05/02/2009

منو يايبه


يقول لن نبالغ إن قلنا أن جريدة الوطن تجسيد للوحدة الوطنية

كل هذا عشان رحلة علاج بالخارج؟؟؟

وين يا بوصادق وين

عموما الله يشافيك من المرض



بو مهدي
تكفه
تكفه
لا تــفــكــّـر

بس طلّع رخص حسينيات ومسايد أريح لنا وأريح لك

جبريل الرجوب رئيس اللجنة الأولمبية الفلسطينية

سنة 2001 سب الكويت ووصف الكويتيين بأنهم أنجاس

المهم هالأثول هذا ياي الكويت

وطبعا رئيس اللجنة الأولمبية الفلسطينية مو ياي يزرع شعر ولا ياي عشان يقابله بوخرشد

اكيد ياي يقابل نظيره الكويتي

يعني رئيس اللجنة الأولمبية الكويتية

ومنو رئيس اللجنة الأولمبية الكويتية يا ترى؟؟

فبدال لا تسوون لويه على الرجوب شوفوا منو يايبه

وخنشوف ساعتها وليد الطبطبائي او جريدة الوطن شبيقولون؟؟

وفي موضوع آخر رابطة الطب الكويتية محولينها لجنة تحقيق

لأن يقولون انها سوت ندوة مختلطة مع اني متأكدة إن رابطة الطب تحترم القانون وإلتزمت فيه

بس لأن في شي إسمه إخونجية حدساوية بالجامعة

وطبعا مدير الجامعة وعمادة شؤون الطلبة أهما احد الخاضعين للحدساويين الإخونجية الصغار قبل الكبار

فلازم يسوون مشاكل حق اي جهة طلابية مو ماسكينها صغار الإخونجية

بس ترى عشان تكون رابطة الطب وغيرها بالصورة

لو يدافع عنكم محمد العبدالجادر والراشد والصقر والملا والغانم والمليفي وغيرهم

طالما إنكم مو متحدين وحاطين ايدكم بايد بعض مع المستقلة والوسط والهندسية

راح تشوفون ازيد يوم عن يوم

وهذا انا قلت لكم

بس شدعوه بيفيد معاكم الحجي

انا بعرف بس

رابطة الطب والوسط والمستقلة والهندسية عمركم ما سمعتوا سالفة الابو اللي يمّع عياله وعطاهم عصي صغار وكسّروهم واحد واحد

بس لما حط العصي مع بعض ما انكسروا

تهقون ليش كانوا يقولون لنا هالقصة؟؟؟

وأبي اعرف ليش الوسط والمستقلة والهندسية ما اعلنوا تضامنهم مع رابطة الطب ليما الحين

اللي اعرفه ان المنسق العام للوسط حاليا طالب بكلية الطب

يعني مستحيل ما يدرى

ولاّ الوسط والمستقلة والهندسية هم خايفين من الإخونجية

ترى الاخونجية بدوا يتلاشون وما بقى الا بالجامعة لهم ثقل

والسبّة تخاذلكم طبعا

عموما

يالله خلّص دوامي وويك إند سعيد

26 comments:

Anonymous said...

خوش دوام وإخلاص للكويت

Don Juan said...

منسق الوسط العام تبينه يتحرك و يصف مع الرابطة الي كان يحاول اسقاطها هالسنة ؟
خلينا ساكتين بس :)

كاريكاتير said...

مرحبا

اذا على سيء الذكر الجذوب الرجوب فاحنا من عمر اللي يسبنا ناخذه بالاحضان ونعطيه بوسه!!

واذا على طلبة الطب فللأسف احنا ملينا يا جماعة الخير ليش العناد المستقلة الاكاديمية الوسط الهندسية وغيرهم كل هذيل يعرفون ان من غير تنسيق واضح وتنازل من اجل مصلحة الطلبة اتحاد الطلبة ومعظم جمعيات الطلبة راح تكون للإخوان اللي يعرفون شلون يشتغلون .

Dionysus said...

شكرا ابن الشهيد
و اذا كان الخنزير الرجوب سيكون موضوع تأزيم للدوله

فمرحبا بالتأزيم

Anonymous said...

مليقة هليقية وبقرة

Anonymous said...

بوست موفق ورائع جدا

وخصوصا نظرية المؤامؤة اللي يطرحها صالح عاشور

مادري من صجة ولا يتغشمر

ولا القلاف من بعد ماقال علقوا الدستور واهو مومترفع حوبة الدستور والله

Mohammad Al-Yousifi said...

