07/11/2009

فلوسه وكيفه

بعيد عن منو طلّع الشيك

وبعيد عن سالفة ليش طلع الشيك

وهل يستحق المسلم المحاسبة ولا ما يستحق

وكل صراعات المحامين او اشاعات ان حمد وناصر ورا توريط ناصر

وسمعة برقان

والشك ب 22 نائب سابق

طلع حجي ان بما ان الشيك من حساب رئيس الوزرا الخاص خلاص لازم نطنش

طيب جمال العمر والجويهل والدبوس كانوا يدفعون من حر مالهم

يعني على مفهوم روضان الروضان ورولا دشتي تحديدا واهما عيال الدائرة الثالثة عادي خل يسوون اللي يبونه دام بفلوسهم

انزين لنفرض ان بوصباح مقدم الشيك هبة مساعدة بيعة شروة اللي يكون

ابي النائب اللي استلم ليش ما صرح ليش ما قال؟؟

اذا كان بوصباح ساعدك بشي

انت طلعه من هالبلوة اللي ممكن تنهي اخر حكوماته؟؟

عدم تصريحك يبين ان الفلوس كان لها سبب مو زين

الزبدة

عذر فلوسه وكيفه مضحك

ويا تثبتون ان الفلوس راحت لمصدر معلوم ومفهوم وما فيه ريحة فساد

او تسكتون وما تدورون عذر شلون طلع الشيك ومنو وراه واسلوب رخيص وهالكلام كله

19 comments:

جبريت said...

على راسي يا بنت القرين


قسما بذات الله على راسي


زادت سالفة فلوسه وكيفه لي متى نخلي ناصر المحمد خط احمر 6 حكومات فاااااشله

تسلم اناملج الي طبعت هذا الكلام

عين بغزي said...

هذا عذر اقبح من ذنب

Anonymous said...

حبيبتي فلوسه وكيفه بعرف يعني ممنوع رئيس مجلس الوزراء يكتب شيك لشخص! وهل هناك قانون من أين لك هذا؟ حتى يتم محاسبته وهل يحق لكي ولغيرك معرفة الأمور الشخصية لأي فرد يعني انتي تكتبين شيك لصالح شخص هل يحق لي أتطفل عليكم وأعرف من له وليش كاتبه الشيك هذه خصوصيات يعني لا انتي ولا انا ولا غيرنا يتدخل فيها وايضا البنك مسئول عن هالشي وممنوع تسريب معلومات تخص العملاء من غير موافقة العميل وهذا مخالف للقانون ولا تنسين يا عزيزتي أن رئيس مجلس الوزراء هو الحاكم 17 يعني لن يرحل ومن سيرحل هم نواب المتردية والنطيحة ولا أستبعد الحل الغير الدستوري وإن غداً لناظره لقريب :)

الدســتور said...

منطق اللي يرددون هالكلام يضحكني

نعم كيفه اذا عطه ناس مو نواب

كسره العين شلون قايله

أهل شرق said...

الحل ان سموه يقص الحق من نفسه

ويقدم استقالته

بو حامد said...

من الجيد أن نرى بصيص نور

لأن الكثير مقتنع بنظريه فلوسه وكيفة

Hamad Alderbas said...

شيك الطبطبائي وتبريراته

وبلعناها

جم شيك بيطلع

وجم تبرير معاه

هذا طبعا اذا لقوا تبرير عقب خمس ايام من الفضيحة :)

enter-q8 said...

الكلام مو جذي
الكلام ان فيه اكثر من شيك
ترارارارا
هل بحوزة المسلم الشيكات الباقية
هم
ترارارارا
هل لها مواقف معينة و خصوصا التاريخ
ترارارارا
فيصل قاعد يلعب بتكتيك الصراحه اثبت لي دهائه
تحت القبة و ايضا لما الروضان قعد يقوله وين شيكاتك قاله اهو ياسيدي اتفضل مو انت اللي سالت تعال جاوب
ربعنا احلى شي ماسكين هالكلمة
ماله الخاص
اذا جذي السالفة خلاص بنشر الوثائق اللي عندي و اقول ان المال الخاص اندفع لعشان لا احد يوقع على طلب الاحالة
ترى عندي النسختين قبل و بعد

حلم جميل بوطن أفضل said...

شكراً

نِعّمَ الموقف

فريج سعود said...

قريت العنوان قلت لا يبا مو بيت القرين عاااااد


قريت التفاصيل قلت اشوه

مَـــــعْــــمَــــعَـــــه said...

كلام صحيح و مضبوط

نبي نعرف النيه من ورا الشيك هل لوجه الله ام لشراء ذمة ريال

و حضرته الاخ روضان يقول نفرض اني بيشترى ياخور الريال دافع 200 الف شاري ذمة واحد من ... يقول بشتري ياخور

al-nokhitha said...

shofay men bab ehwa 7or eb mala fa hathii 100 % 9a7 dam floosa ehwa
7or ya36eeha ele yabi 7eta law kan na2eb o ana dawart 3ala ay na9 qanooni yemna3 hal shay ma legait bas laziiim el na2eb ele khatha o el ra2ees e9ar7oon 3ashan yeg63oon el shak men el yaqeen :)

tara ana ga3ed adafi3 3an semo el ra2ees mo 3ashan sowad 3eyoona bas ma nabii el 7al el qair destoori
le2ana el kel yadrii ena al7een el awthaa3 bel balad mo tamam o el osra yaboon ertabhum awraghum o as haal shay bel nesba lehum el
7al el qaiir destoori o etha betgoolen le wagfa sha3biiya agoolich daa kan zamaaan o ra7aw el 6aybeen wala thom wala law
e7eloona 7al qaiir destoori o
e6ay7oon el qrooth o ezeedon el rawatiib khee9o9an ena al7een
ga3ed yertifi3 se3er el naf6 ena foog el 70% men lekuwaityeen begoolon labo el majlis laboo zemanaa faa qaleel men el 7ekma o lajel 3aiin el majlis wel destoor tekram alf 3aiiin :)

Anonymous said...

