انتهى دور الإنعقاد بأزمة
ماهي على صعيد المجلسين
كثر ماهي على صعيد النفوس
وبالأخص نفوس اللي حواليني من مدونين وشباب
صار في كفر بحماية المال العام
بعد إستجواب المحور الأول
صار في قناعة عند الشباب إن المال العام صار سايب مو بسبة شي كثر ما اهوا بسبة المحور الأول
أنا برايي إن المال العام سايب والمدافعين عنه من الاساس شوية قبل استجواب المحور الأول
لكن تعالوا يا جماعة
ثلاثين نائب رفضوا طرح الثقة
هل معناته 30 نائب ضد المال العام؟
إجابتي: ممكن ما عدا
من بين كل الأسماء اللي عارضت طرح الثقة اكو اسم واحد يخليني اقول مستحيل ان هالشخص يكون ضد المال العام
اهوا نائب مستحيل يصوت ضد طرح الثقة بناء على نوعية طالبي طرح الثقة لأنه ماهو شخص فئوي او يدعم اللي داخل السور ضد اللي خارج السور على قولة بعض التافهين جدا
لأنه عاش حياته وكبر مع كل فئات المجتمع قضاها بين ناس مختلفين عن مذهبه الديني وقضاها بين نوعيات مختلفة من عيال المجتمع مختلفين عن نسيجه الإجتماعي
اهو نائب مستحيل انه صوت ضد طرح الثقة طمعا بكسب رضا الرأي العام وبالتالي الأصوات بالمجالس المقبلة
لأنه تصويته كان ضد حتى كثيرين من مكينته الإنتخابية واذا كان بيقيسها ربح وخسارة كان وقف مع طرح الثقة
اهوا نائب ما يخاف من قناعاته ابد والدليل وقوفه مع قضايا ضد ناس مؤثرين ومحسوبين على تياره مثل المصفاة الرابعة والداو كيميكال
اهوا نائب رفض وجوده بمنصب مهم له كشاب في مقتبل الحياة السياسية لمجرد إن حطوا واحد متهم في قضية أموال عامه عضو فخري بالمكان اللي اهوا فيه
اهوا نائب قال عن أحمد السعدون إن ما يقدر يتخيل مجلس بدونه ومع هذا وقف ضد أحمد السعدون في هذي القضية
طبعا عرفتوا ان اللي اقصده اهوا صالح الملا
افهم التشكيك بنوايا الكل خاصة بحماية المال العام
الا هذا ما اقدر اتقبل التشكيك بنيته
مستحيل واكرر مستحيل بالنسبة لي على الأقل إن يوقف صالح الملا مع تبديد الأموال العامة للدولة
مستحيل صالح الملا يوقف مع اللصوص والمنفعين والمتنفعين
الخطأ الوحيد اللي ارتكبه صالح اهوا غيابه الإعلامي بموضوع الإستجواب
يعني اكتفى بتصريح قبل جلسة الإستجواب وتصريح قبل جلسة طرح الثقة
على الرغم من قدرته على الإقناع في اغلب الأحيان
وقدرته على كسب الناس والرأي العام في أغلب الأحيان لكنه إختفى للأسف إعلاميا في هذا الموضوع
واحنا الله يهدانا بعد او الكثير منا تمترسنا ورا الكمبيوترات وصار عندنا اراء مقفولة ما رضينا ولا سعينا ان نسمع ونسأل
فصار عندنا طرحين اشوفهم غير واقعيين ابد
راي يقول الاستجواب قبلي واللي طالبين طرح الثقة مجرمين فعشان جذيه ما نوقف معاه مهما كانت مادتهم
وطبعا هذا طرح سخييييف جدا
والراي الثاني صور كل من ضد طرح الثقة انه بايع البلد ولا يهمه المال العام
وهذا هم طرح برايي مو موضوعي ابد
طيب شالمطلوب
اظن اليوم مطلوب من صالح الملا خصوصا ندوة او بيان توضيحي شامل لرايه اللي اكيد مبني على اسس ممكن ما نقبلها لكنها اكيد موضوعية
أخيرا فريج سعود كتب لنا بوست يرسم لنا فيه الإبتسامة على الأقل
اذا ما نفع بوسته
أكيد هالرابط بينفع
وأي معزة
ماهي على صعيد المجلسين
كثر ماهي على صعيد النفوس
وبالأخص نفوس اللي حواليني من مدونين وشباب
صار في كفر بحماية المال العام
بعد إستجواب المحور الأول
صار في قناعة عند الشباب إن المال العام صار سايب مو بسبة شي كثر ما اهوا بسبة المحور الأول
