حسبة

لا بد من التجمع بساحه الارادة مساء يوم الأربعاء
من 7.30 الى 8.30
لايصال رسالة شعب مرفوعة هامته
لن تنحيه المواقف ولا أشباه الرجــــال
نعم من أجل تغيير الرئاسة وبغض النظر
قرر أحمد السعدون أم لم يقرر
فرئاسة بيت الشعب لـــنا و ستظل لنــــا

هذي دعوة من مدونة الدستور ننشرها

كنت ناوية اكتب عن موضوعين

الأول بعنوان - هايف مو سنّي

والثاني بعنوان - ليش ما قمت اكتب عن جريدة الوطن

لكني قررت تأجيلهم والسبب طبعا موضوع رئاسة المجلس

مع احترامي لكل الطموح اللي حاصل ان نعيد رئاسة المجلس بيد الشعب

لكن وهذي اللكن وايد كريهة

لنفرض ان حكومة الشيخ ناصر المحمد قررت الامتناع عن التصويت مثل ما نبي

وهذا شي ممكن يسويه الشيخ ناصر لأن النتيجة شبه مضمونة وخل نحسبها سوى

أيا كان منافس الخرافي

بعطيكم حسبة اصوات النواب

واهيا اكثر الحسابات تفاؤلا برايي

معصومة المبارك مو الخرافي
القلاف الخرافي
الحريتي الخرافي
الزلزلة الخرافي
الدويسان الخرافي
عاشور الخرافي
الرومي مو الخرافي
مخلد الخرافي
جوهر مو الخرافي
عدنان مو الخرافي
مرزوق الخرافي
الراشد مو الخرافي
الخرافي الخرافي
جمعان الخرافي
العنجري مو الخرافي
السلطان الخرافي
خلف الخرافي
المطير الخرافي
المطوع الخرافي
الجسار مو الخرافي
روضان الخرافي
اسيل مو الخرافي
السعدون مو الخرافي
المسلم مو الخرافي
الملا مو الخرافي
ناجي الخرافي
رولا مو الخرافي
الصرعاوي مو الخرافي
الطبطبائي الخرافي
العمير الخرافي
مسلم مو الخرافي
هايف الخرافي
مزيد الخرافي
بورمية مو الخرافي
عسكر الخرافي
الدقباسي الخرافي
المويزري الخرافي
الوعلان الخرافي
الخرينج الخرافي
خنفور الخرافي
الصواغ الخرافي
سعدون الخرافي
سالم نملان الخرافي
سعد زنيفر الخرافي
غانم اللميع الخرافي
الطاحوس مو الخرافي
الصيفي الخرافي
دليهي الخرافي
الحويلة الخرافي
بادي الدوسري الخرافي

انا وايد متفائلة بهالحسبة يعني في وايد أعضاء ممكن اصواتهم للخرافي وانا حاسبتهم ضده

الناتج يكون 16 من اصل 50؟
يعني حتى لو نزيد 8 من الاعضاء الناتج راح يكون تعادل بحكم ان الحكومة ناويه توزّر نائبين

على هالاساس ممكن الشيخ ناصر يقرر الامتناع لأنه يدري بالحسبة المضمونه وعنده طبعا نتايج ادق من اللي انا اقوله

للأسف معركتنا خسرانة

ما ودي احبّط
بس أعتقد تأخرنا وايد بالتحرك
وكان يفترض مع الحملات الانتخابية

ناخذ مواقف المرشحين الأقويا

عشان ناخذ منهم موقف مسبق

أنا ما ودي أحبّط بس للأسف هذا واقعنا اليوم

واللي اقوله اهوا مجرد تنبيه عشان لا ننخدع بنوايا حسنة نتصورها وممكن ما تكون واقعية

لكن طبعا احنا بحاجة لتسجيل الموقف

ولهذا سنتواجد بساحة الارادة غدا

وموقف اليوم نجنيه بالغد وان لم يكن بالغد القريب

فبالتأكيد سيتحقق في الغد البعيد
وما عليه