02/11/2009

ما يردنا شي


أول شي

مدونة يديده اسمها
healthk10

مهتمة بكل شي وتركز على الصحة والآي فون بعد حتى داز لي ايميل عن طريق الآي فون

يستاهل الزيارة والدعم

عموما خندش بالسالفة

وضعنا سيء بكل المجالات وهذا شي خالصين منه

والرياضة طبعا جزء من الوضع المتردي ومع هالتردي والمهازل التنموية اللي نعيشها

وصل فريق القادسية وصار من أفضل 4 فرق في قارة آسيا على الإطلاق قبل سنتين أظن

وبالتسعينيات كان نادي كاظمة يتألق على مستوى آسيا وما كان يرده شي إلا اذا أوقعته القرعة مع فريق عراقي ويضطر للإنسحاب

وباجر يلعب نادي الكويت على نهائي كاس الإتحاد الآسيوي البطولة الآسيوية الأكبر على مستوى الفرق غير المحترفة

تخيلوا لو رياضتنا مستقرة وماشية صح شنو ممكن نسوي

وإحنا بالهوضع فرقنا منورة آسيا ومو رادتنا هالظروف السيئة

ما بالكم لو وضعنا زين

اللعب ضد الكرامة السوري على أرضنا و المفروض بين جماهيرنا

ما أضمن النتيجة بس اللي مفروض يحصل إن ما يكونون إخوانا السوريين أكثر من الكويتيين على ملعبنا فشله وإهانة لعيال الديرة من لاعبين نادي الكويت إنهم وصلوا هالمواصيل ونخليهم يلعبون على أرضهم مثل الغُرب

اللعب يوم الثلاثاء 3-11 الساعة سبع ونص بملعب نادي الكويت بكيفان ولأن التحالف مسوين نشاط باجر بنفس الحزة تقريبا فما راح اعلن عنه وأعاتبهم بعد لأن تمثيل الكويت أهم بوايد

وتوكلوا على الله يا عيال ديرتي



يا طلال يا ولد فهد الأحمد يا بو مشعل ما تفرق اذا صرت رئيس اتحاد يتكون من 14 عضو او من 5 اعضاء بكل الأحوال انت الرئيس ومعاك الأغلبية

توكل على الله وطبق قانون ديرتك صدقني الصورة اللي فوق تطلع أحلى بوايد

وفزعتكم

17 comments:

هالحـــــزة said...

ابي فيمتو ...

al-nokhitha said...

Atmana enaa bo mish3al e6abii'3 el qanoon wekhaliiisna :)

kelnaaa bacher kuwaiiitawiiiya :)

DiLLi O MiLLi said...

يستاهلووووون
وربي يوفقهم

مَـــــعْــــمَــــعَـــــه said...

يستاهلون

خالف تعرف said...

صدقت

والربع-محللين البطولات الاوروبية- يضحكون علي لما اقولهم هالكلام

بس الصج ان دولة منتجه للاعبين

اما بو مشعل السالفه كسر خشوم
شلتوني من المناصب
فيكم خير شلكوا اتحاد

وهذي ازمتنا بالكويت واذا تبي دليل
شوف البورصه وصفقه زين!!

موفقين ياشباب العميد

ادري دخلت ب20 موضوع بس
فشه خلق

حنطفيس said...

تصريح رمزكم أحمد السعدون في تاريخ 1 - 7 - 2009
:
كتلة العمل الشعبي تعد كتابا حاليا لإحالة وزير الداخلية الشيخ جابر الخالد الصباح الى محكمة الوزراء سواء حصل على الثقة أو لم يحصل عليها وليكن الحكم هو الفيصل بيننا
_______________

تصريح رمزكم أحمد السعدون اليوم 3 - 11 - 2009
:
نرفض احالة الوزير الخالد الى محكمة الوزير وسنتستوجبه مجدد !!!!!!!!؟
____________________________

اكتفي بهذا التعليق !!

enter-q8 said...

باذن الله بنحضر
كلنا كويتيين
بيت القرين احيي طرحك و عساك عالقوة
هذا اللي نبيه و صج صج الكويتيين وقت الشده كلهم واحد

بس ياخوفي اللي يحضرون مع الكرامه يفوق عددهم الاصلي اللي بالكويت
كلش مو نغزة على يوم 10-12

استذئبوا قبل أن تأكلكم الذئاب said...

سوف ندعمها :-)

بيت القرين said...

