04/04/2008

صفحة 16 + شخصية الإسبوع


شلونكم؟؟؟

أول شي

close@hotmail.com
m9la7a@hotmail.com


هذيل الإيميلين

لقيتهم على سيارتين بالشارع

وعشان أوفر عليهم الفرارة بالشوارع عشان ينشرون ايميلهم

قلت أنشرهم لهم هني اريح لهم وأفر عليهم بنزين
:)


ويستمر تحالف الخونة مع اللصوص

ودام الكاتب المليق أحمد الفهد موجود بالندوة عيل خنشوف مقالته امس

وشيقول ببدايتها

من اهم انجازات النائب السابق وليد الطبطبائي في مجلس الامة المحلول.. قانون منع التشبة بالجنس الآخر، والذي نص على عقوبة كل من اتى فعلاً فاضحاً، او تشبه بالجنس الآخر في مكان عام

الحين إنت قاعد تمدح وليد ولا تتطنز عليه ما فهمت؟؟؟؟
والله اني كنت ناطره تحط ابتسامة بآخر الجملة

يعني صج إنت تشوف إن هذا من اهم الإنجازات؟؟؟

خليف إنت متى تتأدب يعني؟؟

أخبار عن غضب شديد من سعد البراك واعضاء مجلس ادارة زين على خليف

لأن يروح اجتماعات مجلس الادارة

ويطلع يفتن على طول ويقول شصار بالاجتماع

لا وساعات ينشر الاخبار بجريدته بعد

مما أدى إلى أنه أكل زفة معتبرة من مجلس الإدارة في الإجتماع الأخير مما جعله لا ينشر اخبارا خاصة متعلقة بزين إلا بعد نشرها من مصادر إخبارية أخرى

وآخرها خبر حصول زين على رخصة النقال بالسعودية اللي نشرها امس الخميس

وكان مصدرها كونا -السعودية

يوم الأحد اللي طاف وتحديدا بصفحة 16 بجريدة الفتن كانت الصفحة ملغومة جدا جدا

والصراحة إستغربت من عدم تطرق المدونين على الأقل المدونين اللي أنا أتابعهم حق هالصفحة تحديدا

وهذا بعض اللي نشر بهذيك الصفحة



عسكر العنزي يقول ان ما خرج عن مشورة القبيلة واللي يقول انه خرج عن مشورة القبيلة يهدف للتكسب الانتخابي

بمعنى ان الخروج عن منهج الفرعيات يؤدي الى الخسائر الانتخابية وعاشت لنا الكويت

إي عسكر العنزي مرشح صاحب برنامج ورؤية ثاقبة وأنا أعطيكم الدليل

تدرون شنو رأس أولوياته بالإنتخابات؟؟؟

واوضح ان زيادة الخمسين ديناراً سوف تكون على قمة الاولويات

قمة الأولويات بعد يعني هذا أعلى شي يسعى له
إنزين إذا هذا أعلى وقمة الأشياء اللي تسعى لها شنو الأشياء العادية
صبغ مجلس الأمة؟؟

وعاشوا أهلها

هذا عسكر احد أبطال الصفحة 16 يوم الأحد







وهذا الثاني وهم مرشح بالرابعة

يقول القبيلة هي الاساس طال عمره

انزين انا ما اعرف تقسيمات القبايل ولا ادري عائلة الشهري تتبع اي قبيلة

بس اذا قبيلته او الروس الكبيرة من قبيلته خارج الكويت طلبوا منه شي ما يوافق مصلحة الدولة اللي اهيا الكويت

شبيسوي وقبيلته على كلامه اهيا الأساس

مع إحترامي لقبيلته ومع عدم إحترامي لاي أحد يفكر بقبيلته او مذهبه أو عائلته كأساس قبل دولته

