مو عشان سواد عيونه

إنشر ولك الأجر

إيميل روعة وصلني وفعلا يسوى تشوفونه

ولحّد يسوي نفسه بيل غيتس ويقول لي قديم

توه واصلني

كيف تتم صناعة الغباء؟

مجموعة من العلماء وضعوا 5 قرود في قفص واحد و في وسط القفص يوجد سلم و في أعلى السلم هناك بعض الموز، في كل مرة يطلع أحد القرود لأخذ الموز يرش العلماء باقي القرود بالماء البارد، بعد فترة بسيطة أصبح كل قرد يطلع لأخذ الموز, يقوم الباقين بمنعه، وضربه حتى لا يرنشون بالماء البارد

بعد مدة من الوقت لم يجرؤ أي قرد على صعود السلم لأخذ الموز على الرغم من كل الإغراءات خوفا من الضرب

بعدها قرر العلماء أن يقوموا بتبديل أحد القرود الخمسة و يضعوا مكانه قرد جديد

فأول شيء يقوم به القرد الجديد أنه يصعد السلم ليأخذ الموز ولكن فورا الأربعة الباقين يضربونه و يجبرونه على النزول

بعد عدة مرات من الضرب يفهم القرد الجديد بأن عليه أن لا يصعد السلم مع أنه لا يدري ما السبب

قام العلماء أيضا بتبديل أحد القرود القدامى بقرد جديد و حل به ما حل بالقرد البديل الأول حتى أن القرد البديل الأول شارك زملائه بالضرب و هو لايدري لماذا يضرب

و هكذا حتى تم تبديل جميع القرود الخمسة الأوائل بقرود جديدة حتى صار في القفص خمسة قرود لم يرش عليهم ماء بارد أبدا

و مع ذلك يضربون أي قرد تسول له نفسه صعود السلم بدون أن يعرفوا ما السبب

لو فرضنا ..وسألنا القرود لماذا يضربون القرد الذي يصعد السلم؟

أكيد سيكون الجواب : لا ندري ولكن وجدنا من سبقونا هكذا

عملياً هذا ما نطبقه نحن في أعمالنا وحياتنا اليومية، نبقى في الروتين خوفاً من التغيير أسرى لغباء متراكم يزداد إضطرادا مع مرور الأيام
ومفتخرين بهذا "الغباء" الذي خدعنا بتستره تحت عباءة إسمها "العادات والتقاليد

إنشر ولك الأجر

رحل الملا حسن

فنان آخر يرحل في هدوء

ورحيله يمر مرور الكرام

الملا حسن في الأقدار وبوعدنان في إلى أبي وأمي مع التحية

فيحان العربيد فنان من الزمن الجميل توفى الله يرحمه

إنا لله وإنا إليه راجعون

هيا ونااااسة

شلون يعني؟؟

أول شي منو وزير النفط؟؟

ثاني شي شدعوه انت اللي مسوي النفط؟؟

ثالث شي اذا احتياطياتنا النفطية اكبر من المعلن هذا معناه ان الحكومة اللي انت ممثلها قاعده تقص علينا وتعلن لنا اشياء غلط

وين الفطنة بالتصريح

وليش تحسسني انك تتكلم عن افتتاح المحاميد مو احتياطيات نفطية، شنو مفاجأة سعيدة؟؟

خوش ديرة اللي مصدر ثروتها الأول والأخير ما عندهم تقديرات ثابتة لها ونعتمد على المفاجأة في مصدر الثروة الوحيد

عن الخبال

كاتب أثول أهبل مينون دثوي بيتكسب على حساب سب الديمقراطية الكويتية واهوا بقطر

كتب اللي كتبه عن الكويت ومجلسها وديمقراطيتها

قال اللي قاله من حجي فاضي

وبعدين؟؟؟

هل قطر الوحيدة اللي فيها مهابيل وميانين؟؟

عندنا وعندهم خير

هل قطر الوحيده اللي فيها ناس يسبون جيرانهم؟؟

هم عندنا وعندهم خير، وخيرنا وايد أكثر

الكاتب اللي بقطر قليل أدب واسلوبه وقح

وعندنا هالصبي قايل من مدة هالكلام

تصرفات قطر غير الأخلاقية

متهم دولة بكبرها مو افرادها

البيلر وغيره اشتغلوا ومازالوا يشتغلون على الحكومة القطرية وعلى وزير خارجيتها

ويوم انسحبت اعلانات الوطنية منهم قامت القيامة على الوطنية وهذيل عملا حق قطر

مع انهم قطريين شلون عملا حق قطر مادري

وبعد كل الصيحة كان مالك الجريدة وربعه ناوين يبيعون شركة الاتصالات الثانية بكاملها حق الهنود؟؟

الزبدة ان ليش كل الصيحة والتسفل بقطر

لا وناس يطرشون برودكاست تمنن على قطر احنا سوينالكم وعطيناكم ومن هالخرابيط لا ويطلبون من المتلقي يدز البرودكاست مع اسم اللي كاتب الحجي

من زين الحجي عاد

ارد واقول الدثاوة مو موجوده بقطر بس

بكل مكان بالدنيا

يحق لنا نرفض كلامه بس ليش نسب ديرة بكبرها على مجموعة مهابيل عندهم

ويا كثر مهابيلنا وبلاويهم اللي ما خلت لنا صاحب ابد

مو عاجبكم اللي ينقال عنكم لا ترضون ان ينقال عنهم بدال هالحجي الفاضي

وعن الخبال

إنــچــعــم

نفهم إذا تبي تدافع عن شركتك وتنفي بعض اللي تعتقده مو صحيح

أما إنك تقل أدبك على بوخالد الصوت الجريح فهذي مو من حقك ولا إنت اللي تقيّم بوخالد أو حتى تفكّر بهالشي

جابل شركتك وايد أبرك

وراح يظل بوخالد صوت وفن ماله حدود

سامحنا بوخالد

ماكو شي يسوى

سياسيا ماكو شي يسوى

أو إن أنا حايشني برود مو طبيعي

بس حابه أبارك لكم بشيين

الأول تدشين جامعة جديدة مملوكة لعلي خليفة الصباح

والشغله الثانيه اللي أحب أهنيكم فيها

إهيا غلاف ألبوم رابح

مادري عن الأغاني بس الغلاف أطربني

يعني ماشاالله ينفع حتى يكون غلاف لعبة سوني