2-0

:)

Anonymous said...

walah el 3atheeem gemt aktishef ena demar el balad men ba3th el weyooh ele ga3da eb majlis el omma law neftaq menhum chan e7na eb
5aiiir !

Anonymous said...

dana ... 3ala mawthooo3 im7ammad ibraheem thaak ilyoum ... shiftay khaalid khalaf shsawwa feekom ilyoum lamma la3ab ib mokana il 6abee3ee elly oho MO 3al wing ? now 3araftay ghal6aata il ghabiyya ?

hard luck by the way ;P

Anonymous said...

للتوضيح اذا ماتعرفين رابطة الطب اعرفج عليها، هي رابطة بقيادة القائمة الاكاديمية اللي تؤمن بالمساواة بس تدعم قانون فصل الاختلاط على اساس الجنس!!!
والغريب ليش زعلانين اذا اهم اساسا مع القانون واذا بنتكلم عن القوائم ماراح نخلص بس لازم نوضح ان المستقلة والاكاديميه مثل روضان الروضان مو اسلامي بس مو ليبرالي يعني (ولاشي ) بس تخيلي ان اسيل العوضي تتوحد مع روضان!!! اعتقد انتي اول وحده بتحاربينها وبنفس الوقت الوسط والهندسيه لازم يتحدون مع المستقلة ماني قادر استوعب!! بس كل شي جايز وممكن يصير لان الهدف صار ان يطيحون الاخونجية اللي احترمهم لانهم على الاقل عندهم مبادئ واهداف معلنة ولو اني اختلف معاهم بكل شيء ولانهم مو تايهين مثل صديقنا روضان

Anonymous said...

القائمة المستقلة واقفة طول الخط مع القائمة الاكاديمية في الظلم الواقع عليها ، كما هو الحال مع رابطة العلوم الادارية التي تم احالتها للجنة التحقيق قبل ان يتم احالة رابطة الطب ،، والموضوع هو نفسه الاختلاط وان كان الوضع مع رابطة الادارية انها اقامت النشاط في ساحة العلم مو بالكلية نفسها.

Anonymous said...

تدرين شنو المشكله الصجيه.. ان كل واحد له تفسيره الخاص عن مصلحه الديره! اصلا كل واحد له تفسيره الخاص حق معنى كلمه الديره.. هذا طبعا مع افتراض ان هالاحد عنده مخ عشان يفسر!

و اذا عرفتي شنو سالفه الوسط مع الاكاديميه عفيه قولي لي!

Anonymous said...

بالنسبة لقصة الطبية والوسط

القائمة الطبية قبل سنتين رفضت التوقيع على بيان بشأن منع التعليم المشترك وقالت

ان القائمة تخصصية وليس لها علاقة بهذا الشأن
وبنت هذه النظرية على أساس عدم خسارة قواعدها الانتخابية التي تصوت بالاتحاد للاسلامية يعني المتاسلمين الشيعة وخصوصا ربع التحالف الوطني الاسلامي

الجدير بالذكر أن البيان وقع من مصحوب باستفتاء يشير أن 51% من طلبة الجامعة يؤيدون التعليم المشترك ولم يشمل الاستفتاء كلية الطلب المساعد والحقوق بسبب الامتحانات

بيت القرين said...

انو
انا اشتغل بمشروعي الخاص
مو بالحكومة
:)

دون
لا تسكت تكلّم خل افهم ودواه عندي اذا مصيبته كبيرة

كاريكاتير
رسّامنا
صدقت والله

خايرها
محشوم الخنزير

انو
لا تكفه لا تسبني ترى احتر وايد
:)

انو
شكرا

مطقوق
عادي وحده بوحده
:)

نوخذانا
توك تكتشف؟

يوسف
اذا بتتكلم عن الأفضلية بهالمنطق
اذا محمد ابراهيم اهوا الافضل بالكويت حاليا رغم خسارته امس الا ان مازال متصدر الدوري بفرق 4 عن السالمية و 6 عن العربي
والمدرب عنده خيارين يا يلعب بالمنخب بدر او خالد خلف بالمكان اللي انته تبيه
واي مدرب عاقل يلعب بدر طبعا
وبدر ما خيب الظن فيه
افضل لاعب بالكويت بدون منازع

انو
ابي دليل على كلامك عن الاكاديمية لو سمحت
والمستقلة والوسط والهندسية والاكاديمية يمشون على هوى القيادات مو الاوراق

انو
اذا عرفت بقول

انو
اها يعني قصدك ان الوسط ما وقف مع الاكاديمية اليوم والسبب وحدة بوحدة؟؟؟

Anonymous said...

