20/04/2010

عن الخبال

كاتب أثول أهبل مينون دثوي بيتكسب على حساب سب الديمقراطية الكويتية واهوا بقطر

كتب اللي كتبه عن الكويت ومجلسها وديمقراطيتها

قال اللي قاله من حجي فاضي

وبعدين؟؟؟

هل قطر الوحيدة اللي فيها مهابيل وميانين؟؟

عندنا وعندهم خير

هل قطر الوحيده اللي فيها ناس يسبون جيرانهم؟؟

هم عندنا وعندهم خير، وخيرنا وايد أكثر

الكاتب اللي بقطر قليل أدب واسلوبه وقح

وعندنا هالصبي قايل من مدة هالكلام

تصرفات قطر غير الأخلاقية

متهم دولة بكبرها مو افرادها

البيلر وغيره اشتغلوا ومازالوا يشتغلون على الحكومة القطرية وعلى وزير خارجيتها

ويوم انسحبت اعلانات الوطنية منهم قامت القيامة على الوطنية وهذيل عملا حق قطر

مع انهم قطريين شلون عملا حق قطر مادري

وبعد كل الصيحة كان مالك الجريدة وربعه ناوين يبيعون شركة الاتصالات الثانية بكاملها حق الهنود؟؟

الزبدة ان ليش كل الصيحة والتسفل بقطر

لا وناس يطرشون برودكاست تمنن على قطر احنا سوينالكم وعطيناكم ومن هالخرابيط لا ويطلبون من المتلقي يدز البرودكاست مع اسم اللي كاتب الحجي

من زين الحجي عاد

ارد واقول الدثاوة مو موجوده بقطر بس

بكل مكان بالدنيا

يحق لنا نرفض كلامه بس ليش نسب ديرة بكبرها على مجموعة مهابيل عندهم

ويا كثر مهابيلنا وبلاويهم اللي ما خلت لنا صاحب ابد

مو عاجبكم اللي ينقال عنكم لا ترضون ان ينقال عنهم بدال هالحجي الفاضي

وعن الخبال

5 comments:

جبريت said...

استغرب من الكاتب والشاعر بدر الصفوق كتابته عن الكويت وهو بقطر

يعني مادري ليش ما عنده الجرأه يكتب مقالاته بالكويت

بالنهايه لا اعتب على كتاب الشعر المدح الوثني لأجل حفنه من الدنانير والريالات القطريه والدراهم الاماراتيه.

كاريكاتير said...

مرحبا

قرأت المقال وبحثت عن الاسم والصحبفة لم نجد المقال وبالعكس في نفس الجريدة يكتب فيها كل من د.عبدالله الشايجي-د.طارق السويدان ود.معصومة المبارك

المقال ملفق

محمد said...

هالصبي ما عنده سالفه
والعجيب يقول عندي دلائل ووثائق !
وأنا أقول يا معود ما عندك غير الفتنة وحجي "البزارين"
وبخصوص بدر صفوق اعتقده قد وضح على قناة سكوب انه لم يرسل المقال لصحيفة الوطن القطرية وانما هي من اخذت المقال ونشرته
والمقال عموماً عادي ما يستحق كل هالضجه لكن ليش أنه نشرته صحيفة قطرية صارت هالفوضى
بدر صفوق بشكل عام مواطن كويتي وكاتب ابدى رأيه بدوله ديمقراطية
وهي الدوله الديقراطية الوحيدة بالمنطقة

Anonymous said...

"ويوم انسحبت اعلانات الوطنية منهم قامت القيامة على الوطنية وهذيل عملا حق قطر

مع انهم قطريين شلون عملا حق قطر مادري

وبعد كل الصيحة كان مالك الجريدة وربعه ناوين يبيعون شركة الاتصالات الثانية بكاملها حق الهنود؟؟"

هههههههههههاااااي

بدون تعليق said...

بيض الله وجهك
كلمة حق يوم قلت عندنا وعندكم

انه قطري بس مارضى على كويت ولاانه حد يسب اهل الكويت

بالنهاية احنا اهل وجيران واللي يضركم يضرنا