والنيباري راح يستضيف اليوم الثلاثا ربعنا المدونين عشان يتناقش معاهم
اللي عنده الرغبة بالمشاركة بهاللقاء عشان يفيد ويستفيد خل يروح
الضاحية ق 4 ش سيد علي سيد سليمان جاده 48 منزل 4 الساعة سبع ونص
انزين
ليما امس وصل عدد مرشحين المجلس الى 207 مرشحين
فعليا فإن المرشحين النشطين والمنتشرين اعلاميا عددهم ما يتجاوز الثلاثين بكل دائرة
بمعنى ان اجمالي المرشحين النشطين بالإنتخابات اهوا 150 مرشح ومرشحة
انزين دراسة تم اعدادها السنة اللي طافت ما عندي ياها للاسف حاليا
فاللي يقدر يلاقيها خل يعطيني ياها لو يتكرم
الدراسة تقول ان مصروفات المرشحين في انتخابات 2008 تجاوزت ال 21 مليون دولار
ومن المتوقع انها تفوق ال 28 مليون دولار هالسنة
انا بقول انها راح تكلف 25 مليون دولار
شسويت بعدين
بطلت تلفوني ودشيت على الآلة الحاسبة
وقلت
25000000
ـــــــــــــــــــــــــــ
150
طلع لي هالرقم
166.666
يعني متوسط المصروفات للمرشحين هالكثر بالدولار
يعني بالكويتي يطلع 50 الف دينار تقريبا
ووايد من المرشحين اللي نازلين هالسنة
ما يعتبر هذا النزول الأول لهم
سواء من نواب سابقين او مرشحين ما حالفهم الحظ
يعني مرشحين الكويت عندهم استعداد يدفعون 50 الف دينار سنويا كمتوسط؟
ما ودي ادش بالنوايا
لكن اللي يفوز بفرعية واللي اهيا جريمة او على اساس طائفي شيعي او سني
ويفرق ويقسم المجتمع
هل معقوله تهمه مصلحة الكويت عشان يقط لها خمسين الف دينار سنويا كمتوسط؟؟
مادري اشوفها ما تركب ابد
والسؤال لما الواحد يقط خمسين الف مو عشان مصلحة الكويت مثل ما قلت لكم بالأمثلة اللي طافت
أكيد راح يسعى ان يسترجع فلوسه
انزين شلون ومن وين ومن منو واهوا السؤال الأهم؟
أعتقد إن الوقت صار يستلزم اقرار قانون يحدد السقف الأعلى للمصروفات الإنتخابية
يعني مو معقولة صاحبنا اللي واحد يكتب حتى خطاباته ويرفض يطلع بمقابلات مباشرة على ابو ان عنده فلوس ينتشر اكثر من الفقير اللي عنده مبدأ وكفاءة وعقلية متميزة؟؟
هذا اقتراح يسوى ويحقق سواسية الدستور بعد
و
There are storms we cannot weather
طوفوا الشكل شي واااايد يسوى
15 comments:
الله يهديهم صوت الكويت الإعلان وصلني اليوم والعرض بتاريخ 20/4 يعني أمس
عندهم آلة الزمن؟
لا بيعرضونه الاربعا
ويبيله آلة زمن بيني وبينج
:)
بالنسبة للمرشحين المستقلين اعتقد المبالغ توصل لاكثر من المبلغ المذكور اما بالنسبه للكتل والحركات الاسلاميه ومخرجات الفرعية فالاغلبية منهم ما يدفعون حتى 500 دينار
Men 9ejich entay meno galich 21 malyoon doller hathii mo daqeeqa kelish shofay ana da2irtii el thanya yemkin ebroo7ha feha
me9areef 50 million men tarmeem ebyoot o 7amlat o shera a9wat o tawtheef mefatee7 o e3lanat :)
ana el 3am bedayat el inti5abat kent mejtimi3 ma3a a7ad el
morsha7een el yeedad men ele
enja7aw bel da2ira el rab3a
e7aliif o etiikafar egool yawmeeyan ga3ed
yedfa3 men 100 ela 200 alf 7ag tanfeeth el a7kam
e6ali3 nas :)
meno ga3ed ediish 3ashan lekuwait ela el qaleel jedan men el
morasha7een el 3emoom wajaha o floos men el da5ill o men bara
mu3aratha o e7na nogaf weyahum o engool enthaaf o ehma ga3ed yesteefedon laii gebal :)
شكرا على الاعلان
:)
حسافة توقيت لقاء النيباري ما اقدر احضر عندي التزام
يعني اقرار قانون يحدد المصروفات الانتخابيه راح يقلل السرقات ؟؟ سوري بس انا ضد هالقانون اذا بيقرونه
50,000?!
بس؟
من صجهم
اتوقع اقل واحد قاط 100000
شنو سالفه اجتماع المدونين؟ عن شنو الاجتماع ولأي نوع من المدونين؟ للرجال فقط؟؟
وانا اوافقك الراي بالنسبه للسقف الأعلى للمصاريف
تحديد المصروفات قانون غير واقعي بتاتا
حقيقه انج تفهمين
على العموم في فرنسا السقف الاعلى 35 الف يورو
وكثير من دول العالم لديها هذا النظام
عموما انا سمعت الاخ احمد المليفي تكلم عن هالنقطه وهو من قام بأقتراح عدم وجود اعلانات ومقرين انتخابين فقط
وعلى حد علمي اذ الله وفقه سوف يقوم بأقتراح السقف الاعلى
عموما في وجهة نظري صعبه الا مع وجود مؤسسه ضريبيه تعرف ما لدى الناس من اموال
وشكرا
عرض الفلم سيكون غدا الاربعاء
البوستر المعروض يحتوي على غلطة بالتاريخ يرجى التنبيه عزيزتي دانة وشكرا
عزيزتي دانة يرجى اتاحة هذا الرابط لموعد عرض الفلم لكي يزال اللبس بخصوص التوقيت
http://www.facebook.com/event.php?eid=82814744051
وشكرا
بجم الدخول؟
عشان أعرف جم مرافق أقدر أتحمل.
افا ما دريت عنه هاللقاء للاسف
لكن خيرها بغيرها انشاء الله
واما الاعلانات ما بينت لا بجرايد لا تلفزيون لا شي
يعطيج العافيه
Post a Comment