تدرون إن فيلم شمس الزناتي سوّاه عادل إمام كرد فعل على غزو صدّام للكويت
وتدرون إني إقترحت من سنة إن يدخلون بعض الشيعة لهيئة الرؤيا عشان الكل يصوم ويعيّد بنفس اليوم
وتدرون إن كلمة ديوانية بحسب دليل ديوانيات القبس اللي وزعوه امس الخميس
أصلها إن كسرى شاف الناس عنده يسولفون جان يقول لهم ديوانه
ومعناها ميانين بالفارسي
:)
تدرون إن اللي سوى الدشداشه عمره ما فكّر إن تستخدم مثل ما يستخدمونها بالصورة اللي فوق
بدر المطوع شخصية الإسبوع
قدساوية وكيفي
:p
وهيه هيه قادسية
حبيت عبدالله رويشد من أغنية حق فرقة الإخوة إسمها البارحة عبالي رويشد يغنيها
:)
فات فات والله وفات اهيا اغنيتي المفضلة حق منى عبدالغني
بس المشكلة ماني لاقيتها الحين حتى شروق مو موجوده عندها
كنت احسب ان السيايير لما يكونون بالشارع يكون هدفهم انهم يتسابقون
وكنت لما اركب مع امي اتضايق لأن اسرع شي عندها 80 يعني كله خسرانين بالسباق
:(
المشهد اللي بخالتي قماشه اللي ينطرد فيه عبدالرحمن العقل من بيت النفيسي كان يبجيني وليما اليوم ما احب اشوفه
أما أغبى شي كنت أظنه صج وأنا صغيرة إن الحرامي بالكويت يودونه السجن
اشوه اني تشافيت من هالغباء
أنا قلت ذكرياتي
ونسونا بذكرياتكم ولا تستحون منها
صورة ماله داعي أعلق عليها
نروح حق التكتل الشعبي
في أحد يعرف منو أعضاءه حاليا
غير مسلم والسعدون؟
هذا التكتل ومع احترامي لأشخاصه
إلا إنه يذكرني بأبو كثير بسيف العرب
يسولف ويسولف
بعدين ينط فجاة
لويش ما مغيرين لوحات السيارات؟؟
الشعبي ماخذ نفس ستايل ابو كثير
كل شوي ناط لنا الحكومة غير اصلاحية
الحكومة شيلوها
انزين انا بفهم يال شعبي وغير الشعبي
ليش ما تطالبون الحكومة بأشياء وتحاسبونها اذا ما سوتها
يعني باختصار
تطلبون 7 مستشفيات يديدة مع حلول 2011
اذا ما كان اكو مستشفيات ولا ابتدوا فيها تستجوبونهم
او تطلبون جامعتين يدّد مع حلول 2015 اذا ماكو تستجوبون
مو بس تنطرون وتحطون اياديكم على خدودكم بعدين تنطون لهم على اي شي يسوونه
وغير اصلاحية
انتوا صيروا اصلاحيين وقدموا شي تنموي
يا ليت صالح والصقر والراشد والعبدالجادر والصرعاوي والرومي والمليفي والغانم يتبنون هالشي
وشوفوا الناس شلون تلتف حواليكم
نبي تنمية الله يخليكم
بسنا تهديدات
لحظة شوي لحظة
الشعبي طبعا او بالاصح مسلم البراك واحمد السعدون متكلمين عن المصفاة الرابعة
خل نرجع بالذاكرة شوي
التغيير لابد منه، العيب مو بالديموقراطية ولا بالمعارضة السياسية، العيب فينا ان سمحنا وبأصواتنا الانتخابية في استمرار هذه المهزلة لدورات قادمة، لابد من احياء الروح بالديموقراطية الكويتية بعدما قتلها المعزب وصبيانه وهوشاتهم
هذا جزء من مقالة بتاريخ 22-7-2007
المعزب مقصود فيه احمد السعدون وأحد الصبيان مسلم البراك بحسب رأي كاتب المقالة
صدام قال عهد الشيوخ ولي ومسلم قال نفس الكلام، صدام شال اسماء المناطق المسماة بالشيوخ، وكؤوس الرياضة المسماة بالشيوخ لغاها صدام الجديد وربعه
وهذا أيضا جزء من مقالة أخرى يشبه فيها كاتب المقال مسلم البراك بصدام حسين
واهيا بتاريخ 12-7-2007
وطبعا غيرها من مقالات لنفس الكاتب
اللي اهوا يكيكي
لكن بعد سنة تقريبا وبعد السقوط المدوي ليكيكي بالانتخابات نشوف شيقول اليوم
نشكر التكتل الشعبي على موقفه الوطني من قضية المصفاة الرابعة وأشكر بالأخص النائب مسلم البراك والذي تحامل على الحرج القبلي الذي وضع فيه مع التهديد باستجواب العليم ولكن كما العهد مع بوحمود فإن مصلحة الكويت وأهل الكويت فوق كل اعتبار، اعلم بان مطير رجال لا يرضيهم الخطأ مهما كان مصدره شهدنا لهم بموقفهم البطولي مع رئيس اتحاد الجمعيات السابق وبالنهاية اي مساس بالمصلحة الوطنية مساس بكل كويتي مطيري وغير مطيري
اما يا بو حمود وياعم بو عبد العزيز قلناها لكما من قبل أنتما رموز علوتما على نتائج الانتخابات لا كما غيركما، ومسؤوليتكما تتحاسبان فيها مع التاريخ
شنو اعلق عليه هذا وشقول عنه وشحجي
احترق كرته من زمان
لكن يبي يرد الحين يغير الموجة
انا بعرف بس الواحد ما يستحي من كونه منافق؟؟
وهذا مسج من كويت نيوز بعد قبل لا أقفل الموضوع يأيد كلامي
الوزير العليم ردا على بيان الشعبي: ليس لدينا أي برميل نفط كويتي مخزن في الخارج والشعبي لم يتقدم بأي سؤال حول المصفاة الرابعة للوقوف على إجراءاته وأشكر دخولهم مؤخرا لمتابعة المشروع
مو قلنا انها سياسة ابو كثير
يسكتون ويردون
لويش ما مغيرين لوحات السيارات
على فكرة مواضيع الأمة والصفاة و لا أرى لا أسمع لا أتكلم من العيار الثقيل شوفوهم
