24/04/2008

حرّة إسبوع + أستاذ + شخصية الإسبوع


أدري ولهانين علّي وايد

بس هالاسبوع كان مرهق على الصعيد العملي وخلاني أتأخر في تنزيل البوست

عموما هالمرة البوست طويل وقسموه على اليوم والسبت

وخل نبدى بمعلومات هامة

هل تعلمون إن أحمد الفهد هو من يقف وراء الفحم المكلسن والتي يسميها سرّاق المال العام بسرقة؟؟؟؟

هذي اشرحها لكم بعدين

المعلومة الثانية

تدرون إن شركة أديداس كانت بدايتها عن طريق إخوين ألمانيين تهاوشوا

واحد كمّل مشواره وأسس أديداس

والثاني تهقون شنو سوّى

ما سوّى شي بس فتح له ماركة رياضية ثانية اللي اهيا بوما

من يقول عندهم فلوس

هذا بند المعلومات

الحين نروح على بند السؤال

قرينا عن ألف طريقة للإنتخابات الفرعية

اللي بالتكاسي واللي من مصر واللي من باريس

انا ودي أفهم شي واحد بس

ليش الكويتيين أحسن ناس بالغش والحيل

يعني أحدث طرق البراشيم والغش كويتية

دام عندكم هالافكار وهالاساليب اللي بعضها الكثير ذكي جدا ليش ما تستغلونها حق التطور مو الجرايم؟؟

الحين قبل لا نبلش بمواضيعنا المهمة خلونا نروح حق المليق بس نقضي عليه ونرد

المليق كاتب مقالة أمس ينتقد شعار التحالف

خنشوف شيقول

هل الأمل الذي يقصدونه بـ»الدندنة« و»الطنطنة« على الحفاظ على الحريات العامة، ثم الهروب وعدم حضور مهرجان التنديد بقانون التجمعات.. الذي اقيم قبل اسبوعين في ساحة الارادة ؟! ثم وصفه بالفشل في صحيفة التحالف الوطني ؟! لكي لا تزعل الحكومة الرشيدة

عدم الحضور لمهرجان الخونة اللي مادعوا فيه احد يبون يحققون الانتصار باسم الامة امر وعدم التنديد أمر ثاني

هذي أسيل تندد

وهذا الخالد

وهذا الراشد

وهذا الشايع

يعني حتى تايسون ما يطق مثل ما طقيتك وكشفتك لانك وايد سهل

نكمل مع المليق

ام الأمل الذي يتحدثون عنه، يكمن في نهب اراضي أملاك الدولة.. كأرض المدينة الاعلامية، المطلة على الخليج العربي مباشرة، وبثمن بخس، تحت دعوى انشاء مدينة اعلامية لشركة تحت التأسيس ؟! ثم تأجيرها على فضائيات وفنادق ومطاعم ومحلات تجارية.. وربما نواد صحية لزوم المدينة الاعلامية ؟

أراضي أملاك الدولة والمدينة الإعلامية

ممكن تقول لي وين ارض المدينة الاعلامية اللي تدعيها حدد لي عالخريطة وين ارض المدينة الاعلامية؟

إنزين شتقول عن رد وزير البلدية اللي قال

وزاد الصقر انه فيما يخص المدينة الاعلامية ان الارض لم تخصص لنا في المقام الاول وقرأت جملة استفزت ناصر الصانع وهو سؤال برلماني لوزير البلدية وجوابها ان البلدية لم تخصص ارضا للمدينة الاعلامية لانها - اي البلدية - لا تخصص ارضا فقط للجهات الحكومية

هذا اقتباس الصقر من رد وزير البلدية

نكمل مع المليق

ما علينا، قبل أسابيع من حل المجلس طرح الاخ علي الراشد، اقتراحا لإلغاء قانون فصل الاختلاط في الجامعة.. واقام الدينا ولم يقعدها على هذا الاقتراح »السخيف«، وعندما حل المجلس، واضطر ـ او اضطروا ـ لتنظيم ندوة انتخابية، وضعوا فاصلاً بين النساء والرجال ونشروا صورته في الصحف بلا احترام لعقل القارئ