وعاشت لنا الكويت

وهذا هم واحد ثاني بصفحة 16

نروح حق اقوى واحد بصفحة 16 واللي صج صج مخليني مستغربة من عدم تعرض أي أحد له

وهالمرة من مرشح الدائرة الخامسة ودكتور بعد
ياخوفي مثل دكتواره دعيج

يهدد ويقول!!!؟؟؟؟؟

سنواجهكم بأعداد أكبر!!!؟؟؟؟؟

الازالة ستسبب مشاكل في البلاد الله يعلم عقباها

عند تنفيذ الإزالة يقول ستكون المواجهات بكميات أكبر؟؟

شنو كميات يعني

مادري ممكن تطلق كميات على البشر؟؟

يعني الهاجري يقول حق ناصر المحمد

لازم تسحب قواتك خلال ايام وإلا؟

هذا تهديد أمن دولة واضح وصريح ومباشر ولا تأويل فيه

والوطن طبعا تنشره عن طيب خاطر

وعاشت لنا الكويت

يكيكي وما أروعه من يكيكي

مقالته أمس عنوانها

اشسالفة... فرض الهيبة

أنا جم مرة قايلتلك

شسالفة مافيها ألف أول شي؟؟؟

إذا أرادت الحكومة أن تكون الهيبة على ابناء القبائل فنحذرها: هؤلاء اهل الكويت ومن يمس شعرة منهم تأكدي أن ولا الف قنبلة مسيله للدموع او الف عصا ستمنع من المواجهة! وتأكدي ان أي كلمة مسيئة قد نسمعها من لجان الازالة بحق أي صاحب ديوانية مخالفة لن تمر علينا مرور الكرام وسنلجأ لجميع الاجراءات القانونية تجاه أي احد منهم وهذا وعد

يشتري ود ابناء القبائل على أمل أن يحصل على أصواتهم بالدائرة الأولى

واليوم يأكد هالموضوع من خلال تصريح

مبينا ان ابناء القبائل والذين تعرضوا للقنابل المسيلة للدموع والضرب بالعصي ابان تجمهرهم امام مبنى المباحث الجنائية هم من اهل الكويت ولا نرضى لهم اي مساس كما تحذر الجهات المختصة في قرار ازالة الدواوين من اتخاذ اي مسلك ينم عن اي عنجهية في التعامل مع اصحاب الديوانيات المخالفة
وتعهد الفزيع بالدفاع تطوعا عن اي مواطن كويتي يتعرض لاي سب او قذف او تجريح فضلا عن اي معاملة مهينة من قبل الجهات المنوط بها قرار الازالة داعيا الحكومة الى التروي وحث مسؤولين وفرق الازالة على احترام المواطنين والتعامل معهم بكل الرقي الذي يستحقه اهل الكويت


كل هذا تبي اصوات القبايل؟؟

شرايك تشارك بقلطة الوطن مرة وحده بعد؟؟؟

شخصية الإسبوع

يا إني ما تابعت عدل يا إن ماكان اكو شخصية بارزه هالاسبوع

لذا وحلوه لذا

اللي بباله شخصية حق هالاسبوع يكتب تعليق باسم الشخصية والاسباب يمكن اقتنع واحطها شخصية الاسبوع

22 comments:

ديرة بطيخ said...

شخصية الاسبوع عبدالعزيز أحمد عبدالعزيز السعدون وذلك لحصوله على المرتبه الثانيه والعشرين (يعني قبل الاخير)
واعتقد هل صدمه راح تأثر على موقف أبوه بالانتخابات الي خسر في الاونه الاخيره الكثير من تصويتات تكتله ومواقفهم من الدواوين والقروض واستجواب نوريه واخيرا مغنيه.

حسافتج يا كويت said...

صفرت لج

مالي تعليق غير بردتي جبدي

ZwaiZ said...

shakhsiyat el-esbou3 sali7 el-mulla laish ena kalama beliqa`at shay ebarrid el-galb

ZwaiZ said...

bas wedi arid eb shay basee6 3ala "dirat ba6eekh" nazil el-12 eli fazaw bentikhabat majlis el-oma etiwaqa3 kilhoum yenji7oun!? o lo esalfa salfat kil wa7ed yestenid 3ala qa3idat obouh chan faz wild sami limnayis allah yer7ima eb takmeeliyat li3dailiya ;)

al-nokhitha said...

el 7emdela 3ala el salama :)

Ana wedi law 3askar yenja7 bs
3ashan 5thaiir ma yenja7 :)

Ana agool ena sha59eyat lesboo3 ehma el lejan el moshriifa 3ala farz la9wat eb entii5abat el qorfa 9ej et3iibaw foog il 16 sa3a
she'3il ma 5athaw ela break wa7ed
7ag 9alat il fayer :)

3asach 3ala il guwa o la et'3ebeen wayed tara neshtag 7ag
mowathee3ich :)

Anonymous said...

