02/05/2008

الأسبوع الياي أكثر من موضوع وعد + شخصية الإسبوع



آسفه جدا على التأخير

بس مو بيدي والله

المهم اوعدكم الاسبوع الياي اكثر من موضوع ان شاء الله

المهم

قبل الإنتخابات كان شكله جذيه








بس لزوم القائمة والإنتخابات والدائرة صار شكله جذيه













وطبعا يكيكي نفس الشي

بس ما لقيت له صورة باللحية بس بحلقة الوشيحي كان حاط لحية

اي على الطاري الوشيحي ترى وايد كنت مدلع يكيكي


صج ان اللي معاه بالحلقة خالد الشطي مخلي يكيكي بطل


بس لان الشطي ما يعرف يتكلم هذاك طلع المنقذ

ويالوشيحي دش بيت القرين قبل لا تقابل يكيكي وبشوف شلون يقدر يرد

بس تدرون شنو أحلى شي قاله يكيكي

الوشيحي يقول له انت وايد عنيف باتهاماتك وانتقاداتك لما تكتب

بس الحين وانت مرشح وايد هادي

جان يقول له يكيكي

لكل مقام مقال



تدري لو انا المذيعة هالجملة هذي بس اخليها موضوع الحلقة

يعني اقول حق خالد الشطي يالله توكل على الله

واخز يكيكي واقول له شنو يعني لكل مقام مقال

يعني لما ما تكون مرشح تسب ومادري شتسوي ولما تصير مرشح يصيرون الفاسدين على قولتك الصقر صار بوعبدالله والسعدون ومسلم حبايب قلبك

النفاق اي لون صاير بعد

وشيحي تكفه لا تخوره

انت يا الوشيحي برنامجك اهوا المتفوق على كل البرامج الانتخابية وقلطة الوطن طاحت بجبود خليف وربعه

مهمتك ماهي بس نقل للاراء مهمتك كشف الكذب بعد والتلون والنفاق لا تذبح البرنامج وخل جرؤتك مستمرة

اي صح مدونة بنغير مدونة يديدة ذات هدف زوروها

باكستاني أول ضحاياها.. وأعقبه إيراني
مخالفات الهاتف أثناء القيادة تجاوزت الـ 200 في يومها الأول

باكستاني اول مخالفين النقال ووراه ايراني

سؤال مهم

هل القانون الكويتي الخاص باستخدام النقال بالسيارة تم تعميمه بلغات المقيمين عشان يعرفون ان استخدام النقال جريمة او لأ؟

وعلى طاري جرايم المرور

الحين اذا دبدوب مال الوطني طاف الاشارة الحمره يتسفّر؟؟؟

مسج من خدمة الازرق اول أمس يقول على لسان ابن الشهيد الوحيد بوفهد

مستعد للعودة لرئاسة اتحاد القدم ولكن بشرط تركنا نعمل لوحدنا

اول شي قاعد تشرط على منو ثاني شي للذكرى فقط


على مدى 14 سنة ترأس أحمد الفهد الاتحاد الكويتي لكرة القدم والإنجازات كالتالي

غياب كأس الخليج لمرتين متتاليتين لأول مرة بتاريخ الكويت 92- 94


الحصول على المركز قبل الاخير اليمن تحتنا بس في كأس الخليج بالكويت 2004


عدم التمكن من الاستقرار على نظام دوري ثابت على مدى الاربعة عشر سنة

يعني الاخفاقات اكثر من النجاح

على شنو تتشرط ؟

ننتقل حق حدس

اول شي

الصانع والشايجي يقاضيان موقع «أبناء الكويت

اي ردوا عليهم

ليش قضية ومادري شنو

قولوا ان الكلام جذب مو صحيح فندوا ادلتهم

كاهو المليفي اتهموه بسبع ملايين بحسابه ما ظل مكان الا ورد فيه على الاتهام

ردوا قولوا ما حصل

الاوراق اللي قدموها قدموا عكسها


انتوا تدرون ان القضية بتاخذ وقت وبس تبون تقولون ترى رفعنا قضية يعني انتوا واثقين من انفسكم وشعبنا نساي للاسف


