10/10/2007

إنتخابات الجامعة -5


وأيضا مايو

أول شي نهاية عرس الدم تلقونها عند عاجل


ونكمل مع

الــمــشــكــلــة


مثل ما قلت لكم هالجزء من المشكلة راح يكون مختص بالاتحاد وقيادته


واللي فيه القلب لا سمح الله لا يقرى ترى بلاويهم وايد


بس اشكر ساره وحسين وفهد و آلاء ويوسف

على تزويدي ببعض الصور

وهم قبل لا ابلش احب ارد على سؤال مطقوق

مطقوق يقول شنو الاشياء الزينه اللي سووها باجي القوائم

أنا أقول له إن أنا ما اسوق باي شكل من الأشكال حق القوائم الباجية بوضعها الحالي

ومع هذا ما نقدر نحكم على القوائم شبتسوي طالما اهيا ما مسكت الاتحاد بعد الائتلافية عشان نقدر نقارن ومقارنة الاتحاد بالجمعيات والروابط مو منطقية

والوضع الطلابي بوضعه القائم كلش مو شي

خلونا ندش بالموضوع

اول شي أو اول جذبة للائتلافية اهيا انكارها المستمر لتبعيتها للاخوان المسلمين وجمعية الاصلاح بشكل خاص

وعشان نسكر هالباب من أول شي هذا كلام عبدالله المطوع الله يرحمه في بداية التسعينيات

وأيضا مايو





هذي التبعية وخلصنا منها وماصار في اي مجال للنقاش

نروح حق موضوع ثاني

المعروف ان الاتحاد له ميزانية خاصة والهدف منها خدمة الطلبة وفايدتهم سواء من خلال انشطة ولا دورات علمية ولا اصدارات

وهذا شي نفهمه لكن ان تقوم بهدر فلوس الطلبة بهالشكل المو منطقي كلّش يخلينا نحط الف علامة استفهام

شوفوا وحكموا

وأيضا مايو














الوثيقة الياية عبارة عن موضوعين الموضوع الأول يعبر شلون هذي القيادة تمارس الوعد بعد الوعد والنتيجة ماميش

والموضوع الثاني عبارة عن توضيح لطيف جدا

نيو وينك ما مريت؟؟

أرت يعني انت موجود وتكتب شنو اكتب لك

ليش انت موجود؟

مثل ما نعرف موقفهم من الاختلاط وشلون مستذبحين على فصل الاختلاط بس بالصورة مبين غير اللي يطالبون فيه

اي وعلى فكرة ترى الائتلافية وقفت مع حقوق المراة ومع هذا ترفض الاختلاط

يعني شلون يقطون نورية بغرفة والباجي كلهم بالقاعة

واذا تبي تتكلم شلون؟؟

صوت المراة عورة

وأيضا مايو



هذي احدى تحف التيار الديني بكلية الشريعة ما راح اعلق عليها اقروها انتوا بس

وأيضا مايو





سعود الناصر كان سفير الكويت بامريكا وقت الغزو

اسمه غزو حق اللي ما يعرف

اسمه غزو إعتداء إجتياح عدوان حق اللي ما يعرف

شوفوا شيقول بس وتعرفون شنو يعني هالقيادة

وأيضا مايو







الاستاذ محمد الوشيحي والاستاذ عبداللطيف الدعيج

أنا على الاقل اعرف ان انتوا الاثنين تتابعون المدونات

اذا قريتوا هالموضوع فأنا بحاجة لأقلامكم تنشره بالجرايد

لأني اعرف انكم تحبون الكويت

يمكن الناس تقول سعود الناصر متحامل على التيارات الدينية

وعشان جذيه قال هالكلام

وانا أقول ممكن البعض ياخذ هالموضوع حجة ويقول لا جذب عيل شوفوا هالوثيقة

وأيضا مايو


البيان صادر في 9-9-90

خامس اسبوع من الغزو اسمه غزو

يعني مو بعد التحرير

مو قبل الغزو

خامس اسبوع والاخوان المسلمين يسمونه خلاف

ويطالبون بانسحاب القوات الاجنبية

ونصير مثل فلسطين ندور عن حل عربي اسلامي من 1948

اي مو الحل العربي الاسلامي خلى السودان والاردن واليمن وفلسطين وليبيا وغيرهم ضد الكويت