هالحزة
شمعنى؟
رد رمضان؟

نوخذانا
كلنا نتمنى بس هل ننول؟

دللي ومعمعه
الله يوفقهم ان شاء الله

خالف تعرف
فش خلقك ، الكل بدو فشّت خلق

حنطفيس
أنا مو من اللي أؤمن بالرموز وعدم تخطيئهم
وإنتقدت التكتل الشعبي أكثر من مرة
لكن بهالموضوع اعتقد انك غلطان
في 1-7 ماكانت فضيحة رد النيابة قبل الإستجواب مكشوفة للناس
وهذا اللي تغير وخلى طرح السعدون يتغير
يعني القصد مو بنفس الظروف غير كلامه بو عبدالعزيز


انتر
شكو يوم 10-12؟
في شي من ورانا ؟؟

لعنة حلت على البشرية
منو اهيا اللي بتدعمونها
:p
عن البدليات

enter-q8 said...

10-12
100.000
اللي راح يحتشدون امام المجلس

بيت القرين said...

لاااا
في تاريخ محدد
والله مادري
انزين الحين ال 100 ألف في مكان يشيلهم؟
يعني جد والله من صجي
اذ حطينا 100 الف جدام المجلس شطول السطرة راح تصير؟

enter-q8 said...

انا بروح مبكر خوش مشروع اشتري كم كرتون ماي و كم علم و ابيع
و الله اهم شادين حيلهم مسجات بالقنوات اللي خبرك
بس الامر بسيط لو يسوون تفتيش ينتهي الموضوع

بيت القرين said...

مو خوفك تشتري كراتين الماي ويصير التفتيش
حزتها راح تسقي ساحة الارادة كلها
:)

YusuF.AsKR said...

يالله

كم هي جميله تلك الصوره

و ما تحمله من معنى , حتى لو كان شكلي

شوووكرا ,, بيت القرين

(:

استذئبوا قبل أن تأكلكم الذئاب said...

هل الموت أو المرض مجال للسخرية و الشماته من الاخرين ؟؟؟


فهكذا أصبح حالنا بعد ظهور البترول في مملكة الرمال و الانفتاح الاقتصادي على العالم الخارجي على الغرب و مملكة الرمال ...حدث لنا ما لم يحدث في تاريخنا من قبل ,, و هو سيطرة أفكار اسعد المخلوقات و مملكة الرمال فمنظر الاطفال في عمر ست سنوات و اقل يرتدون الحجاب الاسلامي السعودي تملا الشوارع و الاطفال يلبسون الثوب السعودي و عقولهم مملوأة كره للممثلين و كل أنواع الفن فهو كفر هذا ما يقوله اطفال صغار فماذا سيفعل هذا الجيل عندما يكبر ؟؟؟


هل معقول عند موت مطربة و فنانة مشهورة فبدلا من ذكر تاريخها الفني و تحزن عليها البنات و الاطفال يكون ذكر أنها عاهرة و كافرة و ستدخل نار جهنم فكيف تغني و يرى الناس شعرها و كيف تمثل لقد نالت عقابها من الله و نذكر تفاصيل مرضها و آلاماها و معاناتها مع المرض ,,و كيف أن الله عاقبها فلم تنجب و تركها كل أهلها بعد الاستيلاء على أموالها ...و نذكر بطولة أخوها الذي طردها من الشقة و سرق أموالها و أنه بطل و مجاهد في سبيل الله ... و قد التحى و ملازم المسجد و يعطي للفقراء من ارباح اموال أخته ...أو أديب كبير انتقل الى رحمة الله ... فيقول المشايخ رضوان الله عليهم كيف نقول عنه انتقل الى رحمة الله هذا الكافر المرتد جهنم و بئس المصير و نتشفى بمرضه و شكله قبل الموت ..


http://geek-muslim.blogspot.com/2009/11/blog-post_7204.html

iPhoner World said...

يستاهلون الدعم
و الله يوفقهم


و مشكورين على الإعلان عن مدونتي

بو ناصر said...

bo-nasser.blogspot.com

Beit elgrain :

تعبنا من الوضع اللي إحنا فيه ... ماهي قصت ناصر المحمد ولا هي قصت المجلس الهمام!!! وين بنروح؟؟؟؟ حرام اللي قاعد إصير بالبلد... عيالي و عيالكوم شنو مصيرهوم؟؟؟؟ إصحوا يا ناس و لا تفكرون بأنفسكم.....