وعلى ما تطلع نتيجة القضية تنتهي الانتخابات ردوا من الحين دامكم واثقين من افعالكم

بسكم تهديد وتخويف الموقع قدم اوراقه واثباتاته ورونا شعندكم بالله

على طاري حدس


جمال الكندري مرشح حدس بالدائرة الاولى يترأس مجلس ادارة شركة الابراج القابضة واهيا الشركة نفسها اللي تملك شركة المسيلة للتنظيف


شركة المسيلة للتنظيف معروف عنها التأخر في صرف أجور العاملين فيها وهذي مصيبة على العمالة اللي ما تملك الا معاشها

أعطي الاجير أجره قبل ان يجف عرقه يا رئيس مجلس الادارة وعضو الحركة الدستورية الاسلامية

اللي عنده أدلة على تاخرهم بصرف الرواتب للعمالة خل يقول وأنا من ناحيتي اعرف 2 من العاملين صار لهم ثلاث اشهر مو مستلمين رواتبهم

سؤال يا ناس

كل الندوات اللي يغطونها بالجرايد فيها حضور وايد شالسالفة؟؟؟

والمشكلة ان الندوات لتيارات واطياف سياسية متنوعة

شسالفة الناس يعني يحبون كل المرشحين؟؟؟

وليد الطبطبائي دش الفيس بوك

بس للأسف كقروب مو كشخص

يا ليت يدش كشخص عشان اضيفه وأقول ان تعرفت عليه بالمكسيك


:)


شخصية الاسبوع

الدوري الأسكتلندي ثلاث مرات
كاس اسكتلندا اربع مرات
كاس الدوري الاسكتلندي مرة
كاس الكؤوس الأوروبية مرتين
وكاس السوبر الأوربي هم مرتين
الدوري الإنجليزي تسع مرات
كاس انجلترا خمس مرات
كاس الدوري الانجليزي مرتين
الدرع الخيرية خمس مرات
دوري أبطال أوروبا مرة
وكاس العالم للأندية مرة


وممكن هالسنة يفوز بدوري أبطال أوربا والدوري الإنجليزي
وفوق كل هذا طلع برشلونه خالي الوفاض

يعني صج صج شخصية الإسبوع

السير أليكس فيرغسون
مدرب مانشستر يونايتد
ولا عزاء لبرشلونه
:)


28 comments:

Bad-Ran said...

سالفة الأبراج القابضة يقولون داش فيها احمد الفهد . جنه شريك جمول ؟!

بس مو متاكد صراحة

الثائر said...

انور جواد مشى على الموضة اللجية على قولة الحفيتي حطيت لحية لانها تنجح

قانون حظر استخدام النقال اثناء القيادة حالة حال كل القوانين 3 ايام التزام +3 ايام تشديد بعدين يطبق على المشتهى من قبل رجال المرور على السائقين

وخصوص دبدوب حتى لو يثبح مراح يصير عليه شي على قولة الشاميين
هذا دبدوب مو حيلة

احمد القهد ضاقت فيه الوسيع بالامن الوطني وظف كل معارف معارفة عندة بالجهاز وخلصت الغاية من الجهاز يبي شي ثاني

حدس وابناء الكويت الحدسيين اذكياء لمجرد تحولها قضية اهم الربحانين وسيحكم لهم بالتعويض

جمال الكندري كاي شخصية اخونجية التجارة اولا و المال قبل التجاره

ما بخصوص حضور الندوات مثل منتي عارفة الكويتين اهل هبه و الحين هبة انتخابات و عشاء ببلاش

السير الكس فيرغسون ليس شخصية الاسبوع وانما شخصية 22 عاما الماضية

Anonymous said...

صج شخصية الاسبوع .. بس ظلمتيه المفروض شخصية العشرين سنة اللي طافو بالقدم

Ibn-Seena said...