شنو الحل اللي تبونه؟؟

أسرار صارت خلاف؟؟
قبازرد صار خلاف؟
سناء الفودري وفاء العامر سارة الحسن هشام العبيدان خلاف؟
أحمد العصفور فايق عبدالجليل خلاف يا مسلمين؟
الطفل أحمد عبدالله بوحمدي عمره اربع سنين صار خلاف يا ائتلافية؟
شهداء بيت القرين خلاف؟
دمعة جابر الأحمد خلاف؟
إنت يابو دموعه تهطل وينك عن الخلاف؟
قسما بالله العظيم هذيله مفروض يتهمون بالخيانة العظمى مثل علاء حسين وعبدالفتاح البدر وحسن قبازرد وغيرهم من الخمه
حاولوا يخشون الوثيقه كثر ما يقدرون لكن الله كشفهم

شوفوا
والله لو الائتلافية مسويه الجامعة جنه
والطيور تغرد بكل مكان
وكل الاوضاع اروع ما يمكن
هذا الموقف القبيح يكفي ان ينقطون بمزبلة التاريخ

اللي يقول انه ائتلافي والله مفروض يستحي
ويسأل نفسه لو واحد من الشهداء كان عارف بموقف طلبة ديرته
شنو راح يكون موقفه وشعوره

وابي احمد فهد الاحمد
ابن الشهيد
شلون يفتخر ان ماكو نشاط حق الائتلافية الا ويرعاه
مو ابوك شهيد الغزو
ولا ابوك ضحية خلاف؟؟؟

سراق المال العام انتوا وجريدتكم اللي متمسكة بمصطلح دول الضد وينكم عن اتحاد الضد هذا
ليش تمجدونهم؟؟
اي عرفت ليش لو مو الغزو جان ما عندكم جريدة

قبل لا اسكر موضوع المشكلة بقول شغله

ترى الاخوان المسلمين يردون على هالاتهامات وغيرها برد ولا اقبح

يقولون احنا عيال اليوم ووعمرو دياب يقول مابلاش نتكلم بالماضي
وانا اقول لهم قائمتكم تفاخر بمواقف بالماضي بس لما تيي على الفضايح تصيرون عمرو دياب؟
وثاني شي اذا ما تبون نتكلم بالماضي
مابي اسمع واحد فيكم يقول ان الائتلافية تقود الجامعة لاكثر من 25 سنة
لان ما بلاش نتكلم بالماضي هم تنطبق على الانتصارات

وأيضا مايو

آخر شي احب أقوله
الاتحاد الوطني في السنين الاخيرة ما يقدم تقريره المالي للطلبة
والاتحاد ما يسوي الجمعية العمومية داخل الجامعة
مع ان الاماكن متوفره سواء مسرح الخالدية او مسرح الشويخ وغيرهم
واساسا ما يعلن عن مكان الجمعية العمومية الا قبلها بيوم

طبعا عشان لا تنكشف البلاوي

عموما صار في تغيير بسيط
وباجر بدال لا تكون حلقتنا عن الحل راح تكون بعنوان ليش وبعد العيد نقدم الحل

وأيضا مايو

25 comments:

بو حامد said...

قد نختلف كثيرا مع الاتحاد بقيادته الحاليه البزنطيه ، وايضا مع الهيئة التنفيذية المتخلفه التي لا تعرف القوانين ولا تطبقها الى على مشتهاها فهي تعطل لوائح الدستور متى ما ارادت وتفصل القوانين على مقاسها .

ولكن سعود الناصر لا اعتقد ان كلامه يعد مرجع كامل ولا يحتمل الكذب فهو كذاب وكافي حركته واحراجه للكويت حين تكلمت بنته امام الشعب الامريكي !

Bad-Ran said...

نعجة !! وذيب !! .. آااابوكم لا بو آآآآآبوكم ما تستحون

.............

موضوع (الخلاف) يحر ويعور القلب

.............

مع التحفظ على (دمعة جابر الأحمد) .. ء

Unknown said...

كلام ممتاز و منطقي و جميل

الأغرب اني و أنا أقرأ الكلام نبرة صوتي ترتفع كل ما انزل سطر تحت و علامات وجهي اتغير

هذا اما من عظم الخنبقة اللي الجماعة مسوينها و اللي ندري عنها من زمان

أو من براعة الكاتب

بس أعتقد الثانية

مــعـــارض said...