وين ال120 ماصارت ؟

Q8Sky said...

الاتحاد خونه وخونه من زمان ، بس متى يصحون الطلبة؟

وبالنسبه لخليف فزين يسوون فيه كفو عساه ابهالحال وأردى

وبالنسبة للفرعيات ، مالهم حل!!

أنا كويتي said...

مطول الغيبات جايب الغنايم
بس لا تعودينها مرة ثانية ترى عليك جوكم
:)
بوست منعش الصراحة
لا يوقف
أما بخصوص تهديدات الهاجري ويكيكي و وما أكل السبع وغص فيه فأقول "اشسالفة" فرد العضلات هالأيام؟

kila ma6goog said...

خل يفجج روحه من المليون قضية اللي عليه بعدين يروح يدافع عن الاوادم

صج ان محامي دقه

اتوقع حتى البريء ينسجن اذا هذا يدافع عنه

Anonymous said...

شخصية الاسبوع
اهو العقيد الكندري اللي اعتدوا عليه (مؤبنين) الفرعيات

MFTELET said...

والله الي اعتقد يستاهل شخصيه الاسبوع خليف ,,,,, لان اكل زف وتهزاء وايد لوووووووول قلعته , وبهالحال واردى

Fair.chair said...

http://www.youtube.com/watch?v=PydXlrOPCeY

الاخ اللي برايط شخصية الموسم

المرشح تركي يقول لن احيد عن راي القبيله وينضم حق اللي بالبووست

والاتحاد دايخ من زمااان

شخصية الاسبوع ناصر المحمد وتصريحه الاخير في جريدة الراي

Fair.chair said...
This comment has been removed by the author.
فريج سعود said...

ضغيطة درجة اولى
:)
شخصية الاسبوع جرّافات الإزالة

m6rb_7nboli said...

شخصية الاسبوع

القانون

الي قمنا نسمع فية و مانشوفة


بيت انا متابع تصريحاتهم السخيفة بمدونتي
و كاتبكم شلون صارت انتخابات الفرعية مالت العجمان

للي يحب يشوف يتفضل

وقار said...

http://www.alwatan.com.kw/Data/site1/News/Issues200804/ng5-040508.tn.jpg

نيو لوك لأحمد فهد الفهد

mantovani said...

تحية طيبة و بعد

شخصية الاسبوع الكاتب الخطير فؤاد الهاشم

اول مرة يكتب شي محترم و ينتقد مطويات
المجنون فؤاد الرفاعي اللي يكتب فيها الاحاديث بألوان قوس قزح


ما اعتقد انج راح تقتنعين بفؤش الهاشم

لان انا مو مقتنع فيه اصلا


مانتوفاني

Anonymous said...

الله يسلمج بدر الشهري هذا يطلع رشيدي

والله يستر على البلد من هل اشكال

Anonymous said...

الله يهداج توصخين صفحتج باسماء جمبازيه يبيعون غواطى فى سوق المقاصيص
خليف على فرقة حسب الله

وهذا يكيكى ما يحتاج عليه تعليق ساقط فى بيان ويبى يطلع حرته مو عارف شلون


وهالبداو كل واحد يقول ان وطنى واخر شى اذا ما سمع لكبارية القبيله راح ورا الشمس يعنى غصبن على ام اللى يابته يتبع القبيله ويدش فرعية والبركه الحين تليفونات بارقام سعودية وفرعية بالسعودية

شفيه المخضرم افتر وما شاف اى فرعية ولا جيك اللى اطلعو على الحدود ولا احنا نصير حقه استخبارات واهو اخر واحد من يعلم

Anonymous said...

شخصية الاسبوع بلا منازع: العم محمد البدر

Bulletii said...

عسكر العنزي.. و بعدين يعني ترا ما عرفنالك؟ :P

عمكم said...

مادري احس مكاو شغل وسخافه
الاتحاد تاج على راسكم