شلونكم
اول شي موقع أبناء الكويت موقع يديد ويشكي عدم اعلان المدونين عن الموقع على الرغم من الإيميلات اللي دزها لهم
أنا مادري شنو سر نحاسة المدونين ساعات وأذكر إني عانيت من هالنحاسة ببدايتي
لكن مطقوق مشكور وممنون ومحبوب إهوا اول من أعلن عن مدونتي بالبداية وعنده برنامج بقناة نبيها تحالف بعد اظن اليوم تنعرض أول حلقة اليوم يعني يوم الثلاثا حق اللي قاعد يقرى الموضوع باجر
:)
ترى مو عيب إذا أعلن أحد فينا عن المدونين اليدد او المواقع اليديدة واي شي يكتبونه اهما يتحملون مسؤوليته مو إحنا
ثاني شي مرشح بالدائرة الخامسة إسمه محمد خليل إبراهيم قمبر وأطلق موقعه وطلب بأدب جم الإعلان عن موقعه
وإحنا حاضرين
ثالث شي اذا ملاحظين في واحد بكل رمضان وعيد يطلع علينا لابس بشت وراز صوره بالشوارع وخصوصا عند مستشفى هادي يهنينا برمضان والعيد
وعلى فكرة اهوا لا شيخ دين ولا شيخ صباحي
بس اهوا يحب يلبس بشت
المهم اليوم حاط إعلان نص صفحة بجريدة النهار بالالوان لا والصفحة الأولى بعد
طبعا هالمرة مو لابس بشت لأن ناخب ماهو مرشح فمو حلوه ناخب ولابس بشت
بس الصراحة إسلوبه خلّى دموعي تهطل خاصة اللي مكتوب تحت كلمة ملّينا وفوق الكويت بحاجة إلى قرار
بس ودي أسأل لما كتب نص الاعلان هذا شلون فكّر جذيه بالضبط؟؟
::::::::::::::::::::::::::::::::::::::::::::::::::::::::::::::::::::::::
بالعدد بالضبط وصلني 12 إيميل بنفس المضمون اللي إهوا صورة من تلفزيون الوطن لا اطول عليكم هذي الصورة
اذا قناتك مو عارفه شنو جنسك شنو تتريّى من باجي الناس
بس طبعا مو هذي سالفتي على الصورة
السالفة وما فيها
ان من خلال كم الايميلات اللي دازين لي نفس الصورة
مادري الجملة بدلية او لا
بس من خلال هالكم عرفت ان ناس وايد قاعده للوطن قعده
وناطرين اي شي عليهم
واقل زلّه
السؤال اللي يحن على راسي لي متى بنظل ورا الكيبورد نكتب ونتكلم واحنا ندري مدى رداءتهم ومدى وصاختهم
يعني متى ننتقل للمرحلة الثانية واهوا النبذ العلني
حاولت مع القوائم الطلابية وما فاد بحاول وخل تكون النواة هال 12 اللي دزوا الايميلات
يا جماعة حسبه بسيطة
اذا ال 12 كل واحد اقنع شخص واحد خلال اسبوع من اليوم بس بعدم التعامل مع الوطن راح يصير العدد 24 وهال 24 لو الاسبوع اللي وراه كل واحد فيهم يقنع واحد راح يصيرون 48 خلال 3 اسابيع يصير عندنا 96 وخلال شهر يعطينا 192 شخص
خلال شهرين 3072 وعليكم الحسبة الباجية مالي خلق احسب
يعني كل اسبوع ضيفوا الضعف واللي يوصل للنتيجة النهائية بنهاية شهر 4 2009 جم تكون محصلتنا خل يحطها لو سمحتوا وخل يشيل 40% نسبة التكرار والخطأ
آخر شي اللي يعرف هالطالبة اللي سوت جذيه قولوا لها حياها الله تشاركني بالمدونة لأنها صج ضحكتني
وأهم شي الجامعة تبي تسحب شهادتها
شكو؟؟؟
سحبوا الجنسية بعد
أما السؤال الأهم بهالموضوع شرايكم بإقدام التحالف على ترشيح إمرأة
د.أسيل العوضي ضمن قائمة التحالف بالدائرة الثالثة؟
24 comments:
ظلموكم لما احسبوه عليكم يا حليله نبيل
لوووول شلون هذي حاطه صورة جيسيكا بدالها؟ لوووووول أمبيه بطني. أنا بدز لج أيميل عندي سؤال سياسي بليز أبيج تردين علي بأسرع وقت تقدرين.
يا سلام عليج
والله فيج الخير تذكريني و دعاياتي لج
شرايج بالدقة مالت القناة ؟ امي مجابلة التي في من الفير و ما حطوا الحلقة عدل
الله كريم
من باب المبدأ.. التحالف زين سووا ... ما بغوا وأخيرا
لوووول قويه
خوش حركه والله
الا المفروض تسحب الطباعين وتفنشهم
واهي يعطونها جائزة
انا مدونة جديدة ايضاً ..