من قنع بالدين نواياه الدنيئة
فسيكشفهم شعبي تباعاً فتباعا

لا خير في فرد جعل الدين ستاراً
للفرقة والفتنة وتأجيج الصراعا
___________________________________

عندي احساس ان الحل اللّي راح تطرحينه نفس اللّي في بالي!... بانتظار الحل، ومن ثم لنا رأي

كل الشكر والتقدير على جهودج... وإلى الأمام سنسيرُ، فهبوا جميعا اسود النضال، وضحوا وثوروا وحطموا الأغلال، وزكوا دماءاً وحققوا المحال، لتحرير شعب من الاحتلال

Mohammad Al-Yousifi said...

أوكي دانه

أو دانات مثل ما تكتبين

مقالة ممتازة لفضح اتحاد الطلبة بقيادة الائتلافية

لكن

الكلام مكرر و الفضايح انا شخصيا قاريها للمرة العشرين اذا مو الخمسة و عشرين

طيب ليش قاعدين يفوزون؟

ليش هم الأغلبية و مطشرين الباجي من عشرين سنة؟

أين الخلل؟

شوفي يا دانة

احنا دارسين بأمريكا

بسنة 99 طلعت قائمة الوحدة الطلابية و انسحبت اعتراضا على الاتحاد و حركتهم في اعلان مكان الانتخابات قبلها بمدة قصيرة جدا

بسنة 2000 دخلت الوحدة الطلابية الانتخابات و طلعت المركز الأخير بعد المستقلة و المعتدلة و انا شخصيا لم أصوت لهم رغم اعجابي بهم

سنة 2001 و رغم ان القائمة جديدة على الساحة و رغم امكانياتهم المتواضعة و رغم صعوبة انتخابات أمريكا كون الانتخابات تحتاج الى مبلغ لا يقل عن 500 دولار من سفر و سكن و ما الى ذلك الا أن الوحدة الطلابية و بلا فخر اكتسحت الانتخابات و لا زالت ماسكة الاتحاد الى يومنا هذا

- ملاحظة بسيطة و هي اني مو متأكد من تاريخ السنوات , العتب عالميموري بس القصة نفسها-

طيب ما تقوليلي شلون قائمة جديدة ما صارلها 4 سنوات استطاعت ان تتغلب على قائمة عملاقة بكوادرها و دعمها اللا محدود كالمعتدلة؟

و قوائم الكويت صارلهم عشرين سنة بين الثالث و الرابع و الثاني؟

مع اني متأكد ان قوائم الكويت مدعومة و الفسيليتي عندها اقوى بكثير من الوحدة

الخلاصة اننا في الكويت عندنا مثل يقول امسك مينونك لا يجيك اللي أيّن منه

و أعتقد ان القوائم الطلابية بالكويت لم تستطع اقناع الطلبة بأن مجنونهم أفضل من مجنون الائتلافية و يجب على القوائم مراجعة نفسها و تشوف ليش مو قادرة توصل للناس

شكرا لك و ناطرين البقية

Mohammad Al-Yousifi said...

اعتقد الوحدة فازت سنة 2002 لأني ما كنت موجود فيرجى المعذرة على الخربطة و متأكد هناك من القراء من يستطيع تصحيح قصتي و دعمها بتفاصيل أكثر

شكريا

بلا قيوود said...

http://www.youtube.com/watch?v=4JUE-EsCDB0

بلا قيوود said...

....شوفوا دمعته

Anonymous said...

SerIuosLy I felT tHat Am heaRing soMe oNe talKin to me not reaDing,
MarVlous way of wriTing with perfECt orDer that aTTracts the reADers

ButterFlier said...

لجيتينا بالجامعه


كتبيلنا شي مفيييييد

الجاعه اي كلام

Anonymous said...

ولا اروع

shee6an said...

دانه كلام حلو بس المصيبه ان اغلب الطلبه عارفينه بس يصوتون حق الائتلافيه
ليش يصير جذي
مادري ؟؟
والي مايصوتون حق الائتلافيه مايصير مافيهم واحد يفهم ويقدر يوقف اللي صاير

bo9ali7 said...

ناطرين الحل

بروفسور حمادو said...
This comment has been removed by the author.
بروفسور حمادو said...

