي
ة

اهي الحل يا دانه
:)

و اللي مو سااااااااامع خل يسمع

بيت القرين said...

حمودي
اي والله فشّلوني
الشرهه علي صدّقت الآن

وايت
الحين فؤاد الهاشم يعرف اللي يدور بين بوش وهتلر
تسئليني عن عيد ميلاد؟

واي والله صدقتي ياخذون قرارات كويتية بآراء سعودية
ليش؟؟

شروق
وليش المدعو عاد
مسكين بس مغني ما سوّا شي
وكاظم حتى لو غنّى عراقي يبقى للبياتي والحلي والغزالي وسليمة وزهور وصديقة رونق آخر
ملاحظة: الأسامي اللي طافت مو حضور حسينية
:)

وطن النهار
صبع ريلج او ايدج
اذا ايدج علاجج بالمانيا
اذا ريلج بالبحرين
:)

ما سمعت شنو الحل؟؟؟

Anonymous said...

White Wings

المصيبة عزيزتي، ليس فقط أنهم، مثل ما قلت، من نفس الطائفة ومختلفين على تفسير فتوى
بعد الفتوى يبيلها تفسير؟؟؟
المصيبة انهم يستفتون سعودي في مسألة كويتية بحتة

تعليق بريء : هذول الأثنين من مزدوجي الجنسية واللي لازم يسحبون منهم الجنسية الكويتية

bo shnan said...

خلاص يا جماعة فتحوا عيووونكم

اعلنها انا بو شنان و من هذا المنبر المبارك

من لا يؤمن بالعلمانية كااااااااااااااااافر
و ملعوووووووووون

اخذوا الفتوى مني

و على طريقة الرفاعي
السلطان بالنار
و هايف بالنار
و الطبطبائي بالنار
و عاشور بالنار
و سيد عدنان بالنار
و علي الخليفة بالنار
و الرفاعي بالنار
.....
ومنو بعد
وانا بالنار

Anonymous said...

الله يهديكم ان شاء الله .. ترى مو زين الواحد يتطنز على الدين حتى لو على ضحك هذا دين الله سبحانه لا هو دين هايف ولا دين السلطان و هو الدين اللي فيه الحلول لكل المشاكل في الدنيا سواء كانت اجتماعية أو اقتصادية أو سياسية العيب مو بالدين العيب فينا احنا اللي مو عارفين شلون نطبقه و ترى عمرها ما صارت القوانين الوضعية أفضل من القوانين اللي حطها ربنا سبحانه لأنه اهوا اللي خلقنا و اهوا وحده يعرف وين الصالح