الندوة عن التعليم المشترك صارت بالجامعة الامريكية ماهي من تنظيم التحالف

بس الطلبة لانهم يعرفون منو يتكلم باسمهم طلبوا نواب التحالف الحضور والتحدث بالندوة والفاصل اللي تقول عنه هذا من ادارة الجامعة وانت تدري بس تبي تجذب لانك انسان متدين

وقبل اشهر ايضا كان الشيخ احمد الفهد رئيس جهاز الامن الوقائي في نظر التحالف الديموقراطي.. سبب جميع المشاكل في الكويت، ثم وبقدرة قادر يصبح مؤتمر جريدة الجريدة، لمناقشة الاوضاع السياسية والاقتصادية والفنية برعاية او حضور الشيخ احمد الفهد

اول شي مو الوقائي الوطني هذا واهوا المعزب والسمي ومنت عارف منصبه

ثاني شي تدري ان مو برعايته

بحضوره

هذي جريدتك تسب التحالف ومقابلة اسيل اليوم، شلون ؟؟؟؟

ولو كنت في الدائرة الثانية وسُئلت هل تمنح التحالف الوطني الديموقراطي صوتك؟ لأجبتهم بالكويتي الفصيح »مالكم أمل

مرشحين التحالف لازم ينسحبون المليق ما راح يصوت

بس فرحتني الصراحة من زمان مو فاضحه احد بهالقوة

:)

الحين نسولف عن الفحم المكلسن اللي صار لهم سنة وشي يحنّون عليها جريدة الفتن
طبعا كل المعلومات ماخذتها من مدونة الدائرة الثالثة وحفظا لحقهم الأدبي
خل يعذروني بس أنا ادري أن هدفهم إهوا نشر الحقيقة ولا يهمهم وين تنشر بقدر إن تنشر الحقائق
السالفة وما فيها إن بيت الاستثمار العالمي "جلوبال" وبطلب من مؤسسة البترول الكويتية أعلنوا عن خصخصة مشروع الفحم المكلسن بالكامل هالكلام بسنة 2002 وحطوا وقت لتقديم العطاءات وغيرها
أحمد السعدون استغرب من هالسالفة
قام ب 28-12-2002 ووجه سؤال حق وزير النفط بالوكالة بذاك الوقت أحمد الفهد يقول فيه
إن مؤسسة البترول صرفت مبالغ كبيرة على دراسة المشروع والاعداد لها
وفجأة طرحوه للقطاع الخاص
فكان سؤاله ليش صار هالشي
وهل مؤسسة البترول قبل لا تعطي الفحم المكلسن للقطاع الخاص طرحت مناقصة على نفس المشروع
قوم يا احمد الفهد وطنّش السؤال
قوم يا أحمد السعدون ورد اسأل نفس السؤال في 22-7-2003وطبعا رد عليه أحمد الفهد بشهر 5-2004



يقول أحمد الفهد إن الخصخصة بالفحم المكلسن لها دور ايجابي وتحقق المطلوب وبالفحم المكلسن في منها فايده

هذا كلام أحمد الفهد

وزير الطاقة بذاك الوقت

إنزين ألحين الوطن وكتابها ومطبلينها عندهم قناعة ان الفحم المكلسن تنفيع حق اصحاب النفوذ

والفحم المكلسن الحكومة عطته هدية حق ولد احمد السعدون

واحمد السعدون ماكان عاجبه الوضع

بس احمد الفهد اهوا اللي كان عاجبه

يعني اللي يتحمل المسؤولية المباشرة على التنفيع اللي يعتقدونه الوطن بسالفة الفحم المكلسن

اهوا احمد الفهد الاحمد الصباح

وبما ان عندنا المرشح الفذ يكيكي بالدائرة الاولى اقترح عليكم ان اي واحد يسئله عن هالموضوع ويشوف شيرد عليه

هل احمد الفهد يتحمل المسؤولية او لأ؟؟

اللي يبي يتعرف على التفاصيل بالصور يروح يزور مدونة الدائرة الثالثة ويعطيهم العافية على شغلهم