فهل من الممكن أن أجد مساحة للإعلان ؟ ..
اما فيما يخص تلفزيون الوطن فأقول إن الأخطاء واردة ..
و التحالف أكد مصداقيته مع المرأة من خلال ترشيح شخصية فذة و ذات مكانة في قلوب جميع الطلبة ..
مع إني ما خذيت مادة فلسفة سياسية عندها كوني ادرس عمارة بالهندسة ..
بس ماشالله عليها توصلنا اخبارها و قدرتها على الشرح و إيصال المعلومة بكل سهولة إلى عقلية الطالب ..
أتمنى لها و للتحالف التوفيق ..
و كونها نازلة ابدائرتنا ، فأترقب برنامجها و كلامها و إنشالله ما من قصور ..
تحياتي ..
تحياتي
أنا ضعت بصراحة!! هل تم تعديل قانون الإنتخاب ليتضمن أن يعلن الناخبين عن أنفسهم بالصحف؟خبري اللي يحط إعلانات وفيها صورته هو المرشح مو الناخب.وبعدين منو اللي ناصحه بفكرة الإعلان؟؟ كاسكو؟
بخصوص عدم التعاون مع الوطن
أنا عن نفسي ما أقعد مع ناس إلا وأبين لهم جهود هالجريدة في نشر الفتنة.ولكن للأسف ردة الفعل تكون سلبية معضم الوقت وخصوصا من قبل "المتدينين".ا
جيسيكا
أنا أعتقد الود ودهم يسحبون جنسيتها لأنها طلعت لهم آذان طويلة جدام العالم
يكفي عليها تحميلها تكاليف إعادة الطباعة
وبعدين هذي دعاية للجامعة إنها تخرج مشاهير
:)
حلو الدعايه للمودونين الجدد
بس مو حلو التفريق في الدعايه .. يعني الحياد مطلوب .. مو مدونات ومدونات
شي ثاني
كم الايميلات الي وصلك يقول اشكثر الناس متابعه الوطن .. مو اشكثر لاحقين الزله !!!
وبالتوفيق لمطقوق برنامجه
يعطيك العافيه على الحبيب صاحب الكلام الي كله كلام في كلام :)
حسب ما سمعت انه الطالبة لم ترغب بوضع صورتها في كتاب الجامعه ولكن ادارة الجامعه اصرت وهددت بعدم اعتماد شهادتها اذا لم تعطهم صورتها فحصل ما حصل
المدون هو يعلن عن نفسه
من خلال تواجده بين المدونيين
يعني مو نحاسه من احد
ولا شيء
;P
كيفها البنت ما تبي تحط صورتها
يمكن جيكره
:P
بوست حلو
:))
الله يعطيج العافية على البوست واحب اقول لج كم شغلة
اول شغلة انا ما احب الوطن لا الجريدة ولا التلفزيون وعارف انه اخبارهم دجل بس ما اقدر ما اتابعهم كجريدة وتلفزيون يشدوني ... ولا تزعلين من كلامي وزيدي على الي عندج خصوصا اخر كل اسبوع انغث من حلقة عبدالجليل
وثاني شغلة بالنسبة للمرشحين انا ولد الدائرة الخامسة وبالنسبة للاخ محمد خليل قمبر..اتمنى له التوفيق بس كلنا عارفين سبب ترشيحهه وترى الانتخابات الي طافت ابوه كان نازل السيد خليل قمبر واذكر لوحاته كانت مكتوبة رقة - الهدية .. ولا احد يفسر كلامي غلط بليز انا اقصد انه السيد قمبر مو عارف اسم المنطقة الي اهو مترشح فيها مع انه من سكانها الاصليين ومشاءالله اعرف بيتهم واراضيهم بهدية ما اقدر انكر هالشي عليهم وحقهم طبعا
وثالث شي انه هالبطلة الي حطت صورتها سوووت الي ما قدرت اسويه لانه كنت ادور طريقة انتقم فيها من إدارة الجامعة بس ما طرت علي اسوي هالحركة تعجبني ويسلم راسها الي مخمخ وفكر
وسلامتكم وتعيشون ووايد طولت عليكم فمان الله
فتى الجبل
اي والله
بلتي
اي حاضرين
مطقوق
ما انسى لا تحاتي
يعني امي ومجابلة وبعدين تقول تي في ما تركب
:)
والله كريم
أسيل
أخاف إنتي د.أسيل؟
:)
بس شنو قصدج بالمبدأ؟
العرزالة
اي حدها قوية
جندل
طبعا ممكن
بس ان شاء الله ما انسى ليما الموضوع الياي
والله يوفق د.أسيل وغيرها من الوطنيين
بكل الدوائر
أنا كويتي
ماكو شي يمنع
ومو بس المرشحين ينشهرون حتى الناخبين وحلوة كاسكو
:)
كويتي
من فرق الحين
؟
اي صح متابعين بس لما تكون الايميلات كلها استهزاء بالوطن على غلطة مطبعية يعني يدورون الزلة