احسن شي إن كل المرشحين يلتحون، و كل المرشحات يتحجبون علشان لا يصير الشكل اهو المقياس، و لكي لا تتخذ اللحية وسيلة للظهور بحلة الإيمان و التقوى!

مكوكس said...

يا ليت أحد يسوي أحصائيه عن نسبة الحموضه و الأكتئاب قبل و بعد الأنتخابات

ZwaiZ said...

ana men ziman gayil eli yabi domain name khal yakhtha men barra o yedfa3 cash 7ag 5yrs 3ashan la 7adas wala ghairhoum ye6li3oun ab6al 3ala afana bas yakfi ena esalfa hazatHoum hal cham yoom o 3ala 6ari shakhsiyat lisbou3 inshallah ana raye7 Moscow 3ishreen eshahar 7ag el-final bas wagif 3al game ticket chena al7een ill try to find u one hehehehe ;)

Mohammad Al-Yousifi said...

:(

2-0

بوشملان said...

اول شي احنا بلد مؤسسات يعني اللي يتهم انسان بدون دليل يتحمل الاجراءات القضائية اللي اتم في مواجهة

وبعدين الموقع ماقدم ولا دليل فلا تلعبين على عقول القراء لوسمحتي

تكفين انا ابي اشوف دليل من الادله اللي قدموها

ما ابي اطول عليكم
اول دليل لصحة موقف عبدالعزيز الشايجي



http://m3m3ah.blogspot.com/

وقريبا باقي الادلة

بوشملان said...

بعدين نسيت اقول ان الشباب الي على قولتج حطو ادلتهم

اذا كان هدفهم الاموال العامة والمحافظه عليها ، ليش ماقدمو مستنداتهم للنيابة ؟؟؟

ولا بس تشويه علشان الانتخابات ؟؟؟
ابي جوااااااب

الثائر ليش زعلان ان حدس وابناء الكويت الحدسين اذكياء وان تحويل الموضوع لقضية فيها ربح لهم ؟؟
اذا كانوا اعضاء حدس ذمتهم نظيفة القضاء سينصفهم ويعوضهم

ومن اتهمهم له الحق في الدفاع عن نفسه بالمستندات والادله اللي قالت عنها بيت القرين !!!

دليل براة الشايجي الاول على
http://m3m3ah.blogspot.com/

Eng Q8i said...

حجي لو إن مدونة ابناء الكويت
لو إهي قد الكلام إلي كانو اهم مصدره وسبب انتشاره جان ما سكرو موقعهم وسحبو كلامهم
بعدين
الرد قاعد يتداول عن طريق الشايجي والصانع بالدواوين وابشرك ترى شعبيتهم

Anonymous said...

اللي تغلب به العب به
به به به ....
تبون لحية حاضرين بس انجح و تكمل عدة الوجاهة و خدمة الوطن...طن طن طن
اذا السالفة لحية بس ....ياغالي و الطلب رخيص ...خيص خيص خيص..
و عاش مرشحنا ....اللحية الغانمة ....مرت غانم.

Anonymous said...

عاااااااااااااااااااااااااش

عبدالله
بوفتين

= )

Anonymous said...

أخ بو شملان,

دليلك هذا يذكرني براس واحد من الربع اللي ما فيه و لا شعره, ترى التصريح للجرايد ببلاش و ما يعني أي شي و حنا بانتظار باقي الأدله اللي راح تطلع يوم القيامه الساعه 4 العصر ان شاء الله, و بعدين حنا لو في بلد مؤسسات كان نص ربعك هذول مالوت حدس يقشرون بطاط و يشربون عدس بالمركزي, ترى الناس ملت من سوالفكم و رداة نوابكم و دانه عداها العيب و اللي بالجدر يطلعه الملاس

Z.

فريج سعود said...