الى الآن فريق أحمد الفهد خسران العديد من ابواقه بالانتخابات وقبل الانتخابات حتى

وليد العصيمي - احمد الشحومي - غانم الميع - سعد الشريع - مبارك الخرينج والفال للباجي

اي على فكرة برنامج الوشيحي جميل خاصة حلقة جمال العمر والمتابعة بعد الحلقة وشلون فضحوا مواقفه الداعمة لأحمد الفهد على الرغم من إن يجذب يقول لأ

بس حلقة السنعوسي وبن طفلة كانت تعيسه جدا واعتقد إنك فشلت فيها يالوشيحي الى أبعد حد

وبالنسبة لقناة نبيها تحالف

انا الصراحة مو عاجبني ان بس تقابلون ربع التحالف لأن بالنهاية احنا مو لازم نكون بإعلام أحادي الاتجاه نفس الأنظمة العربية نبي اختلاف نبي طرح متنوع

عشان لا يصير الموضوع تطبيل وبس

الحين ندش بموضوع الأستاذ

وامام هذا المشهد الغريب غير المسبوق في ممارساتها السياسية فانني لا ارغب ولا اريد ان يكون ترشيحي في الدائرة الاولى عاملا في ارتباك او تعميق الخلاف او تحوله الى صراع في صفوف التيار الوطني واصدقائه ومؤيديه مهما كانت فرص النجاح كبيرة

لذلك فاني ألتمس العذر من الاخوة والاخوات، الذين اتصلوا بي أو عقدوا معي الاجتماعات واللقاءات المتواصلة طيلة الفترة، الماضية والدواوين التي زرتها وابدوا ترحيبهم وتقبلهم بل وحماسهم لخوض المعركة الانتخابية في الدائرة الأولى ومجاميع الشباب رجالاً ونساء الذين ابدوا الاستعداد بل الاندفاع والشوق للعمل معي في حالة الترشح وكذلك الشخصيات الوطنية والاجتماعية التي التقيتها، طالبا المشورة والنصح منهم جميعاً أقول بكل تواضع وبكل خجل سامحوني، اذا كان قراري جاء خلافاً لتمنياتكم ومخالفاً لاقتراحاتكم ومطالبكم


هذا الكلام لا يصدر الا من رمز وأستاذ يستحق رفع القبعات تقديرا للي يسويه

بومحمد كفيت ووفيت وكلنا مع الحق وأصحابه

بالفعل عطيت درس بالإيثار بداية من تنازلك بالدائرة الثانية للدماء الجديدة

وبعدين قرار عدم خوض الانتخابات بالدائرة الاولى على الرغم من التقبل الكبير لشخصك الكريم

يعطيك الف عافية وبالفعل استاذ اعطى للقوى الوطنية كلها درس في الوحدة وعدم شق الصفوف

شخصية الإسبوع

تابعوا وإجتهدوا وإن شاء الله يستمرون على هالمتابعة والسعي لملاحقة مجرمين الانتخابات

شكرا وزارة الداخلية على المجهود وللإمام في تطبيق القانون

19 comments:

elda2era elthaaltha said...

شكرا عل النشر :)

و فعلا إحنا ما يهمنا نشر عنوان المدونة كثر ما يهمنا نشر الحقائق :)

أخوانكم/ أبناء الدائرة الثالثة

Bad-Ran said...

شوفي برنامج احمد الفهد المليق بالوطن .. بعد الأكل

بعد جبدي النيباري

kuwaitforus said...

الله يسامحج انا كاتب موضوع الفحم المكلسن وقصته الكاملة في
10/4/2008
وماذكرتيني
؟؟؟
هذا وانتي مساعدتني بعد
:(
هذا الرابط للموضوع
http://kuwaitforus.blogspot.com/2008/04/blog-post_10.html

Anonymous said...

اففففففففففففففففففففففف

Mohammad Al-Yousifi said...

انتي شخصية الاسبوع على هالبوست

Q80 Blogger said...

