02/12/2007

لو إنتوا



تحديث
**********


يا خواتي يا اهلي يا جيراني

قلت إن تحرك أولي مو الوحيد ولا النهائي

ما يمنع يكون في ستكر ولا يمنع اعتصام ولا يمنع مظاهرة ولا يمنع انتفاضة

بس أولي نشوف فيه الوضع

ونرفع علامات الاستفهام حق اللي مو عارف شنو الفكرة

الليتات راح تكون واضحه للكل واذا الواحد شاف اكثر من ليت سياره شاب راح يسأل ليش

وعادي يتليقف ويشب ليته واهوا ما يدري شالسالفة

خل توصل فكرة ان الناس مو راضين وهذي بداية تحرك

يا جماعة نشروها وبلغوا عنها

عندنا يومين ليما الاربعا

سووا اللي تقدرون عليه الله يخليكم

آخر شي

إدراك نبهتني على مصطلح يجب إستخدامه بدال شارع كويتي

وإهوا رأي عام كويتي

راح أصلح الجملة الحين

وشكرا إدراك

:::::::::::::::::::::::::
الطبطبائي يجهز استجواب الطويل وينتقد «الشعبي»: أحب الشيعة ولست طائفياً.. واستجوبت وزراء سنّة

هذا صفحة أولى بالوطن اليوم

أما بلبل شيقول

عن الطبطبائي اليوم

أن يكون السيد قد تحول الى أداة تدار بالريموت كونترول من التكتل الشعبي دون ان يشعر

بالذمة هذي جريدة تسوى احد يقراها؟؟؟

ما دققت بمواضيعهم اليوم لأن عندي شي أهم منهم بوايد وايد


اعتقد ان انتهينا من مرحلة التنوير والتوضيح بالمدونات خصوصا ويمكن وصلنا ليما مرحلة التحلطم المكرر

ولأن الدولة تعودت على التحلطم بدون لا ترد أو تهتم معتبريننا فخار يكسر بعضه

فأعتقد إن الحين وقت تحرك فعلي يحتاج لنا كلنا مدونين أوكتاب أوقادة رأي وغيرنا وغيرنا

وخل نبتدي بشي أولي لمعرفة وضعنا كرأي عام كويتي

ونوصل رسالتنا بوسيلة تعبير اولية وأشدد على أولية

يعني ماهي كل شي

ومثل ما قلت بموضوع طاف ان إحنا تعودنا على ان نتحرك كردات فعل على شي ملموس سواء بالمجلس أو الحكومة

وودي نكون اليوم احنا الفعل

واعتقد إنها الطريقة السليمة لتصحيح الوضع

فلو إنتوا تقولون لأ للتعديات على الأموال العامة والخاتمة تصير حفظ القضايا

ولو إنتوا تقولون لأ للتعدي على قوانين الدولة وأبرزها بهالفترة تعدي صاحب السمو طلال الفهد وجماعته

ولو إنتوا تقولون لأ للهدر بأموال الدولة بإسم اسقاط القروض

ولو انتوا تقولون لأ التصرفات الطائفية والفئوية اللي يقوم فيها الطبطبائي وغيره

ولو انتوا تقولون لأ حق جريدة الحرامية وممارستها وفتنها واكاذيبها

ولو إنتوا تقولون لأ حق الفساد اللي انتشر بالديرة بكافة المجالات

ولو انتوا تقولون لأ حق الوضع الطائفي بالجامعة

ولو انتوا تقولون لأ حق الفداوية المتيمعين حول بعض عيال الاسرة

لو إنتوا تقولون لأ حق كل هالاشياء بلا استثناء

مطلوب منكم شي بسيط جدا جدا جدا

لا تترددون فيه ولا تنطرون احد يسبقكم انتوا بادروا فيه وغيركم بيستمر معاكم

يوم الأربعا والخميس واليمعة اليايين 5 و 6 و 7 -12 بفترة النهار

وكل ما تطلعون بسياراتكم

شبوا الليتات بس

لا أكثر ولا اقل

ماكو ابسط من هالامر يا جماعة

خل يكون وسيلة حضارية للتعبير

لا تترددون وتعذربون فيه

يا حبايبي يا باجي المدونين

وتحديدا وماهو نقوص بالباجي

أم صده وساحة الصفاة ومطقوق وعاجل و موقع الامة بحكم انتشاركم الكبير جدا ما شاء الله