اي هذي البوستات السنعة
والله انج تعرفين تقدرين الرجال

Anonymous said...

tara el 9ani3 ta9aroofah kan zain o 3aqiil bedal le6awalah ga9 el
7ag men nafsa o sajal qathiiya o ele lah 7ag eb ya5thah enshalah :)

shoofay salaft sha59eyat lesboo3 kelish ma yazat le hal mara ana
7adii nadi el qadsiiya o em7amad ebrahim ;p

o mara wa7da mabrook el fooz o foozna 3ala el 3arabi lah 6a3am thaniii a7la men el Fondue mal chocolate bar :)

Allah ya36eech el 3afya :)

MARSHAL Q8 said...

خل نرتاح من سوالف الانتخابات شوي ..


GLORY MAN.

حقيقة .. السير خيالي

kuwaitforus said...

بدران
ماصار احمد الفهد ، انا خايف ان سيارتي باسمه
:)
اما موضوع المرشحين ف الخوف كل الخوف لاينجحون ويطيح عبدالله الرومي

Anonymous said...

المعلومات تؤكد أن الشريك الجديد فى شركة الابراج هم مجموعة الخرافى ممثله بلؤى الخرافى ولديهم مشروع فى الفلبين بالاتفاق مع عدنان خاشقجى ،اللى ماأدرى وين لقوه، وكان فى الكويت قبل شهر ورتبوا له لقاء مع رئيس الوزراء. اما بالنسبه لشخصية الاسبوع السير الكس فيرغسون فهل بالامكان أقناعه بأستلام منصب رئيس الوزراء فى الكويت لمدة سنه واحده فقط،لعل وعسى

Anonymous said...

ما شاء اللة عليج


وانور بوخمسين لا استغرب علة اي شيء ابدا

Anonymous said...

عزيزتي
ادعوك لحضور ندوة الرومي اليوم ....لازم نوقف مع هالشخصيات عالاقل لا يتلونون مع حالة الجو....دعوة لاثبات الموقف لصالح الكويت .....

ديرة بطيخ said...

حتى انتي دانه..... مع الخيل ياشقره

عطيني اثبات واحد حطوه ابناء الكويت؟

اذا اليوم معتذرين للمتضررين وان الي انشر ماعندهم علم فيه

ونتي يايه تدافعين عن ناس معترفين بخطأهم...
الله يعين توقعتج اتوضحين او اترقعين حق مو بس ابناء الكويت حتى الي سوقوا حق الموضوع مثل أم صده وساحة الصفاة بس اعتقد كلام بوصالح صاحب مدونة فريج بوصالح صحيح وطلعتي انتي منهم للأسف

سلام

بوشملان said...

اضحك مع اللي اتهمو الشايجي بمشروع ترشيد

صج حبل الجذب قصير

ما اطول عليكم !!


http://m3m3ah.blogspot.com/

التعليق حق الحبيب اللي يبي دليل :)

بيت القرين said...

بدران
لا ما يصير مو احمد الفهد هذا جمال حسني مبارك

الثائر
كل اللي قلته صح

انو
لا كافي اسبوع
يكفيه ان اول شخصية مو كويتية تفوز بشخصية الاسبوع

ابن سينا
هم فكرة

مكوكس
ليش احصائية من الحين اقول لك
100%

زويز
اعتقد ان السالفة المتعلقة بحدس والصانع والشايجي تحتاج اعادة نظر
وقد تحتاج الى اعتذار لهم
بس خنشوف اليومين القادمين
وبالنسبة للتذكرة ما اقول لأ
براد ووناسة مرة وحده

مطقوق
ما قمت استانس بفوز القادسية على العربي صار من المسلمات
:)

بوشملان
اعتقد انك مصيب بكلامك
ويستحقون الاعتذار في هذي القضية بس هذي القضية مو صك براءة لحدس طبعا من مواقفهم السيئة على مر التاريخ
لكن بالفعل على هالموضوع يستحقون منا الاعتذار لعدم وضوح الادلة بشكل كافي ولقوة حجة حدس