أنا برايي إن المال العام سايب والمدافعين عنه من الاساس شوية قبل استجواب المحور الأول
لكن تعالوا يا جماعة
ثلاثين نائب رفضوا طرح الثقة
هل معناته 30 نائب ضد المال العام؟
إجابتي: ممكن ما عدا
من بين كل الأسماء اللي عارضت طرح الثقة اكو اسم واحد يخليني اقول مستحيل ان هالشخص يكون ضد المال العام
اهوا نائب مستحيل يصوت ضد طرح الثقة بناء على نوعية طالبي طرح الثقة لأنه ماهو شخص فئوي او يدعم اللي داخل السور ضد اللي خارج السور على قولة بعض التافهين جدا
لأنه عاش حياته وكبر مع كل فئات المجتمع قضاها بين ناس مختلفين عن مذهبه الديني وقضاها بين نوعيات مختلفة من عيال المجتمع مختلفين عن نسيجه الإجتماعي
اهو نائب مستحيل انه صوت ضد طرح الثقة طمعا بكسب رضا الرأي العام وبالتالي الأصوات بالمجالس المقبلة
لأنه تصويته كان ضد حتى كثيرين من مكينته الإنتخابية واذا كان بيقيسها ربح وخسارة كان وقف مع طرح الثقة
اهوا نائب ما يخاف من قناعاته ابد والدليل وقوفه مع قضايا ضد ناس مؤثرين ومحسوبين على تياره مثل المصفاة الرابعة والداو كيميكال
اهوا نائب رفض وجوده بمنصب مهم له كشاب في مقتبل الحياة السياسية لمجرد إن حطوا واحد متهم في قضية أموال عامه عضو فخري بالمكان اللي اهوا فيه
اهوا نائب قال عن أحمد السعدون إن ما يقدر يتخيل مجلس بدونه ومع هذا وقف ضد أحمد السعدون في هذي القضية
طبعا عرفتوا ان اللي اقصده اهوا صالح الملا
افهم التشكيك بنوايا الكل خاصة بحماية المال العام
الا هذا ما اقدر اتقبل التشكيك بنيته
مستحيل واكرر مستحيل بالنسبة لي على الأقل إن يوقف صالح الملا مع تبديد الأموال العامة للدولة
مستحيل صالح الملا يوقف مع اللصوص والمنفعين والمتنفعين
الخطأ الوحيد اللي ارتكبه صالح اهوا غيابه الإعلامي بموضوع الإستجواب
يعني اكتفى بتصريح قبل جلسة الإستجواب وتصريح قبل جلسة طرح الثقة
على الرغم من قدرته على الإقناع في اغلب الأحيان
وقدرته على كسب الناس والرأي العام في أغلب الأحيان لكنه إختفى للأسف إعلاميا في هذا الموضوع
واحنا الله يهدانا بعد او الكثير منا تمترسنا ورا الكمبيوترات وصار عندنا اراء مقفولة ما رضينا ولا سعينا ان نسمع ونسأل
فصار عندنا طرحين اشوفهم غير واقعيين ابد
راي يقول الاستجواب قبلي واللي طالبين طرح الثقة مجرمين فعشان جذيه ما نوقف معاه مهما كانت مادتهم
وطبعا هذا طرح سخييييف جدا
والراي الثاني صور كل من ضد طرح الثقة انه بايع البلد ولا يهمه المال العام
وهذا هم طرح برايي مو موضوعي ابد
طيب شالمطلوب
اظن اليوم مطلوب من صالح الملا خصوصا ندوة او بيان توضيحي شامل لرايه اللي اكيد مبني على اسس ممكن ما نقبلها لكنها اكيد موضوعية
أخيرا فريج سعود كتب لنا بوست يرسم لنا فيه الإبتسامة على الأقل
اذا ما نفع بوسته
أكيد هالرابط بينفع
وأي معزة
14 comments:
كلكم طالبتوا وقلتوا نبيها خمسة
والحكومة استجابت لكم وعطتكم الخمسة
والمقاول صار مثلكم وطالب بالخمسة
هم الحكومة استجابت له وعطته الخمسة
: )
خوش زهيرية
LOL
بوست سعود ضحكنا
اما خليف فقد اثار عطفي
ليش صوته جذي يتراجف؟
انزين ليش خانقته العبرة؟!؟
يا حرام
بس احلى جمله "معصي على شواربك" شكله تو متعلمها من مبارك بن شافي الهاجري بقلطة الوطن وهاب فيها
اهوا نائب ما يخاف من قناعاته ابد والدليل وقوفه مع قضايا ضد ناس مؤثرين ومحسوبين على تياره مثل المصفاة الرابعة والداو كيميكال
لم أفهم هذه الجملة جيدا ...هل تقصدين أن تياره كان على خطأ وهو وقف ضدهم ؟
أرجو توضيح هذه الجملة..