ارجوكم بادروا اعتقد خلصنا وقت الكلام

وباجي المدونين لا تترددون ارجوكم

خنبادر يا ناس عشان هالارض

وياريت اللي عنده ايميلات ومسجات و
facebook

هم نشروا الجزء المكتوب باللون الأزرق

خل توصل ال



للكل

والله يوفقنا في سبيل الكويت

40 comments:

سدرة العشـــاق said...

حاضريـــــــــــــن

-----------------------------

لأ

Anonymous said...

لا

Mohammad Al-Yousifi said...

انا من زمان شاب ليتاتي بالنهار

عادة أمريكية خبيثة

wa6an-alnhar said...

لأ :)

Anonymous said...

you said:

لمعرفة وضعنا كشارع كويتي


يجب أن تقولي :
لمعرفة وضعنا كرأي عام كويتي

أنظري طريقة وسائل الأعلام في مخاطبة العرب و الشعوب العربية .. دائما يقولون الشارع العربي .. و لننظر مستوى الغرب في مخاطبتهم لشعوبهم فيقولون الرأي العام البريطاني و الرأي العام الأمريكي .. لا يقولون شارع ... لأن مستوى شعوبهم أرفع من أن يطلق عليه شارع ..

فعندما نحن نحترم الأنسان و نرفع من شأنه نكون بذلك نجحنا في أول خطوة نحو بناء الانسان ..

أتمنى أن تبدأوا بالثورة الفكرية أولا قبل العمل .. فما بني على باطل فهو باطل
و لك أشد التحية و تمنايتي بالتوفيق

Eng_Q8 said...

حاظرين

لأ

Anonymous said...

لقيت هذا الموضوع وانا اتصفح باحدى مواقع متداولي البورصة وهم غير مهتمين بالسياسة نوعا ما بس لقيتهم متفقين على شي واحد "لا

http://www.indexsignal.com/vb/showthread.php?t=88656

أبو جيج يدور نعاله said...

ما أطلع بالنهار ...دراكولا

و إذا طلعت أستخدم شبكة الأنفاق


بس شب الليتات بالشتاء ما راح يبين لأنه شى طبيعى...الجو غائم
و أغلب الطلبة إللى دارسين بأمريكا يشبون ليتاتهم و هى عادة حميدة تعودنا عليها بالظروف الجوية الصعبة


الستيكر - الموحد له مفعول أقوى

العرزالــــــه said...

أأيد بوجيج

الستكرز وايد أقوى ودائم

وهم بالليل والنهار

واذا فيه موقع موحد للمدونات بحيث اللي ماله شغل بالتدوين والنت يدش يشوف شالسالفه

تجذب شريحه أكبر ورايك يصير أهم لن يعبر عن ناس اكثر

الليتات من بيفهمها؟ المدونين وربعهم بس؟

أما سالفة الليتات مادري

ليت الصبح ليت بالليل بدل بطاريه جيب فلوس

الا جان نخلي الحساب باسمكم :)

انا مع الستيكرز

صمموه وحطوه هني اذا اوكي نصممه عند محل واللي يبي يروح ياخذ منه

Anonymous said...

أؤيد بوجيج

الستيكر - الموحد له مفعول أقوى

والشعار : شباب الكويت ضد المفسدين

Anonymous said...

لساني قرح وأنا أقول لا
ولكن لا حياة لمن تنادي

دائما أقول بأن أسهل باب موجود للإصلاح هو باب الرياضه وما قدرت الحكومه تصلح شي فما بالكم بالمفسدين اللي تارسين الديره

وهم بعد لا

Anonymous said...

طيب شبينا الليتات ..
وبعدين ؟

اش راح يصير يعني؟؟

kuwaitawy said...

