15/01/2010

عاشووووور!؟؟


مليون كويتي وشوي

لو حسبنا ان متوسط الاسر الكويتية اهوا خمس اشخاص

راح يصير عندنا 200 الف اسرة كويتية

هذا غير اللي ماخذ ثنتين وعنده عيال منهم شلون نحسبهم اسرة ولا اسرتين

ولا اللي متزوجه اثنين وعندها عيال منهم شلون نحسبهم بعد؟؟

خل ناخذها ان احنا 200 الف اسرة

بعشر آلاف دينار حق كل اسرة

هذيل مليارين دينار كويتي

زائد

خمس آلاف حق كل مطلقة يعني خنقول عندنا 10 آلاف مطلقة كويتية بس راح تاخذ 5 آلاف دينار

هذي خمسين مليون دينار

ونقول عندنا 10 آلاف ارمله بعد وهم تاخذ خمس الاف دينار

هذي خمسين مليون دينار ثانية

وعندنا ألف كويتية ماخذه مو كويتي وهم تاخذ 5 ألاف

هذي خمس ملايين

وكل كويتي بالغ 21 ومو متزوج ونقول عددهم 100 الف ب 5 آلاف بعد

هذي 500 مليون دينار

يعني الاجمالي على اقل تقدير 3 مليارات دينار كويتي تقريبا

تقدم هبة حق الكويتيين وابتلشوا بأجيالكم القادمة

هذا مجلسنا وهذولي نوابنا الحمدلله والشكر

واذا الحكومة عارضت قالوا تأزيم



عموما تمر اليوم الذكرى الرابعه لرحيل الشيخ جابر الله يرحمه

نختلف مع اللي سواه او نتفق لكن يبقى حبيب الشعب

والله يرحمه برحمته

وهم ما يفوتنا نهني الجماهير العرباوية بحصولهم على أول 3 نقاط بعد 6 مبارايات من الدوري وخذوها من الصليبخات طبعا

ما تشوفون شر

11 comments:

frortdrum said...

اقتراح ممتاز .. احسن من فوائد القروض 8 مليار

وهذا يحوشني منه 5 الاف هذاك مايحوشني شي

اقراح جميل واتمنى الموافقه عليه

Anonymous said...

انا مو مطلوب ولاني مديون.. ومو متزوج.. اول ما اخذ الخمس آلاف مالتي، بروح اشتريلي سياره بعشره.. يعني بقسط الخمسه، وبصير مطلوب سته ولا سبع الاف دينار.
شلون هالهبه حلت اي مشكله؟

عاضـه said...

الاقتراح طيب و لو يزيدون الجيله شوي يصير اطيب
يا جماعه الديره فيها خير وايد و محد يدري عن احوالنا.
شقتنا اللي باسبانيا اثاثها منتف صار لنا خمس
سنين ما غيرناه.
و الحجي راعي ملك المجمع اللي بلبنان
اللي فيه شقتنا الثانيه
امس داز لنا فاتوره يبي مليون ليره
حق مكينة الديزل مالت الكهربا.
و بصراحه عندنا التزامت شنسوي؟؟؟
جان زين يطيحون القروض و يعطونا بيزات فوقها
لوووول

panadool said...

تعليقى على فقرة النادى العربى , وبما اننى عرباوى متعصب أقول يستاهلون أكثر وأكثر علشان لما يصوتون بالانتخابات خل يفرقون بين العاطفه والكفاءه

جمال الكاظمى أرحل نحن نستحق الافضل :)

well_serviceman said...

المطالب هذي للأسف ، حتى وإن كانت خياليه ، تجعل من النائب المقترح لها نائبا وطنيا ، أصبحنا اليوم نركز عالمال ، واكبر دليل قضيه اسقاط القروض والفوائد وزيادة الرواتب والأمور الماليه جميعا ، من وقف ضدها أصبح لا ينتمي للوطن ومتطرف او متخلف او متعصب او حتى طائفي.. الله كريم!

الله يرحمه الشيخ جابر

ومابغوا العرباويه؟

Anonymous said...

يالصبيك

فريج سعود said...

انا يقول حق مستر توني عشرة وايد
بس خمسة بس خمسة

اقصوصه said...

الله يرحمه برحمته

جبريت said...

مو افضل من اقتراح مرزوق الغانم في بداية 2009 وقبل حل المجلس السابق

تكسب انتخابي بحت

nEo said...

ليش ما نصفي الكويت و نوزع قيمة التصفية على المواطنين و نهاجر ؟

شكلنا مو كفو بلد و لا كفو ديمقراطية

حكامنا محترمينا اكثر من اللازم

Anonymous said...

ينطبق عليه مثل "إخذ من جيبه و عايده" ، آنا ماني عارفة ليش صايرين كأنهم حالفين يشحططون الأجيال القادمة ، يا جماعة عيالنا شلون يرقعون ديرتهم عقب ما تمصون دمها
شلون يكونون حكامنا محترمينا و كل الأشكال اللي قاعدة تدلل على خيرات البلد و تبوقها مسنودة من قبلهم؟
آخر فقرة هي تعقيب على الأخ
nEo