بسم الله الرحمن الرحيم

نبلش؟

بلشنا

بس تبي تجذب لانك انسان متدين
هذي الجمله غبيه الصراحه
ليش الجمع؟
اشهل منطق؟

يعني بتنشرها انت؟
هذا متدين .. هذا جذاب؟

اشهل حجي


انا عندي تعليق بس على المليق على الي تفكيرهم حجري


أول شي تكلمت عن التجمع الي صار بساحه الإراده
انا انسان عايش بكندا وصلي خبر التجمع والمكان والزمان
شنو تقصد بالدعوه بفهم؟

ليش يوم كانت تصير تجمعات نبيها خمسه كان في دعوه رسميه توزع بالجرايد؟
ولا اهي تحركات من القوى السياسيه المتعدده بالكويت

لو تشوف التجمع .. الحضور كان من الكل
الشعبي .. حدس .. السلف .. القبائل
الكل !!

هذول يعني حصلو دعوه وربعكم لأ
شنو يعني دعوه ؟

خلك عقلاني


نكمل مع المليق على التحالف

المدينه الاعلاميه
تدرون ليش مانقدر نأشر عليها بالخريطه
لأنها فضيحه ماتكفي الخريطه
وصادوها
وفضحو الحراميه
وراحت عليهم

صح الوطن ازعجونا فيها واهي خلصت من سنه يدتي

لكنها بوقه
وصادوها

راحت عليك يا الصقر .. ودور غيرها انت وتحالفك


نكمل مع المليق؟

اوكي .. الاختلاط

بالله بذمتكم هذي قضيه خابينا فيها
لي قبل جم يوم واهما يتكلمون فيها
وللأسف .. راح اتكلم التحالف وايد هل قضيه
والانتخابات بينا


نكمل مع المليق على التحالف؟

خلاص ولا تزعل
بحضوووووره

رقعتها يعني؟

لو حدس مسوين جذي .. جان اشصار
خونه صح؟

الخونه اهما الي يردون الحراميه للساحه السياسيه ويرزونهم بمحافلهم

اوف .. كويتي بلوقر .. ليش تقول حراميه .. ومنو تقصد؟

الي قال الحراميه اهما التحالف ويقصدون احمد الفهد .. ولا نسينا

انا قمت اشك اهو معزب منو .. خصوصا واهو طايحله ضحك مع الصقر في الجريده

اشلون حرامي .. وقاعد يمهم وعنوان الندوه .. مستقبل الكويت

مادري اتصدق !!!

يمكن كل ليبر جذاب .. على منطق صاحبنا؟


وحشاهم ربعنا .. عن الجذب
بس الي يمثلهم اهو الجذاب والمتلون
ولا احنا مانجمع
بعض الناس اهي الي تجمع


اما بالنسبه لمقابله أسيل !!!

هههههههههههههههه

ليش اتييب الطاري؟؟؟؟؟؟؟؟

هذا اصلا مستمسك على المتلونين ربع التحالف

الحين انتو تسبونهم 24 ساعه

وقبل فتره بهل مدونه تطالبون القوائم الطلابيه مقاطعه الوطن

والحين انت بنفسك .. اتحط المقابله

اسيل لو تحترم عقلنا .. جان ماسوت المقابله

مو انتو الي تنتقدون كل الي يكتبون بالوطن والي يعلنون فيها؟

لو مقابله مع احد من تفكير ثاني .. جان صارت فضيحه

بس مالومكم .. جريده المعزب .. الي تبونه ينشهر ويضل
تدرون ليش؟

لأنهم ماكو قضايا تتبنونها غير هل بوقات
صرااااااااخ
وانتشرتو

لولا علي الخليفه .. جان ماكو تحالف

معزبكم

ويا فرحتي من زمان مو شايف هل مدونه تفضح روحها بهل قوه



ونصيحه
بسكم تلون

يعني تفضحون أحمد الفهد وانتو ربعه
والادله انتو الي حاطينها فوق
ندوه بالجريده ومقاله بالوطن
وماخفي أعظم


والله أعلم

MFTELET said...