السلام عليكم

بصراحة هذا اللي نبيه
نبي وقفة ونبي نوصل رسالة للقيادة العليا من الاستياء اللي حاصل بالبلد


بالنسبة حق يوم الاربعاء والخميس واليمعه
انا اسف ما اقدر لأني موجود خارج البلاد
لـــــكن انا وياكم

لأ
لأ
لأ
لأ
لأ

Anonymous said...

يعطيج العافية

وياج لأ و تريك و
beep beeeep

بو حامد said...

ادق على حمد يشب ليتات الهليكوبتر ؟

صراحة انا اقترح عليج حمله افضل

قبل فتره طوييييييله سووا الملتزمين حمله ضد جريدة القبس

تيمعوا بما ادري اي ساحة ويابوا صناديق الجريدة وقطوها وصار جبل من صناديق الجريدة


بادروا بهذا الشي بلشوا بالشي العملي وبنفس الوقت دقوا على الجريدة والي عنده اشتراك خل يقول مابي توصلني الجريدة واشتراكي فلوسه حلال


قوموا الصبح حزه ماتوصل الجريدة قولوا حق الموزع ردها وياك

امور بسيطه لكن فيها شي ملموس ونتيجه اكثر من ان تشبون الليتات

ARTFUL said...

آآآمين

=)

فتى الجبل said...

لأ
____
صح المفروض الشباب يتحركون
بس التحرك لازم يكون أقوى من جذي
مثلا مظاهرات مستمرة حتى لو مرة بالاسبوع..هذي راح تكون أقوى وأسرع بالوصول للمسؤولين من مجرد شب الليتات
ويمكن تييب لنا أنصار يدد من النوع اللي ما يقرا المدونات بس اهما مو راضين على الوضع الحالي

Selezya said...

اهو اكيد لأ
بس هالوسيله ماعتقد انها راح توصل ويفهمونها الناس
في وسائل وايد افضل منها اللي قالوو عنها اهيا الستكرز

Anonymous said...

هههههههههههههههههههههههههااااي
أنا آسف لاني ضحكت بس صج صج صج مصختوووهه تبون خمس دواير ولبسنه برتقالي اتقول المنتخب الهولندي و سويتواعتصام امام معرض الكتاب وشلنه اشموع اتقول طالعين من كنيسه والحين تبونه امبطل الليتات بالنهار وباجر ياخوفي تطلع سالفه ثانيه واتقولون روحو دواماتكم قري .....
وبعدين يعني ما انخلص من هالاختراعات اذا ما عندكم افكار حق هالشغله تره مو عيب تقتبسون من غيركم بس عاد بالمعقول وبالنسبه حق الباجات والله ملينه من الباجات لدرجه انه صرنه شعب الباجات آنا عندي فكره جيده الا وهي تطبعون كلمه لا على ظهر جنجفه واتحط كلمه جريده الوطن على الجيكر و صوره بلبل الطبل على الميكر وجذي توصل فكرتكم اسرع وتنتشر في الدواوين بشكل مو طبيعي
وأخيرا لأ

حمد said...

لآ لآ لآ

الله يرحم السيد نزيه

Anonymous said...

لأ..بعد التحية اود الاشادة بالمدونة والمواضيع المهمة وكوني خارج الكويت فالمدونة تعطى الاحساس بالوطنية وان الديرة بخير وفيها شباب على قدر كبير من المسؤولية اذا ما اعطيت لهم ...بالمناسبة لاول مرة اكتب تعليق في المدونة واتشرف بان تكون في هذه المدونة وفقكم الله لما فيه الخير...يوجد لدي طلب كذلك وهو التعليق على مقال كتبه ذلك المتستر بالاسلام الذى يدعى أحمدفهدالفهد اليوم بالعفن حيث اورد كلمات لاتليق بكاتب او بآداب الكتابة فنعت شخص بصاحب الكرش والديود فمثل هذه الالفاض قلة ادب ولا تليق بكاتب اسلامى فهناك أطفال ونساء يقرؤون الجرائد والمقالات لذلك اقترح عمل دورة تدريبية لتعليم طريقة الكتابة ودورة اخرى لتعليم الادب والتربية وحسن اختيار الالفاض شكرا وعذرا للاطالة..ارسلت تعليق للكاتب الساعة3صباحا ولم يوضع حتى الان

Zahgan said...