شاهر
نفس الرد اللي قلته حق بو شملان اقول لك ياه
بس سالفة شعبيتهم تزيد هذي صعبة
الكل عارف تخاذل مواقفهم

أنو
عاش
:)

أنو
عاش بوفتين عاش
بس ليش ؟
يعني كل واحد يقول اي اسم ولا شنو بالضبط؟

أنو
كل يوم في قضية ترشيد قاعد تتضح الصورة في صالح حدس
ومو معناته انهم اصلاحيين
لا ابد
بس الظاهر ان في هذي القضية براءة
راي شخصي ممكن يكون غلط وممكن يكون صح
والايام تبين

فريج
اشكره تشجع مانشستر

النوخذه
الحين صرت اتفق معاك بعد اجراء موقع ابناء الكويت اتضحت الصورة
انا ما اتابع الكره بس نهائي حق القادسية ممكن اطالع شوط
بس ما احب برشلونه وعشان احرهم شوي حطيت فيرغسون شخصية الاسبوع
وهم الريال يايب اشياء وايد
:)

مارشال
مبروك

كويت
ان شاء الله المرشحين الوطنيين يفوزون وثبت موقف
:)

أنو
تسلم على المعلومة
واذا فيرغسون يصير رئيس وزرا خل ييب بيكهام معاه
:)

حسافتج يا كويت
اي لا تستغرب
مو يديده الوصول باسم الدين والتدين

انو
ان شاء الله اليايات

ديرة بطيخ
اقرا الردود على بوشملان وراح تعرف موقفي الحين
ما استحي من الاعتراف لا تحاتي
:)

Anonymous said...

لاحظت أن كثير من المدونين وأنتي منهم يا دانه تندفعون وراء تأييد أو تجريح أي انسان نتيجة ما ينشر في بعض المدونات دون التحقق من المعلومات المنشورة

هدو اللعب ترى الركادة زينة ولا تنسون ان احنا بوقت الأشاعات الملازمة للأنتخابات
يعني ما لازم نظلم بختنا
: )

أشاعة قوية تقول أن النادي العربي يفكر جديا بتغيير أسمه الى نادي ليفربول

mantovani said...

بيت القرين

ودي اشرب معاج قهوة !!


مانتوفاني

Anonymous said...

اول شي على راسي السير لانه يستاهل شخصيه 22 سنه مو اسبوع
وثاني شي بحكم قربي من المرشح انور جواد بوخمسين ( بوجواد).اللحيه اهو حاطها من زمان من سنه تقريبا ..ومو عشان شي عشان قالو احلى عليك اللحيه ...واتوقع اللي قاله ام جواد :)..وبس حبيت اوضح هالشغله

weld eldeera said...

للي قال إن أبناء الكويت أخطأوا.. نعم أخطأوا لما نشروا موضوع ماهم قدّه... و أخطأوا أكثر لما شالوه... و أخطأوا أكثر و أكثر لما اعتذروا!!

لما الأخ إللي بمدونة معمعة يحطلي تصريح رئيس جمعية المهندسين بأن كان أكو مناقصة و رست! هل رست عن طريق ديوان المحاسبة و لجنة المناقصات المركزية؟؟ هذا سؤال يستحق الإجابة...

وين راح سؤال الصرعاوي عن آلية إرساء هالمناقصات اللي يتم فيها تحويل الميزانيات من وزارة إلى جمعية نفع عام؟!؟ ليش قال الصرعاوي إن هذا شي خطير و التفاف على القوانين؟؟؟

صج.. لي طاح الجمل كثرت سجاجينه! و الضحية أبناء الكويت اللي كانت غلطتهم جايدة إنهم شالوا الموضوع... حياكم في مدونتي للمزيد من التساؤلات و علامات الإستفهام على مرشحي حدس!! و بالذات موضوع ترشيد و ما يتبعه!

Anonymous said...

اكره شي اسمه كرة قدم
--------
ماعدى المنتخب وجني بكره اصلا
;p