أنو
شنو غصب تعطيهم؟
فان
طبعا يثبت نفسه بس لازم احد يقول عنه
شلون بندري ان في مدونة يديدة مثلا
انت شلون تدري اذا مدونة نزلت اليوم
ولا مو جيكرة
ما ارضى عليها
بوجاسم
المرشح طلب الاعلان واعلنت له
مو أكثر وانتوا اهل الدائرة وادرى
بس ما اتوقع ان نحكم عليه من بدلية
أما الطالبة فصج ونستني
:)
راجعي الأيميل
التحالف أختاروا د. أسيل العوضي بالدائرة الثالثة ( كرد فعل ) على معايرتهم من قبل الجميع على خلو قائمتهم من أي عنصر نسائي
كنت أتمنى زيادة عدد مرشحات التحالف بدلا من تكرار أسماء مستهلكه مثل محمد الصقر وفيصل الشايع ! اللي ما شفنا لهم أي انجاز يذكر بالرغم من تكرار عضويتهما بكل مجلس أمه
: )
قائمة نخبة النخب من ذوي الدماء الزرقاء لأبناء التحالف كما تم أعلالنها مؤخرا خيبت الظنون بالنسبة لقلة أعداد العنصر النسائى و إللى أتى كردة فعل متأخرة جدا بعد الضغوطات إللى واجهوها من كتاب المدونات والصحف ومن قواعدهم النسائية
شنو يعني اعلانه هذا ؟
يحليله ظحكني
بس تر البشون مو محصوره حق عيال الصباح ورجال الدين
_______________
شفتي المزيون بيرق بقلطة الوطن اينن
;p
تفضلو بزيارة موقعنا والذي ينقل آخر الاخبار والتطورات في الدائرة الثانية بكل شفافية بدون اي تحيز لأي مرشح كان
وأرجو من صاحب مدونة بيت القرين الوطنية ان تنشر عنوان موقعنا وشكرا
http://ommah2.blogspot.com
دكتورة اسيل العوضي تستحق كل احترام وتقدير , فلقد بان خط سيرها الوطني بداية مع الحركة الطلابية في الثمانينات مع الوسط الديمقراطي ومنسقة الطالبات في الحركة الدستورية ردا على حل مجلس الامة 86 كما ذكر في مقابلتها بجريدة الجريدة ,,
وفي رد على ان ترشيح الدكتورة كان نتيجة ضغوط بسبب " المعاير " كان هناك سؤال وجه لاعضاء التحالف( الخالد , المدعج , العنجري ) يوم امس في الندوة التي اقامتها جمعية الطب المساعد حول هل سبب ترشيح الدكتورة اسيل بسبب الضغوطات ام لا ..
كانت الاجابة ليست لدينا تلك النظرة عن المراه انها مختلفة عن الرجل لذلك يجب ان تكون معنا لانها امراه فقط .. ولكن ترشيح الدكتورة كان لانها كفاءه ..
:) هذا كان الرد
هل يستحق التحالف شخصية الاسبوع :) ؟
زين حطوا صورة وحده حلوه باليير بوك
يعني اذا بتحاسبون كل واحد عنده جم بيزة ومو عارف وين يوديها ماراح تخلصون
امس ويبقى واليوم ملينا
وباجر يمكن يكون شعاره
"ما اقول الا وي وي "
صج رزق القطاوة على الخاملات
صراحة يا عمري و قلبي فرحانة في بلوقج التافة !!!! ما عندج شي الا ماسكه خلق اللة و اتعلقين عليهم ، لو كانت عندج مبادئ و مواضيع مهمة قادرة تناقشينها و تطرحينها في البلوق جان ما تعرضتي حق خلق الله قبل ما اتعرفينهم و لو سمحتي لا تمسحين التعليق لو كنت واثقة من حالج
أم علي مراد
يحق لج تقولين رايج
وطبعا ما راح امسح رايج
يمكن انتي قريبه من عبدالعزيز مراد بحكم اسمج
بس انا مالي شغل الا باللي اشوفه جدامي شفت اعلان ركيك وانتقدته
وبالنسبة للمدونة انتي تشوفين انها تافهه غيرج يشوف انها زينه
وهذا الحلو بالاختلاف
أختي العزيزة
أول شي أحيج على أهتماماتج السياسية
بس أختي اذا أنتي تبين تنتقدين أنتقدي بس في أنتقاد بناء مو هدام وإذا مو عاجبج هالشغلة رايج أحترمه و اهوا اذا حط أعلانه رد على الفساد الموجود بالكويت مو عبط و مشكووررة على أنتقادج لأنه دليل على نجاحه لأنه اذا ماكان ناجح ماكنتي راح انتقدتية لانه ماراح يلفت نظرج حتى و هذا دليل نجاح
Post a Comment