كل هاللويه علشان طلع اسم نائب سابق حدسي(م.د)
أهو اللي خذا الشيك و هذا الكلام غير مؤكد لكن أبي أسأل سؤال
لو ان الشيك مأخذه واحد من تياركم (ليبرالي) هل راح اتسوون نفس اللويه ؟!
مع العلم اني ضد مسألة الشيكات لشراء الذمم.
بس علي الراشد يقول (فلوسه و كيفه) !!!

بيت القرين said...

جبريت
الله يسلمك

عين
اي والله

انو
ناصر المحمد الحين رئيس وزراء وخل يتحمل اخطاءه وصرفه شيك لنائب مصيبة ان كان صحيح وهذا الواضح لحد الآن

ابوالدستور
مادري شلون صايره

اهل شرق
حق ؟؟
ما تجور هالكلمة أبد
:)

بوحامد
كلام فاضي

حمد
مادري ناطرين منو يغششهم

انتر
المصيبة صوت العقل غايب او مغيب
مسألة الخطأ الجسيم بالشيكات مو موضوع للنقاش ابد
بس الناس تستهبل

حلم
عفوا
كل ابونا جماعة

فريج
اشوه
:)

معمعه
جم اسعار الجواخير ؟

نوخذانا
مو كيفه اذا استخدمها في شراء قرارات وتصويتات
ولا شرايك؟

انو
علي الراشد غلطان اذا قال فلوسه وكيفه
وشكو حدس بالسالفة ترى احنا واقفين مع فيصل المسلم بهالقضية
وحدس مو واقفين على شيك عشان نعذربهم كلهم عذاريب وبلاوي

al-nokhitha said...

6abaa3an laaa o akeed mo eb kaiifa !
bas dana allah 3arafna bel 3agel ma shefnaa ya3nii ele eb ya36ii rashwaa ma3roofa ya36ii Cash mo cheque o ekhalii mamsak waraah el salfaaa embaynaa shay shak9ii faiisal el meslim malgoof o 6a7
3ala nas ga6oooh bel 7efra o athakiirkum eb faisal el meslim lazim yensiijin ashwa ena fii video thabit 3alaih :)

الأستاذ حمام said...

لو كنتي قاضية "مؤنث قاضي" وجاءك شخص يدعي ان هذا الوزير دفع مبلغ من شيكه الخاص واتى بهذا الشيك وفيه اسم احد النواب واضح.. هل تكتمل اركان الجريمة؟

هل الاصل هو الرشوة في تعاملات رئيس الوزراء؟ وهل تاريخ الشيك مثلا دليل قطعي على دافع الجريمة؟

عندما ادان القضاء الدبوس والعمر كان ذلك ضمن واقعة رسمية نفذها رجال المباحث واكتملت عناصر الجريمة.. اما ماحصل مع شيك المحمد.. لايهم كشف الطرف المستلم ام لم يكشف عنه.. اين الجريمة؟ اين الترصد في الموضع واين الرشوة ومقابل ماذا؟

كلها ظنون يا اختي وان لم يختلف عليها اثنين، لكن من حق المحمد علينا كونه مواطن على الاقل ان لانظلمه اذا انصفه القضاء.. اما ان كنتي ترينه فسادا سياسيا فهي كلمه واسعه.. يستطيع الكل ان يفصلها كيفما يشاء.

اقدر واحترم رأيك.. ولكني ضده.

..وشكرا على المساحة.

Sami said...

لازم اندقق حتى على ماركة دلاقه...هذه ضريبة قبول منصب بالحجم
خل يقعد بيتهم و اضمنله محد راح يقرب صوبه

MFTELET said...

وين قاعدين ؟؟ شنو فلوسه وكيفه ؟؟

خلاص انا اذا صار عندي محكمه بروح اعطي القاضي فلوس , مافيها شي دام كلامكم جذي فلوسي وكيفي ويمكن انا بسوي خدمه انسانيه ؟؟ صح ؟؟

والا المثال الثاني , لو كنت ادرس بالجامعه بروح اعطي دكتوري فلوس والي يتكلم بقوله فلوسي وكيفي


هذا منطق بالله عليكم


دور النائب بالنسبه للحكومه , هو نفس دور القاضي بالنسبه لي

بالله عليكم هذا حجي

بيت القرين said...

نوخذانا
بعد كل اللي شفته هالسنين
تهقى حكوماتنا ما تتصرف تصرفات غبية

أستاذنا
لو كاش او شيك او غيره وأيا كان مسألة منح الوزير اموال لنائب مرفوضة وما تنبلع

سامي
صح

مفتلت
علامك ياي مفتلت يا مفتلت
ترى مو انا اللي اقول
انا قاعده انتقد اللي يقول
فهمت؟