مجرد تعليق بسيط على جزئية بسيطة من البوست ، تلك التي تقول

البيان صادر في 9-9-90

خامس اسبوع من الغزو اسمه غزو

يعني مو بعد التحرير

مو قبل الغزو

خامس اسبوع والاخوان المسلمين يسمونه خلاف

ويطالبون بانسحاب القوات الاجنبية
........
قسما بالله العظيم هذيله مفروض يتهمون بالخيانة العظمى مثل علاء حسين وعبدالفتاح البدر وحسن قبازرد وغيرهم من الخمه
حاولوا يخشون الوثيقه كثر ما يقدرون لكن الله كشفهم


التعليق الخاص بي:

ناصر العنزي الذي تطالبين باتهامه بالخيانة العظمى ، أبتعث لدراسة الماجستير من قبل كلية العلوم الطبية المساعدة للولايات المتحدة بعد حصوله على تقدير جيد ، و أصبح رئيسا لاتحاد الطلبة هناك

ومن ثم ذهب للملكة المتحدة لدراسة الدكتوراة ، و أيضا أصبح رئيسا للاتحاد هناك

و بعد عودته للكويت ، ودون أن تمضي سنة على عودته للجامعة ، أنتدب للعمل في وزارة الصحة كوكيل مساعد للشؤون الإدارية ، و انتهت مدته في شهر سبتمبر 2007 ، وعاد إلى جامعة الكويت

و لا تستغربي أختي الفاضلة إن رأيت من تطالبين باتهامه بالخيانة العظمى مرشح قريبا لمنصب وزاري ، فهو من أبناء حدس المدللين الذين يحاولون بشتى الطرق الحفاظ على سجله زاهيا أمام القيادة دون إظهاره بأنه منهم

http://www.sabaahregion.com/images/wazera1.jpg

http://www.sabaahregion.com/images/wazera.jpg

هذه صورته مع د.معصومة المبارك ، مع إضافة ملاحظة بسيطة إنه كان بلحية لما وقع البيان أيام الغزو

ولا تطالبين باتهامه بالخيانة العظمى هااااا؟

أقول شلونج بس ؟

:)

تحياتي لج و لمقالاتج المتميزة ولابو راكان الدعيج و للوشيحي و للجميع و رأصني يا جدع على شرف الحكومة...

(ملاحظة: تلاقينه دوم مع د.بدر الناشي الامين العام لحرامية الدين السياسي حدس في ميس الغانم

فريج سعود said...

في تعليقي على الجزء السابق قلت بعد نجاحهم في ست كليات تعال طلعهم
وهذا الشي ينطبق على الاتحاد وكلامي فيه رد على اخوي مطقوق
الي صار باتحاد امريكا ما يصير هني ليش انا اقول لك
هذيل اذا امسكوا اتحاد او نقابة او جمعية او غيره خلاص يتحكمون في كل شي ويزورون كل شي التقرير الاداري , المالي بوقاتهم خرابيطهم
حتى الجمعية العمومية يتحكمون فيها على هواهم واذا حسوا بالخطر اقترحوا اقفال باب المناقشة وهو الاغلبية ويسكرونه يعني ما راح تصيد عليهم شي ابد هذا غير انهم مسنودين من جمعية الاصلاح واعضاء ووزراء وغيره وكل وزير و رئيس للجامعة يخاف منهم يعني بالعربي يتحكمون بكل شي
الحل ماكو حل ابدا الا انم يحلون الاتحاد وتصير معجزة وتقف كل القوائم مع بعض ضدهم وهم راح يستجوبون وزير التربية ويحلون الحكومة يبا هذيل دولة داخل دولة
اللهم لا ترضي الولاة عنهم ابدا
هذا اقصى دعاء قدرت عليه بس بلغتم

Anonymous said...

موضوع غير مهم بالنسبة لي لأني عديت مرحلة الجامعة ، أنا أقول اللي طالب بالجامعة خل يركز بدراسته وشهادته ومستقبله أفضل له بدل المواضيع التافهه اللي ما منها فايده غير عوار الراس ، بالله ما تقولون لي شنو مستفيدين !! وقت الإنتخابات الكل يدورنا وتعالوا والله يخليكم انتخبوا قائمتنا وبعد الإنتخابات محد يعرفنا ، ونفس الشي بإنتخابات مجلس الأمه

Sarah

Q80 Blogger said...