بوست طائفي والسبب هزيمة القادسية أمام العربي 2-0

Anonymous said...

ناصر المحمد في رده على مقالة الكاتب محمد الجاسم : الشخصانية تقتل العمل السياسي و تؤدي الى وأد دولة القانون و اتحمل النقد بصدر رحب و ابوابي مفتوحة للجميع كما ان الحفاظ على الديمقراطية من اولوياتي و لا افكر في التخلي عن مسؤولياتي فالرجال لا يترجلون في المواقف الصعبة

Anonymous said...

القلاف vs عبدالصمد

Anonymous said...

ya daana .. il modarrib lo yifham kan yigdar ila33ib badir o khalid o mayla33ib 3ajab (ya3nee 4 nis o 2 hijoom)
o 3ala man6iqich itha oho il 3aam ma khatha WALA bo6oola o a7mad khalaf o ghair a7mad khalaf yabaw bo6oolat .. ya3nee kanaw a7san minna il 3aam ? haatha mo kalam ! si'lay ay a7ad .. bi ma feehom il qadsawiyya .. ra7 igooloonlich inna m7ammad ibraheem ma3al montakhab ib aakhir bi6oola + imbaaraat 3maan bayyan inna insaan fikir korawy aslan ma 3inda

الاب الروحي said...

السيد عقب ماسقط الانتخابات الاخيره عرف شلون يحافظ على كرسيه هالمره فصارت اطروحاته كلها لدغدغه مشاعر الناخبين ويصالح الاعلام حتى الاعلام الفاسد حسافة عليك يالسيد

الاب الروحي said...

على فكرة لايطوفكم بوست جنوب السره جان زين تحطين له لينك مع اليلوقات اللي عندج اكون شاكر

الشق عود said...

http://jnobalsora.blogspot.com/

Anonymous said...

lel 2asaf tawni aktishif :)

agool 7ag el ekhwan el 3arbawiiya tara daar el 7ool o kan lazim
en6ali3 el zekat o ehya el
thalath neqa6 :)

مستفسط said...

القلاف مضحك ... وأصبح عضوا هزليا

اعضاء المستقله بدؤوا ينضحون من نفس منابع الوسط
لا أجد سببا يمنع اتحاد هاتين القائمتين

بيت القرين said...

انو
افا طحت علّي

انو
انا ما احب ناصر المحمد كرئيس وزراء ما يعرف يسوي شي

مختصر مفيد
عسى بس ما تقصد اني من ربع عدنان بس؟؟؟

يوسف
الله يهداك ما تبي الخالدي يلعب نص بعد؟؟
احسن هدّاف بتاريخ المنتخب بعد الهويدي تبي يحطه برّه؟؟
على فكرة ماكو موسم محمد ابراهيم درّب فيه الا وخذا على الأقل بطولة
وهذا شي قياسي ما حققه اي مدرب محلي او اجنبي بتاريخ الكويت
الموسم اللي طاف ما درّب ولا فريق
بس خذوه السالمية لمدة شهر
جان يوصل نهائي كاس الأمير
اشكره مو خوش مدرّب مو
:)

الاب الروحي
الله يهديه

الشق عود
قريته وما اقنعني الصراحة

نوخذانا
لوووول عجبتني وايد
احسن رد
:)

مستفسط
وانا هم مو لاقية سبب

Anonymous said...

yaa daana il modarrib ma yil3ab 3al tareekh... il modarrib yil3ab 3al forma .. il laa3ib mo bil forma al7een ma ala3ba ... fee laa3ib mostawa 7aaliyyan a7san minna fa ala3ba oho .. haatha il 7achy elly kil il modarribeen il 3alamiyyeen igooloonlich yaah.
anyways ... maala daa3y intinaajar chinna yahal .. ya36eech il 3afya 3al blog o keep up the good work

o khalleech b3eeda 3anil kora ;P

Unknown said...

قعدت أفكر ثلاث دقايق

شكو حاطه صورة شريط برو إفيلوشن 2008

ترى 2009 نازل من زمان .. لووول