هذي صورة إعلان إنتخابي بالثمانينيات أظنه حق مجلس الأمة لأن القادسية والمنصورية كانوا دائرة وحده
ماني فاهمه ليش المرشح كان مصور بصالة بيتهم؟؟
وليش لابس لبس عسكري؟؟
وشنهو القوطي الأحمر اللي شايله؟؟
عالعموم وصلت رسالة قذره حق النائبه معصومة المبارك فيها كل ريحة الطائفية والنتانه
يعني جد أحس الرسالة فيها ريحه خايسه
وطبعا ماهي غريبه السالفة لسبب
فالفتنة الطائفية اللي أبطالها وسائل الإعلام الكويتي وعلى راسهم اكثر جريدة إنتشارا بالكويت الوطن
وأقبح جريدة يديدة الدار
وطبعا هذي ماراح تكون آخر رسالة سواء لنائب أو شخصية عامة
يعني باجر راح يحوش هايف والمطير والسلطان والحربش هالنوعية من الرسايل
وعادي عادي نشوف أسيل اللي حاشها طشّار من رسالة معصومة وغيرهم بيحوشهم بعد
والسبب طبعا هالرسالة
رئيس الوزراء بالإنابة يوم الأربعاء اللي طاف داز حق القبس يشكرهم على عدم نشر تصريحات او مقالات فيها تحريض طائفي؟؟
وهذا اعتراف صريح من رئيس السلطة التنفيذية ان في عندنا بالديرة تناحر طائفي
ومع هذا الحكومة تتفرج وتشكر اللي ما ينشر؟؟؟
يعني حكومة بهذا الضعف اللي يخليها تشكر من لا ينشر
بدون معاقبة من ينشر شنو نتريا من اكثر من مليون كويتي يقرون يوميا جرايد التناحر ويشوفون وسائلهم الإعلامية المرئية؟؟
طبعا راح نلاقي الناس مشحونة غصب طيب بسبّة اللي يشوفونه ويقرونه
بدال كتب الشكر عاقبوا المتسبب
ما تقدرون تعاقبونه وقفوا على الأقل أخباركم عنه خل تصير جرايدهم تتكلم عن برامج فنون وتلفزيون الوطن وقناة العدالة
مو كتاب شكر ؟؟
على فكرة ترى الديرة بسباق بين الحرب السنية الشيعية والحرب البدوية الحضرية
واحنا ما علينا الا ان ننطر من يوصل للذروة قبل
الله يستر
19 comments:
برأيي أنا أشوف رسالة التهديد تافه جدا و د.معصومة كبرت السالفه أكثر من الازم ومالومها لأنه مثل هذي الأشياء بتزيد شعبيتها
دائما ما يواجه أعضاء المجلس مثل هذي التهديدات و بعضهم كانوا يتصلون على بيوتهم ويهددونهم القتل
ولا نسيتوا النيباري؟
سبقتيني....كنت بنزل بوست بنفس الصورة لووووووووووووول
الحكومة إهي المستفيدة من هالحرب، فليش توقفها؟
شكلي اكتشفت شنو القوطي الحمر
قوطي الطلقات صح؟؟
بوست معصب
:")
ديرة بطيخ
اشتقت حق هالكلمة
الاعلان عقب التحرير مو بالثمانينات وهذا كان الملحق العسكري الكويتي في سفارتنا ب بغداد قبل الغزو وكان نشيط وذو علاقات ( كما قيل ) ولكن الموكد والموثق انه حذر من الغزو قبل اسابيع منه بس قالوا له الجماعه اسكت ولا كلمه !!
هناك معلومات بأن محمود حيدر هو من اوعز للي تحته بأن يبعث الرساله لمعصومه لتأجيج نار الطائفية وزرع كره بقلوب النواب الشيعه وناخبيهم على السنه والله اعلم
ملاحظه : حتى لو كانت هالمعلومه صحيحه فذلك لا يبرئ بعض التكفيريين السنه من ما وصل اليه الوضع الان
ما اقدر اقول حكومه ضعيفه تخاف من صفحات الجرايد
ومحمود حيدر للمعلوماتج انه من اكثر الكلاب وفاءاً لناصر المحمد
الحكومة هي من تعزف ألحان الطائفية
اتوقع "القوطي الاحمر" اللي بالصوره مصحف.
كلــنــا بان المذكور اعلاه كان صبي عند فهد الاحمد واذا بنختار فراح نختار القوي الامين مو العبد الخواه مع كافة احترامي وتقديري للاخوان السمر ..
انتخابات 1992
الحكومه لاعبينها صح،، بدآت الرؤيه طائفيه عرقيه و الاستجواب بين هالشي،، و الناس اوقفت مع الوزير مو عن قناعه،، بدو و حضر...
البلد رجع الى الوراء و حتا الامور التي لم تكن موجوده في السابق كالطائفيه بدآت تغزو...
ما انقول الا الله كريم.. و اذا هذا الحال استمر لا بالله كدينا خير.. و كثر الدج يفج اللحام سلمولي عالولاء الوطني
حكومه ضعيفه + مجلس مدور الطلايب = شعب تايه
الى هالحزه بعد اذن وخيتي بنت القرين : اقول احترم نفسك ولا تخوره ما دري انت وين تشتغل ووين تداوم شوف عمرك وانت تعرف انت صبي عند اللي يامرك كل يوم غصبن عليك
هالحزه يقول بكل تفاهه : العبد الخواره ... قصدك الخطيب ؟ اقول كلنا عبيد الله بس احترم نفسك
مطر سعيد مطر
القنصل العسكري الكويتي في البصرة
حذر من عمل عسكري كبير
في آخر شهر سبعة 1990م
قدم استقالته كالكثير من العسكريين
بعدما عادت الحكومة بذات مساوءها
بعد تحرير البلاد
رغم إيمانهم بأن ما تم كان إهمال جسيم
وكان من الممكن تجنب ضياع الوطن
في ست ساعات وبـ ماكو أوامر!؟
حفظ الله الكويت وأهلها من كل مكروه
اللهم اهدِ قومي فإنهم لا يعلمون
Wala el 3atheem el sharhaa 3ala wazeer el e3laam ele sami7 7ag hal mortazaqa emazqooon el we7da el
wa6aniya gawach allah dana :)
Post a Comment