مشكوره على عرض الموضوع

ولو اني اشوف هجوم على قائمه وحده

جنه باجي القوائم ماعندهم فضايح

كلش المستقله اتهبل نظيفه
وبعد الوسط

نقول محد يستاهل ولا ننحاز حق احد احسن

عيدج مبارك مقدماّ

فتى الجبل said...

مع كل هذا فللأسف أكو ناس يصوتون لهم وللأسف الحكومة توقف بصفهم لأننا شعب تعود انه يبوس الريل اللي تدوسه

Unknown said...

قد تكون شهادتي فيك مجروحه ، ولكن تركة الابداع تكبر بتسارع غير مسبوق محليا.

بعين مراقبه بفخر ومقارنه بالاقران ، أرى أن الصعود الحاد للنجاح في "اطارك" لن يلجمه ويحده الا "مغريات" خطيئة التعريف بشخصك كما وقع في ذلك مدونين اخرين.

أتابع ويتابعون قصه كويتيه لعقل جميل.

ARTFUL said...

علشان أقرا الكلام الزين لووووول

ضحكتيني الله يقطع ابليسج

وعلى كلام مافي مقارنه بين الاتحاد ورابطه او جمعية
خلي الاتحاد قارني الجمعيات والروابط
راح تلاقينهم نفس الشي في تقارب بالأعمال

وعندي سؤال اللي عاجبه فكر الائتلافيه بس الموقف الزفت اللي سووه مو عاجبه؟

وخاصة ان الأشخاص اللي حرام نعتبرهم كويتيين ولّوا ومالهم رجعه؟؟

شسوي؟

تحياتي خيتووو

=D

Anonymous said...

يعني 5735 بما نسبته 51.10% من الذين صوتوا في الانتخابات حق الائتلافية ( الإخوان المسلمين ) مشتركين مع الإخوان بكل هالي تقولونه من انتهازية وطائفية إلى خيانة عظمى وبيع وطن !!

وإذا كلش كلش مو مشاركين عيل أغبياء وما يفتهمون .

أنا بعرف عندكم خيار ثاني غير التواطئ مع الإخوان ومشاركتهم بالجرائم أو الغباء والجهل وعدم الفهامية الي الله اختصكم فيها من دون 5735 طالب وطالبة من جميع شرائح الكويتيين وأصولهم وأعراقهم ومذاهبهم ؟!


ما يخالف ، ولو ان الكلام مثل ما قال العزيز بوسلمى يتكرر منذ 30 سنة تقريبا ، والواقع إن الله سبحانه وتعالى موفق الائتلافية ، إلا أننا ننتظر الحل المحجزة .

ونصيحة خله يكون في بالكم وانتوا تألفون الحل أن تقرون بفشلكم الذريع ونجاح خصومكم .

المشكلة ليست مثل ما كتبتم من افتراءات واتهامات لها أول مالها تالي ، المشكلة تكمن في أنكم بحسب صناديق الاقتراع ورأي الطلبة الصريح لستم أهلا لثقة الطلبة ولستم أهلا لقيادة الاتحاد .

وعلى ما تدلون الطريج احننا موجودين وراح نكون مستعدين مثل ما كنا طوال الثلاثين سنة الماضية .


والسلام

ARTFUL said...

هذا الملف الأسود يا اوخيتي
كل سنه يطلع ويقرونه الناس ولحد يحط له اعتبار

بس نفس ما طاحت الطب وهو ماسكينها صارلهم 20 سنه

ممكن السنه اليايه يطيح الاتحاد

بس عاد يبيله شغل

قعده وشغل أول اسبوع من الكورس الاول ما ينفع

وانا أحترم بعض كلام الطارق ، صج الائتلافيه ناس دالين طريج الفوز وعارفين يوصلون حق الناس ويخلونهم يصوتون لهم

شلون مادري بس عارفين ، والعيب فينا الي مو عارفين شلون نوصل وفي سنين وصلنا وضيعناها بيدنا

وانا احترم بالجامعه اللي يكون الخلاف بينه وبين القوائم الثانيه فكر وراي وهالسوالف ما يكون عداء شخصي نفس بعض الناس تلاقيهم صج يكرهون بعض

bo9ali7 said...

Angel
اتفق معاك

Anonymous said...

علي ليش مسحت تعليقي ؟