الله يعطيج العافيه ,, الله يهداج لاتقاطعين نبي تواصلج بالكتابه لنا وعساج على القوه ,, وبعد الاخوين

elda2era elthaaltha
kuwaitforus

علي مجهودهم لتوضيح الحقائق

Anonymous said...

Tadreen law ana mas2oolich o adrii ena el sheqiil eb ya7riim el quraa2 men ketabatiich el wayed 7elwa chan
3a6aiitich ejaza maftoo7a o la
ba3ad foughaa badal tadween :)

o 9ara7a bo em7amad kafa o wafa o
3asah 3ala el guwa o zain yat mena :)

tabeen el 9ej abyaakh qanat nabeeha ta7alof 9ej 9ej etmalel el moshahid !

9ara7a el barnamiij el entii5abi mal el ta7alof wayed momtaz ela shaiyaiin ehma el a7zab sheno yaboon lekuwait et9eer methil lebnan o ma9er o baji el dewal ana 7ezbi chethi o 7ezbi chethii la youba e7na kelna 7ezbna lekuwait la a7zab wala ba6ee5 !
o Thani shay Taw7eed el jensiiya men 9ejhum hathool sheno taw7eed el jensiiya bedal la e6alboon eb fat7 malaf tazweer el jensiiya
e6alboon eb taw7eedha !!

el dakhliiya yestahloon o 9ej tewafagtay bel e5teyar hal mara methil kel mara :)

3asach 3ala el guwa o asef 3ala
le6wala :)

فريج سعود said...

سؤال
هل لعبدالعزيز احمد السعدون علاقة من قريب او بعيد في موضوع الفحم
لانه حسب علمي السعدون نفى علمه بعلاقة ابنه بالموضوع ولم ينفي العلاقة من الاساس
وقال هي حرمنة سواء كان ابني بها ام لا

Anonymous said...

يكيكي مسوين وياه لقاء على سكوب قبل كم يوم ليش ماتكلمتي عنه
بعدين شلون لج نفس تقرين جريدتهم وخصوصا احمد الهفد

Anonymous said...

استاذ يا بو حمَوود, انا عرفت الموضوع منك يوم نقعد و نسولف فيه و اشهد ان كلامك سليم, و الله يسامح اللي في بالي, قامت ما ترد على التعليقات و كبر راسها علينا... ترى الكبر لله

:(

Z.

أنا كويتي said...

وليد العصيمي - احمد الشحومي - غانم الميع - سعد الشريع - مبارك الخرينج

نبيها 5....صناعة المستقبل, اليوم

وإحترامات للنيباري

Anonymous said...

نورتينا الله ينور لج دنياج

بيت القرين said...

الدائرة الثالثة
يعطيكم العافية وعساكم عالقوة

بدران
انت شوفي اللي فيني يكفيني

كويتفرس
أنا آسفة وايد وراح انوه على هالشغلة
الكبر شين
:(

أنو
أفف

مطقوق
أخجلتم تواضعنا

كويتي
أنا صج ما افهم انت شلون تقرى المواضيع
بس أمرنا لله نرد عليك

الموضوع ماكان تعميم الجذب على المتدينين كان سخرية من إدعاءه للدين وامتهانه الكذب
اذا ما كنت فاهمها جذيه كاني شرحت لك ياها

أنا إنسانه بالكويت ما وصلتني الدعوه شلون يعني

وثانيا دام حدس والسلف والقبايل ومادري منو شاركوا بهالاعتصام
ليش ما كان فيه احد؟؟؟

الا قلت لي ما تقدر تحدد مكانها بالخريطة لأنها أكبر من خريطة
لا انت بس قولي لي مكانها بس مابي شي ثاني واقتنع
حدد موقعها بس مابي اكثر من جذيه

قضية التعليم المشترك دندن عليها تيار الاسلام السياسي من السبعينات ليما 96
لكن لما انطرح الراي المعارض استخفوا بالقضية
عموما انا بالنسبة لي حرية اختياري للتعليم مسألة رئيسية اذا انت تشوفها تافهة هذا رايك

