23/02/2010

غصبا عليكم


بيلعبون
بيخسرون
بيربحون مو مشكلة
بس غصبا على اللي ما يرضى بيلعبون
محد وصي عليهم الا اهاليهم
ماكو قانون يمنع
ولاتقدرون تطلعون قانون يمنع اصلا
بيلعبون كرة سلة طائرة جمباز سباحة غطس باليه مصارعة يابانية
كيفهم

خالد السلطان ومحمد هايف والطبطبائي والوعلان وكل من صرح او بيصرح ضدهم
انتو اولياء امور بيوتكم بس
لا تلعبون بناتكم كرة
نقطة

تخسون تتدخلون بشؤون غيركم

اما ربعنا اللي ما تكلم منهم غير اسيل وحتى عدنان المطوع طلع احسن منهم فلا عزاء لنا فيكم

التحالف المنبر صوت الكويت واي تيار مدني ضروري ضروري ضروري تحتفون بمنتخب السيدات لأنهم خسروا وراح يخسرون المباريات اكيد لكن كسبوا صوت عالي قالوا فيه نحن هنا أحرار في إختيارنا رغم انف شلة الممنوع

10 comments:

هذيان said...

فديت نساؤنا

و خلي اللي يربرب يربرب

ذابحينا بكلمة ما جبلنا في مجتمعنا

اللي مو عاجبه لا يشجع

well_serviceman said...

ربعنا مشغولين بمن يمسك المنصب الفلاني ومن يمسك الهيئة الفلانيه وتاركين الساحه لكل من هب ودب!!

Anonymous said...

صح لسانك

Anonymous said...

انتي كل مواضيعج كره؟!حشى واحد من ربع الديوانيه مو بنت!

Fahad said...

"تخسون تتدخلون بشؤون غيركم"
لا يطقلج عرج

Anonymous said...

OMG....17-0 ????!

Regardless of sex and/or gender, do we need another shamful failures to represent us internationally?

I say:
طقوا كرة بحوش البيت
واستانسوا وفكونا من عوار الراس واذا تبون حكمة دولية آنا حاظرة بس ترى ما أعرف حق قانون التسلل.

@alhaidar said...

لا الجماعة معصبين ليش خسرو 17 صفر .. من فلسطين :P

ولا ما عندهم مشكلة باللعب ترى ;)

Anonymous said...

هذا مجتمع محافظ
اما كلامك : غصبا علي اللي ما يرضي و تخسون فهذا لا يصدر الا من لا أخلاق لة,
انا أقول ان الأسرة الكويتية خط احمر ابعدوها عن السياسة والطائفية.
اما انتي اذا تبين تلعبين البنات كرة او اي لعبة لعبيهم في بيت ابوك او وديهم عند اهل ابوك في ايران خل نفتك من الأفكار الزردشت اللي ابتلشنا فيها احنا الكويتين.
بدايتج حلوة بس متنتي؟!!!

Anonymous said...

مالت عليج

آبٌَِـِِّـِِّرٌٍآرٌٍ said...

امممم انا اعترض وبشدة
اولا ماله داعي يتهزؤن بهالنتايج اللي تفشل

ثانيا عيب اللي قاعد
يصير وين قآعدين
يعني قلنآ ديمقراطية

بس مو جذيه
..الله يستر علينآ بس
وعلى بنآتنا

ايي نسيت وعلى راس كل هالكلام

شرعاً اللي تسوونه حرآآم
اوكي رضيتوا ولا انرضيتو
وباجر بتتحاسبون ..!

شنوماكو ذمة
استغفر الله