تبين الصج
انتي فعلا غريبه ,, ماينعرف لج
المستحيل صار حقيقه
تعجبيني دايماً في طرحج :)
نتمنى من المدونين يقرون و يفكرون بالكلام الي كاتبته !
صالح لم يغب إعلاميا
بل إكتفى بالتعليق عن الأستجواب بأنة فية شبهه دستورية
هذا بحد ذاتة موقف مسبق
حسافة يا بومحمد
اول شي يسعدني ان البوست اسعدكم
لكن هذا ما يمنع اني اخالفج الراي
اولا انتي قبل هالمرة انتقدتي الملا على موضوع اصغر من استجواب وزير الداخلية بس هالمرة جنج قاعد تدورين له عذر ؟
اذا انتي تبين تعرفين عذر الملا انا ابي اعرف عذر الصرعاوي وعاشور والرومي
انا سمعت كل اعذار البقية وما اعتقد ان في احد بيتفنتق وبيطلع له عذر جديد
صدقيني مالهم عذر لو يسوون مؤتمر صحفي بالقمر
teslmeen teslmeen teslmeeen ma agdar agool akthar men chethii :)
كاتب قصيدة حب في صالح شدعوه يبا
لو ما كان مفشلنا و مصوت ضد حماية المال العام جان اشسويت؟ يبت له فرقة معيووف؟
و تعال بعدين ليش وين حبيبتكم اسيل
و الراشد الي كنت تكتب بوستات فيه و تقول عرف من تكون و يكلمك
انتوا يا ربع التحالف المتخلف و المنبر المناااافق
ما تمثلون الليبراليين
و مو كفو الوقفة معاكم
فئة مصلحجية همها نفسها بس
ليش ما كلمت المالما عوده ايمان بداح مالتك الطبجة الثانية حق اسيل
و يبت لنا تفسير الموضوع؟
البوقه عند اسيل تبدي من جم؟
بتقول اني مندس و عميل و ما دري شنو او اسلامي
بقول لك انا ليبرالية حقيقية
مو مصلحجية
فركش فركش يا اخوان
فركش يالي خصصت مدونة كاملة عن خليف و ابوه
الحرامي و ابن الحرامي
بس اطلعوا ربعك اكثر حرمنه منهم
فركش
ياي الحين تسوي لنا صالح شريف و لا يمكن مادري شنو؟
لا صج؟
اخاف بس صوت ضد بالغلط او كان محصور؟
بسكم... افراد الشعب العاديين الي ما ينتمون لاي تيار يقولون لكم بس
لوعتوا جبودنا
طلعتوا ازفت من خليف و ابوه
كويتية 2000
القضيه يا الأحباب ليست فلوس الشعب ، القضيه شي ثاني .
الطنطنه و الردح و الحكي الزايد و القرقر ، كله علشان تجددت الثقه
بالخالد.
اشوف المآتم اللي صارت ، ما تكلموا عن الكاميرا و راعي ال ٢٥٠٠٠٠ .
الكل يدري ، ان اسوأ اتهام على مر التاريخ " السرقه " لا و مو اي سرقه
لازم تكون بيزات . يعني مو حطب و الا طابوق ، لا ، فلوس .
و مدام القضيه راحت النيابه ، خل ننطر . و على قولة واحد من
ربعي " راح تضيع القضيه "
سالته ، في شي بينك و بينه "وزير الداخليه " ؟
رد علي " اي و الله ، راح يخرب علينا أشياء وايد . و لو ما انت رفيجي
و الا باقولك " مال عام .
حديث دار بيني وبين ربعي.
بسكم تلميع بوسط اشطوله دفاعا عن صالح.
صالح و غيره تنازلوا عن ٥٣٢٦٠٠٠ دك هذا بحد ذاته فقدان للمصداقيه.
بلا طنطنه من الثلاثين نائب مافي احد اخاف عاى المال العام لا صالح ولا غيره فكونا
الاعتراف بالخطا فضيله
واعتقد ان الليبرال يعانون من عهر سياسي
افقهدهم الاحساس بمعاني الفضيله !!
بسكم تغطون الشمس بمنخال !
ودائما وابدا الليرال لا يعترفون بالخطا
تعلموا من الديمقراطيات المتقدمه !
شلون الساسي يعترف باي خطا له !
حسبي الله عليه
أتشرف بمشاهدتكم لبوستي اليديد ، عقب هالقرقه اللي صارت.
Post a Comment