بالنسبة لمقابلة أحمد الفهد كانت من باب التعددية بالاطروحات
ونفس الندوة ايضا استضافت فواز السمار واهوا ايضا يتبنى توجهات رياضية معارضة لآراء جريدة الجريدة لكن من باب التعددية وفتح المجال للرأي الآخر اذا تعرف هالشي؟

وعلى اسيل أنا طبعا ما يعجبني تعاون اي احد مع الوطن اسيل او غيرها
انا كل اللي اقوله ان الوطن تنتقد التحالف وتقابلهم وهالامر مافيه شي

بس اللي صج استغرب منه انك جذيه متصور انك رديت علي وسكتني
اكيد تتغشمر
لأن اللي يقول احنا تابعين احمد الفهد اكيد يتغشمر

مفتلت
الله يعطيهم العافية

النوخذه
اذا انت مسؤول بشركتك قول لي خل اقدم عندكم
:)

بالنسبة للأحزاب اللي يطالبون فيه التحالف تقنين للتيارات السياسية القائمة حاليا
وبالنسبة لتوحيد الجنسية اعتقد إن ماله داعي نميز بين جنسيات الكويتين

والله يقويك

فريج سعود
أعتقد إن له علاقة بس ماني متأكده

أنو
علاقتي بالتلفزيون منقطعة صار لها فترة بسبب الدوام

أنو
والله مشغولة سامحوني

أنا كويتي
الفال لبقية الشلة

أنو
أجمعين يا رب

فتى الجبل said...

الجلاب تنبح
والقافلة تسير

Anonymous said...

Yaaah Hathi el sa3a Lembarika :)

Sem3ay Bel Nesba lel a7zab ana adri enha mawjooda wel mo6alaba enha etkoon eb 6areeqa qanooniya lakin ya dana ana eb wejhat nathari ena el a7zab ra7 etfarig lekuwaityeen o ana ma wedi ena hal shay e9eer, bacher el salaf lehum
7ezb o el e5wan lehum 7ezb wel
shee3a o rabi3 el ta7alof o
jema3at el minbar o bet9eer el dera loya o kel men lah 7ezb o ra7 etiifarigon ahal lekuwait hatha etha ma 6ala3 7ag kel qabeela 7ezb ba3ad :)

o mawthoo3 taw7eed el jensiiya tara ahal lekuwait gabil kan maku la naf6 wala kahraba o gabil senat 1930 ahal lekuwait kanaw aqal min 60 alf o hal shay el kel yadrii feeh lakin ahal lekuwait ekriifaw o hadaw ahalhum o safiiraw bel ashhur ma eshoofon ela el sema wel ba7ar o 5ashab el boom
5a6iiraw eb anfoshum lakin anjiizaw sawaw lekuwait aham
ma7a6a tejariiya bel khaleej o
ma3a el ayam yahum el
naf6 wel khair o ham zadaw el nas o el youm we9al el te3dad foog el malyooon fa ma etshoofen ena el jensiiya el ola ele tathbit ena hal ash5a9 mo2aseesen lel kuwait takreem lehum o 7ag abna2hum o
rab3ina yaboon ya7riimonhum men hal takreem wala 3aib :)

allah ya36eech el 3afya :)

Anonymous said...

حلمت أن النيباري أعلن أعتزاله عن قيادة المنبر الديموقراطي لصالح الصف الثاني من الشباب

صج كابوس !!!!!!!!!

اللهم لا تغير علينا

: )

Anonymous said...

يعطيج العافية بس ما علقتي على الراشد يوم غير رايه .. ما عليه أنا عليمي بالسياسة لا أفقه شي .. تره من صجي ما أتطنز .. بس ماشاءالله ردج كان وايد قوي ومنظم ومنسق عجبني وايد .. بس غفلتي عن الراشد يوم غير موقفه وسواه نفس دبابتنه نورية الصبيح حاب أقره تعليقج :)

Anonymous said...

http://www.alwatan.com.kw/Default.aspx?MgDid=624210&pageId=43

check it
looooooooooooooooooooooooool