انا اشووف الستيكارات احسن بس مو هذا موضوعنا بنقول اوكى هلى الليتات وهم على الستيكارات بس ياريت انه استيكر احسن ويكن بس كلمة لا من غير شي ثاني عشان اتكون معبره وتوصل وهم اتخلي الناس عندها فضول يعني شنو لا وليش لا وجذي , والله يوفقنا انشالله ونقدر نوصل الي نبي

Anonymous said...

A sticker with NO would be more effective in attracting attention ..
NO

Bashar said...

ومعاج نقول لأ ..

تحياتي

Anonymous said...

شوفو يا شباب

إشرايكم نلبس سليبات بوخيط وبشرط تكون ألوانها فوسفورية ونتجمع بساحة الإرادة؟

Anonymous said...

بو حامد انت حلمان؟

بعدين شتقصد ملتزمين؟

فتى الجبل said...

بنشب ليتاتنا
وان شاء الله التحرك في المرة الياية يكون أقوى

Anonymous said...

فتى الزغل
إنت من صجك؟ يعني بتصير كووول
لا وتتكلملنا عن التحرك بالمرة الياية؟
آنا أقول هز طيزك وارقص دبكة أحسن لك
خخخخخخخخخخخخخخ

Anonymous said...

بوحامد
خلك ورا فتى الزغل وباجي الخمة
وشبو ليتات سياييركم لما تخنس بطارياتها












































































































































لايكون مصدقين روحكم؟ انتو حدكم جل بشعوركم وكل واحد منكم حاك الشنب وصاير لي فيها بطل وطني



























ياعمي روحوا بيعو بنك احسن وابرك لكم

Anonymous said...

ياجماعة الخير انا راح اجيب الكي واي معاي والفازلين لزوم الترللي
























































































































































خخخخخخخخخخخخخخخخخخخخخخخخ





























































































خخخخخخخخخخخخخخخخخخخخخخخخخخخ















































































































































قــــــــمـــــــــــــــتــــــــــة

Anonymous said...

قمتة







































































































































































































































































































































































































































































































































































































































































































































































قمتة

Anonymous said...

شنو هذا؟
حر وخيسة عندكم












































بطلو الدرايش خلو الغرفة تتهوااااااااااااااااااااااااااااااااااااااااااااااااااااااااااا

















نبغي هواااااااااااا منعش

Anonymous said...

فيه احد طقع؟

مو انا

Anonymous said...

خيستنا يا بوفسوة يا القمرديني
انت شنو متريق اليوم؟ بيض؟

Anonymous said...
This comment has been removed by a blog administrator.
DiLLi O MiLLi said...

وليش بـس لمـدة 3 أيـام ؟
خلوها على طول .. طالما كل هالأوضاع والسلوكيات السيئه لا تزال موجودة بمجتمعنا

خـلواااا ليـتاتكم مفتـوحـة
لمـا تنطفـي هالسلوكيات الشاذة من مجتمعنتا

(((( لأ ))))


ويـا قلبـي لا تحـزن

:)

..... الفنطـــاس said...

لا
والستكراقوى وجاري البحث عن دزاين واذا في شي جاهز دلونا

Anonymous said...

أجاز الرقيب كتاب الدكتور أحمد الخطيب

Anonymous said...

معك على طول الخط

فكرة حضارية راقية لكن لماذا فقط لمدة قصيرة؟ لتكن لأجل مفتوح


و مبروك علينا الافراج عن مذكرات الدكتور.

اخيرا اجازوه؟؟ هو ليش في رقابة على الكتب اصلاً؟؟

ست اشهر يقرونه الرقابة، الظاهر ما يعرفون عربي

someone said...

mo me7tajeeen alfaa'6 o nicks mn hal naw3eyaa..
n3aber 3ala araa2na ebkaifna fe 7edod el9a7 wel ghala6 6b3aan,,

thmnaw alfaathkom ...
3aib tara!